Ристе Ристески – Kurir.mk

ПО СКАНДАЛОТ: Теа Таировиќ во Швајцарија заминува со ОВОЈ македонски пејач, сцената ќе “гори“

Ивана Ефремовски — Fri, 02 Dec 2022 13:44:50 +0000

Харизматичното момче кое со своето прво појавување на „Ѕвездите на Гранд“ ја воодушеви целата балканска публика и го освои срцето на сите членови на жирито, Ристе Ристески во сабота на 3-ти декември после цели 6 години повторно ќе одржи заеднички концерт на истата гламурозна сцена со својата атрактивна колешка Теа Таировиќ во Швајцарија. -Навистина е прекрасно после неколку години повторно да ги видиме на иста сцена, двајцата се млади, талентирани и успешни музичари, за нивните настапи се бара билет повеќе. Во сабота (3ти декември) не очекува вистински спектакл! Музика и шоу какво што подолго не сме виделе. Во нашиот клуб сите сте добредојдени, велат организаторите на концертот. Поминати се шест години, но македонската јавност одлично се сеќава на скандалозната одлука која во месец август 2016-та година ја донесоа челниците на најголемата и најмоќна продукција во регионот, продукцијата „Гранд“. Имено, пред стартот на сезоната 2016/2017 на „Ѕвездите на Гранд“, менаџерскиот тим на нашиот маестрален Ристе Ристески преку соопштение до јавноста ги извести засегнатите страни дека се откажани сите закажани настапи во клубовите ширум Европа, како и сите гостувања во телевизиски и радио емисии во наредните 4 месеци поради ексклузивен договор со најреномираната и најголема дискотека „Палма“ во Швајцарија. Тогашните сопственици на дискотеката по секоја цена сакале да го забранат појавувањето на Ристе Ристески во конкурентските локали. Во тие месеци друштво на сцената во Швајцарија му правеше токму Теа Таировиќ, а јавноста имаше можност да го види како специјален гостин на неколку мега концерти, меѓу кои и на Аца Лукас во Виена, Австрија.

ФОТО: Ристе Ристески ја избричи главата- причината ќе ве изненади!

Катерина Бојаџиева — Sat, 20 Aug 2022 14:00:15 +0000

Популарниот македонски поп пејач, Ристе Ристески, ја избричи главата и целосно го промени својот имиџ. Имено, новата промена на имиџот која ќе ја забележат неговите фанови е последица на интервенцијата која неодамна ја направи во Турција. Станува збор за мега популарното пресадување на коса кое веќе го имаат направено најголемите ѕвезди од регионот, но за разлика од нив, Ристе не сака да крие и ветува дека ќе одговори на секое прашање поврзано со оваа тема. - Пред да се решам за пресадување коса гледав еден куп видеа и тоа ми изгледаше навистина страшно, но целата интервенција се заврши во неколку часа без никаква болка. Да знаев дека е толку едноставно и брзо, порано ќе ја направев. Првите 10 дена ми е забрането да излегувам на сонце и да тренирам, но после тоа се враќам на вообичаениот животен стил. Со мојата публика се гледаме многу скоро, нивната енергија најмногу ми фали, вели Ристе Ристески. Пресадувањето коса е процес кој кај некои пациенти трае и до 12 месеци. Првите резултати се гледаат во четвртиот месец, а веќе во седмиот месец косата ја добива посакуваната густина и облик.

Македонскиот пејач се соблече и најде начин да ужива во снегот (ВИДЕО)

Ивана Ефремовски — Tue, 30 Nov 2021 11:48:43 +0000

Македонскиот пејач Ристе Ристески најде начин да ужива во снегот. Тој живее во Охрид, а таму денес е снежна идила. Изгледа дома му е топло, па одлучи да се соблече. Македонскиот талент се воодушевуваше на снегот гледајќи го преку прозорецот додека пие топол напиток.

@riste_risteskiSay hello to first snow.. ❄️☃️ #snowday #snow #raining #risteristeski #fit #fypシ #fypシ ♬ Good Morning - Kanye West

Талентираниот Ристе со емотивна изведба на песната на Тоше Проески (ВИДЕО)

Ивана Ефремовски — Wed, 03 Mar 2021 16:09:07 +0000

Победникот на најгледаното регионално музичко шоу „Ѕвездите на Гранд“ и ексклузивец на продукцијата „Гранд“, Ристе Ристески ги изненади своите фанови со нови музички видеа кои ги снима во домашна атмосфера. Прва песна која ја отпеа во низата е „Као у сну“ од Тони Цетински, па продолжи со големиот хит „Место на злосторот“ од нашата непреболена легенда Тоше Проески, но доколку го следите неговиот Инстаграм профил многу наскоро ќе слушнете уште неколку големи хитови во негова изведба. Што се однесува до авторскиот материјал, Ристески веќе има готови студиски песни на македонски и српски јазик чие објавување беше одложено поради светската пандемија предизвикана од новиот корона-вирус. Во продолжение уживајте неговата емотивна изведба на песната „Место на злосторот“.

View this post on Instagram

A post shared by Riste Risteski (@riste_risteski)

Македонскиот победник на „Ѕвездите на Гранд“ работи со полна пареа: Ристе подготвува изненадување за публиката

Ивана Ефремовски — Fri, 22 Nov 2019 11:59:41 +0000

Популарниот македонски пејач за чиј настапи се бара билет повеќе, харизматичниот Ристе Ристески деновиве престојува во Сараево, Босна и Херцеговина, каде што ја снима својата нова песна. После „Добро јутро тајно“, „Неизлечиво“ и „Како ли се она зове“, пејачот во студиото „Ал Мјузик“ подготвува уште една одлична песна која има тенденција да стане вистински хит. Нејзин автор е токму маестралниот Амил Лојо. -Во Сараево дојдов да ги испочитувам моите пријатели кои ме поддржуваат уште од самиот почеток, да уживам на кратко во овој прекрасен град, но тука сум и за да ја снимам мојата нова песна која ја правам заедно со Амил Лојо. Мислам дека имаме добитна комбинација. Периодов покрај бројните настапи во Белград, каде што живеам, напорно работам на нов материјал и едвај чекам зелено светло од мојот тим за да можам да ги споделам информациите со јавноста, раскажува Ристески. Откако во 2017 година се закити со титулата прв македонски победник на најголемото регионално музичко шоу „Ѕвездите на Гранд“ и потпиша ексклузивен договор на 9 години со продукцијата „Гранд“, на Ристе Ристески секој викенд му е букиран, настапи најчесто има во Белград каде што и живее, но често знае да замине и за Италија, Швајцарија и Австралија, каде што имаше и турнеи.

Пристигна голем хит за ова лето: Ристе Ристески со нова песна, одличен спот на пејачот со згодни девојки (ВИДЕО)

Ивана Ефремовски — Thu, 06 Jun 2019 09:56:24 +0000

Популарниот македонски пејач и ексклузивец на „Гранд продукција“, Ристе Ристески ја објави својата трета студиска песна со наслов „Како ли се она зове“ заедно со видеозапис на својот официјален Јутјуб канал. Зад новата песна како автор на музиката и аранжманот се потпишува Павле Радуловиќ, додека текстот го напиша Гордана Гвозденовиќ. Екранизацијата и овој пат и беше доверена на белградската филмска продукција „Ројал филмс“. - Песната ми се допадна уште при првото преслушување во студио и веднаш ја снимив, но чекав да се стопли за да можам да снимам соодветен видеозапис. Имам снимено повеќе песни кои се во завршна фаза и еве можам да најавам дека во наредните месеци ќе промовираме многу нови проекти, вели Ристе Ристески. Во продолжение погледнете го видеозаписот за темата „Како ли се она зове“ на Ристе Ристески.

Милица Тодоровиќ му фрли око на Ристе Ристевски (ВИДЕО)

Дарко Андоновски — Tue, 26 Mar 2019 11:06:27 +0000

Охриѓанецот Ристе Рисетски сите го паметиме по неговото учество во музичкото шоу „Ѕвездите на Гранд“, каде пред 2 години ја однесе победата. Од пред неколку месеци Ристе се пресели да живее во Белград со цел да ја гради својата музичка кариера. Ристе неодамна ја издаде својата втора песна „Неизлечиво“, а деновиве гостува по емисии и телевизии каде ја промовира песната. Така, овие денови Ристе беше гостин во емисијата „Хало хало“, на „Гранд“. Покрај Ристе во емисијата гости беа и Ивана Павковиќ, Небојша Војводиќ и Милица Тодоровиќ. Во најавата водителката го нарече Ристе како победник и дека сега е многу позгоден. Македонецот откри дека оди често во теретана и дека ослабел за да им парира на убавите девојки, на што се надоврза Милица Тодоровиќ и го праша дали сака да и биде зет. „Сакаш ли да ми бидеш зет? Слободна е сестра ми, помладата. Културен, фин, ми се допаѓа за зет..“ се пошегува пејачката во нејзин стил. Ристески имаме прилика често да го гледаме и во друштво на неговите колеги од „Ѕвездите на Гранд“, но и во друштво на Катарина Живковиќ. Дали Ристе ќе ја најде љубовта во соседна Србија и ќе стане српски зет останува да видиме.

Ристе Ристески со нова песна: Слушнете ја „Неизлечиво“ (ВИДЕО)

Ивана Ефремовски — Fri, 08 Mar 2019 12:40:39 +0000

Единствениот македонски победник во „Ѕвездите на Гранд“ и ексклузивец на продукцијата „Гранд“, Ристе Ристески ја објави втората студиска песна со наслов „Неизлечиво“ заедно со видеозапис на својот официјален Јутјуб-канал. На песната „Неизлечиво“ работеше тим во состав: Милан Раѓен (музика и аранжман), Дивна Миловановиќ (текст), Саша Радојевиќ – Жуле (тапан), Петар Трумбеташ (гитари и бузуки), Ељез Шабани (кларинет) и Ивана Селаков (пратечки вокали). Видеозаписот се снимаше во луксузната белградска вила „Рококо“ во режија на филмска продукција Ројал Филмс.