рк металург – Kurir.mk

Металург службено ги загуби неодиграните натпревари во шампионатот

Бошко Тасиќ — Wed, 23 Feb 2022 10:50:51 +0000

Ракометната федерација на Македонија денеска службено ги регистрира петте одложени натпревари на Металург на кого притоа му се одземени и пет бода, по еден за секој неодигран наптревар. РФМ одлучи службена победа на Вардар, Радовиш, Охрид, Еурофарм Пелистер и Бутел од 10:0 против Металург претходно беше суспендиран од Европската ракометна федерација поради неисполнувањето на финансиските обврски кон Зоран Кастратовиќ и Александер Шпенде.

РК Металург суспендиран и од домашното првенство

Бошко Тасиќ — Wed, 02 Feb 2022 21:30:41 +0000

Денес од ЕХФ стигна одлука на РК Металург да му се забрани во домашното првенство откако претходно беше суспендиран од учеството во европските натпреварувања. Денешниот дуел Металург –Вардар од тие причини е откажан. Љубителите на ракометот добро го паметат Металург од најдобрите денови, како расадник на таленти и колектив во кој своевремено играше комплетната македонска репрезентација а на клупата седеше познатиот хрватски стратег Лино Червар. По заминувањето на Червар за жал металурзите тргнаа во друг правец и по тужбите од дел од членовите и опомените од страна ЕХФ за финансиските долгови дојдоа и суспензиите по кои Металург не може да се натпреварува и на домашната ракометна сцена па денешното дерби со Вардар од Суперлигата беше одложено. Да потсетиме пред стартот на сезоната во Европската лига ЕХФ побара парична гаранција од македонскиот клуб во висина од 50 000 евра за да може да се натпреварува. Металург притиснат од финансиските проблеми се повлече и по повод настаната ситуација за утре во 11ч најавува прес конференција на која се чека објаснување што понатаму со клубот кој многу значеше и значи за македонскиот ракомет.

Металург суспендиран од натпреварите на ЕХФ

Бошко Тасиќ — Mon, 31 Jan 2022 20:28:20 +0000

Ракометниот клуб Металург доби суспензија за настап во европските конкуренции, на редовниот состанок на извршниот комитет на ЕХФ, во Будимпешта. На состанокот тема биле обврските на клубовите и долговите кон играчите и тренерите, а Металург веќе неполна деценија се мачи со таа проблематика. Некои од субјектите ги бараа своите пари по институционален пат, токму преку ЕХФ, па извршниот комитет донел одлука да му биде забрането на шесткратниот македонски шампион да игра во европските конкуренции.

Котевски нов тренер на Металург

Тале Кристо — Fri, 21 Jan 2022 08:39:08 +0000

Поранешниот македонски репрезентативец, Игор Котевски е назначен за нов тренер на Металург. – Игор Котевски е нов тренер на Металург. Ова значи негово враќање во Автокоманда, откако претходно го водеше и Металург 2, објави клубот од Автокоманда. Котевски на тренерската позиција во Металург ќе го наследи Иван Марковски. Во својата тренерска кариера, Котевски пред доаѓањето во Металург работеше во неколку младински екипи, како и со првите тимови на Бутел и Голден Арт.

Вардар потешко од очекувањата триумфираше над Металург

Бошко Тасиќ — Sat, 09 Oct 2021 18:22:30 +0000

Ракометарите на Вардар против Металург мораа добро да се намачат за да стигнат до планираните бодови и победа од (38:30). Металург беше расположен да му парира на шампионот во најголем дел од натпреварот, а на полувреме имаше и водство 18:19. Составот од „Автокоманда“ ја одржуваше неизвесноста до пет-шест минути до крајот на средбата, но Вардар успеа да издоминира во завршната фаза и на крајот стигна и до убедлива победа 38:30, со резултат кој не го отсликува она што се случуваше во најголем дел од натпреварот од македонската машка ракометна Супер лига. Дибиров со 8 голови беше најефикасен во победничкиот тим, а еден помалку постигнаа Талески и Моралес. Во редовите на Металург, одличен настап имаше Мане кој го заврши натпреварот со 9 голови. Вардар ја оствари и шестата победа од исто толку натпревари, задржувајќи го првото место пред Тинекс Пролет, кој денеска славеше на гостувањето кај Струга со 21:24. foto: derbi.mk

Металург немаше проблеми против Охрид

Бошко Тасиќ — Sat, 22 May 2021 16:07:20 +0000

Ракометарите на скопски Металург без поголеми проблеми славеа над Охрид со 28-24 во 11. коло од ракометната машка Суперлига. Домаќините уште во првото полувреме покажаа дека се поквалитетни од противникот, а по 30. минути игра имаа предност од 15-11. „Металурзите“ во вториот дел успеаја да го исконтролираат резултатот и на крајот да стигнат до конечен триумф од 28-24. Василије Калуџеровиќ со седум гола беше најефикасен во таборот на победникот, додека пет додаде Златко Хорват. Кај поразените натпреаварот со по четири гола го завршија Денис Тот и Филип Николов.

Металург триумфално низ Битола

Бошко Тасиќ — Thu, 20 May 2021 15:22:09 +0000

Ракометарите на скопски Металург извојуваа значајна победа на гостувањето во Битола против Еурофарм Пелистер 2 и останаа во трка за место во Европската лига на ЕХФ. Составот од Автокоманда славеше со 31-34 (15-19) во вториот натпревар од 10. коло на плеј-офот на Суперлигата. Најефикасни кај Еурофарм Пелистер 2 беа Петровиќ и Јован Талевски со по осум гола, а во тимот на Металург позитивен натпревар одиграа Хорват со дванаесет и Калуѓеровиќ со шест погодоци.

Браќата Ниокас од наредната сезона во скопски Металург

Бошко Тасиќ — Fri, 14 May 2021 21:53:02 +0000

Скопски Металург веќе почна да влече конкретни потези за наредната сезона, па откако ги продолжи договорите на тренерот Иван Марковски и крилото Златко Хорват сега пристигнува информација дека клубот од Автокоманда успеал да ги обезбеди потписите на француските интернационалци Оливие и Кевин Ниокас.

Француските медиуми пренесуваат дека Оливие и Кевин прифатиле ангажман во Металург и ќе потпишат двегодишни договори. Тоа се играчи кои ги покриваат бековските позиции (левата и десната),
Првиот во моментов е соиграч на Кирил Лазаров во Нант, додека пак вториот настапува во Бенфика,

Вардар прв финалист во Купот на Македонија

Бошко Тасиќ — Thu, 13 May 2021 16:22:34 +0000

Ракометниот Купот на Македонија ќе добие нов сопственик, откако тимот на Металург, кој беше последен освојувач на ова натпреварување од пред две години, загуби од Вардаер 1961 во првото полуфинале со 27:22 полувреме (14:12). Во составот на Металург се истакнаа Серафимов и Калуѓеровиќ со по шест гола, а кај Вардар 1961 најефикасни беа Чупиќ со седум и Јотиќ со шест погодоци. Одлични беа и двајцата голмани на двата тима Борко Ристовски и Даниле Дупјачанец кои запишаа по 13 интервенции. Второто полуфинале же биде помеѓу Бутел Скопје и Еурофарм Пелистер се игра вечерва од 19:00 часот. foto: gol.mk

Металург без проблеми против Струга

Бошко Тасиќ — Sat, 08 May 2021 15:56:42 +0000

Ракометниот клуб Металург го искористи поразот на Охрид од Вардар и се искачи на четвртото место на табелата во ракометната Суперлига со 11 бода. Тимот од Автокоманда ја совлада Струга со убедливи 35-28 полувреме (17-13). Ова беше втор триумф за избраниците на Иван Марковски и неговите момци по Т. Пролет, вкупно трет во плеј-офот, во кој има две ремија и четири порази. На другата страна гостите беа немоќни, за нив ова беше шести пораз.