Рјоју Кобајаши – Kurir.mk

Кобајаши и вторпат најдобар во Сапоро

Бошко Тасиќ — Sun, 22 Jan 2023 21:54:08 +0000

Jапонскиот ски-скокач Рјоју Кобајаши е победник на третото натпреварување во Сапоро. Кобајаши, кој во Сапоро славеше и во петокот, денес заврши со вкупно 280,0 поени, пред Гранеруд кој собра 268,9 поени (скокови од 140 и 136,5 метри), додека третото место му припадна на Германецот Маркус Ајзенбихлер со 256,9 поени. По првата серија Јапонецот беше второпласиран, но во втората со скок од 143 метри стигна до прво место. Полјакот Давид Кубацки го зазеде само единаесеттото место, но ја задржа првата позиција во генералниот пласман со 1.164 бодови, а по него е Гранеруд со 1.116, додека Ланишек е трет со 941.

Гранеруд и Кобајаши победници во Лахти

Бошко Тасиќ — Sun, 27 Feb 2022 20:48:25 +0000

Натпреварувањето во ски скокови во финскиот Лахти донесе необична ситуација во која двајца скокачи ја поделија победата – Норвежанецот Халвор Егнер Гранеруд и Јапонецот Рјоју Кобајаши имаа идентични 278.0 поени. Кобајаши скокна 125 и 130.5 метри, додека Гранеруд скокна 127 и 128.5 метри за да го споделат подиумот, додека третото место го освои победникот од петокот, Штефан Крафт со 271.3 поени и скокови од 124 и 128 метри. Ова беше втора победа на Гранеруд оваа сезона и 13. во Светскиот куп, додека Кобајаши сега има осум победи во 2021/22 и 27. во кариерата. Со победата, Кобајаши го помина Германецот Карл Гајгер во генерален пласман, откако тој беше само петти и сега разликата е 43 поени. Светскиот куп се сели во Осло, Норвешка следниот викенд.

Кобајаши победи на скокалницата во Вилинген

Бошко Тасиќ — Sun, 30 Jan 2022 09:22:33 +0000

Јапонскиот ски-скокач Рјоју Кобајаши победи на натпреварот во Вилинген. Победникот во Вилинген беше решен по само една серија затоа што втората не се одржа поради лошите временски услови. Победникот на Новогодишната турнеја, до победата стигна со скок од 145 метри, кој му донесе 115,6 поени. На второто место, со скок од 143 метри (111,6 поени), го освоиХалвор Граневуд од Норвешка, трет беше неговиот сонародник, Маријус Линдвик, со скокот од 137 метри (107 поени)

Кобајаши победник на вториот натпревар од турнејата „Четири скокалници“

Тале Кристо — Sat, 01 Jan 2022 19:17:27 +0000

Јапонецот Рјоју Кобајаши е победник на денешните ски-скокови од новогодишната турнеја „Четири скокалници“. По триумфот во Оберстфорд остварен пред три дена, Кобајаши денеска победи и во Гармиш-Партенкирхен на вториот натпревар од турнејата. До победата, јапонскиот натпреварувач стигна со скокови од 143 метри во првата и 135,5 метри во втората серија, односно 291,2 освоени бода. Второто место му припадна на Германецот Маркус Ајзенбихлер со 141 и 143,5 метри или 291 бод. Трет беше Ловро Кос од Словенија со прескокнати 135,5 метри и 138 метри, 286 бодови. Следен натпревар за најдобрите ски-скокачи во светот е на 4 јануари во австриски Инсбрук.

Победа на Кобајаши и на втората станица на „Четирите скокалници“

Бошко Тасиќ — Sat, 01 Jan 2022 16:15:31 +0000

Рјоју Кобајаши победи и на втората станица во овогодинешното израние на „Четирите скокалници“, која се одржа во Гармиш-Партенкирхен. Јапонецот триумфираше вторпат, откако беше најдобар и во Оберсдорф. Со скок од првата рунда со кој достигна 143 метри, Кобајаши ја остави конкуренцијата зад себе. Второпласиран во Гармиш-Партенкирхен беше Маркус Ајзенбихлер со само 0,2 поени помалку од Кобајаши кој заврши со 291,2. Третото место му припадна на словенечкиот ски-скокач Ловро Кос кој финишираше со 286 поени. Третата станица на „Четирите скокалници“ е закажана за трети јануари во Инсбрук.

Трета победа за Кобајаши, славеше и во Инсбрук

Ивона Петрова — Fri, 04 Jan 2019 17:01:41 +0000

Јапонскиот ски скокач Рјоју Кобајаши ја оствари својата трета победа на турнејата „Четири скокалници“, откако славеше во Инсбрук, по триумфот во Оберсдорф и Гармиш Партенкирхен. Во Австрија, Кобајаши победи со скокови од 136.5 и 131 метри, за вкупно 267 поени. Второто место беше за Штефан Крафт (Австрија) а третото за Германецот Андреас Стјернен. Кобајаши сега има 46 бодови повеќе од Маркус Ајзенбихлер од Германија, кој во Инсбрук заврши едвај 13-ти, па така е блиску до освојување на турнејата. Ако Јапонецот победи во недела во Бишесхофен, тој ќе стане третиот скокач во историјата со триумфи на сите „Четири скокалници“ по Свен Ханавалд и Камил Штох. МИА