рики мартин – Kurir.mk

Рики Мартин се разведува од сопругот, еве каква одлука донеле по 6 години брак

Ивана Ефремовски — Thu, 06 Jul 2023 16:46:20 +0000

Рики Мартин и Џуан Јосеф се разведуваат по 6 години брак. -Одлучивме да ставиме крај на нашиот брак во љубов, почит и достоинство кон нашите деца, почитувајќи го сето она што го доживеавме како пар низ годините, објави парот во изјава за медиумите. Рики и Џуан ја имаат ќерката Лусија, родена во 2018 година и синот Рен, роден во 2019 година. -Нашата најголема желба е да продолжиме да имаме здрава семејна динамика и врска заснована на мир и пријателство, да продолжиме заедно да ги воспитуваме нашите деца, зачувувајќи ја почитта и љубовта што ја имаме еден кон друг, соопштија тие. Во 2008-ма година, Рики Мартин ги доби близнаците Матео и Валентино, кои продолжи да ги одгледува како самохран родител.

Рики Мартин сака “златен туш“, Ријана бара камшик – ова се фетишите на светските ѕвезди, некои ќе ве шокираат

Ивана Ефремовски — Thu, 18 Aug 2022 08:00:03 +0000

Познатите холивудски ѕвезди веќе не се толку затворени кога е нивниот сексуален живот во прашање, па со задоволство одговараат на различни прашања поврзани со него. Така некои од нив открија дека имаат и фетиши. Ријана еднаш рече дека е мазохист и дека сака да ја врзуваат и да ја камшикуваат. Таа не бега од споделување тајни од нејзината спална соба, па не и беше чудно да каже дека сака да биде повредена. Латино ѕвездата Рики Мартин откри дека сака да уринира врз својот сопруг Џван Јозеф. Како што рекол, ништо повеќе не го „пали“ отколку кога за време на секс може да го почести својот сопруг со „златен туш“. -Температурата на водата не е ни приближно топла како температурата на телото. Тоа е она што навистина ме пали. Обожавам да уринирам на него кога имаме секс, рекол тој. Кармен Електра призна дека сака да посетува секс продавници и да купува играчки, како лисици и други разни помагала. Од друга страна, актерката Скарлет Јохансон смета дека сексот во кревет е досаден, а таа сака тоа да го прави во автомобил. Лејди Гага, очекувано за многумина има различни фантазии. Како што еднаш откри, таа сака да носи секси костими и ужива да биде гризана и касана за време на сексот.

Внукот на Рики Мартин се откажа од тужбата за инцест

Ивона Петрова — Fri, 22 Jul 2022 06:55:53 +0000

Внукот на пејачот Рики Мартин, Денис Жадел Санчез се откажа од обвинувањата за инцест, а судијата ја укина привремената забрана за доближување. „Како што очекувавме, Судот не ја продолжи наредбата за привремена заштита. Тужителот му потврди на Судот дека неговата одлука за поништување на случајот е само негова, без никакво надворешно влијание или притисок. Ова никогаш не било ништо повеќе од случај со проблематична личност која дава лажни тврдења и наводи без апсолутни докази во нивна поткрепа. Драго ни е што нашиот клиент виде дека правдата е задоволена и сега може да продолжи понатаму“, се вели во соопштението на адвокатскиот тим на Рики Мартин. Претходно, внукот тврдеше дека тој и Рики имале седуммесечна сексуална врска, а откако таа завршила, Рики, според зборовите на внукот, почнал да го демне и тормози.

Рики Мартин обвинет за инцест: Му се закануваат 50 години затвор

Ристе Здравков — Sat, 16 Jul 2022 08:24:17 +0000

Рики Мартин е обвинет од неговиот 21-годишен внук за инцест. Доколку биде прогласен за виновен, може да се соочи со казна затвор до 50 години. На почетокот на месецов, на познатиот пејач му беше одредена забрана за приближување по обвинение за семејно насилство, но идентитетот на жртвата не е познат. Неговиот брат, Ерик Мартин, тогаш ја идентификуваше жртвата како внук на пејачот, Денис Јадиел Санчез, објави шпанската новинска агенција „Марка“. Рики Мартин е обвинет дека физички и психички го малтретирал Санчез за време на нивната седуммесечна врска, која завршила пред околу два месеци. Адвокатот на Мартин ги нарече наводите за злоупотреба „целосно лажни и измислени“. Судењето на Мартин е закажано за 21 јули во Порторико. Според порториканските медиуми, Мартин и Санчез раскинале пред два месеци, по седум месеци врска. Санчез тврдеше дека Мартин не го прифатил раскинувањето и бил виден како лута во близина на неговиот дом во најмалку три наврати. Тој исто така изјавил дека Мартин „конзумирал големи количини алкохол и дрога“. Адвокатите на пејачот ги отфрлија обвинувањата и подготвуваат одбрана против Санчез, за кого се вели дека неодамна го тужела една жена, откако тој наводно ја малтретирал и „и се заканил дека ќе и го уништи животот“. Адвокатскиот тим на Мартин изјави за „Дејли Мејл“ дека жртвата „се бори со длабоки проблеми со менталното здравје“ и целосно ги отфрлила „одвратните“ наводи. „Рики Мартин, се разбира, никогаш не бил – и никогаш нема да биде вклучен – во каква било сексуална или романтична врска со својот внук“, рече во петокот адвокатот Мартин Сингер. „Таа идеја не само што е невистинита, туку е одвратна. Сите се надеваме дека овој човек ќе ја добие помошта што итно му е потребна. Но, најмногу од сè, очекуваме овој ужасен случај да биде отфрлен веднаш штом судијата ќе ги погледне фактите.“ додаде тој. Ерик Мартин го повтори тврдењето на адвокатот, велејќи дека Санчез страда од „ментални проблеми“ и дека е „многу сигурен дека неговиот млад братучед не ја кажува вистината“. И претставникот на Мартин за медиумите потврди дека Санчез е биолошки братучед, оспорувајќи ги првичните информации дека внукот е дете на полубрат и сестра. Наредбата за забрана е потпишана на 1 јули, а од полицијата велат дека лицето што го поднело барањето не контактирало со нив, што имплицирало дека нема доволно докази за да се подигне обвинителен акт, туку барањето „отишло“ директно на суд. Порториканскиот закон многу сериозно ги сфаќа обвинувањата за инцест. Доколку се потврди наводната романса меѓу Мартин и Санчез, пејачот може да се соочи со 50 години затвор поради обвинение за инцест. На 3 јули, Мартин ги упати обвинувањата на Твитер, каде што ги окарактеризира наводите како „лажни“. „Бидејќи правната работа е во тек, во овој момент не можам да дадам детални изјави. Благодарен сум за безбројните пораки на солидарност и ги прифачам со цело срце“, додаде тој. Тој не даде дополнителни изјави во врска со наводите.

Рики Мартин ги отфрли наводите за семејно злоставување

Катерина Бојаџиева — Mon, 04 Jul 2022 12:06:52 +0000

Рики Мартин ги одрече наводите за семејно злоставување во последниот случај со судска забрана за доближување против него. Бидејќи барањето за забраната е поднесено според Законот за семејна злоупотреба на Порторико, официјално останува нејасно кој го поднел. Порториканскиот медиум „Ел Вочеро“ објави дека се работи за некој со кого Мартин се забавувал седум месеци. „Подносителот се плаши за неговата безбедност“, пишува „Ел Вочеро“, повикувајќи се на судската наредба. Портпаролот на тамошните органи на законот, Аксел Валенсија изјави дека властите го посетиле луксузниот кварт, во северниот крајбрежен град Дорадо, каде што пејачот живее, за да го предадат налогот, но „полицијата не успеала да го пронајде“ Рики Мартин. „Наводите против Рики Мартин кои водеа до налогот за заштита, се целосно лажни и измислени. Ние сме многу уверени дека кога ќе излезат вистинските факти за ова прашање, нашиот клиент Рики Мартин ќе биде целосно ослободен од обвинението“, изјави одбраната. Оваа вест доаѓа кога пејачот се соочува и со друга правна тужба, поднесена од неговата поранешна менаџерка – Ребека Дракер, која работела со Мартин од 2014 до 2018 година и повторно од 2020 до 2022 година. Таа тврди дека тој ѝ должи повеќе од три милиони долари за неплатени провизии. Дракер, исто така, наведува дека таа „ревносно го заштитила Мартин“ од „можноста за завршување на кариерата“ во септември 2020 година.

Рики Мартин ја откри тајната за убавиот изглед (ВИДЕО)

Ивана Ефремовски — Fri, 30 Jul 2021 10:51:01 +0000

Порториканскиот поп-пејач Рики Мартин за магазинот „Вог“ покажа какви производи користи за нега на кожата на лицето. Почнал со ова кога имал само 12 години, а му требало долго време за да ја открие рутината што најмногу му одговара. -Кога ќе влезете во пубертет, вашата кожа едноставно „полудува”. Тогаш морав и да се шминкам, што дополнително ја влоши состојбата. Навистина имав многу проблеми. На крајот морав и попосветено да се грижам за себе, вели Мартин . Сега 50-годшниот пејач користи алкална вода, влошки кои ги намалуваат подочниците, хидратантна крема и коцки мраз кои ја подобруваат циркулацијата на крвта во лицето. -Нанесете спреј од морска сол на врвовите на косата… Одам на турнеја со Енрике Иглесијас во септември. Ќе ми требаат 20 шишиња од овој спреј. Или – куфер, подобро кажано!, вели Рики. Според него, кога прво се грижиш за себе, тогаш потоа може да се грижиш и за сѐ друго. – Секогаш ставај се себеси на прво место!, нагласува на крајот. (МИА)

Рики Мартин драстично го промени изгледот – неговите фанови во шок: „Изгледаш како Дедо Мраз“(ФОТО)

Магдалена Андонова — Thu, 18 Feb 2021 11:12:28 +0000

Пејачот Рики Мартин своите 15 милиони следбеници ги изненади со својот нов изглед на Инстаграм. Вниманието на многумина го привлече со своите нови објави на својот профил. Рики, кој блескаше и ја запали светската музичка сцена во 90-тите години на минатиот век, собра над 14.000 коментари на фотографија со бела брада.

View this post on Instagram

A post shared by Ricky Martin (@ricky_martin)

„Изгледаш како Дедо Мраз“, му напишаа некои, додека други му ласкаа на ѕвездата. „Започнавте нов тренд“, заклучија тие. Рики позираше и со Греми што го доби за албумот Паус, но сето тоа падна во втор план поради неговата брада.

Рики Мартин со новата објава ги збуни фановите (ФОТО)

Ивана Ефремовски — Tue, 26 Jan 2021 09:25:20 +0000

49-годишниот пејач Рики Мартин со својата нова фотографија на Инстаграм ги изненади своите следбеници. Мартин ја избланширал својата брада, а многумина веднаш помислиле дека изненадно обелел. „Кога ти е здодевно, избланширај се“, напиша Рики во описот на фотографијата која собрала над 770.000 лајкови.

View this post on Instagram

A post shared by Ricky Martin (@ricky_martin)

Го скрши срцето на илјадници девојки кога призна дека е геј: Помина низ пекол поради славата, а денес има 4 дечиња

Ивана Ефремовски — Tue, 31 Mar 2020 11:06:32 +0000

Рики Мартин и денес е најпродаван музичар од шпанско говорно подрачје во САД, а освен со пеење се занимава и со глума. На музичката сцена како соло изведувач се појави во 1991-та година, а пред тоа беше во група. Енрике Мартин Моралес е роден на 24-ти декември 1971-ва година. Се стекнал со слава во бендот Менудо. За време на неговата кариера тој продал повеќе од 60 милиони албуми во светот.Тој исто така е основач на Фондацијата Рики Мартин која е непрофитабилна хуманитарна организација. На почетокот од својата кариера, Рики Мартин тврдел пред медиумите дека е вљубен во мексиканската ТВ водителка Ребека де Алба, со која имал непостојана врска цели 14 години и наводно да ја побара за жена, но со излегувањето на албумот „Life“ тој потврдил дека неговата врска со Де Алба е прекината. По ова, животот на Рики Мартин оди под микроскопот на медиумите и публиката, задирајќи во неговиот приватен живот и сексуалната ориентација. Сепак, тој ниту ги одбегнувал прашањата на новинарите, ниту пак одговарал на нив дека е хетеросексуалец, со што би ги запрел гласините дека е хомосексуалец. Пред да признае пред светот дека е геј, Рики беше широко познат како секс-симбол, а жените лудуваа по него. Во една прилика, тој рече дека никогаш не се подготвил за тежината на славата која ја имал и со текот на годините му станувало потешко да живее во лага. Тој затоа се осуди да признае дека е геј. Бидејќи постојано се чувствувал како нешто да крие, му било претешко да глуми... Тој отворено признал дека е геј во 2010-та година, две години откако неговите деца беа родени од сурогат мајка. „Со гордост можам да кажам дека сум среќен геј човек. Благословен сум“, рече пејачот, шокирајќи ги обожавателите ширум светот. Го претстави и своето момче, а среќната двојка во 2018 година објави дека се венчаат. Тие се горди родители на четири деца.

Енрике Иглесијас и Рики Мартин најавија заедничка турнеја

Катерина Бојаџиева — Thu, 05 Mar 2020 10:16:13 +0000

Енрике Иглесијас и Рики Мартин беа меѓу првите што ја издигнаа шпанско-јазичната поп-култура во светски феномен. За годинава, поточно за наесен, тие двајца најавија заедничка турнеја низ Северна Америка. Колумбискиот Греми-номиниран пејач Себастијан Јатра ќе настапи како најавувач на концертите. Турнејата започнува на 5 септември во Феникс, а ќе ги опфати и Хјустон, Лос Анџелес, Торонто, Монтреал, Њујорк, Мајами и многу други градови во САД и Канада. Ќе заврши на 30 октомври во Атланта. Билетите се пуштени во продажба денеска.