ривалдо – Kurir.mk

Ривалдо: Меси ќе остане во Барселона, посреќен со Лапорта,

Тале Кристо — Fri, 26 Mar 2021 16:53:16 +0000

Поранешниот бразилски фудбалски репрезентативец Ривалдо е уверен дека Лионел Меси ќе остане во Барселона. Ривалдо го носеше дресот на каталонскиот клуб од 1997 до 2002 година и во тој период беше најдобар фудбалер во светот. – Барселона напредуваше во последните недели, Меси е во одлична форма, а на тоа влијаеше и претседателската смена во клубот. Меси изгледа посреќен откако Жоан Лапорта се врати, тоа е човек кој добро го познава. Поради тоа верувам дека големи се шансите Меси да остане и да потпише нов долгогодишен договор, изјави Ривалдо. Аргентинецот Меси има договор со Барселона до крајот на јуни годинава.

Ривалдо: Барса нема бесплатно да го пушти Меси

Ристе Здравков — Thu, 27 Aug 2020 09:42:32 +0000

Еден од фудбалерите кој остави длабока трага во Барселона, Ривалдо, ја коментирал одлуката на Лионел Меси да го напушти клубот. Бразилецот смета дека заминувањето на Меси без обесштетување, во периодот кога клубовите се во финансиска криза, ќе биде голем удар за неговиот поранешен клуб. „Во овој момент заминувањето на најголемата ѕвезда без обесштетување ќе биде голем удар за Барселона. Клубот сака да заработи нешто и тоа во моментов е најголема пречка за неговото заминување. Тажно е што на ваков начин ќе заврши неговата приказна во Барселона. Таков е фудбалот, работите понекогаш не одат во посакувана насока“, рекол Ривалдо, а потоа проговорил и за трансферот на Роналдо пред две години во Јувентус. „Трансферот на Роналдо од 100 милиони евра во Јувентус делуваше како лоша одлука за Реал во 2018 година. Но гледајќи како се развива ситуацијата со Меси, продажбата на Роналд се покажа како добра одлука за Реал, во вистински момент добија пари за него“.

Ривалдо со тешко обвинување за Меси

Ивана Ефремовски — Wed, 21 Aug 2019 17:30:16 +0000

Поранешната sвезда на Барселона, Ривалдо го обвини Лионел Меси за неуспехот на неговиот сонародник, Филипе Кутињо на „Камп Ноу“. Бразилецот не успеа да се докаже и веќе замина во Баерн (Минхен), а според Ривалдо, Меси има голема вина за тоа. -Не е лесно да се докажеш заедно со фудбалер, од кој зависи сè во еден тим. Тој ги собира заслугите и тешко е да бидеш забележан. Можеби му беше потребно повеќе време и трпеливост за да се докаже, објасни Ривалдо.

Ривалдо: Штетно е Барселона да зависи целосно од Меси

Ристе Здравков — Tue, 02 Oct 2018 14:36:57 +0000

Поранешниот фудбалер на Барселона, Ривалдо, им препорача на Каталонците да бараат алтернатива на Лионел Меси. Според Бразилецот, играта на Барса е премногу зависна од формата на Меси. - Штетно е Барселона да зависи целосно од головите и асистенциите на Меси. Тој нема да игра вечно. Со секоја измината година, неговото ниво ќе се намалува. Во Барселона има играчи кои се способни да го променат текот на даден на натпревар, но тие не прават ништо и тоа е причина за загриженост. Ретко се гледа Барселона да не успее да освои три последователни натпревари, ја прокоментира Ривалдо кризата во Барселона, цитиран од „А Бола“.

Ривалдо: Елиминацијата на Барса е добра работа за фудбалот

Даниел Василев — Tue, 17 Apr 2018 13:43:39 +0000

Легендата на Барселона, Ривалдо изјави дека испаѓањето на неговиот поранешен клуб од Лигата на шампионите е добра работа за фудбалот. Каталонската екипа против Рома по првиот натпревар во четвртфиналето на најелитното натпреварување имаше предност од 4:1, но волчицата направи чудо и се избори за полуфинале. Судбината на Барселона за малку ќе ја искусеше и Реал Мадрид кој дури во судиското продолжение се извлече по пеналот на Кристијано Роналдо. Бразилецот во 2002. година од Барселона премина во Милан и во таа сезона ја освои ЛШ со росониерите. -Интересно е тоа што се случуваше во Рим. Како играч и навивач на Барселона сум тажен, но победата на Рома покажува оти Реал и Барселона не се единствените две екипи во светот. Реал Мадрид исто така беше блиску до елиминација и сигурен сум дека ова ќе донесе одредени промени, како и оти никој нема да тврди како Реал Мадрид уште пред полуфиналните натпревари ја освоил Лигата на шампионите, рече Ривалдо. Во полуфиналето на ЛШ, Реал ќе игра против Баерн Минхен, додека другиот пар се Ливерпул и Рома.