рк струга – Kurir.mk

Е. Пелистер подобар од домаќинот во првиот натпревар на Струшкиот ракометен турнир

Бошко Тасиќ — Tue, 16 Aug 2022 18:03:01 +0000

Ракометарите на Еурофарм Пелистер славеа со 27:23 над домаќинот на првиот натпревар на јубилејниот 50. Струшки ракометен турнир. Поради лошите временски услови, натпреварот наместо на теренот покрај градската плажа, се одигра во салата „Нико Нестор“. Иако важеа за големи фаворити, ракометарите на Е. Пелистер до победата дојдоа во второто полувреме откако во првиот дел имаа позитива од само еден гол (13:12). Сепак, во вторите 30 минути, битолчани кои летото направија ремонт на екипата, плус на местото на Бабиќ на клупата седи Ларс Валтер, го покажаа квалитетот, дојдоа до предност од пет гола и рутински го приведоа мечот до крајот.

Вардар со победа го стартуваше турнирот во Струга

Бошко Тасиќ — Thu, 12 Aug 2021 19:59:31 +0000

Македонскиот ракометен првак Вардар со сигурна победа над домаќинот Струга со 39-26 го отвори 49. издание на Струшкиот ракометен турнир кој се игра во овој град. Најдобар кај Вардар беше крилото Јан Чувара со седум гола, пред Тото со шест, Кудуз заедно со Диало и Моралес имаа по четири гола, а Валчак, Атанасовски и Ќосевски завршија со по три реализации. Во оваа група во првото коло слободен беше Бутел Скопје. Денешната програма, по церемонијалот на свечено отворање, ќе ја затворат Тиквеш 2014 и Металург.

Т.Пролет ја запиша четвртата победа во Супер лигата

Бошко Тасиќ — Sun, 18 Apr 2021 15:22:12 +0000

Ракометарите на Пролет рутински славеа на натпреварот против Струга со 27-21 за четврта победа во седумте одиграни кола со што скопскиот суперлигаш се зацврсти на третото место на табелата, во борбата за излез во ракометна Европа. Давор Палевски беше во главна улога на овој натпревар постигнувајќи 11 погодоци, пет гола за Пролет постигна Пејовиќ, а четири Аларов. Јанкуловски и Ракочија беа најефикасни кај Струга со по четири. foto: gol.mk

Бомба прашање за Наумче Мојсовски – Каде се 95.000 евра што РК Струга, ги доби од агенцијата за Спорт и Млади?!

Тале Кристо — Sun, 05 Jul 2020 15:19:18 +0000

Наумче Мојсовски претседателот на новата комисија за спорт во СДСМ доби бомба прашање за кое веројатно нема одговор. “Вчера во Струга беше Зоран Заев. Па покрај небулозите што ги кажа, а што ги кажуваше и пред 3 години, друго ништо суштински и конкретно не слушнавме. Но, она што сакаме да го прашаме Зоран Заев е тоа дали го праша Наумче Мојсовски до каде се платите на ракометарите на РК Струга, кои се доцнат од месец Ноември 2019 година ? Имено, претседателот на РК Струга, воедно и претседател на комисијата за спорт на СДСМ, поранешен ракометен репрезентативец на Република Македонија, Наумче Мојсовски, должи плати и премии на ракометарите на РК Струга уште од Ноември 2019та година. Додека пак, стручниот штаб, многу веројатно е, да немале земено плата уште од Септември. Она што не наведува да мислиме дека целата оваа ситуација е криминогена е фактот што РК Струга, од агенцијата за Спорт и Млади доби ваучер од 95.000 евра. Па оттука се поставува уште едно потпрашање, на што Наумче Мојсовски ги потроши парите, што е според Наумче Мојсовски приоритет број 1, а тоа да не се ракометарите кои треба дома на своите фамилии и деца да им однесат леб на нивните трпези. Тие 95.000 евра, како и многу други илјади евра, во најблаго речено речена форма, се украдени. Тие пари се украдени од младите спортисти, од Општинската каса, украдени се од агенцијата за Млади и Спорт, украдени се од народот. Ако првиот човек на спортската комисија на СДСМ, Нумче Мојсовски, се однесува вака кон своите ракометари, тогаш тоа е доволен доказ за тоа колку на СДСМ им е грижа за спортистите и нивните животи, посветеност, талентот, просперитетот итн. Каква стратегија во спортот треба да очекуваме од Заеви ? И тука со рекет и со поткупување, со лаги кои траат со месеци ? Никако, тоа води во амбис, во лоши резултати, во лоша состојба во професионалниот спорт.” – пишува Аналитикум.мк.

Наумче Мојсоски се врати во РК Струга

Ивана Ефремовски — Fri, 02 Feb 2018 08:22:51 +0000

Македонската ракометна легенда, Наумче Мојсоски се врати во својот матичен клуб РК Струга, но со сосема поинаква улога. Сега поранешниот македонки репрезентативец ќе ја има улогата на претседател, а воедно ќе биде и главен спонзор на овој клуб. На ова ново место Мојсо официјално беше назначен на редовното годишно собрание на кое беа најавени подобри времиња за РК Струга, клуб кој има дадено многу познати и реномирани македонски ракометари.