рк еурофарм пелистер – Kurir.mk

„Чкембари“ се огласија: Дебакл, мизерија, катастрофа, очекуваме промени!!!

Бошко Тасиќ — Mon, 23 Oct 2023 06:14:39 +0000

Еурофарм Пелистер го победи Вардар меѓутоа овој резултат не им го донесе првото место во групната Б во Суперлигата. Скопскиот тим беше поубедлив на првата средба во „Јане Сандански“ и затоа останува на врвот и покрај сите проблеми со кои се заоочува за оваа битка во „Боро Чурлевски“. Домашните симпатизери беа разочарани поради завршниот епилог, а навививачката група „Чкембари“ се огласи и со порака во која бара промени која може да им донесе позитивни резултати во наредниот период. -Катастрофа, дебакл, мизерија. Веруваме дека оваа сезона не сме го кажале последниот збор. Додека постои и само теоретска шанса ќе веруваме во неа, а шансите не ни се само теоретски туку и реални. Имаме време за да го свртиме моментумот на наша страна. Очекуваме промени, -порачаа „Чкембари“.

РК Еурофарм Пелистер апелира за фер и коректно спортско навивање на вечерашниот натпревар со РК Вардар 1961

Ивана Ефремовски — Sun, 22 Oct 2023 12:02:08 +0000

Во пресрет на првенствениот ракометен натпревар меѓу екипите на РК Еурофарм Пелистер и РК Вардар 1961, управата на клубот апелира сите кои ќе бидат во спортската сала „Боро Чурлевски“, со своето фер и коректно спортско навивање да придонесат натпреварот да се одигра во спортска и фер атмосфера. РК Еурофарм Пелистер со соопштение до спортската јавност бара да не се реагира недостојно на евентуални провокации и однапред смислени можни сценарија. -Како клуб ги превзедовме сите организациони мерки за квалитетно и непречено одигрување на натпреварот. Денес ние сите заедно играчи, стручен штаб, управа и навивачи, на терен треба да покажеме кој е македонскиот ракометен шампион и која е најдобрата публика на светот. Затоа сите заедно, спортски, фер и коректно да извојуваме една голема победа на нашиот клуб, соопштија од РК Еурофарм Пелистер. Како што е познато, деновиве РК Вардар 1961 побара од натпреварувачката комисија на РСМ да го одложи натпреварот заради вироза кај поголем број скопски ракометари, но битолчани согласно пропозициите за натпревари во ракометната Супер лига (член 13, став 5 од Правилникот), не прифатија одлагање на вечерашната средба што почнува во 18 часот. (МИА)

Португалци ќе го судат мечот Загреб – Еурофарм Пелистер

Бошко Тасиќ — Tue, 17 Oct 2023 05:03:08 +0000

Европската ракометна федерација ги објави делегирањата на официјалните лица за мечевите од Лигата на шампионите. Македонскиот првак Еурофарм Пелистер во натпреварот од петтото коло ќе гостува кај шампионот на Хрватска, Загреб. Натпреварот ќе го судат португалските арбитри Даниел Акото Мартинс и Роберто Акото Мартинс, а делегат ќе биде Томо Водопивец од Словенија. Балканскиот двобој ќе се игра на 19 октомври со почеток во 18:45 часот во „Арена Загреб“, а домаќините oдлучија влезот да биде слободен.

Ракометниот Супер Куп ќе се игра на 6 септември

Бошко Тасиќ — Sat, 26 Aug 2023 05:30:14 +0000

Нов дуел од македонското ракометно вечно дерби Вардар – Еурофарм Пелистер треба да има на 6 септември, и тоа како дел од ракометниот Супер Куп. Вардар и Еурофарм Пелистер во септември треба да го играат и нивниот меѓусебен дуел од групата во Супер лигата. Тој меч првично беше закажан за 8 или 9 септември, но клубовите го одложија за една недела и би требало да играат на 16 септември во Скопје. Пред да го играат мечот од Супер купот, екипата на Вардар ќе одигра и два натпрревари против Рајн Некар од квалифкациите за Лига Европа. Еурофарм Пелистер пак ќе настапи на „Турнирот на пријателство“ во Истанбул. Тое турнир со учесници од СЕХА лигата, а во полуфиналето битолчани ќе се сретнат со Веспрем.

Еурофарм Пелистер поразен од Партизан на гостувањето во Белград

Бошко Тасиќ — Mon, 14 Aug 2023 04:07:28 +0000

Македонскиот ракометен шампион Еурофарм Пелистер синоќа претрпе минимален пораз од Партизан од 31-30 (18-11) на гостувањето во Белград во рамки на подготовките за новата сезона во која битолскиот клуб ќе дебитира во Лигата на шампиони. Македонскиот шампион заминува за Добој, следната недела го очекува настап на престижниот ракометен ТВ турнир. Битолскиот состав е во фаза на подготовки за стартот на новата сезона во македонската Суперлига и дебито во Лигата на шампиони. Првиот предизвик во елитното европско клупско натпреварување за Еурофарм Пелистер е на 13 септември кога во Битола ќе гостува данскиот шампион Колштад.

ЕХФ ги одреди точните термини за првите четири настапи на Еурофарм Пелистер во ЛШ

Бошко Тасиќ — Thu, 27 Jul 2023 04:22:52 +0000

Ракометарите на Еурофарм Пелистер се подготвуваат за новата сезона во која ги очекува и настап во елитната Лига на шампиони, а Европската ракометна федерација ги потврди и термините на натпреварите на битолчани во првите четири рунди. Македонскиот шампион ќе го започне настапот на домашен терен во Битола со дуелот против Колштад на 13. септември од 18:45 часот, по што следуваат три подоцни термини. Дуелите со Алборг, Кил и ПСЖ, нашиот претставник ќе ги одигра во 20:45 часот, а дополнително ќе очекува информации и за наредните рунди. Во овие стартни четири кола, Еурофарм Пелистер ќе биде домаќин на Кил на 28. септември, а им гостува на Алборг (20. септември) и ПСЖ (12. октомври). Групата А во која настапуваат битолчани најавува жестока битка за највисоките позиции, а во неа се вклучени и Пик Сегед, Кјелце и Загреб.

РК Еурофарм Пелистер е нов македонски ракометен шампион

Ивана Ефремовски — Sat, 27 May 2023 18:35:49 +0000

Со победнички шпалир приреден од РК Тиквеш и со аплауз од генерацијата битолски ракометари кои пред 18 години беа македонски шампиони, вечерва во Битола беше прославена победата и првото место на РК Еурофарм Пелистер во годинешното ракометно првенство. Иако резултатот од натпреварот меѓу битолчани и гостите од Кавадарци беше во втор план, сепак ракометарите не пропуштија пред полна сала уште еднаш да ги покажат своите вештини, талент и ракометно знаење кое со аплауз беше наградено од публиката која ја поздрави победата на домашниот тим од 35:26. Славјето во Битола почна со последниот свиреж на судиите Божиновски и Начевски кои вечерва немаа тешка задача затоа што двата тима играа фер и коректно, а најдобар впечаток оставија репрезентативците Костески и Атанасиевиќ во тимот на РК Еурофарм Пелистер и Петровиќ во тимот на РК Тиквеш. Пехарот на македонската ракометна федерација повторно по 18 години е во Битола и токму затоа вечерва на плоштадот „Магнолија“ навивачите и ракометарите, управата на РК Еурофарм Пелистер и локалната самоуправа слават, но и ќе треба да се подготват за успешен настап во лигата на европските ракометни шампиони. (МИА)

Вардар и Пелистер во последните две кола ќе играат во ист термин

Бошко Тасиќ — Thu, 18 May 2023 04:52:04 +0000

Ракометната федерација на Македонија (РФМ) ги одреди термините за 13. коло од плеј-офот во Суперлигата, претпоследно од домашниот ракометен шампионат за оваа сезона. Еурофарм Пелистер е во пол-позиција по победата над Вардар 1961 во Битола, па ги држи конците во свои раце и со две победи на последните две средби ќе стане шампион на Македонија за првпат по 2005 година. Битолчани ќе гостуваат кај Охрид кој игра за Европа, додека Вардар исто така гостува кај Тиквеш. Интересно е што не само за Вардар и Пелситер се овие дуели значајни, туку истото важи и за Охрид и Тиквеш затоа што двата тима се борат за последното европско место. Двете средби ќе се играат во ист термин. Ќе стартуваат во сабота, со почеток од 20:00 часот. Еден час порано од 19:00 на терен ќе излезат Алкалоид и Еурофарм Пелистер 2, а единствениот неделен дуел го играат Пролет и Бител Скопје (19:00 часот).

Вардар 16.пат во историјата го освои Купот на Македонија

Бошко Тасиќ — Sat, 13 May 2023 17:59:51 +0000

Ракометарите на Вардар 1961 го оставија Еурофарм Пелистер без двојната круна. Во финалето на Купот, во салата „Билјанини извори“ во Охрид, со победата 26:25 (16:12) над Еурофарм Пелистер, Вардар 1961 го свои 16. трофеј во Купот на Македонија. Вардар 1961 им се реваншираше на ривалите од Битола за неодаменшниот пораз во првенството, со кој практично им ја предадоа шампионската титула. Црвено-црните, заслужено го освоија Купот, бидејќи од првата до последната минута имаа целосна контрола врз она што се случуваше на теренот. Блескаше бековската тројка Талески-Моралес-Дутра во нападот и одбраната која лесно се справуваше со лошиот напад на Еурофарм Пелистер. Споменатите тројца постигнаа 90 отсто од головите на својот тим. Моралес блескаше во првиот дел во кој постигна шест гола.Она што е е интересно голманите некаков фактор во финалето. Бороко Ристовски собра седум одбрани, од кои последната против Ојлески во 55.минута беше клучна. Вардар највисоката предноста ја стекна во 13.минута (8:3) и до крајот не му дозволи на противникот да го стигне. На полувреме црвено-црните имаа предност 16:12.Пелистер со добра серија во 41.минута се доближи на гол негатива (19:18), меѓутоа Вардар одговори со три гола и се врати во конфорна зона. Последен обид да се врати во мечот Пелистер имаше во 52.минута (24:23), но тогаш Талески постигна гол од тешка позиција, а Ритовски му одбрани на Ојлески. Вардар 1961 до победата го предводеа Моралес, Талески и Дутра со по седум гола. На крајот за МВП на завршниот турнир е прогласен средниот бек на Вардар 1961, Дутра. Неговите соиграчи Манасков и Ристовски ги добија наградите за најдобар стрелец и голман.

Шундовски: Вардар има играчи со европски титули, ние добро го покривме тоа

Бошко Тасиќ — Sat, 06 May 2023 20:03:36 +0000

По натпреварот против Вардар, тренерот на Еурофарм Пелистер Звонко Шундовски зборуваше за мечот,за екипата и изјави дека успехот над Вардар е огромен, меѓутоа мора да се остане максимално фокусиран до крај, затоа што има уште две средби со опасни противници. „Работиме да бидеме победничка екипа, со таков менталитет. Тоа овие момци го заслужуваат со нивниот квалитет, а уште повеќе тоа го заслужува и оваа публика која не бодреше 60 минути на највисоко ниво. Ова беше еден тежок, но и важен натпревар за двете екипи. Во Вардар има играчи кои освојувале европски титули, тоа искуство не се купува со пари, знаат како да ги одиграат посебно овие натпревари. Ние денес добро го покривме тој дел, ја подготвивме екипата и играчите одиграа максимално на теренот. Сите изгинаа и заслужено дојдовме до победата. Ни следат уште два меча пред нас, ова е голем чекор кон титулата. Имаме два меча со сериозни противници, мора да бидеме максимални, па потоа ќе славиме. Се надевам дека ова е потсрек за едно одржување на високо ниво и конкретно, екипа за Лигата на шампионите“, изјави Шундовски. До крајот на Суперлигата има уште две кола, а Еурофарм Пелистер го чекаат натпревари против ГРК Охрид и Тиквеш.