римац – Kurir.mk

„Rimac“ испорача уште две „Невери“ за американски колекционери (ФОТО)

Ристе Здравков — Wed, 21 Jun 2023 09:16:13 +0000

Еден месец откако се пофалиле со дури 23 рекорди во еден ден, „Rimac Automobili“ известува за уште две испораки на „Nevera“ во САД. Двата автомобили се испорачани на Флорида преку „Rimac Naples“, овластен дилер на произведувачот. Автомобилите се предадени на сопствениците на мала забава која ја разубавил лично Мате Римац. Подоцна се појавил и на саемот на суперавтомобили „The Event III“. Еден од домаќините на манифестацијата бил и „The Triple F Collection“, чиј сопственик Дејв Фрек и неговите синови Џордан и Џејсон се одлучиле за „Nevera“. Во колекцијата има околу 40 егзотични автомобили. Неговиот избор била потемна нијанса во таканаречена „Невера сина боја“ со бисерен ефект. Внатрешноста е двобојна, во две нијанси на сина. Втората „Nevera“ завршила во колекцијата „Ash Crest“, а станува збор за „Стратос сина нијанса“ со светлосини карбонски делови. Внатрешноста е со бела кожа со жолти шевови. Досега на американска територија се испорачани три примероци на „Nevera“. „Американскиот пазар одигра клучна улога во развојот и успехот на „Nevera“ и почестени сме што гледаме дека нашите автомобили се испорачуваат во колекциите на вистинските автомобилски ентузијасти“, рекол Мате Римац и ја најавил следната испорака на „Nevera“. Терминот е следната недела, а локацијата е Калифорнија.

Rimac Nevera собори 23 рекорди во еден ден

Ристе Здравков — Thu, 18 May 2023 08:51:08 +0000

Rimac Nevera продолжува да руши рекорди, а за само еден ден возење на тест патеката во Германија собори дури 23. Nevera беше возена во постројката за тестирање на автомобили во Папенбург (Automotive Testing Papenburg - ATP), каде што максимално ги искористи правците долги 4 километри. Претставници од Dewesoft и RaceLogic беа присутни на локацијата за независно да ги потврдат времињата и открија дека електричниот хиперавтомобил е всушност побрз отколку што се мислеше. На автомобилот беа пневматиците Michelin Cup 2 R, а од 0 до 60 милји на час со стандарден ролаут заврзуваше за 1,74 секунди, што е побрзо од „официјалните“ 1,85 секунди. Да речеме и дека хиперавтомобилот забрзувал од 0 до 100 км/ч за 1,82 секунди според RaceLogic или 1,81 секунди според Dewesoft. Ова го надмина времето кое го „пријавија“ од Rimac, а тоа е 1,97 секунди. Дополнително, треба да се истакне дека тестирањето се вршеше на обичен, неподготвен асфалт. Откако претходно тоа го навести првиот човек на компанијата Мате Римац, Nevera на тестот постави нов светски рекорд за најбрзо сериско возило кога станува збор за забрзување од 0 до 400 км/ч и застанување до 0 км/ч. Таа „работа“ електричното чудовиште ја заврши за 29,94 секунди, а за споредба, на Koenigsegg Regera му беа потребни 31,49 секунди за истата задача направена во 2019 година. Да речеме и дека Nevera носеше специјален „аутфит“ во чест на BMW M3 на Rimac, односно целосно електричната серија 3 генерација E30 од 1984 година, која постави неколку рекорди во 2012 година. Единаесет години подоцна, Мате може гордо да каже дека неговата Nevera достигнува 400 км/ч и застанува побрзо отколку што McLaren F1 забрзува до 350 км/ч и запира. Меѓу рекордите на Невера е и најкраткото растојание потребно за запирање при брзина од 100 км/ч, што е 29,12 метри според RaceLogic или 28,96 метри според Dewesoft.

Возачот на „Ferrari“ останал шокиран од забрзувањето на „Nevera“ на автопат (ВИДЕО)

Ристе Здравков — Fri, 24 Mar 2023 18:09:07 +0000

Видеото покажуваа колку всушност „Nevera“ е брз автомобил. На социјалните мрежи се шири видео кое на својот профил го споделил и Мате Римац со коментар „Бела Невера забележана во дивините на Калифорнија“, мислејќи на непреченото возење на автопатот во насока на Сан Хозе. Видеото е снимено од „Ferrari 458“, а во возењето друштво им прави и една хибридна „Acura NSX“. Адреналинот расте и само прашање на време е кога „ќе падне“ трка. Меѓутоа, работата во свои раце веднаш ја презема возачот на „Nevera“. Не грижејќи се многу за околниот сообраќај, а уште помалку за сообраќајните правила, притиснува на гасот. „Nevera“ буквално во секунда се одлепува од „Ferrari“ и „Acura“, кои едноставно не можат да ја следат. Младите возачи на спортските автомобили и покрај поразот се полни со воодушевување кон автомобилот на Римац. Покажувањето на мускули сепак не трае долго бидејќи „Nevera“ се исклучува од автопатот, а останатите учесници заклучуваат дека станува за нереален автомобил. „Ова е некое друго ниво“, вели возачот на „Acura“.

„Rimac Nevera“ ја изгуби титулата најбрз (ВИДЕО)

Ристе Здравков — Sat, 25 Feb 2023 12:43:24 +0000

Иако на хартија има нешто поконзервативни перформанси, братот на „Nevera“ се покажал како еднакво брз на патека. А за влакно урнал и еден рекорд. За потсетување, „Rimac Nevera“ го држеше рекордот во натпреварување во забрзување на четвртина милја од април 2021-ва година. Делницата долга 402 метри електричниот супер-автомобил ја мина (од почетна состојба на мирување) по само 8,58 секунди. Сега технолошкиот близнак се обиде да го направи истото. Станува збор за „Pininfarina Batista“, кој сега на патеката „Natrax“ во Индија постигна подобро време, но за одвај мерливи 0,03 секунди, пишува „Index“. Се обиделе да возат и половина милја, и постигнале време од 13,38 секунди. На успешниот обид за соборување на рекордот сведочеле новинари од „Autocar India“, додека зад воланот бил тест возачот Стефано Коста. Автомобилот бил стандарден во целост, вклучувајќи „Michelin Pilot Sport Cup 2 P“ гуми со кои доаѓа. „Pininfarina Batista“ собори уште два рекорди. Со максимална брзина од 358,03 км/ч, станал најбрз автомобил во Индија. Ренука Кирпалани возела со брзина од 357,1 км/ч, и така станала најбрза Индијка зад волан во историјата. Сепак, треба да се каже дека сите овие рекорди не ги потврди Гинисовиот комитет, туку домашниот „FMSCI“ (Федерација на клубови за мото-спортови во Индија), која е членка на „FIA“. Да споменеме и дека „Pininfarina Batista“ се склопува во Италија, а за секој примерок потребни се 1.250 работни часови. Како и „Nevera“, понудена е серија од 150 примероци, а почетната цена на автомобилот е повеќе од 2 милиони евра. Ова не е прв пат „Pininfarina Batista“ да „му зема мерка“ „Rimac“. Така кон крајот на минатата година соборила рекорд за забрзување до 100 и 200 километри на час, а поставила и рекорд во конкуренција на сериски електрични автомобили по пат со стопирање. Тогаш „Pininfarina Batista“ достигнал 100 км/ч за 1,86 секунди, 200 км/ч за 4,75 секунди, а сопрел при 100 км/ч по 31 метар.