Почина режисерот Роберт Дауни, таткото на славниот актер

Магдалена Андонова — Wed, 07 Jul 2021 17:21:13 +0000

Режисерот Роберт Дауни почина утрово на 86-годишна возраст. Славниот режисер, татко на славниот актер Роберт Дауни џуниор, починал во сон во неговиот дом во Њујорк, пишува Дејли Меил. Во последните пет години режисерот се борел со Паркинсонова болест. Во својата кариера работел и во глума, сценарија и продукција. Некои од неговите најзначајни актерски настапи беа во „Магнолија“, „Буги ноќи“ и „Да се живее и умира во ЛА“. Последното забележително појавување го имал во 2011 година во акционата комедија „Тауер Хеист“, во која играа Кејси Афлек, Бен Стилер и Еди Марфи. Тој бил во брак три пати, а од бракот со неговата прва сопруга има две деца, Алисон Дауни и Роберт Дауни Џуниор. Починатиот Дауни неодамна го прослави својот 85-ти роденден. Роден е на 24 јуни 1936 година во Менхетен.

Момче со аутизам си го запозна својот херој: „Поради тебе ова дете повторно зборува“! (ВИДЕО)

Ивана Ефремовски — Wed, 15 Jan 2020 21:18:45 +0000

Тони Старк уште ги инспирира фановите. За време на неговиот ангажман во шоуто на Елен во вторникот, Роберт Дауни Јуниор имаше можност да се запознае со еден од неговите најголеми обожаватели, 10-годишното момче со аутизам чија љубов кон Iron Man му помогнала да ја врати способноста да зборува. Малиот Винсент ја изгубил способноста да зборува кога имал 12 месеци, а на 4-годишна возраст му бил дијагностициран аутизамот. Потоа, откако добил на подарок маска со Iron Man на возраст од 6 години, му се вратила можноста за зборување. Сето тоа било благодарение на маската од суперхеројот.

Роберт Дауни Јуниор – Kurir.mk

Почина режисерот Роберт Дауни, таткото на славниот актер

Момче со аутизам си го запозна својот херој: „Поради тебе ова дете повторно зборува“! (ВИДЕО)