Ристо Никовски – Kurir.mk

Никовски: „Ванчо Михајлов“ е отворен и јасен фашист, власта се однесува срамно, поразително и невидено

Ристе Здравков — Wed, 20 Apr 2022 18:38:16 +0000

Тоа што се случи со отворањето на културниот клуб во Битола е директен доказ Бугарски дека не третираат како втора Бугарска држава, бидејќи тие дојдоа во Македонија како во своја втора држава, изјави поранешниот амбасадор Ристо Никовски во вечерашното гостување во емисијата „Што не е јасно?“ на Алфа Телевизија. Никовски додаде дека премиерот за „Ванчо Михајлов“ вели дека е контроверзна личност, но тој не е контроверзна личност, тој е отворен и јасен фашист. „Суштината на ова прашање е зошто ние прифативме да Бугарија организира нешто во нашата земја, кое не е прифатливо за нас и не нѐ покануваат. Од наша страна треба да се каже извините, но вакво нешто не е нормално, доколку сакате нешто да правите во Македонија тоа нека биде од заеднички интерес“, рече Никовски. Никовски потенцираше дека има толку многу елементи што зборуваат за наша погрешна политика. Се работи за големо бугарски чин кои сака да покаже дека е ова втора бугарска држава, каде што тие прават што сакаат и кого сакаат ќе го донесат тука и ќе го постават. „Власта се однесува срамно, поразително и невидено. Бугарите го оживуваат „Ванчо Михајлов“ затоа што тој не признавал Македонци, тој ги убивал прво Македонците што имале македонска свест, а потоа ги нарекувал говеда“, кажа Никовски.

Никовски: Власта манипулира со граѓаните дека на маса не се идентитетот и јазикот во преговори со Бугарија, погубните политики се на штета на Македонија

Ристе Здравков — Mon, 07 Mar 2022 18:13:29 +0000

„Ова со Украина, нас ќе не врати уште повеќе назад. Украина сега ќе биде главниот центар на интерес. Балканот, ЕУ и проширувањето ќе биде под маса. Иако и досега беше така, сега може дури да биде и на земја., уште подолу“, нагласи Ристо Никовски во емисијата „Што не е јасно“ на Алфа телевизија. Никовски додаде дека Франција нема да дозволи проширување и тоа многу јасно го кажува тоа. Додека не се реформира ЕУ нема да има проширување. А, тоа реформирање најмалку ќе трае 10-тина години. „Македонските преговори за ЕУ ќе траат 20-25 години, па можеби и никогаш нема да завршат. И тоа се реални состојби“, рече Никовски. Никовски посочи дека власта се додоворува на Бугарите. „Нашите „лидери“ цело време не уверуваат дека ние не преговараме за идентитетот наш, јазикот, тие не биле на дневен ред. А, сега јас ќе докажам дека тоа се чисти манипулации со народот, тоа се класични измислици. Сега ќе ви кажам што изјави вицепремиерот Бојан Маричиќ на 28 февруари, значи пред недела дена – „Бараме решение кое нема да го загрози статусо на нашиот јазик и ќе успееме во тоа. Доколку не се договориме околу тоа прашање, никаков договор со Бугарија“. Чекајте сега дали јазикот е тема на преговорите, што тврдат дека не е? Овој вели ако не се договориме околу јазикот нема решение“, појасни Никовски. Никовски додаде дека власта признава дека македонскиот јазик е на дневен ред во преговорите со Бугарија. „Де факто тие ни кажуваат дека се преговара за јазикот. А, еве што вели Османи нашиот министер за надворешни работи кој никогаш не вели Македонија и Македонци, тој на брифинг кој што е одржан на 13.02.2022 – „Најважното прашање за нас се идентитетските прашања во преговарачката рамка како европски решенија, за нив е прашањето на бугарската заедница во Република С. Македонија. И тоа го идентификува на некој начин патот по кој треба да се движи овој процес“. Значи најважно прашање за нас се идентитетските прашања во преговорите со Бугарија, значи тие се на маса“, истакна Никовски. Никовски го цитираше Бојан Маричиќ кој вели – „Ако има луѓе кои се декларираат како Македонци во Бугарија“. Оваа изјава на Маричиќ беше погубна, по оваа изјава премиерот требаше веднаш требаше да го смени. Ако Маричиќ не знаел дали има Македонци во Бугарија требал да праша. Потоа изјавата на Маричиќ продолжува со – „Ако има Македонци во Бугарија, постојат голем број на конвенции, принципи, повелби, декларации за нивните права, но ние не се мешаме“. Никовски укажа дека оваа изјава на Маричиќ била на 18.01.2022. „Ако веќе има дилема дека има Македонци, и изјавуваат дека бугарскиот Устав не дозволува, па тогаш повикај се на пресудите на Судот за човекови права во Стразбур“, повика Никовски. Никовски додаде дека власт води погубни политики, кои се повеќе на штета на Македонија и македонскиот народ.

Никовски: Власта се однесува понижувачки во спорот со Бугарија, а Османи не знаеме за кого навива, повеќе ја брани Бугарија

Тале Кристо — Mon, 20 Dec 2021 17:54:48 +0000

Бугарија испрати меморандум кој повторно го активира во кој вели дека не постои македонски јазик, нема македонски народ, а ние како држава молчиме, а штом молчиш ќе те газат. Никој од странците не ја критикува Бугарија, туку сите велат да се најде решение и очекуваат од нас да попуштиме, изјави поранешниот амбасадор и аналитичар Ристо Никовски за „Што не е јасно“ на Алфа телевизија. Според Никовски нема случајности во политиката, ова што го прави Бугарија не е случајно, Македонија се однесува понижувачки а штом се однесуваш така, тогаш можат се да ти бараат. - Ние се однесуваме понижувачки, неодговорно и како да сме спремни да го прифатиме поразот. Реализираме се што треба и не треба, и кога знаат на какви отстапки сме спремни ќе те газат и понатаму, рече тој. Во однос на изјавата на министерот за надворешни работи Бујар Османи за брзо решение тој вели дека ако покажуваш ти дека ти е итно, тога другиот само ја крева цената. - Им даваме шанса да не уценуваат се повеќе. Ако ги читаме изјавите на Османи, вие не знаете за кого навива. Османи вели дека Бугарија нема услов да ги внесе Македонците во својот Устав и ја оправдува Бугарија, наместо Бугарија сама да се брани, рече Никовски. Никовски ги коментираше и изјавите на Владо Бучковски кој е специјален претставник на владата за Бугарија дека ќе се менуваат учебниците и дека имаме заедничка историја имаме - Тоа е исполнување на најекстремните бугарски барања, а тој никаде не кажува што треба Бугарија да направи, само нашите отстапки. Бугарската тактика да не бришат чекор по чекор кај нас не ја разбираат и прашање е кога ќе не нема, нагласи Никовски.

Никовски: Филипче уште вечерта кога изгоре модуларната болница требаше да поднесе оставка, а ако имаше индиции по истрагата да одговара и кривично

Ристе Здравков — Tue, 05 Oct 2021 17:06:19 +0000

Морална оставка се поднесува, нема што премиерот Заев да прифаќа или не, рече аналитичарот Ристо Никовски на гостувањето во емисијата Само вистина на телевизија Канал 5 коментирајќи ја денешната одлука на премиерот Зоран Заев дека не ги прифаќа оставките на министерот за здравство и неговиот заменик, Венко Филипче и Илир Хасани, а во врска со настанот во Тетово каде на 8 септември изгоре модуларната болница, а изгореа и 14 лица. „Кога нешто се случува во некој ресор првиот човек што го води мора даде оставка без разлика дури и од исходот на истрагата. За се што се случува во една институција одговорен е првиот човек. Уште првата вечер кога се случи тоа Филипче требаше да поднесе оставка од функцијата, и ако во истрага се покаже нешто дополнително тогаш треба да одговара и кривично“, рече Никовски. Никовски рече дека ситуацијата сега укажува само на она што се случи и со делењето на пасоши на криминалци, и тогаш одговараа само од пониските ешалони. „Во државава има едно чудо објекти кои можеше да се пренамененат, а што направија они потрошија огромни пари за модуларни болници“, рече Никовски.

Никовски: Понудата на Заев за широка коалиција е манипулантски, популустички и политикантски потег

Катерина Бојаџиева — Thu, 11 Mar 2021 19:01:12 +0000

Јас сум апсолутно за широка коалиција, но не на ваков начин. Понудата на Заев за широка коалиција е понижувачка за опозицијата, бидејќи вели “да” ама ние - власта ќе ви одбереме лидер. Вашиот лидер не доаѓа во предвид. Значи понижувачко, неприфатливо. Потегот е манипулантски, популустички, политикантски, еден првокласен пи-ар. Сите тие војници од власта ќе речат, еве ние ви нудиме широка влада вие не прифаќате. Понудата е нечесна и подла и таа не може да води никаде, бидејќи подадените услови не се добри. Ова го истакна поранешниот амбасадор и дипломат Ристо Никовски во вечерашното издание на „Само вистина” на Канал 5 телевизија. -И на крајот на краиштата мора да се одреди целта. Дали е тоа борба против короната, дали е за ситуацијата со Бугарија, или ете не знам да се дадат напори да се влезе во Европската унија. Не можете така глобално да речете ајде ќе одиме, ќе правиме заедничка влада. Дури и самиот премиер се повлече од таа понуда, затоа што тоа беше една чиста калкулација и нема искреност во таа понуда. И сето тоа нема никаква корист за државата, истакна тој. Според Никовски, таква широка влада може само после едни нови избори и однапред да се каже дека ќе се оди заедно за да се бориме за да ја издигнеме Македонија, бидејќи државата ни оди надоле овие три-четири години. -Премиерот да биде избран од тоа ново парламентарно мнозинство или да биде над партиска личност, да се постават експерти и така натака, вели Никовски.

Никовски: Владата постави лице за борба против корупцијата, а шест месеци нема никакви резултати

Катерина Бојаџиева — Tue, 02 Feb 2021 19:12:36 +0000

Поранешниот амбасадор Ристо Никовски, во своето гостување во емисијата „Само Вистина“ зборуваше за последниот извештај од Транспаренси Интернешнл за нивото на корупцијата каде посочи дека владата постави одговорно лице за борбата против корупцијата, а ништо не е направено за бора против корупцијата. Според него ако се започнеше со борбата против корупцијата за само шест месеци ќе имаше резултати. -Според мене смешно е да се обвинува претходната влада. Ако сум јас неколку дена тука, а корупцијата како што гледаме напредуваме по таа негативна листа значи нешто е конкретно, тоа не го измисли некој, има методологии, критериуми. Кога поставија заменик претседател на Влада одговорен за корупцијата имаше многу од подбивност, критика од истакнати личности. Колку помина од формирањето на новата влада, а ништо не е направено. Јас ви гарантирам дека со една одлична борба против корупцијата за шест месеци ќе имаше резултат. Се очекуваше да направи некој акциски план, да започне со борба против корупција, прво кои се институциите каде има корупција тоа се полицијата, здравството, образованието, државната администрација. Доколку се оправдувате со претходната власт значи дека вие како влада сте некадарни, рече Никовски во своето гостување.

Никовски: Немањето вакцини во Македонија е тотален неуспех на политиките кои се водат во државата

Катерина Бојаџиева — Tue, 02 Feb 2021 19:01:15 +0000

Ристо Никовски, поранешен амбасадор во своето гостување во емисијата „Само Вистина“ зборуваше за вакцините против КОВИД-19 која е многу актуелна тема каде посочи дека тоа што Македонија нема вакцини е тотален неуспех на политиките кои се водат во државата. -Вината е сосема наша дека се направени погрешни проценки и чекори. Јас не знам дали нашите луѓе сакале поевтино да поминат или чекале донации таков ризик не се прави затоа што овде се работи за живот или смрт. Кога се појави овој вирус на сите им беше јасно дека да се сопре ова зло, да се намали или попречи потребни се вакцини. Еве како Србија успеа да набави вакцини, гледам и Босна доби вакцини останува само Македонија. Тоа покажува тотален неуспех на политиките кои се водат. Тие го загрозуваат здравјето на сопствениот народ затоа што не превземале ништо. Во политиката не се важни само грешките туку поважно е тоа што не си го направил а си морал да го направиш како овој случај со вакцините, рече Никовски во своето гостување.

Никовски: Ако сакаме да успее пописот, мораме како прво да постигнеме целосен, комплетен политички консензус

Катерина Бојаџиева — Tue, 26 Jan 2021 18:42:14 +0000

Се прави една почетничка грешка околу проблемот со пописот. Пописот во основа и во целиот свет е статистичка операција. Во Македонија тоа не е можно, бидејќи од резултатите од пописот зависи Уставот и бројни закони зависат од тоа. Ние имаме ситуација тука во Македонија во која позицијата на втората по големина етничка група, конкретно на Албанците зависи од пописот. Затоа и Арбер Адеми рече, под 20 проценти ако сме ние Албанците - ние тој попис не го признаваме, изјави екс - амбасадорот Ристо Никовски вечерва во „Што не е јасно“ на Алфа телевизија. Никовски смета дека пописот во Македонија има нагласена политичка димензија, затоа што реализацијата на Уставот зависи од пописот. А Уставот е политика, Уставот не е статистика. -Затоа ако сакаме да успее пописот, мораме како прво да постигнеме целосен комплетен политички консензус. Затоа велам не дај боже да излезе како што не е договорено помежу СДСМ и ДУИ, а тоа е Албанците да бидат под 20 проценти, тоа ќе доведе до тешка, длабока политичка криза во државата која не ќе може да се надмине. Иако премиерот Заев рече нема врска колку ќе испаднат Албанците, закони нема да се менуваат.Но, премиерот Заев не знае дека тој не може тоа да го гарантира во името на Уставот и државата. Значи се отвора една нова страница во односите помеѓу Македонците и Албанците која ќе биде по многу нешта комплицирана, дециден е Никовски.

Никовски: Документот на БАН е официјална политика на Бугарија и нашата Влада молчи- тоа е признавање дека Македонците се фашисоиден народ

Катерина Бојаџиева — Tue, 26 Jan 2021 18:17:16 +0000

Екс-амбасадорот Ристо Никовски во вечерашното издание на „Што не е јасно“ на Алфа телевизија, околу документот на БАН кој едногласно го прифатија и Собранието и Владата на Бугарија, а во кој стои дека Македонците извршиле убиства врз 20 илјади Бугари истакна дека тоа не е вистина. Тоа го кажуваат во своите книги и бугарските историчари. А тоа што нашата Влада молчи за овој документ на БАН, тоа значи дека јавно го признава тоа и македонскиот народ го прогласува за фашизоиден. -Постои книга од бугарски историчар Чавдар Маринов "Македонското прашање од 1944 до денес" и е доста обејктивна историска книга. Сега за овие (не)времиња оваа книга е многу драгоцена. Книгата дава еден широк увид во бугарските документи и е објавена во Парис 2010-тата година каде и Маринов докторирал. А кај нас е издадена во 2013-та година. Тој користел најшироки архивски бугарски документи. Никаде тој во книгата не споменува дека биле убиени 20.000 Бугари од страна на Македонците - како што објавила БАН во својот документ. Тоа е голема бројка, кај се сведоците, колку роднини имале тие. Значи тоа е приказната за големата лага. Еве ќе направиме и една паралела. Во Тиранската платформа пак, се бараше од нас да се усвои резолуција во Собранието на Република Македонија со која се осудува геноцидот врз Албанскиот народ во Македонија од 1912 - 1956 година. Значи ако сме направиле геноцид врз Албанците и ако сме убиле 20 илјади Бугари, тогаш има ли поголеми злосторници од Македонците. Таков геноцид и не постои во светот, дециден е Никовски. Де факто, со документот на БАН кој е официјален и државен и зад кој стои Собранието и Владата на Бугарија, тоа значи дека од ова нема бегање и отстапки. Тоа е официјална бугарска политика, вели Никовски и целото наше тактизирање и молчење на овој документ е само признавање на нашата македонска Влада дека ние сме злосторници и полоши и од фашизмот. -И да не реагираш на тоа, нашата власт да не реагира на ова - тоа значи дека прифаќаат дека Македонците се фашисти, вели екс - амбасадорот Ристо Никовски.

Никовски за КУРИР: Опозицијата направи корисни посети, пред нас периодот е драматичен

Дарко Андоновски — Sat, 23 Jan 2021 14:48:11 +0000

Ристо Никовски кој е македонски поранешен амбасадор и дипломат сега редовен колумнист и аналитичар во изјава за КУРИР вели дека периодот пред нас е драматичен а очигледно е дека власта нема ниту идеја како да ги надмине проблемите со кои сме соочени и на надворешен ама и на домашен план, освен со виткање на ’рбетот, а камоли некаква стратегија. Тој во пресрет на сретнувањето на лидерот на ВМРО-ДПМНЕ со три премиери во четири дена, додека премиерот Зоран Заев се нема сретнато со ниту еден повеќе од шест месеци вели дека делегацијата на опозицијата направила корисна турнеја. -Делегација на опозицијата направи корисна турнеја низ неколку пријателски земји што секако ќе ја поттикне поддршката на нашата земја на патот кон ЕУ. Загрижува, меѓутоа, што ниту некоја висока делегација доаѓа кај нас во последниве години а уште помалку власта е поканета некаде да оди. Тоа се случува во период кога сме повторно блокирани и уценети што покажува огромен неуспех на нашата дипломатија а, со тоа, и на државата. Во ситуација кога се работи да се биде или не, дипломатијата е десеткувана без амбасадори во ДКП-еата што наликува дури и на некаква саботажа, вели тој за КУРИР. Тој додава дека периодот пред нас е драматичен а очигледно е дека власта нема ниту идеја како да ги надмине проблемите со кои сме соочени и на надворешен ама и на домашен план, освен со виткање на ’рбетот, а камоли некаква стратегија. Таквите политики водат во неизбежен пораз. -Тоа ја нагласува улогата на опозицијата која мора полека ама сигурно да ги зема работите во свои раце, да го води наодот, се’ до победа на следните избори, по што ќе се отвори и некаква перспектива. Во спротивно, сите ќе доживееме национална и државна катастрофа, кон која незапирливо се движиме последните неколку години.