Роберт Ф. Кенеди – Kurir.mk

Роберт Ф. Кенеди помладиот почна кампања за претседател на САД

Тале Кристо — Thu, 20 Apr 2023 05:15:24 +0000

Роберт Френсис Кенеди помладиот, член на Демократската партија, синоќа официјално ја почна својата кампања за претседател на САД. Синот на сенатор и јавен обвинител Роберт Ф. Кенеди и внук на поранешниот американски претседател Џон Ф. Кенеди, ја објави својата кандидатура на настан во хотел во центарот на Бостон, Масачусетс. „Мојата мисија во следните 18 месеци од оваа кампања, и во текот на моето претседателство, ќе биде да се стави крај на комбинираната државна и корпоративна корупција која сега се заканува да наметне нов вид корпоративен феудализам на нашата земја“, рече Кенеди. Тој истакна дека неговото семејство и тој имаат долгогодишни добри односи со претседателот Џозеф Бајден, но дека многу членови на семејството Кенеди не се согласуваат со него за голем број прашања. „Денеска сме сведоци на една поларизација во нашата земја што е толку токсична и опасна“, рече кандидатот за претседател на САД и додаде дека неговата цел е да се стави крај на таа поделба. Роберт Ф. Кенеди Јуниор ги охрабрува Американците да зборуваат за заедничките вредности, а не за прашања што ги делат.

Страдала од депресија, па се предозирала до смрт: Познато е како почина внуката на Кенеди

Ивана Ефремовски — Fri, 02 Aug 2019 11:00:12 +0000

22-годишната внука на Роберт Кенеди вчера почина во болница, најверојатно од предозирање, откако подолг период се борела со депресија. Срша Кенеди Хол, внука на Роберт Ф. Кенеди и на убиениот претседател на САД, Џон Ф. Кенеди починала во болницата во Кејп Код во Хјанис. Од домот на нејзината баба Етел Кенеди (91) во Хјанис Порт во Масачусец била повикана вчера итна помош, која ја пренела во болница каде што е прогласена смрт. Семејството Кенеди, едно од највлијателните во САД со децении, доживеа серија од трагични несреќи. Иако за смртта на Саирс нема детали, медиумите објавуваат дека 22 годишната студентка по комуникации на Колеџот Бостон, страдала од депресија. -Депресијата ми се појави на крајот на основното училиште и ќе остане да ме следи до крајот на животот, напиша таа за студентскиот магазин во 2016 година. Таа волонтираше во Мексико. Таму, активно учествуваше во изградба на училишта во домородните заедници и беше ангажирана во борбата за човекови права и зајакнување на жените, велат од нејзиното семејство. Полицијата почна истрага за нејзината смрт. Таа беше единственото дете на Пол Мајкл Хил и Кортни Кенеди Хил, кое беше петто од единаесет деца на Етел и Роберт Кенеди, починатиот претседателски кандидат на САД, убиен на 42 годишна возраст.

Почина внуката на Кенеди, прерана смрт на 22-годишната убавица

Ивана Ефремовски — Fri, 02 Aug 2019 09:39:24 +0000

Внуката на Роберт Ф. Кенеди, Срша Кенеди починаа на 22-годишна возраст, потврди нејзиното семејство.

Семејството Кенеди е поврзано со многу трагедии како атентатот врз Џон Ф. Кенеди во 1968 година, а потоа и смртта на неговиот син Џон Ф. Кенеди јуниор кога се урна авионот во кој се превезуваше.