Ристо Ставревски – Kurir.mk

МВР го затвори случајот Теретана: Истрагата потврди дека снимките се фалсификувани

Дарко Андоновски — Tue, 23 Jun 2020 16:12:33 +0000

Началникот на Секторот за внатрешни работи од Скопје, Ристо Ставревски на денешната прес конференција информираше дека од страна на Министерството за внатрешни работи целосно е затворена истрагата поврзана со обвинувањата за кршење на мерките поврзани со Ковид19 од страна на Претседателот на ВМРО ДПМНЕ, Христијан Мицкоски. -Денес ве повикавме за да ве информираме, да ја информираме и јавноста дека Министерството за внатрешни работи ја затвори истрагата поврзана со обвинувањето за кршење на мерките за заштита од корона вирусот од страна на лидерот на опозицијата, Христијан Мицкоски. Со оглед на фактот дека дека случајот за наводното присуство во фитнес центарот „Синерѓи“ доби голем публицитет во јавноста, МВР во соработка надлежното Јавно обвинителство ги обезбеди сите материјали за негово расчистување. Обезбедени се сите изјави од инволвираните, хард дисковите, изработивме фото албуми, извршивме анализа и употребивме компаративен метод за споредбеност на она што беше објавено и она што од наша страна беше обезбедено како такво и останати материјали со цел да ги расветлиме сите дилеми кои што во јавноста се наметнаа околу овој случај. Од сите преземени мерки, во соработка со надлежен јавен обвинител од скопското Јавно обвинителство, можеме само да изнесеме дека постои разлика, потенцира Ставревски. Тој додава дека во тоа што беше презентирано во јавноста и тоа што беше објавено како такво и тоа што е обезбедено во онаа предистражна постапка. Постојат евидентни разлики во она што е во мас медиумите како што кажав во релноста поточно од вештачењето на видеиерите кои што ги обезбедивме и ги подигнавме со наредба од јавниот обвинител како од фитнес центарот Синерѓи така и од видиерите кои што се сопственост на сопственикот на зградата каде што се наоѓа односно стамбената зграда лкаде што е сместен фитнес центарот. -Обезбеден е и дополнителен клучен доказ кој што исто така потврдува дека е различна перцепцијата која што се создаде во јавноста но поради тајноста на повредливоста на постапката и поради повредливоста на доказниот материјал не сме во можност да ви презентираме во детали односно да ги презентираме доказниотматеријал пред вас односно истиот заедно со известувањето во прилог е доставен до основното јавно обвинителство и ве повикуваме да се обратите дојавното обвинителство да добиете информација околу деталите за доказниот материјал и она што од наша страна е обезбедено и со што бевме задолжени по наредба од јавниот обвинител, рече Ставревски. https://www.facebook.com/NakjeChulev/posts/169442511249218

Скопската полиција упадна во селото Грчец: Од ова ли се плашеше СДСМ кога беше против именувањето на Ставревски?

Ивана Ефремовски — Tue, 28 Jan 2020 09:05:47 +0000

Дали акциите на СВР Скопје против мафијата беа главната причина поради која именувањето на Ристо Ставревски за началник на СВР Скопје им пречеше на СДСМ? Скопските полицајци направиле акција во селото Грчец, вчера, и поднеле кривична пријава против две лица, роднини, кои се сомничат за недозволено поседување и тргување со огнено оружје. Зекирија Љ. (34) бил веднаш уапсен и судија на претходно постапка му изрекол мерка притвор во траење од 30 дена, додека вториот осомничен Абдулрахим Љ. (40), не бил пронајден. Но, и него по забрзана постапка му била поднесена кривична пријава за недозволено поседување и тргување со огнено оружје. Акцијата на СВР Скопје уследила по настан на 7-ми декември, лани, кога во селото било откриено и запленето оружје. Според полициски информации, двајцата жители на скопското село Грчец биле познати како сторители на кривични дела од областа на насилниот криминал и недозволената трговија со дрога и оружје. Професионалецот Ставревски беше мета на бројни критики од страна на функционерите на СДСМ. Најблиската соработничка на Спасовски, сега заменик-министерка во МВР, Славјанка Петровска не ја потпиша одлуката за назначување на Ристо Ставревски за шеф на Секторот за внатрешни работи во Скопје. Сепак, законот победи, па Ставревски дојде на функцијата и веднаш ги превзема работите во свои раце. Дали овој човек беше пречка на СДСМ бидејќи власта многупати досега го штитеше криминалот, останува отворено прашање.

ДИК ќе го решава непостоечкиот проблем со Ристо Ставревски кој го создадоа СДСМ и Петровска

Љупчо Цветаноски — Mon, 13 Jan 2020 08:05:40 +0000

Откако дополнителната заменик министерка во МВР Славјанка Петровска не ја потпиша одлуката за назначување на Ристо Ставревски за шеф на СВР – Скопје, техничкиот министер за внатрешни работи Наќе Чулев за МИА изјави дека денеска ќе поднесе барање за мислење до Државната изборна комисија. Според Чулев, проблематизирањето на изборот на Ставревски за началник на СВР-Скопје е од политички причини и го изразува стравот на критичарите од професионално вршење на активностите. – Ставрески не е осудуван, ниту против него има постапка или каква било истрага. Напротив, тој е лице кое поседува сертификат „државна тајна” за информации од доверлив карактер, издаден во периодот кога Спасовски беше министер за внатрешни работи. Не гледам никаква пречка да биде началник на СВР – Скопје и поради можноста различно да се толкуваат законските прописи, планирам да се обратам до ДИК која ќе треба да одлучи и да се изјасни за натамошно нормално функционирање на позицијата на лицето за кое станува збор, изјави Чулев за МИА. Тој потенцира дека е најважно да се функционира професионално и согласно законските норми. Сé друго, како што напомена, претставува политизирање и израз на страв од соочување со професионалци. Во случај на несогласување меѓу министерот и дополнителниот заменик министер во министерствата во врска со тоа дали одредено правно, финансиско и кадровско прашање се однесува на организација на изборите, ДИК е должна, во рок од 24 часа да донесе одлука и истата да ја проследи до односното Министерство. Одлуката на ДИК е конечна.

Чулев контра партиските игри на СДСМ: Назначувањето на Ставревски за началник на СВР Скопје е во согласност со потребните критериуми

Ивана Ефремовски — Fri, 10 Jan 2020 13:43:24 +0000

Назначувањето на Ристо Ставревски за началник на СВР Скопје е во согласност со потребните критериуми, изјави министерот за внатрешни работи Наќе Чулев откако заменик министерката во МВР, Славјанка Петровска не ја потпиша одлуката за негово назначување. -Назначувањето на Ристо Ставревски за началник на СВР Скопје е во согласност со потребните критериуми. Лицето има потребен степен на образование, работно искуство и важечки сертификат за класифицирани информации. Тоа што бил дел од нечиј кабинет не е услов или пречка за распоредување. Ја потсетуваме дополнителната заменичка дека токму нејзината секретарка била член на истиот кабинет во кој бил Ристо Ставревски, истакна Чулев.