роберт де ниро – Kurir.mk

Роберт де Ниро сведочеше за обвиненијата против него од поранешната помошничка

Катерина Бојаџиева — Tue, 31 Oct 2023 15:15:58 +0000

Роберт де Ниро вчера сведочеше на суд во Њујорк за обвиненијата против него за вознемирување и родова дискриминација, од неговата поранешна помошничка Грејм Чејс Робинсон. Според „Гардијан“, американскиот глумец пред судот изгледал „мрзоволно“, и уште веднаш извикал: „Сѐ ова е глупост“. Де Ниро (80) двапати го крена гласот за време на неговото сведочење. Адвокатот на асистентката го прашал за случај од 2017 година, кога, наводно, Де Ниро „ја тормозел“ Робинсон рано наутро за да го однесе в болница. - Тоа беше еднаш. Паднав по скалите. Дури и тогаш го одложив јавувањето. Паднав околу 1 - 2 часот наутро, но ѝ се јавив околу 4 или 5, извикал Де Ниро. Правната битка меѓу глумецот и неговата поранешна вработена почна 2019 година. Тој притоа ја обвини Робинсон дека незаконски проневерила пари од неговата компанија. Таа потоа го обвини дека ѝ доделил стереотипни „женски задачи“ што не биле во описот на нејзината работа. Според зборовите на 41-годишната асистентка, тој барал од неа „да му го чеша грбот, закопчува кошулите, врзува вратоврската“ и да го буди в кревет. Робинсон сведочеше дека поради сѐ тоа била депресивна, вознемирена и со нарушено емотивното здравје. Робинсон работела за Де Ниро меѓу 2008 и 2019 година и, според наводите, била платена 300.000 евра годишно. Таа по 11 години поднела оставка. Судењето ќе трае околу две недели.

Откриена причината за смртта на внукот на Роберт де Ниро

Ивона Петрова — Thu, 10 Aug 2023 07:21:37 +0000

Откриена е причината за смртта на Леандро Де Ниро Родригез, внук на оскаровецот Роберт де Ниро, јавува Си-Ен-Ен. Неговата смрт е резултат на токсична комбинација на фентанил, бромазолам, алпразолам, 7-аминоклоназепам, кетамин и кокаин, пренесува Си-Ен-Ен. Смртта на 19-годишниот Леандро е прогласена за несреќен случај. Фентанил е исклучително смртоносен сам по себе, но кај смртните случаи поврзани со дрога, вообичаено е лицето да умре со комбинација на повеќе лекови во нивниот систем, според Си-Ен-Ен. Софија Маркс е уапсена во врска со смртта на тинејџерот. Таа е обвинета дека му продавала дрога.

Позната причината за смртта на внукот на Роберт Де Ниро, имаше само 19 години

Ивана Ефремовски — Thu, 06 Jul 2023 17:13:32 +0000

Ќерката на познатиот актер, Дрина Де Ниро, откри која била официјалната причина за смртта на нејзиниот син. Како што тврди, младиот Леандро починал откако се предозирал со фентанил, пренесуваат светските медиуми. Тажната вест за смртта на синот ја објави на Инстаграм каде со емотивна порака се прости од него. -Мојот прекрасен, сладок ангел. Те сакав повеќе од сè од моментот кога те почувствував во мојот стомак. Ти беше мојата радост, моето срце и се што беше чисто и реално во мојот живот. Посакувам да бев со тебе во моментов. Не знам како да живеам без тебе, но ќе се обидам да продолжам и да ја ширам љубовта и светлината што ме натера да ги чувствувам кога станав твоја мајка. Беше толку сакан и посакувам таа љубов да можеше да те спаси. Многу ми е жал, напиша таа покрај фотографијата од нејзиниот син. Де Ниро проговори по тешката семејна трагедија и ги замоли сите да му дадат приватност на семејството во овие тешки моменти и истакна дека е многу вознемирен поради се. -Длабоко сум тажен поради смртта на мојот сакан внук Лео. Многу сме благодарни за сочувството што го добиваме од сите вас. Бараме да ни се даде приватност за да можеме на мир да жалиме за загубата на нашиот Лео, рече Де Ниро.

По смртта на внукот тинејџер: Се огласи Роберт Де Ниро, еве ги неговите емотивни зборови

Ивана Ефремовски — Mon, 03 Jul 2023 19:12:01 +0000

Роберт Де Ниро го загуби својот 19-годишен внук. Како што дознаваат медиумите, неговиот внук, попознат како Леандро Де Ниро, бил пронајден мртов во неделата наутро. Она што ги потресе сите е тоа што покрај телото е пронајдена чинија со кеса во која има бела прашкаста материја. "Длабоко сум потресен од смртта на мојот сакан внук Лео. Многу сме благодарни за сите изрази на сочувство. Ве молиме да ни дадете приватност за да жалиме по загубата на Лео“ - рече актерот.

Трагедија во семејството на Роберт Де Ниро: Почина неговиот внук, имаше само 19 години!

Ивана Ефремовски — Mon, 03 Jul 2023 14:02:46 +0000

Најстарата ќерка на Роберт Де Ниро, Дрена Де Ниро, денеска објави дека починал нејзиниот син Леонардо Де Ниро Родригез. Имаше само 19 години. Ќерката на познатиот актер со емотивна порака на Инстаграм ја објави фотографијата на синот, информирајќи ги своите следбеници за семејната трагедија. „Мојот прекрасен, сладок ангел. Те сакав без зборови и описи од моментот кога те почувствував во мојот стомак. Ти беше мојата радост, моето срце и се што беше чисто и реално во мојот живот. Посакувам да бев со тебе во моментов. Не знам како да живеам без тебе, но ќе се обидам да продолжам и да ја ширам љубовта и светлината што ме натера да ги чувствувам кога станав твоја мајка. Беше толку сакан и посакувам таа љубов да можеше да те спаси. Многу ми е жал“, напиша Дрена со фотографија од нејзиниот син.

Роберт де Ниро откри која е мајката на неговото седмо дете: Објавено името и прва фотографија од бебето (ВИДЕО)

Ивона Петрова — Thu, 11 May 2023 21:02:43 +0000

Познатиот актер Роберт де Ниро неодамна откри дека седмото дете го добил на 79 години. Многумина беа изненадени од ова, а актерот призна дека го „планирале бебето“ и дека се пресреќни. Сепак, сите се прашуваа која е мајката на неговото најмало дете, бидејќи актерот не зборуваше за љубовниот живот по разводот со сопругата Грејс Хајтауер, со која беше во брак 21 година. Многумина претпоставуваа дека Де Ниро стана татко на детето со инструкторката за боречки вештини Тифани Чан, која ја запозна во 2015 година на снимањето на „Приправник“. Се шпекулираше дека таа е главната причина за неговиот развод, но тие не го коментираа тоа. Пред неколку месеци парот беше фотографиран како излегува од ресторан насмеан, а на Тифани и се гледаше стомачето, па многумина заклучија дека таа е мајка на детето кое актерот неодамна го доби. Оние што вака мислеа, беа во право. Имено, Роберт де Ниро гостуваше во шоуто на CBS Morning и призна дека тој и Тифани имаат ќерка по име Џиа Вирџинија Чанде Ниро. Актерот рекол и дека девојчето се родило во април, а во споменатата емисија била прикажана и фотографија од бебето.

Robert De Niro and his partner Tiffany Chen welcomed Gia Virginia Chen-De Niro in early April — and now, she’s making her national TV debut on #CBSMornings. https://t.co/OJJxGcEKlU pic.twitter.com/opiFRpWkRs
— CBS Mornings (@CBSMornings) May 11, 2023

Роберт де Ниро повторно татко на 79 години, го доби седмото дете

Ивона Петрова — Tue, 09 May 2023 16:01:44 +0000

Актерот Роберт де Ниро стана татко на седмо дете. 79-годишниот актер го коригирал новинарот на ЕТ Канада кој му се обратил со „татко на шест деца“. -Само што го добив седмото дете, му рекол Де Ниро, а неговиот портпарол денеска за Page Six потврдил дека актерот навистина станал татко по седми пат. Името и полот на бебето не се познати. Не е потврдено ниту која е мајката, но неговата девојка Тифани Чен (64) минатиот месец е фотографирана со труднички стомак. Ѕвездата на „Такси“ стана татко во 1971 година, кога тој и неговата тогашна сопруга Дијана Абот ја добија ќерката Дрена, која денес има 51 година. Поранешниот пар го има заедно синот Рафаел (46). Покрај тоа, Де Ниро ги има близнаците Арон и Џулијан (27) со поранешната девојка Туки Смит, како и синот Елиот (25) и ќерката Хелен (11) со поранешната сопруга Грејс Хајтауер.

Роберт де Ниро нема да мора да плати 500 милиони долари за разводот

Ивона Петрова — Mon, 25 Oct 2021 11:53:30 +0000

Роберт де Ниро за спогодбата за разводот со Грејс Хајтауер, се чини, нема да мора да ѝ даде 500 милиони долари од својот имот на својата поранешна сопруга, јавија повеќе западни медиуми.Showtime's World Premiere of The Fourth Estate at Tribeca Film Festival Screening At BMCC Tribeca Performing Arts Center Имено, Судот го одбил нејзиното барање. Она што се знае, според наводите, е дека Де Ниро ќе мора да ѝ исплатува најмалку милион долари годишно како алиментација на неговата поранешна сопруга, сè додека таа не се премажи или додека, или таа, или 71-годишниот глумец, не почине. Тој, исто така, ќе мора да ѝ обезбеди и шест милиони долари за нов дом… Двојката беше в брак 24 години пред почетокот на нивниот бурен развод во 2018 година. Според неименувани блиски извори, таа имала удел во раководењето на неговиот имот и финансии, што ѝ дава можности да му поставува „невозможни услови“. Тие имаат две деца – ќерка им Хелен Грејс и син, Елиот.

Де Ниро итно хоспитализиран: Се повреди за време на снимање

Ивана Ефремовски — Fri, 14 May 2021 12:43:30 +0000

Актерот Роберт Де Ниро ја повредил ногата во четвртокот за време на снимањето во Оклахома. Тој веднаш ги собрал своите работи и се упатил кон Њујорк за да биде прегледан во болница, пишува „Дејли Меил“. Не е познато во каква состојба е Де Ниро или колку е сериозна повредата. „Како и да е, Роберт требаше да патува во Њујорк две недели, така што нема да има одложување на снимањето“, изјави за „Дејли Меил“ портпаролот на актерот. Де Ниро моментално глуми во филмот „Killers of the Flower Moon“ на Мартин Скорсезе. Главната улога, заедно со Роберт, ја игра Леонардо ди Каприо. Ди Каприо неодамна на Инстаграм објави сцена од претстојниот филм.

Де Ниро не може да одбива нови улоги поради финансиските потреби на поранешната жена

Тале Кристо — Mon, 19 Apr 2021 11:41:26 +0000

Холивудската легенда Роберт де Ниро не е во можност да одбива нови улоги, бидејќи „мора да го плаќа скапиот вкус на неговата поранешна сопруга“, истакна адвокатката на глумецот. Имено, правничката Керолин Краус пред Судот во њујоршката општина Менхетн изјави дека Де Ниро се бори со финансиите поради пандемијата, сметките за данок, но и барањата на Грејс Хајтауер, која поднесе барање за развод во 2018 година, по 21 година брак. Од Судот беше побарано да утврди колку Де Ниро треба да ѝ плати на г-ѓа Хајтауер сè додека не стапат во сила условите на предбрачниот договор за којшто двојката преговараше во 2004 година. – Г-н Де Ниро има 77 години и иако го обожава својот занает, тој не треба да биде принуден да работи со ова пресилно темпо – затоа што мора. Кога ќе запре тоа? Кога тој ќе има можност да не го прифаќа секој проект што ќе му се нуди и да не работи шест дена во седмицата, 12 часа на ден, а сѐ тоа – за да може да оди во чекор со „жедта“ на г-ѓа Хајтауер?, изјави Краус пред судот. Според Семрежната филмска база на податоци – ИМДБ, глумецот лани се појавил во три филма, а сега работи на шест нови проекти.