Роберт Кох – Kurir.mk

Роберт Кох: Во Германија 28.438 новозаразени, вкупно еден милион и 300 илјади

Тале Кристо — Sat, 12 Dec 2020 09:05:07 +0000

Бројот на потврдени случаи на заразени со коронавирус во Германија е зголемен за 28.438 на 1.300.516, според денешните податоци на институтот Роберт Кох. Од Ковид-19 починаа уште 496 лица починаа, со што вкупниот број починати од почетокот на епидемијата изнесува 21.466 лица.

Пандемијата не е помината, предупредува шефот на институтот Роберт Кох

Ивона Петрова — Tue, 23 Jun 2020 10:24:20 +0000

Шефот на германскиот институт Роберт Кох (РКИ), Лотар Вилер денеска предупреди дека пандемијата на коронавирусот сè уште не поминала. Вилер на прес-конференција истакна дека жариштата во месната индустрија или на верските служби можат лесно да се шират на остатокот од населението. Во однос на ова, тој ја истакна важноста од носење маски. Вилер рече дека важен дел од борбата против пандемијата е „корона апликацијата“, која до сега ја инсталирале 12 милиони Германци. Според него, дигиталната алатка може да помогне рано да се идентификува синџирот на зараза. Вилер истакна дека во многу области нема нови случаи на зараза, но оти од минатиот вторник повторно има зголемување на бројот на новозаразени.

Не е на повидок крај на епидемијата, бројот на случаи може да порасне

Ивона Петрова — Tue, 21 Apr 2020 09:43:08 +0000

Заменик-директорот на германскиот Институт за заразни болести, Роберт Кох, Ларс Шаде, предупреди денеска дека состојбата во врска со коронавирусот, и покрај големите достигнувања во последните неколку недели, останува сериозна. – Крајот на епидемијата се уште не е на повидок. Бројот на случаи може повторно да порасне, рече Шаде на прес-конференција. Тој нагласи дека секоја индивидуа мора да даде свој придонес да се задржи бројот на инфекции што е можно понизок, а пред се, за солидарност со медицинскиот персонал и групите под ризик. Тој рече дека вчера стапката на репродукција на вирусот е 0,9 и дека има големи регионални разлики. Шајд верува дека постои голема опасност од втор бран на зараза доколку има брзо олабавување на мерките. – Колку помалку разбираме или помалку спречуваме вирус, толку повеќе ќе се искачи неговиот број за репродукција кој е над 2 и 3. Ако постапиме како ништо да не се случило, сигурно ќе следи нов бран зараза, објасни Шаде, посочувајќи дека со постепено олабавување на мерките ризикот е помал. Укажува дека ќе бидат потребни уште многу месеци за да се врати ситуација што овозможува целосно нормална дневна рутина. Тој рече дека најпогодените луѓе во Германија имаат просечно 50 години и дека вирусот ги погодува и жените и мажите. Шаде посочува дека најголем пораст на смртните случаи е забележан минатата недела, и рече дека извештаите за зараза во домови за стари лица и болници се уште пристигнуваат. – Дури 60 проценти од починатите биле над 70 години. За жал, мора да сметаме на дополнителни смртни случаи. Тој зборуваше и на темата заштитни маски, велејќи дека оние кои имаат акутни симптоми на респираторен проблем треба да останат дома, и дека физичка дистанца е се уште многу важно. -Препорачуваме кога повеќе луѓе се во јавност или кога не може да се одржи растојанието помало од 1,5 метри, да се носат заштитни маски, објасни Шаде и додаде дека класичните маски за заштита од нос и уста не се безбедна заштита, но и дека медицинските маски треба да ги користат медицинскиот персонал. Шаде рече дека се знаело дека повеќе органи биле погодени отколку што било познато од извештаи на Кина. Според него, постои сознание дека вирусот влијае и на срцето и на бубрезите.