рк Вардар 1961 – Kurir.mk

Вардарово селфи по мечот во Битола: Секогаш верувајте на тим што остава срце на терен

Бошко Тасиќ — Sun, 22 Oct 2023 19:38:36 +0000

Ракометарите на Вардар загубија во дербито на гостувањето кај Еурофарм Пелистер од 29-25, но ја задржаа предноста од пет голови од првиот натпревар одигран во Скопје. Иако има уште многу да се игра сезонава во домашниот шампионат тој еден погодок може да биде клучен на крајот во битката за титулата. И покрај проблемите со вирозата и големата негатива која во еден момент изнесуваше и девет разлика, на крајот вардарци успеаја да стигнат до пораз од само четири гола. „Секогаш верувајте на тим што остава срце на терен“, напиша Борко Ристовски на својот инстаграм профил. https://www.instagram.com/p/Cytfa5mtPt4/?utm_source=ig_web_copy_link

РК Еурофарм Пелистер апелира за фер и коректно спортско навивање на вечерашниот натпревар со РК Вардар 1961

Ивана Ефремовски — Sun, 22 Oct 2023 12:02:08 +0000

Во пресрет на првенствениот ракометен натпревар меѓу екипите на РК Еурофарм Пелистер и РК Вардар 1961, управата на клубот апелира сите кои ќе бидат во спортската сала „Боро Чурлевски“, со своето фер и коректно спортско навивање да придонесат натпреварот да се одигра во спортска и фер атмосфера. РК Еурофарм Пелистер со соопштение до спортската јавност бара да не се реагира недостојно на евентуални провокации и однапред смислени можни сценарија. -Како клуб ги превзедовме сите организациони мерки за квалитетно и непречено одигрување на натпреварот. Денес ние сите заедно играчи, стручен штаб, управа и навивачи, на терен треба да покажеме кој е македонскиот ракометен шампион и која е најдобрата публика на светот. Затоа сите заедно, спортски, фер и коректно да извојуваме една голема победа на нашиот клуб, соопштија од РК Еурофарм Пелистер. Како што е познато, деновиве РК Вардар 1961 побара од натпреварувачката комисија на РСМ да го одложи натпреварот заради вироза кај поголем број скопски ракометари, но битолчани согласно пропозициите за натпревари во ракометната Супер лига (член 13, став 5 од Правилникот), не прифатија одлагање на вечерашната средба што почнува во 18 часот. (МИА)

РК Вардар со лекција за Голден Арт

Бошко Тасиќ — Mon, 16 Oct 2023 17:11:44 +0000

Вардар игра фуриозно и максимално сериозно на стартот на новата сезона во македонската Суперлига, каде останува апсолутен лидер и единствен непоразен тим и по седум рунди. Тимот на Недановски и Стоилов денеска без проблеми се справи и со ракометарите на Голден Арт, дури и во ситуација кога имаше нецелосен состав на располагање каде го совладаа со 32-21. Родригез и Николиќ постигнаа по осум гола за гостинскиот тим, додека кај домаќините Ончев имаше пет реализации.

Вардар во дерби натпреварот го доби Еурофарм Пелистер

Бошко Тасиќ — Sun, 17 Sep 2023 19:28:33 +0000

Ракометарите на Вардар славеа на вечното дерби со Еурофарм Пелистер со резултат 30-25, уште еднаш покажувајќи дека „црвено-црните“ и со сериозно променет и подмладен ростер се подготвени да атакуваат на трофеи. Ако Суперкупот во Струмица беше израмнет во подолги периоди, денешниот меч мина во апсолутна доминација на „вардарци“, кои водеа од почеток до крај и апсолутно ја заслужија победата. Томовски беше извонреден со 13 успешни интервенции, Милан Лазаревски одигра уште еден одличен меч против Пелистер постигнувајќи шест гола, исто толку реализираше и Срдановиќ, по пет погодоци постигнаа Петриќ о Николиќ, а четири Јасихура. Кај Еурофарм Пелистер, најефикасни во денешниот пораз беа Борзаш со шест и Кузманоски и Костески со по пет погодоци.

РК Вардар ја почна сезоната со победа над Бутел

Бошко Тасиќ — Wed, 13 Sep 2023 18:44:57 +0000

РК Вардар го совлада Бутел со 24:21 (10:8) во првото коло од ракометната Суперлига, откако беа во водство во поголемиот дел од мечот. Иако конечниот резултат не изгледа убедлив, Вардар водеше со гол-два во текот на првото полувреме, за во второто со добра серија да ја направат најголемата разлика од 16:9. Срдановиќ со осум гола беше најефикасен кај Вардар, додека по три дадоа Ѓукиќ и Лазаревски, а кај Бутел најдобар беше Јефтиќ со шест гола. Големата пресметка со Пелистер на програмата е во сабота. Фото: РК Вардар

Пуштени се во продажба билетите за дербито Вардар-Пелистер

Бошко Тасиќ — Tue, 12 Sep 2023 16:56:59 +0000

Ракометните клубови Вардар и Еурофарм Пелистер и оваа година ќе водат жестока битка на нашите терени, а најновата епизода ќе биде на 17 септември од 19:45 часот во СЦ „Јане Сандански“ во Скопје. Ова е дуел од домашниот шампионат и за истиот веќе можат да се набават влезните по цена од 150 до 250 денари во зависност од позицијата на трибините. Продажбата на билетите ќе се врши: онлајн на https://www.kupikartizase.com/Events/vardar_pelister и преку продажната мрежа на КУПИ КАРТИ ЗА СЕ и преку нивната продажна мрежа. Влез ќе биде дозволен само со ПЕЧАТЕН БИЛЕТ, а сите ваучери при онлајн продажбата треба да се заменат на продажните места или на билетара пред сала. Од Вардар информираа дека со секој купен билет ќе се учествува во наградните игри што нивните спонзори ќе ги организираат на полувреме. Воедно „црвено-црните“ соопштија дека поради безбедноси причини и воведно шоу вратите во СЦ „Јане Сандански“ ќе се затворат во 19:30 часот. Само за потсетување Вардар и Пелистер веќе имаа еден меч сезонава и тоа во Супер Купот кој му припадна на скопскиот тим.

Вардар го доби првото официјално дерби против Еурофарм Пелистер во Супер Купот

Бошко Тасиќ — Wed, 06 Sep 2023 18:36:16 +0000

Ракометарите на Вардар го освоија првиот трофеј во новата натпреварувачка сезона и тргнаа со победа во Суперкупот, натпреварување со кое традиционално се означува старт на новите ракометни возбудувања. Во пресметката со вечниот ривал Еурофарм Пелистер, Вардар успеа да заборави на двата порази во Европа и се рехабилитираше на домашна сцена, па со тоа ја „фрли ракавицата“ кон ривалот со кого се очекува да води жестоки битки и во наредните 10 месеци. Актуелниот македонски првак ги доби најважните пресметки со Вардар минатата сезона, но новата ја почна со пораз во Струмица, град во кој се играше Суперкупот на Македонија. Првото полувреме беше неверојатно израмнето и резултатот гласеше 13:13 по 30 минути игра, но кога мечот се кршеше, подобри беа ракометарите од македнонската престолнина. До последните 10 минути од мечот, Вардар константно имаше позитива од еден гол и Пелистер во неколку наврати израмнуваше, но потоа вардарци се одлепија на плус три и со тоа ја најавија победата која на крајот ја потврдија со 30:26. Летните засилувања Срдановиќ и Петриќ беа најдобри кај Вардар со по седум гола, а исто толку постигна и Радивојевиќ на спротивната страна.

Вардарци подготвени пред мечот со Рајн Некар Левен

Бошко Тасиќ — Thu, 24 Aug 2023 19:19:26 +0000

Ракометарите на Вардар викендов, в сабота, ја започнуваат новата сезона, со првиот квалификациски натпревар за пласман во групната фаза во Лигата на Европа. Црвено-црните го добија најтешкиот можен противник, германскиот Рајн Некар Левен, но и покрај тоа што играат против поранешниот германски шампион, ракометарите имаат рецепт за победа. „Го гледав мечот меѓу Рајн Некар Левен и Кил и можам само убави работи да кажам за нашиот противник. Постојано трчаат, динамични се и ми се допадна нивната игра против Кил. Нашата шанса ја гледам во брзото враќање во одбрана како и да ги оневозможиме да го наметнат својот ритам. Треба да одиграме побавно и така да ги направиме нервозни“, смета, Гоце Георгиевски.

РК Вардар потпиша со Шпанецот Алонсо

Бошко Тасиќ — Wed, 23 Aug 2023 17:12:50 +0000

Леворакиот бек Виктор Алонсо Гарсија (33) потпиша договор со Вардар и сезонава ќе настапува во „црвено-црниот“ дрес. Виктор Алонсо Гарсија е поранешен шпански репрезентаивец, и минатата сезона ја мина во италијанскиот тим Ромања. Алонсо потекнува од некогашниот шпански гигант Портланд Сан Антонио и ги мина сите младински категории во „фуријата“. Во татковината играше уште за Овиедо, Ваљадолид, Адемар Леон и Анхел Хименез. Настапуваше и за францускиот Кретеј три сезони, потоа за романскиот тим Бакау, пред да се пресели во косовскиот првак Беса од 2020, каде играше до лани во период кога имаше тренер Шпанец. Кратко беше дел и од израелскиот тим Нес Зиона.

Познати се судиите кои ќе го судат мечот помеѓу Вардар и Рајн Некар

Бошко Тасиќ — Tue, 22 Aug 2023 04:09:20 +0000

Европската ракометна федерација (ЕХФ) ги делегираше официјалните лица за квалификациските натпревари од Лигата на Европа. Во второто по ранг европско натпреварување ќе учествува и тимот на Вардар, кој за ривал во квалификациите го има Рајн Некар. Правдата на првиот дуел меѓу македонскиот тим и бундеслигашот ќе ја делат Марион Кун и Алвар Тинт од Естонија, додека делегат ќе биде Михаил Башев од нашиот источен сосед. На реванш средбата, на која Рајн Некар ќе биде домаќин, судии ќе бидат Иварс Чернавскис и Едмундс Богдановс од Летонија. Европската ракометна федерација (ЕХФ) одлучи делегат на реванш средбата да биде Петр Новак од Чешка. Вардарци првиот дуел против Рајн Некар ќе го одиграат на 26 август во СЦ „Јане Сандански”. Реваншот ќе се одигра на 3 септември во Хајделберг.