рио – Kurir.mk

Формула 1 се согласи за трка во Рио

Магдалена Андонова — Wed, 07 Oct 2020 11:51:10 +0000

Формула 1 и организаторите на трката во Рио де Жанеиро постигнаа договор. Шефот на шампионатот Чејс Кери испрати писмо со потврда до гувернерот на државата Рио де Жанеиро, објави „О’Диарио“. Во него се вели дека Ф1 е подготвен да додели Гран при на новата патека веднаш штом добие одобрение од властите. За да се потврди трансферот на сцената, потребна е дозвола од комисиите кои се одговорни за животната средина. Од која година бразилското „Гран при“ ќе го напушти Сао Паоло, сè уште не е пријавено. (МИА)

Коронавирусот го откажа и Карневалот во Рио

Ивана Ефремовски — Fri, 25 Sep 2020 07:41:06 +0000

Училиштата за Самба во Рио де Жанеиро, Бразил, одлучија да го одложат познатиот карневал, кој требаше да се одржи во февруари 2021 година, поради пандемијата на коронавирусот. Нов датум за одржување на фестивалот, не е објавен, но од училиштето Лиеса соопштија дека тоа зависи од вакцината. -Многу е тешко да се има карневал без вакцина. Нема шанси карневалот да се одржи во небезбедни услови… Сепак, свеченоста ќе може да се одложи најдоцна до јануари 2022 година, за да не се наруши следниот карневал, рече претседателот на Лиеса, Жорже Кастањеира. Вообичаено, 13 бразилски училишта за самба дефилираат за време на карневалот на Самбодром пред околу 90.000 жители на Рио, но и пред многу туристи од целиот свет. Датумот се менува секоја година во зависност од римокатоличките големи пости. Првиот случај на коронавирус во Бразил е регистриран на 26 февруари, ден по крајот на годинешниот карневал. Натпреварувачката традиција своите почетоци ги има во 1930-тите. До тогаш, карневалот се одржувал на улица. Последен пат свеченоста беше одложена за два месеци, во 1912 година поради смртта на тогашниот министер за надворешни работи. Во Втората светска војна, прославите беа откажани. (МИА)

Рио ќе ги отвори плажите кога ќе се најде вакцина против коронавирусот

Тале Кристо — Fri, 10 Jul 2020 07:09:55 +0000

Популарните плажи во Рио де Жанеиро официјално ќе бидат отворени за пливачите дури кога ќе се најде вакцина против коронавирус, изјави градоначалникот Марсело Кривела. Во моментов, плажите во Рио се отворени за вежбање и спортови на вода, иако во последните неколку викенди правилата честопати беа прекршени. Многумина не носат маски и ги кршат правилата за физичко растојание. – Онаму каде што не се носат маски, намерата е да се вратиме кога ќе има вакцина или кога заразата ќе дојде на нула, рече Кривела. Според него, маските не се носат на плажа и нивото на зараза се зголемува. Бразил е втора најпогодена земја од пандемијата на коронавирус по САД и има повеќе од 1,7 милиони заразени.

ГАЛЕРИЈА: Убавата Лима ја зафати карневалско лудило во Рио

Ивана Ефремовски — Wed, 14 Feb 2018 18:13:18 +0000

Адријана Лима отпатува во Рио де Жанеиро за да биде дел од карневалското лудило. Убавицата ги засени сите, па колку што се гледаше во извонредните маски, толку очите беа вперени кон неа. 36-годишниот ангел на Victoria's Secret танцуваше и се забавуваше со своите колешки Лаис Рибеиро, Џасмин Тукс и Барбара Фиало. На почетокот на вечерта таа изгледаше одлично, танцуваше и се забавуваше. Колку лудо си помина, говорат фотографиите на кои целосно се расипани нејзината шминка и фризура, но сепак Лима и во ова издание е прекрасна.