РК Вардар 1861 – Kurir.mk

Ракометниот Супер Куп ќе се игра на 6 септември

Бошко Тасиќ — Sat, 26 Aug 2023 05:30:14 +0000

Нов дуел од македонското ракометно вечно дерби Вардар – Еурофарм Пелистер треба да има на 6 септември, и тоа како дел од ракометниот Супер Куп. Вардар и Еурофарм Пелистер во септември треба да го играат и нивниот меѓусебен дуел од групата во Супер лигата. Тој меч првично беше закажан за 8 или 9 септември, но клубовите го одложија за една недела и би требало да играат на 16 септември во Скопје. Пред да го играат мечот од Супер купот, екипата на Вардар ќе одигра и два натпрревари против Рајн Некар од квалифкациите за Лига Европа. Еурофарм Пелистер пак ќе настапи на „Турнирот на пријателство“ во Истанбул. Тое турнир со учесници од СЕХА лигата, а во полуфиналето битолчани ќе се сретнат со Веспрем.

Дејвис: Можеби малку среќно, но на крај победивме

Бошко Тасиќ — Sun, 15 May 2022 22:58:28 +0000

Давид Дејвис се врати во Вардар 1961 и се наоѓа на чекор до исполнување на мисијата. Со голема победа со пресврт во Купот, вардарци го зграпчија првиот трофеј во сезозната, а за две недели веројатно истото ќе го сторат и со шампионскиот. Сакам да му честитам на Бабиќ, тој е одличен тренер и одамна се познаваме. Имаме многу почитување за него, неговите екипи секогаш играат добар ракомет. Атмосферата денес беше многу добра, се играше одличен ракомет, љубителите уживаа. Ова беше типичен Куп-дуел. Првиот дел Еурофарм Пелистер доминираше, па петнаесеттина минути беше израмнето и на крај ние се извлековме. Можеби малку среќно, но на крај победивме. Мислам дека клучот беше што верувавме во победа и кога заостанувавме 5-6 гола. Се одлучив да играм „фластер“ на Периќ и тој потег се покажа како одлучувачки“, рече Шпанецот.

„Вечно дерби“ и во финалето на машкиот ракометен Куп

Бошко Тасиќ — Fri, 13 May 2022 19:54:07 +0000

Скопски Вардар и Еурофарм Пелистер без проблеми се изборија за нова пресметка во битката за трофеј. Откако првично Вардар победи во првото полуфинале против вториот тим на Еурофарм Пелистер, првиот тим на битолчани вечерва ја оправда фаворитската улога против Бутел и со сигурна победа закажа финална пресметка против вечниот ривал. Пелистер победи со 25:21 и се чекираше како втор патник во финалето во Купот, во кое за противник ќе го има Вардар во битката за титулата. Павлетиќ со шест гола беше најефикасен во победничкиот тим, еден помалку постигна Мандалиниќ, а по пет реализации имаа и Митев и Мајиќ во противничкиот табор.

Борко Ристовски: Честитки до Пелистер за проектот, но да не заборавиме дека Вардар е Вардар

Бошко Тасиќ — Sun, 01 May 2022 19:09:45 +0000

Борко Ристовски, како и сите останати ракометари на Вардар беше пресреќен по триумфот над Е.Пелистер и остварената цел, да се освојат бодовите во Битола, а потоа мирно да се заврши сезоната за нова 15. титула во колекцијата на „црвено-црните“. „Тежок натпревар кој се одигра во врвна атмосфера. Драго ми е што се уште постои, поточно се врати ривалството меѓу Скопје и Битола, постојат две екипи кои можат да се борат за шампионската титула. До последните неколкму кола не се знаеше кој ќе биде шампион. Честитки до Е.Пелистер за добриот проект, се движат во вистинска насока, мора да растат уште бидејќи Вардар е Вардар. Да не заборавиме европски шампион, искрено сме поквалитетни од нив. На Е.Пелистер им фалат македонски играчи кои знаат како се играат ваков тип на натпревари, имаат искуство, овој меч не го одлучија странци, туку домашни играчи, не може секој да се носи со ваква атмосфера, не може да го издржи притисокот.

Битола на нозе – билетите за дербито со Вардар ги снема за 15 минути!

Бошко Тасиќ — Fri, 29 Apr 2022 18:24:41 +0000

Во недела се игра дербито во македонското првенство кое ќе го одлучи шампионот во македонското првенство, Вардар ќе гостува во Битола. Билетите за супер дербито во продажба беа пуштени денес точно напладне, а ги снема за 15-тина минути. Битолскиот тим во Скопје победи со 24:23 и Вардар мора да победи ако сака да ја одбрани титулата и реми ќе го направи Еурофарм Пелистер нов шампион. Ова секако е под претпоставка двете екипи до крајот да останат перфектни во следните три кола. Билетите се продаваа по цена од 200 денари, а како што информиаа од таборот на пелистерци поради големиот интерес предност добиле оние фанови кои имаат сезонски билети.

Дејвис: За нас како Вардар оваа реми е многу важно

Бошко Тасиќ — Wed, 06 Apr 2022 22:01:50 +0000

Тренерот на „црвено-црните“ Давид Дејвис вели и покрај тоа што го завршија својот настап во осминафиналето, задоволен е со ремито бидејќи многу е тешко да дојдеш до таков резултат на гостување кај унгарскиот тим.

„Најпрво честитки за Илиќ за пласманот во четвртфиналето. Многу среќа понатаму. Честитки за Веспрем, тука бев две и пол години и им посакувам се најдобро. Исто и за мојот тим затоа што знам дека тука е никогаш не е лесно да се игра. Иако губевме по првото полувреме, ние продолживме да играме и да растеме. Имаме уште важни натпревари. Среќен сум поради резултатот, да одиграш нерешено со Веспрем не е лесно. Иако за нив можеби ремито е неважно, за нас е многу. Исто и благодарност до навивачите кои дојдоа тука со нас“, изјави Дејвис.

Стоилов: Ова е чекор напред за Вардар

Бошко Тасиќ — Wed, 06 Apr 2022 21:58:41 +0000

Свое видување по мечот имаше и кашитенот на РК Вардар, Стојанче Стоилов – Му честитам на Веспрем за пласманот во четвртфиналето. Благодарност и до нашите навивачи кои дојдоа тука и покрај поразот во Скопје. Што да кажам за мечот, дојдовме тука да се бориме, да се обидеме да победиме и да го дадеме најдоброто, мислам дека дел од ова го реализиравме. Не е лесно да се игра ваков натпревар после пораз од осум голови разлика на домашен терен. Имаше многу грешки, но и добри работи, нашите голмани беа добри. Ова е чекор напред за нас, а сега имаме тешка задача во македонскиот шампионат – беа зборовите на пивотот на Вардар 1961, Стојанче Стоилов.

Херојски триумф на Вардар во ЛШ против Монпеље

Бошко Тасиќ — Wed, 16 Feb 2022 20:59:57 +0000

Македонскиот ракометен првак Вардар 1961 успеа да забележи голема победа на гости кај Монпеље од 25-28 и така се врати во игра за следната фаза во ракометната Лига на шампиони. По седум порази во серија, вардарци покажаа живот и тоа против лидерот на табелата. Давид Дејвис Камара имаше успешно деби, а „црвено-црните“ го одиграа можеби најдобриот натпревар оваа сезона во елитата и диктираа темпо од почетокот до крајот против фаворитот на хартија. Со овој триумф, Вардар му се одмазди на Монпелје за претходниот пораз во Скопје. Голманот Мартин Томовски впиша одлични 13 одбрани, а најефикасен кај стрелците беше Њокас со пет гола, пред пивотите Стоилов и Тото со по четири реализации. Кај домашниот тим Уго Дескат постигна седум гола.

Дејвис: Ќе беше многу подруго ситуацијата ако беше спротивна и ако имав повеќе време за подготовки

Бошко Тасиќ — Thu, 03 Feb 2022 20:54:02 +0000

Давид Дејвис против хрватски Нексе ќе го има на своето деби на клупата на актуелниот ракометен шампион Вардар. Во пресрет на отворањето на СЕХА сезоната и натпреварот со хрватскиот тим Дејвис изјави дека го неговиот тим го чека голема борба против екипа која што игра квалитетно и е предводена од одличен тренер. „Немав многу време за да направам поголеми промени во тимот. Напорно и посветено се подготвуваме за дуелот со Нексе. Знаеме за каков тим станува збор. Игра одлично и има многу добар тренер и добри играчи. Мојот прв натпревар ќе биде многу тежок.Гаџа и Валчек на располагање ги имам само неколку дена. Овој дуел доаѓа во незгодно време, затоа што тимот не е влезен во натпреварувачки ритам. Ќе беше многу подруго ситуацијата ако беше спротивна и ако имав повеќе време за подготовки“, реча шпанскиот стратег. Натпреварот меѓу Вардар и Нексе Нашице се игра утре во „Јане Сандански“, со почеток од 18:00 часот. foto:gol.mk

Македонските екипи ги дознаа термините за пролетните натпревари во СЕХА лигата

Бошко Тасиќ — Mon, 24 Jan 2022 20:13:08 +0000

Регионалната ракометна СЕХА лига ќе продолжи на почетокот од февруари. Преостануваат уште шест кола од регуларниот дел од сезоната, а потоа следува плеј-офот и конечната разврска. Вардар 1961 во првото коло во пролетната полусезона ќе се сретне со Нексе Нашице на домашен терен додека вториот македонски претставник Еурофарм Пелистер ќе ја отвори новата година со гостување во Белград, кај екипата на Партизан. А група: 07.02.2022 - Партизан - Еурофарм Пелистер 10.03.2022 - Еурофарм Пелистер - Татран Прешов 22.03.2022 - ППД Загреб - Еурофарм Пелистер 24.04.2022 - Еурофарм Пелистер- Партизан 20.04.2022 - Татран Прешов - Еурофарм Пелистер 17.05.2022 - Еурофарм Пелистер - ППД Загреб Б група: 06.02.2022 - Вардар - Нексе Нашице 08.02.2022 - Војводина - Вардар 02.04.2022 - Мотор - Вардар 18.02.2022 - Нексе Нашице - Вардар 22.03.2022 - Вардар - Војводина 17.05.2022 - Вардар - Мотор Осминафинале: 20/21.05.2022 Четвртфинале: 25-29.05.2022 - 04-05.06 2022 Завршен турнир: - 02-04.09. 2022 Четвртфиналните дуели се закажани во мај и јуни. Полуфиналињата и финалните мечеви, пак, ќе се одиграат наесен (2/4 септември). Веспрем е бранител на титулата од ланската сезона во СЕХА лигата.