Ринго Стар – Kurir.mk

Ринго Стар заразен со Ковид-19

Ивона Петрова — Tue, 04 Oct 2022 08:02:16 +0000

Рок-ѕвездата Ринго Стар (82) објави дека откажува неколку концерти од својата турнеја поради болест. Западните медиуми пишуваа дека, многу веројатно, се работи за Ковид-19, па сега е и потврдено дека поранешниот член на „Битлс“ е позитивен на коронавирус. „Потврдено е дека Ринго Стар има корона и поради тоа турнејата ќе биде одложена додека тој не закрепне. Ринго заздравува дома и се надева дека ќе се врати на настапите што е можно поскоро“, соопштија неговите менаџери. Откажани се шест настапи во Канада, закажани од 2. до 9 октомври. Познатиот музичар, како и многумина кои се заразија со коронавирусот, направил неколку тестови и неколкупати бил негативен, а дури потоа добил потврда дека ја има болеста.

ВИДЕО: Ринго Стар го прослави својот 80. роденден со специјално шоу

Тале Кристо — Wed, 08 Jul 2020 09:06:30 +0000

Поп-рок легендата Ринго Стар го прослави својот 80. роденден со видеонастап во живо на интернет. Овојпат, тоа мина без другиот член на поранешната група „Битлс“ – Пол Макартни. Стар обично своите родендени ги прославува со концерти пред своите обожаватели, но корона-пандемијата го направи годинешниот јубилеј малку поинаков. – Оваа година не е баш најдобра за таква забава. Овојпат тоа ќе мине во кругот на најблиските. И, ќе ја почитуваме физичката оддалеченост, им рече славниот тапанар на своите интернет-обожаватели пред да ги почести со неколку хитови од „Битлс“. Другиот преостанат од славната „четворка од Ливерпул“, Пол на Твитер му го честита роденденот на Ринго: „Среќен роденден, Ричард! Ти посакувам незаборавен ден, стар мој пријателе.“ (МИА)

Фановите на „Битлс“ ќе уживаат во ова видео: Настап на Пол Макартни и Ринго Стар (ВИДЕО)

Ивана Ефремовски — Mon, 15 Jul 2019 07:56:38 +0000

Двајцата живи членови од легендарната поп-група „Битлс“, Пол Макартни и Ринго Стар со заеднички настап синоќа во Лос Анџелес го одбележаа крајот на светската турнеја на Макартни, „Freshen Up“. Стар беше специјалното изненадување на концертот. Дуото се прегрна, разменија неколку зборови, по што Ринго се упати кон тапаните и заедно ги изведоа хитовите „Sgt. Pepper’s Lonely Hearts Club Band” и „Helter Skelter”. (МИА)