ризик – Kurir.mk

Шеф на европската дипломатија: Русија претходно беше закана, но сега е ризик

Тале Кристо — Mon, 26 Jun 2023 17:51:25 +0000

Русија прво беше закана затоа што беше силна, а сега претставува ризик затоа што и се заканува нестабилност, изјави денеска во Луксембург високиот претставник на ЕУ за надворешни работи и безбедност Жозеп Борел. Минатиот викенд имаше „прекинат вооружен бунт“ во Русија, рече Борел по состанокот на министрите за надворешни работи на ЕУ. „Овие настани покажаа дека руската држава и личниот кредибилитет на (претседателот Владимир) Путин се ослабени, во најмала рака идека политичкиот систем покажува пукнатини. Русија прво беше закана затоа што беше силна, а сега е ризик бидејќи може да стане нестабилна“, изјави шефот на дипломатијата на ЕУ. Борел додаде дека заклучокот од министерската дискусија е многу јасен, а тоа е да продолжи да ја поддржува Украина повеќе од кога било досега. Тој рече дека европската мисија за обука на украинската армија оди многу добро, досега се обучени 24 илјади војници и дека првично поставената цел од 30 илјади обучени војници до крајот на оваа година ќе биде исполнета многу порано.

Американски генерал: Испраќањето борбени авиони за Украина е „голем ризик, а мала добивка“

Тале Кристо — Thu, 10 Mar 2022 10:47:55 +0000

Врховниот командант на НАТО во Европа, американскиот генерал Тод Волтерс, се заблагодари денеска на Полска за понудените борбени авиони за Украина, оценувајќи дека испраќањето Миг-29 би „бил голем ризик, а мала добивка“. Полска објави дека е подготвена да испорача на Украина преку НАТО авиони Миг-29, ако на тоа се согласат сите земји членки на Алијансата. – Најефикасен начин да се поддржи украинската војска во борбата против Русија е обезбедување на големи количини противтенковско оружје и системи за противвоздушна одбрана, изјави Волтерс. Волтерс оцени дека Украина веќе има доволно борбени авиони и дека испраќањето Миг-29 „нема значително да ја подобри ефикасноста на украинската воена авијација“. Според Волтерс, проценките на разузнавачките служби се дека испраќањето авиони „би можело да се протолкува како пресврт во конфликтот и да доведе до голема руска реакција со што ќе се зголемат шансите за воена ескалација со НАТО“.

Вакцинираните имаат помал ризик од продолжен ковид

Тале Кристо — Fri, 18 Feb 2022 09:59:04 +0000

Вакцинираните имаат помал ризик да развијат продолжен ковид ако се заразат со коронавирус, покажа британската анализа. Експертите анализирале докази и податоци од 15 студии спроведени низ целиот свет. Резултатите покажале дека вакцините значително го намалуваат ризикот од инфекции и тешки болести, вклучително и симптоми како што се замор. Анализата, исто така, покажала дека невакцинираните лица кои се инфицираат со коронавирус и добиваат продолжен ковид, имаат многу подобри резултати ако потоа се вакцинираат. Делови од студијата се фокусираат на ефектите од вакцинацијата пред и по инфекцијата и го откриле следново: -Луѓето заболени од ковид кои примиле две дози од „Фајзер“, „Астра Зенека“ или „Модерна“ или една доза од вакцината „Џонсон и Џонсон“, имаат двојно поголема веројатност да развијат симптоми на продолжен ковид кој трае повеќе од 28 дена, отколку луѓето кои примиле само една доза вакцина или воопшто не биле вакцинирани. -Вакцината беше најефикасна против продолжен ковид кај лица постари од 60 години. -Кај лицата кои се вакцинирани откако веќе се заразиле со ковид, се забележува дека вакцината ги ублажила и не ги влошила симптомите на ковид, ниту веднаш, ниту по неколку недели. -Луѓето кои страдаат од продолжен ковид најчесто наведуваат замор, отежнато дишење и болки во мускулите и зглобовите, пишува Би-би-си. Ваквите симптоми може да траат повеќе од четири недели.

СЗО: Омикрон создава високи ризици за здравјето

Тале Кристо — Wed, 26 Jan 2022 07:06:05 +0000

Нивото на ризик поврзано со варијантата Омикрон останува многу високо, соопшти СЗО, откако бројот на нови случаи на Ковид-19 достигна нов рекорд минатата недела. –Пријавени се повеќе од 21 милион нови случаи, што е најголем број неделни случаи пријавени од почетокот на пандемијата, соопшти Светската здравствена организација во своето неделно епидемиолошко ажурирање за коронавирусот. Здравствената агенција на ОН соопшти дека бројот на нови случаи се зголемил за пет отсто во седмицата до неделата, во споредба со 20 отсто зголемување во претходната недела. – Глобално, има побавен пораст на бројот на заболени, соопшти СЗО. Организацијата информира дека се регистрирани скоро 50.000 нови смртни случаи, слично како и претходната недела. Во извештајот се вели дека Омикрон продолжува да доминира. –Тековната глобална епидемиологија на САРС-КоВ-2 се карактеризира со доминација на варијантата Омикрон ширум светот, континуиран пад на преваленцијата на варијантата Делта и многу ниско ниво на дистрибуција на Алфа, Бета и Гама соевите, соопшти СЗО. Во земјите каде што имаше брз пораст на случаите на Омикрон во ноември и декември 2021 година, се забележува мало намалување на случаите. Сепак, „врз основа на моментално достапните докази, севкупниот здравствен ризик поврзан со варијантата Омикорн останува многу висок, нагласи СЗО.

Студија открива каков е ризикот од долгорочни последици кај нехоспитализираните од Ковид-19

Ивона Петрова — Tue, 11 May 2021 06:42:10 +0000

Пациентите со коронавирус кои не се хоспитализирани имаат мал ризик од сериозни, долгорочни ефекти од заразата, но кај нив е забележан поголем број посети на лекари по општа медицина по болеста, покажа студија објавена во списанието „Лансет заразни болести“ (The Lancet Infectious Diseases). Истражување спроведено во Данска покажало дека постои мал ризик од сериозни компликации по инфекцијата кај пациенти кои не морале да бидат примени во болницата. Сепак, овие пациенти имаат зголемен број посети на општи лекари и тоа може да биде последица на Ковид-19.

Ново американско истражување: Лековите против холесторол ја намалуваат смртноста од коронавирус

Тале Кристо — Mon, 08 Mar 2021 11:57:43 +0000

Стотици милиони луѓе низ светот користат статини, лекови кои го намалуваат нивото на холестерол во крвта и го спречуваат ризикот од развој на срцеви заболувања. Едно ново американско истражување покажа дека статините, „лекови против маснотии“, исто така, ја намалуваат смртноста од Ковид-19, пренесува порталот Медикал Њуз Тудеј. Покрај нивната примарна цел, статините, исто така, имаат силно антиинфламаторно, антикоагулантно и антивирусно дејство, а сето тоа може да придонесе за намалување на компликациите поврзани со тешката клиничка слика на коронавирусот. Затоа не е изненадувачки што група американски научници, вклучително и кардиолози кои се грижеле за лица заболени со Ковид-19, го испитуваат влијанието на статините врз оваа болест. Тие го споредиле исходот од третманот на 1.296 пациенти хоспитализирани поради Ковид-19. Половина од нив редовно користеле статини пред инфекцијата, а половина не. Научниците откриле дека употребата на статин кај испитаниците ја намалува смртноста за 50 проценти еден месец по хоспитализацијата. Ова е најголемата студија од ваков вид досега спроведена, но не е единствената. Истражувањето спроведено минатата година во Сингапур покажа дека луѓето кои користат статини имаат помала веројатност да завршат на оддел за интензивна нега поради коронавирус отколку оние кои не ги земаат како вообичаена терапија. Американско истражување, исто така, открива дека пациентите кои користат статини побрзо се опоравуваат од коронавирусот. Научниците сметаат дека ова се случува бидејќи статините, покрај тоа што го намалуваат воспалението и ризикот од згрутчување, го отстрануваат холестеролот од надворешните обвивки на клетката. Рецепторите на кои се врзува САРС-КоВ-2, вирусот што предизвикува Ковид-19, се наоѓаат токму во делот на клеточната мембрана каде се таложи холестеролот. Без него, вирусот не може да навлезе во клетката, покажуваат резултатите од студијата. – Ако клиничките истражувања ги потврдат резултатите, статините би можече да се покажат како евтина и ефикасна терапевтска стратегија во борбата против Ковид-19, изјави шефот на студијата, д-р Махеш В. Мадхаван, кардиолог од Медицинскиот центар Ирвинг на Универзитетот Колумбија во Њујорк.

Кои се причините за поголема смртност кај мажите?

Ивана Ефремовски — Sat, 28 Nov 2020 15:00:40 +0000

Медицината базирана на пол е интересна за медицинската заедница уште од 90-тите години на минатиот век, со посебен интерес за разликите во здравјето помеѓу мажите и жените. На глобално ниво, просечниот животен век на мажите е четири или пет години пократок од животниот век на жените. Откриено е дека мажите имаат поголема стапка на смртност отколку жените од ембрионална фаза до старост. Оваа разлика во смртноста обично се должи на здравствени проблеми поврзани со начинот на живот кај млади мажи, како и на релативно високата инциденца на кардиоваскуларни болести и малигни заболувања по средната возраст. Врз основа на некои студии, постојат разлики помеѓу мажите и жените во околу 15 главни причини за смрт. Според некои студии, постои поголема стапка на смртност кај мажите кај 12 болести, а особено големи разлики се наоѓаат кај кардиоваскуларните болести, хипертензија, дијабетес и рак. Биолошкото образложение за овие разлики може да биде вкоренето во поголем оксидативен стрес (состојба во која антиоксидансите се дефицитарни), компензација на Х-хромозомот (кога се прави промена кај машки Х-хромозом, нема друга копија на овој ген што да се компензира промената затоа што мажите имаат само еден Х хромозом), разлики во должината на теломерите (крајните делови на хромозомите кои се поврзани со стапката на стареење и очекуваното траење на животот), посовршената функција на имунитетниот систем кај жените и заштитниот ефект на естроген против разни болести кај жени. Идентификувањето на причините за разликата во очекуваниот животен век помеѓу мажите и жените е првиот чекор кон подобрување на здравјето на мажите и таквите студии мора да ги земат предвид разликите што не можат да се објаснат само со генетски фактори. Биолошките разлики, како што се хормоналните разлики и факторите на животната средина, како и бројните занимања на мажите кои се опасни по нивниот живот и здравје , исто така, мора да бидат земени во предвид. Покрај тоа, мажите имаат специфични карактеристики на животниот стил кои предиспонираат за поголема смртност, како што се начин на живот со поголем ризик, склоност мажите да не се спротивстават на промените во нездравото однесување и поретко да бараат лекарска помош. Целта на анализите е да се разјаснат овие фактори и да се подобрат со цел да се заштити здравјето на мажите.

Ризикот е многу помал за пренесување на коронавирусот во авион, отколку во маркет и ресторан

Тале Кристо — Thu, 29 Oct 2020 08:57:14 +0000

Ризикот да заболите од коронавирус во авион е многу помал отколку во продавниците или рестораните, објавија во вторникот експертите од Харвард. Според извештајот на Школата за јавно здравство ризиците се многу помали поради строгите протоколи и заштитни мерки. Истражувањето на групацијата „Ерлајнс за Америка“ го иницираше ова истражување поради загубите на американските компании од милијарди долари секој месец, како резултат на падот на приходите за 65 отсто поради пандемијата. Американските авиокомпании имаат 50 отсто помалку летови отколку во 2019 година. Студијата на Харвард вели дека дека авионите имаат системи за вентилација кои го менуваат воздухот во просек на секои две до три минути, отстранувајќи 99 проценти од честичките со големина на коронавирус. Претходно и студијата на истражувањето на Министерството за одбрана на САД покажа дека ризикот од пренесување на ризикот при патување со авион е минимален со задолжителното носење маски, дезинфекцијата и постапката за качување и симнување од авионот.

Кои професии имаат најголем ризик од инфекција со коронавирус ?

Магдалена Андонова — Thu, 20 Aug 2020 18:44:37 +0000

Европскиот центар за превенција и контрола на болести го анализира појавувањето на т.н. кластери, во овој случај групи од најмалку две заразени со коронавирус, во различни работни средини, за да ги охрабрат државите да обрнат внимание на специфични групи на работници и работни услови што овозможуваат ширење на инфекцијата. Според податоците од анализите, најголем ризик за инфекција со коронавирус имаат вработените во домови за стари лица, како и медицински работници во болници. Иако лекарите и медицинските сестри се помалку болни од луѓето кои работат во старечки домови, нивната смртност е поголема. Од друга страна, продавниците се покажаа како прилично безбедни работни околини. На второ место во однос на бројот на пациенти се погони за преработка и пакување на храна, како што се кланици, земјоделски работи, и фабрики. На дното на скалата се продавниците и образовните институции, додека баровите и рестораните забележале само пет појави на групирање на заразените. Како и да е, треба да се забележи дека во текот на пролетните месеци работата на секторот образование и на гостопримството, беше ограничена. Дури 95% од извештаите на групите на пациенти доаѓаат од затворен простор, што само по себе е проблем затоа што повеќе од 80% од работите се прават во затворено.

Овие хороскопски знаци се многу внимателни кога се вљубуваат затоа никогаш не ризикуваат

Тале Кристо — Mon, 10 Aug 2020 11:54:59 +0000

Припадниците на овие знаци се толку внимателни кога запознаваат нов партнер, што си дозволуваат да се вљубат дури по некое време. Рак Најголемите емотивци меѓу хороскопски знаци, воедно и најбавно се вљубуваат од многу едноставна причина – еднаш кога ќе се заљубат, се заљубуваат посилно од кој било друг. Раковите не прифаќаат половични решенија кога е во прашање љубовта, затоа попрво би биле сами одошто во врска со човек во кој не се вљубени. Водолија Водолиите мислат дека вљубувањето е прекрасна појава, но кога се другите во прашање. Себеси повеќе се сакаат во слободна варијанта, па затоа својот љубовен живот го чуваат во реалистични сфаќања. Девица Тие копнеат да се вљубат, но нешто секогаш тргнува наопаку. Девиците тешко се опуштаат, а уште потешко стекнуваат доверба во другите, па затоа вљубувањето е сложен процес за нив, кој многу често пропаѓа. Јарец Просечниот Јарец точно знае што сака во љубовта и точно знае како би требало да изгледа личноста во која ќе се вљуби. Не прифаќа ништо помалку од идеалното, а еднаш кога ќе ја пронајде својата сродна душа, многу брзо почнува да и’ наоѓа маани. Затоа, припадниците на овој знак се познати како луѓе кои често влегуваат од врска во врска.