ривер плејт – Kurir.mk

ВИДЕО: Жестока пресметка на полицијата и навивачите на Ривер во Буенос Аирес

Дарко Андоновски — Mon, 10 Dec 2018 08:24:52 +0000

Навивачите на Ривер Плејт се уште се на улиците на Буенос Аирес и ја слават победата во финалето од Копа Либертадорес против најголемиот ривал Бока Јуниорс. Ривер во Мадрид во спектакуларна атмосфера победи со 3:1 и така дојде до четвртата титула шампион на Јужна Америка, но овој меч засекогаш ќе се памети бидејќи е поразен најголемиот ривал. На улиците на Мадрид се славеше до раните утрински часови, но на улиците на главниот град на Аргентина се уште трае славјето на навивачите на Ривер. За жал, повторно не можеше да помине без инциденти бидејќи дојде до жестока пресметка помеѓу полицијата и навивачите на Ривер. Полицијата мораше да користи солзавци, а досега се приведени повеќе стотина навивачи на Ривер. Но, за нив сега ништо не е поважно од тоа дека Ривер ја победи Бока и го освои трофејот во Копа Либертадорес.

#BuenosAires police disperse agitated fans amid River Plate's #Libertadores win celebrations pic.twitter.com/WCL9oaBg6e
— Ruptly (@Ruptly) December 10, 2018

ВИДЕО: Ривер Плејт по драматичен финиш избори финале во Копа Либертадорес

Ристе Здравков — Wed, 31 Oct 2018 09:00:32 +0000

Екипата на Ривер Плејт ќе игра во финалето на Копа Либертадорес, откако ноќеска во реваншот од најсилното клупско фудбалско натпреварување во Јужна Америка, го совлада Гремио со 2:1.

Натпреварот одигран во Порто Алегре, Бразил, гостите од Аргентина го добија со гол од пенал во петтата минута од судиското надополнување.

Гремио кој до 82.минута водеше, крајот на натпреварот го дочека со играч помалку поради црвениот картон на Брешан во 88.минута поради играње со рака, при што беше досуден одлучувачкиот пенал.

Лео Гомеш во 36.минута го постигна водечкиот гол за бразилскиот претставник, Рафаел Боре изедначи, а голот вреден финале, од пенал го постигна Гонзало Мартинез.

На првиот дуел со 1:0 славеше Гремио кој е лански шампион, но поради правилото повеќе голови на гости, и покрај вкупните 2:2, понатаму одат Аргентинците.

Противник на Ривер Плејт во финалето ќе биде подобри

от од двомечот Бока Јуниорс – Палмеирас (2:0 по првиот натпревар).

ВИДЕО: Суперкласико му припадна на Ривер Плејт

Предраг Кукиќ — Mon, 24 Sep 2018 08:09:57 +0000

Екипата на Ривер Плејт го доби големото дерби со Бока Јуниорс одиграно синоќа во Буенос Аирес. Гостите до триумфот во шестиот круг на Аргентинското првенство дојдоа со два прекрасни погодока. Гонзало Мартинез го постигна првиот гол во 15. минута, Игнасио Скочо во 69. минута ги постави конечните 2:0. Со трите бода, Ривер Плејт е на 4.место со две победи и четири нерешени средби, Бока е шеста со три победи, еден нерешен исход и два пораза.