РКМ: Сите анализи покажуваат дека во нашите деривати нема опасни ПЦБ честички

Ивана Ефремовски — Sun, 22 Dec 2019 08:31:42 +0000

РКМ увезува мазут во Македонија со највисок квалитет, нема никакви злоупотреби со објектот на Плоштад Македонија. Во последните неколку денови компанијата РКМ е под постојан конструиран напад од страна на одредни медиуми поради разни интереси. Во последниот од нападите кон компанијата РКМ која примарна дејност е трговија со нафтени деривати и енергенси, беше и тоа дека при увоз на мазут во од страна на хрватската царинска служба било констатирано дека РКМ увезува мазут со ПБЦ честици кои се штетни по здравјето и околината. Врз основа на сите обвиненија се огласија од компанијата РКМ дека сите овие напади имаат за цел да го нарушат имиџот на компанијата без никаква неоснована причина и тенденциозно и сензационалистички се пренесува не проверена информација која сериозно ја нарушува позицијата во јавноста и деловниот свет. Имено, на граничниот премин Бајаково е извршена контрола на преку 25 цистерни, од кои на 5 се констатирани ПЦБ честици, а испраќач е австриска компанија од руски производител на која ѝ се одземени сите права за увоз и извоз во иднина. Тој мазут од тие цистерни каде се констатирани овие ПЦБ честици бил наменет за Косово, a РКМ нема никаква допирна точка со тој производител, трговец и производ. "Врз основа на серијата обвинувања од неколку медиуми кои имаат за цел да го оцрнат името и да го нарушат имиџот на компанијата РКМ сакаме да ја известиме јавноста дека дериватите увезувани од германската рафинерија и австриската рафинерија чиј увозник и застапник е РКМ, хрватските власти констатираат дека сѐ е во ред и дека се работи за еколошки дериват каде нивото на сулфур е под 0,5 %, а целокупната соодветна документација хрватските власти ја имаат спроведено до Цариснката управа на што е одобрен увозот. ПЦБ честички за кои се зборува во медиумите не се дел од дериватите кои ги увезува РКМ во Германија и Австрија не се дел од производот. Царинската управа редовно ги контролира сите наши увози со позитивните законски прописи на државата.РКМ како компанија е под постојан надзор на државните инспекциски служби и во досегашното работење не е констатиран ниту еден прекршок на која било процедура при увоз на деривати и енергенси." - изјавија од РКМ. Во однос на споменувањето на името на Ратко Капушевски сопственик на РКМ во врска со објектот на плоштадот Македонија и фирмите на Самсоненко, тој вели дека нема никакви злоупотреби. "Проблемите во неговите фирми се од финасиско должничка криза со која се соочува повеќе од три години, а не од афери и кривично-правен карактер. Оваа држава е европска држава каде мојот поранешен газда не знае колку пари должи, а судот во оваа држава и институции се адресите каде се решаваат споровите. По судската завршница јавноста ќе биде информирана. Фирмава на која се обидуваат да ѝ го нарушат имиџот има годинава данок платено колку сите негови компании заедно. Информациите за каква било поврзаност на политичари со мојот бизнис се неточни, најмалку од власта и опозицијата. Јас немам никакви политички активности и аспирации во блиска иднина, а моето јавно работење се одбележува со Националната агенција за европски програми и Спортскиот центар „Борис Трајковски“. Политички не сум активен и нема да бидамво блиска иднина“, се вели во реакцијата на Ратко Капушевски, сопственик и управител на РКМ.

РКМ – Kurir.mk

РКМ: Сите анализи покажуваат дека во нашите деривати нема опасни ПЦБ честички