Ристо Манчев – Kurir.mk

Манчев: Општина Босилово ја наследив во тешка состојба и големи долгови, но со домаќинско работење имаме тренд на намалување

Тале Кристо — Fri, 16 Dec 2022 17:31:37 +0000

Повеќе инвестиции за изградба на патната инфраструктура ќе биде фокусот во работата на Општина Босилово во идната 2023 година. Ова го изјави градоначалникот на Општина Босилово, Ристо Манчев на регионалната средба на градоначалниците од Југоисточниот регион од редовите на ВМРО-ДПМНЕ. - Општината ја затекнав во исклучително тешка финансиска состојба, каде минатата година Општината имаше долг од околу 400.000 евра, 300.000 евра долг имаше комуналното јавно претпријатие „Огражден“ и околу 100.000 евра долг на основните училишта. Во моментов долговите бележат тренд на намалување и покрај тоа што се соочуваме со инфлација и една тешка економска и енергетска криза. За наредната 2023 година, Манчев истакна дека имаат готови или е во завршна фаза 11 проекти со кои ќе се изградат нови локални патишта или рехабилитираат дел од постоечките. - Во идната 2023 година ќе имаме изградба на 4 локални патишта со поддршка на Светската банка, каде ќе се изградат патиштата Еднокуќево - Босилово, крак Иловица, како и крак Штука. Во соработка со Центарот за развој на Југоисточниот плански регион ќе биде изградена пешачка патека во должина од 1 километар, на брегот на реката Струмица во населено место Босилово. Во соработка со општина Ново Село и Центарот за развој на Југоисточниот плански регион ќе биде изграден локалниот пат Бориево-Колешино во долина од околу 4,5 километри, додека преку Програмата за прекугранична соработка ќе бидат бетонирани 2 одводни канали, еден во село Босилово и еден во село Бориево – додаде Манчев. Регионалната средба беше организирана од страна на Комисијата за локална, Комисијата за инфраструктура, урбанизам и транспорт и Комисијата за финансии при ВМРО-ДПМНЕ.

Манчев: Граѓаните имаа прилика и ни ја искажаа нивната визија за развој на Општина Босилово

Ристе Здравков — Sun, 11 Dec 2022 14:16:31 +0000

Денес и вчера во Општина Босилово реализиравме "Отворен ден за идеи". Граѓаните имаа прилика и ни ја искажаа нивната визија за развој на Општина Босилово и конкретни предлози за реализација на проекти во идната 2023 година, објави на Фејсбук градоначалникот на општина Босилово, Ристо Манчев. -На отворениот ден присуствуваа и советници од Општина Босилово, Претседателот на Советот на општина Босилово, Мито Андонов и пратениците во Собранието на Република Македонија Јадранка Поцкова и Ангелина Петкова. Општина Босилово останува отворена општина и секоја идеја, предлог и сугестија, во секое време е добредојдена, истскна Манчев.

Околу 150 барања пристигнале до Комисијата за проценка на штети во Општина Босилово

Ивона Петрова — Fri, 24 Jun 2022 12:11:31 +0000

Околу 150 барања пристигнале до Комисијата за проценка на штети од елементарни непогоди при Општина Босилово по невремето проследено со град кое ја зафати мината недела и предизвика штета на посевите. Според градоначалникот Ристо Манчев, најмногу штети има во атарите на селата Сарај и Гечерлија на посевите на отворено. – Комисијата веќе излегува на терен и се прават првите проценки и согласно на тоа на крајот ќе знаеме колкава е штетата и според нашите надлежности ќе постапиме понатаму, рече градоначалникот Манчев. Додава дека граѓаните најмногу штети пријавиле кај пиперката од сортата „куртовска капија“, зелка, пченка и други култури, но имало и големи штети и кај овошните насади.

Манчев: Исчистени најмалку 10 депонии и започната акција на пошумување, Босилово започна да наликува на модерна и чиста општина

Катерина Бојаџиева — Wed, 02 Mar 2022 13:31:19 +0000

Голема е честа, но уште поголема е одговорноста да се извршува функцијата Градоначалник на општина Босилово. Одговорноста е голема затоа што потребите, барањата и очекувањата на граѓаните се големи, а нашите реални можности се ограничени. Но, тоа не не демотивира, напротив, дополнително не мотивира да го вложиме целиот свој капацитет, целото свое знаење и заедно со граѓаните да изградиме модерна и економски развиена општина Босилово, истакна Ристо Манчев, градоначалник на општина Босилово при своето обраќање на регионалниот отчет „Промени што носат иднина - 100 дена локална власт отчет на ВМРО-ДПМНЕ“. Манчев додаде дека во изминативе 100 дена заедно со својот тим успеале да реализираат 6 поголеми и поголем број на помали проекти, два проекти се во фаза на изградба, а за два е потпишан договор и се очекува нивна реализација во наредниот период. „Конкретно, во изминатите 100 дена во општина Босиловосе реализираа следниве 6 поголеми проекти: • Изградба - асфалтирање на улица во населено место Дрвош во должина од 560 метри; • Изградба - асфалтирање на улица, со потпорен ѕид, во населено место Моноспитово, во должина од 650 метри и ширина на коловозот од 4 метри; • Изградба на бунар со пумпна станица, за водоснабдување на населено место Дрвош; • Изградба на пропуст во Иловица во должина од 30 метри; • Чистење на најмалку десетина диви депонии за отпад на територијата на општина Босилово; • Чистење на одводен канал во Босилово и санирање на дел од критичните точки на река Струмица“, појасни Манчев. Манчев посочи дека во изминатите 100 дена, општина Босилово започна со изградба на повеќенаменско спортско игралиште во Моноспитово и во Робово. Изградбата на двете повеќенаменски игралишта се очекува во најбрзо време да биде завршена. „Покрај наведеното, можам да кажам дека во општина Босилово во изминатите 100 дена се реализираа поголем број на помали, но секако важни проекти за граѓаните на општина Босилово, а тоа се: - Тампонирање на улици и локални патишта во повеќе населени места; - Изградба на септичка јама и одводна мрежа во градинката во Босилово, партерно уредување на дворот и секако обезбедување на дополнителна опрема и инвентар во градинката; - Опремување и уредување на кабинети по природни науки во основното училиште „Кирил и Методиј“ – Иловица; - Реновирање на простории за пензионерите во Турново; - и многу други помали проекти“, рече Манчев. Манчев укажа дека во изминатите 100 дена, се започна и со реорганизација на локалното комунално претпријатие, каде има значително подобрување на јавната чистота, осветлувањето, замена и одржување на урбаната опрема, одржување на сообраќајната инфраструктура, итн. Иако комуналното претпријатие се затекна во една потешка финансиска состојба, со големи обврски и неисплатени плати, Манчев може да каже дека и во комуналното претпријатие има тренд на подобрување на состојбите, но секако чесно е да се каже дека состојбата во комуналното претпријатие сеуште е многу тешка. „Како градоначалник на општина Босилово, улогата на локалната самоуправа, не ја гледам само во изградба на инфраструктурата. Локалната самоуправа треба да учествува во процесот на градење на општествени вредности и ова е многу важно за развојот на нашите општини. Затоа во изминатите 100 дена општина Босилово беше партнер и поддржувач во организација на голем број на јавни настани и манифестации: - Акција за пошумување; - Крводарителска акција; - Хуманитарна акција за помош на ранливи групи; - Кампања за безбедност во сообраќајот; - Турнир во мал фудбал; - Проекција на филмови; и други настани и манифестации, истакна Манчев. Манчев на регионалниот отчет посочи дека 100 дена од новата локална самоуправа поминаа. Во наредниот период се продолжува со работа, труд и посветеност. Во овие 100 дена, веќе се направија првите чекор, се продолжува понатака. Чесно, транспарентно, домакински и одговорно.

Манчев: Изградбата на бунар со пумпна станица за водоснабдување на населено место Дрвош е завршена

Дарко Андоновски — Sat, 11 Dec 2021 14:12:16 +0000

Градоначалникот на Босилово, Ристо Манчев преку статус на Фејсбук пишува дека во населеното место Дрвош е завршена изградбата на бунар со пумпна станица. -Изградбата на бунар со пумпна станица за водоснабдување на населено место Дрвош е завршена. Вкупната вредност на инвестицијата е 3.557.211 денари од кои 3.000.000 денари се обезбедени од Министерството за транспорт и врски а 557.211 денари ќе бидат обезбедени од општина Босилово. Оваа е само прв чекор кон решавање на проблемот со водоснабдувањето во Дрвош.

КУРИР ИНТЕРВЈУ: Манчев со низа проекти ќе го направи Босилово модерна и развиена општина

Ивана Ефремовски — Wed, 10 Nov 2021 12:10:28 +0000

Градоначалникот на општина Босилово, Ристо Манчев веднаш по превземањето на функцијата се фати за работа. Во интервју за КУРИР открива кои се неговите приоритети и какви проекти ќе реализира за своите сограѓани. КУРИР: Пред да ја донесете одлуката да се кандидирате за градоначалник оценивте дека Босилово не се развива со потребната динамика и интензитет, а во некои области дури и назадува. Сега, откако ја презедовте функцијата што си поставивте како Ваш приоритет? Манчев: За да може општина Босилово да биде модерна и развиена општина, неопходно е истовремено и паралелно да се дејствува во повеќе области. Спортот, културата, образованието, екологијата се области кои беа целосно запоставени во изминатиот период и на кои ќе се посвети сериозно внимание во наредниот период. Меѓутоа како приоритети се издвојуваат решавањето на проблемот со водоснабдувањето, дивите депонии и јавната хигена и подобрување на инфраструктурата во општината. Сите овие проблеми не може да се решат преку ноќ, но работиме посветено и ангажирано и за неколку месеци граѓаните ќе ја почувствуваат разликата. КУРИР: Лидерот на ВМРО-ДПМНЕ, Христијан Мицковски на сите градоначалници им препорача да започнат со реализација по 3 капитални проекти во првите 100 дена. Кои ќе бидат вашите? Манчев: Во првите 100 дена во општина Босилово ќе бидат реализирани неколку проекти и тоа: изградба на локални улици во должина од околу 1200 метри, изградба на две спортски игралишта, изградба на пумпна станица за водоснабдување во населено место Дрвош, што претставува само прв чекор кон решавање на проблемот со водоснабдувањето во оваа населено место, а ќе започне и процесот на изградба на водоснабдителен систем во Гечерлија. Правиме големи напори во овој период да започне и реконструкција на локалниот патен правец Еднокуќево- Босилово кој што сега е во многу лоша состојба и кои што мора да биде брзо реконструиран. КУРИР: Една четвртина од граѓаните на општина Босилово немаат вода за пиење, што е срамно за 21 век. Какви проекти имате во програмата за решавање на овој голем проблем? Манчев: Проблемот со водоснабдувањето е горлив проблем во повеќе населени места во општина Босилово. Како што веќе потенцирав, во населено место Дрвош, изградбата на бушотина со пумпна станица е во завршна фаза, но оваа е само прв чекор, понатаму ќе продолжиме со изградба на останатите сегменти од водоснабдителниот систем во Дрвош. Наредниот период ќе започнеме со изградба на водоснабдителен систем и во Гечерлија, но најсложен е проблемот со браната Иловица и решавањето на овој проблем во населените места Иловица и Штука. Во моментот започнавме акција за елиминирање на нелегалните приклучоци на вода, но оваа е само еден мал дел од проблемот. Неопходно е да се изгради нова водоводна мрежа, а уште посуштински е да се обезбедат дополнителни количини на вода во браната и да се подобри квалитетот на водата во браната. Моменталниот квалитет на водата во браната е многу лош и самиот процес на преработка на водата е тежок и скап а во летниот период има и голем недостаток на вода. Веќе покренавме одредени иницијативи оваа прашање да се издигне на повисоко ниво и да започне процесот на решавање на овој проблем бидејки оваа претставува многу сериозен проблем а досега не се преземени никакви мерки во насока на негово решавање. КУРИР: Какви проекти планирате да реализирате за младите во општина Босилово? Манчев: Младите мора да бидат активно вклучени во креирање на општествениот живот во Босилово. Затоа ќе го ставиме во функција локалниот младински совет преку кои младите ќе може активно да креираат политики и мерки на локално ниво и преку кои ќе учествуваат во реализација на повеќе домашни и меѓународни проекти. Општествениот активизам во Босилово мора да го издигнеме на многу повисоко ниво. За таа цел ќе бидат организирани повеќе акции и манифестации од различни области – екологија, култура, спорт и др. а паралелно со тоа работиме и на подобрување на инфраструктурата како што е изградба на спортски игралишта, а исто така просторните капацитете на објектите кои што се во сопственост на општината ќе бидат подготвени и ставени во функција на поддршка на невладините и младинските организации и младинските иницијативи кои ќе бидат покренати во општина Босилово.

Манчев: Решавање на проблемите со водоснабдување, дивите депонии и јавната хигиена, земјоделците ќе ни бидат приоритет

Тале Кристо — Sun, 10 Oct 2021 18:14:54 +0000

Ристо Манчев кандидатот од ВМРО-ДПМНЕ за општина Босилово, на денешниот митинг таму, истакна дека нуди програма која е остварлива со многу работа, според која ветува дека ќе ги реши проблемите со водоснабдување, дивите депонии и јавната хигиена, а земјоделците ќе му бидат приоритет. Манчев рече дека сега повеќе од било кога порано, се потребни промени, затоа што Република Македонија не само што не оди напред, туку и назадува во многу области, затоа што денес граѓаните не живеат подобро од порано, затоа што секојдневно, во континуитет, се рушат темелите на македонската државност. -Доаѓа време на промени, доаѓа време на нова надеж, време на новата генерација политичари која ќе има последна можност да ја врати довербата, честа, достоинството и гордоста на македонскиот народ. Македонија мора да продолжи напред и да се развива, затоа што македонскиот народ тоа го бара и тоа го заслужува, порача Манчев од митингот. Тој исто така истакна дека изминатите четири години во општина Босилово не е реализиран ниту еден крупен инфраструктурен проект, не е изграден ниту еден локален пат коишто поврзува две или повеќе населени места во општината. -Промени, во општина Босилово се потребни, затоа што не е изграден ниту еден метар на канализациона мрежа во ниту едно населено место во општината, отпадните води не се третираат на ниеден начин, а јавната хигиена е под секое прифатливо ниво. Комуналниот отпад и дивите депонии, станаа грда слика на сите населени места во општина Босилово. Промени во општина Босилово се потребни затоа што една четвртина од граѓаните на општина Босилово немаат чиста и доволни количини на вода за пиење, истакна Манчев. Манчев вели дека програмата за работа, која што пред четири години беше ветена од страна на актуелниот градоначалник Зоран Зимбаков, повеќе од 80 проценти не е реализирана. -Затоа ние на овие избори, нудиме програма, која е реална и остварлива и опфаќа реализација на проекти во повеќе области и во сите населени места во општина Босилово. Програма, која дава решенија за најголем дел од проблемите кои ги мачат граѓаните, рече тој. Тој ги посочи главните приоритети за општината за кои гарантираше реализација: - Решавањето на проблемот со водоснабдувањето; - Решавање на проблемот со дивите депонии и јавната хигиена; -Решавањето на проблемот со отворените одводни канали; -Mодернизација и реорганизација на Јавното претпријатие за комунални дејности „Огражден„ кое сега е пред тотален колапс, потонато во долгови и нула инвестиции во нова опрема и возен парк; -Започнување со процесот на изградба на канализациона мрежа во повеќе населени места во општина Босилово; - Изградба на тротоари, сообраќајна инфраструктура и подобрување на безбедноста во сообраќајот. Општина Босилово, мора рамномерно и еднакво да се рaзвива. Мора да се инвестира подеднакво во сите населени места, градоначалникот треба да биде човек кој се грижи подеднакво за секој поединец и за секое населено место во општината. Мојата визија е општина Босилово да биде модерна и економски развиена општина. Носители на развојот на општината ќе бидат малите и средни претпријатија и индивидуалните земјоделски производители. Ќе ги поддржувам локалните бизнисмени во реализацијата на нивните инвестициски планови затоа што развојот на општина Босилово е тесно поврзан со развојот на локалниот бизнис сектор, истакна Манчев. Тој вели дека ќе биде најголемиот поддржувач и партнер на земјоделците, а плодните земјоделски површини кои се извор на егзистенција на најголем дел од граѓаните на општина Босилово, ќе биде приоритет во работата на новата локална самоуправа. Ќе инвестираме во одржување на полските патишта, редовно ќе ги чистиме одводните атмосферски канали, ќе им помагаме на земјоделците во изработка на проекти и апликации за користење на средства од домашни и меѓународни програми кои подржуваат проекти во земјоделството и руралниот развој, истакна Манчев и ги повика граѓаните на Босилово да гласаат за промени и иднина, со заокружување на бројот 7 на 17-ти октомври.

Манчев: Создаваме нова иднина за Босилово- Ќе изградиме водоводна и канализациона мрежа на места каде е потребно и ќе ги дислоцираме дивите депонии

Катерина Бојаџиева — Mon, 04 Oct 2021 11:01:03 +0000

Заедно, во наредните четири години, можеме да ја направиме општина Босилово, чиста, модерна, уредена и развиена европска општина. Имаме програма, која што e реална и остварлива и која нуди решенија за најголем дел од проблемите кои што ги мачат граѓаните на општина Босилово, истакна Ристо Манчев, кандидат за градоначалник на општина Босилово од ВМРО-ДПМНЕ. -Приоритет во нашата работа во наредните четири години ќе биде решавање на проблемот со водоснабдувањето во сите населени места, со посебен акцент за Дрвош, Иловица, Штука и Гечерлија. Ќе го започнеме процесот на изградба на канализациона мрежа во Босилово и во останатите населени места во општината. Ќе ги дислоцираме дивите депонии, јавната хигиена ќе ја подигнеме на едно повисоко ниво, редовно ќе го собираме отпадот и ќе обезбедиме услови за негова селекција. Ќе инвестираме во реконструкција на училиштата, ќе изградиме спортски игралишта во училишните дворови. Ќе инвестираме во изградба на ефикасни системи за затоплување во сите училишта во општината. Ќе инвестираме во изградба на локални улици и патишта со посебен приоритет на патниот правец Босилово- Еднокуќево. Ќе изградиме нови зелени површини, нови паркови, ќе организираме на пошумување. Општина Босилово во наредните четири години ќе се развива рамномерно затоа што ќе инвестираме подеднакво во сите населени места. Ќе бидеме партнери на земјоделците, редовно ќе инвестираме во одржување на полските патишта, редовно ќе ги чистиме и одводните канали, ќе помагаме на земјоделците во изработка на апликации во користење на средства од домашни и меѓународни програми за развој на земјоделието. Ќе обезбедиме услови и ќе покренеме иницијатива подрачното министерство за земјоделие да има свои канцеларии во општина Босилово. Затоа Ве повикувам, на 17-ти октомври, да излезете на гласање и заедно да создадеме нова иднина за сите граѓани на општина Босилово. Изберете промени, победи и проекти. Затоа што Вие тоа го заслужувате!

Манчев: Довербата од граѓаните на Босилово ја барам со програма која е реална и остварлива

Катерина Бојаџиева — Sat, 02 Oct 2021 13:42:32 +0000

Ристо Манчев по професија е дипломиран економист на Економскиот факултет во Прилеп. Во 2011 година стекнува Мастер Диплома за Високи Европски Студии на престижниот колеџ Fondazione Collegio Europeo di Parma, а во 2013 година стекнува титула – Магистер по Високи Европски Студии на Facolta di Giurisprodenza di Parma- Italia. Toj во изминатите години се афирмира како Секретар на Републичкиот совет за безбедност на сообраќајот на патиштата а покрај тоа работи и како Овластен консултант на Агенција за поддршка на претприемништвото на Република Македонија за изработка на бизнис планови. Како кандидат за градоначалник на општина Босилово, довербата од граѓаните ја барам со програма која опфаќа реализација на проекти во повеќе области и во сите населени места. Програма која е реална и остварлива, со чија реализација ќе се решат многу проблеми на граѓаните, со што општина Босилово ќе биде поубаво место за живеење, вели кандидатот за градоначалник на Босилово од ВМРО-ДПМНЕ, Манчев за порталот Југоинфо.мк, одговарајќи на прашањето „Кои се вашите најзначајни ветувања со кои ја барате довербата од граѓаните за градоначалник на општина Босилово?“. -Во наредните четири години, ќе го решиме проблемот со водоснабдувањето во сите населени места, ќе набавиме возило за комуналното претпријатие и ќе ги дислоцираме таканаречените „диви“ депонии, ќе ја започнеме изградбата на канализациона мрежа, ќе реконструираме локални патишта и улици, ќе тампонираме полски патишта, ќе изградиме училишни спортски игралишта, ќе реализираме многу проекти со кои непосредно ќе ги решаваме проблемите на граѓаните. Покрај тоа, како општина ќе иницираме општествен активизам, ќе организираме спортски и културни манифестации, јавни едукативни настани, еколошки акции, итн. Мојата визија е Босилово да биде економски развиена општина, со развиено и модерно земјоделско производство, со развиен алтернативен туризам и со богат општествен и културен живот, додава Манчев. Целото интервју на Југоинфо.мк.

Манчев: Босилово мора да претрпи крупни промени за подобар живот, општината стагнира

Ристе Здравков — Wed, 29 Sep 2021 10:45:32 +0000

Кандидатот за градоначалник на ВМРО-ДПМНЕ за општина Босилово, Ристо Манчев во видео обраќање на Фејсук рече дека во Босилово се потребни големи проблеми, како и тоа дека наместо во општината да се работи, граѓаните биле оставени сами на себе. -Општина Босилово мора да се развива со крупни чекори напред затоа што граѓаните на општина Босилово тоа го заслужуваат, рече Манчев