рижото – Kurir.mk

Кремасто рижото миланезе: Брзо и вкусно јадење, идеално за лесен ручек

Ристе Здравков — Mon, 20 Feb 2023 12:02:50 +0000

Рижото со шафран (Risotto alla Milanese) е веројатно еден од најпопуларните рецепти за рижото. Кремасто и вкусно, спаѓа во едно од традиционалните италијански јадења. Состојки: 600 мл пилешка супа 15 прамени шафран 4 лажици путер 2 супени лажици маслиново масло 2 чаши ориз половина чаша бело вино 1 кромид 50 гр пармезан сирење Подготовка: Додадете шафран во половина чаша топла супа и оставете го настрана. Остатокот од супата одржувајте ја топла на ниска температура. Во длабока тава пропржете го кромидот во две лажици путер и маслиново масло додека не стане проѕирен. Додадете го оризот во тавата и сè добро измешајте, а потоа истурете го виното и варете додека не испари целата течност. Додадете ја супата од шафран и сè варете околу две минути со постојано мешање. Постепено додајте го остатокот од супата и варете додека оризот не омекне, но внимавајте да не се превари, околу 15 минути. Тргнете ја тавата од оган, додајте ги преостанатите две лажици путер и пармезан и послужете додека е уште топло.

Подгответе здрав оброк без месо, рижото со печурки

Ивона Петрова — Sun, 03 Apr 2022 11:38:36 +0000

Вкусен и здрав оброк, лесен за подготовка. Состојки: 400 грама шампињони 200 грама ориз 1 кромид лук по желба 1 морков магдонос зејтин зачини Подготовка: На загреан зејтин додадете ги кромид исецкан на кругови и лукот. Динстајте неколку минути. Шампињоните исецкајте ги, и додадете ги во тавата. Ставете малку вода, и додадете го изренданиот морков, исецканиот магдонос, лажичка вегета, малку сол и бибер. Динстајте додека печурките не бидат готови, околу 25 минути. Оризот сварете го и исцедете. Кога печурките ќе бидат готови, додадете го оризот и се заедно помешајте. Добар апетит.

ПОСНО, ВКУСНО И ЗДРАВО: Направете рижото со печурки и кромид, дури и почетниците можат да го подготват!

Магдалена Андонова — Tue, 16 Mar 2021 07:38:58 +0000

Рижото е секогаш добар избор за посни денови, и вака се подготвува! Доколку ви треба добар рецепт за пост на вода, комбинирајте заситена и здрава храна како што се печурки! Овој рецепт за рижото може да го подготват почетници во кујната, а бидејќи е заситен и неутрален, експериментирајте со разни адитиви што ќе го подигнат неговиот вкус на повисоко ниво! Состојки: Две чаши ориз 300 грама печурки 3 чешниња лук 1 мала главица кромид Зачин со зеленчук Сол, бибер Подготовка: Во шерпа со подебело дно, издинстајте исецкан кромид, лук и печурки во малку вода. Додадете го оризот и оставете го да се крчка малку. Истурете вода да впие, две чаши ориз треба да бидат доволни за четири чаши вода. Зачинете со многу сол и бибер, како и зачинете со сушен зеленчук. Кога оризот ќе омекне, што е 15 или 20 минути, во зависност од сортата, садот е подготвен!

Рижото со морски плодови

Ивона Петрова — Fri, 11 Jan 2019 10:16:18 +0000

За љубителите на морската храна ова е одличен рецепт за подготовка на ориз со школки … Потребно е: 400 г ориз 1 кг црни неотворени морски школки 1 главица кромид, ситно сецкан 1 лажица доматно пире 200 мл бело вино 60 г путер 2 лажици маслиново масло 1 лажица сецкан магдонос сол, бибер Подготовка: – Ставете го виното да се вари. Кога ќе проврие, смалете ја температурата и оставете да врие 5 минути да му се намали количината на половина. – Школките измијте ги убаво и додадете ги во виното што се вари. Варете ги 4-5 минути за да се отворат. Мешајте ги од време на време. – Со лажица решетка извадете ги школките од виното, а виното прецедете го. Потоа во виното додадете вода за да добиете 1 литар течност. – Неотворените школки фрлете ги. – Загрејте во тава на рингла 30 гр путер со масло. Додадете го кромидот и пропржете го малку. Потоа додадете го оризот и малку зголемете ја температурата. Пржете го оризот со постојано мешање да стане стаклест – околу 2 минути. – Ставете сол, бибер и доматно пире. Убаво измешајте. – Во оризот додадете ја течноста со виното во која ги варевте школките. Но немојте да ја ставите одеднаш целата течност, туку прво сипете половина, па откако оризот ќе ја впие течноста досипете го остатокот. Целото варење на оризот треба да трае околу 35 минути. – Додека се подготвува оризот, извадете поголем дел од школките од обвивката и ставете ги во оризот. Измешајте убаво. – На крај додадете го преостанатиот путер, исецкан на листови и исецканиот власец. – На крај јадењето украсете го со преостанатите школки во обвивка.