роберт поповски – Kurir.mk

Каде е Роберт Поповски? – Министерот за транспарентност 6 месеци без ниту една прес конференција

Дарко Андоновски — Mon, 11 May 2020 19:55:21 +0000

Последен пат на прес конференција се појавил пред околу шест месеци. Иако е министер за комуникации, отчетност и транспарентност, поранешниот новинар Роберт Поповски со почетокот на вонредната состојба поради корона вирусот, целосно е исклучен од јавноста, објавува ТВ 21. Во услови на вонредна состојба кога Собранието е распуштено, техничката влада немаше доволна транспарентност околу податоците за носење на уредбите и процесот на јавните набавки. Иако пред само три години, Поповски изјави дека владата и сите институции се направени достапни за медиумите и граѓаните, министерот задолжен за таа работа, во последнот време ретко комуницира со јавноста. „Ова е прв владин состав што на ваков начин отворено без предрасуди, комплекси и пристапува на јавноста. За таа цел беше неопходно да формираме професионален сектор за комуникации како сервис за граѓаните, на новинарите и медиумите“, истакна Роберт Поповски. Што прави Поповски во Владата, и за што го плаќаат граѓаните? Социјалдемократскиот сојуз местото министер без ресор задолжен за комуникации, отчетност и транспарентност го промовираше како новост во новата Влада, со ветување дека конечно Владата ќе има задолжено лице за комуникација со јавноста. Ги прашавме и граѓаните дали слушнале за него и дали знаат за што точно работи го поранешниот новинар кој често знаеше да ја нападне поранешната влада за нетранспарентност, а сега е министер во Влада? „Роберт Поповски? Не не ми текнува. Министер за надворешни? Не, не знам“. „Ако не се лажам беше пратеник во парламентот“. „Не го познавам, толку многу се менуваат што навистина не ги знам“. ТВ 21 побара го праша министерот Поповски од кои причини веќе подолго време не се појавува во јавност. „Во овој период сигурен сум дека е многу позначајно клучните луѓе кои се задолжени за менаџирање на кризата да бидат во јавност и пред граѓаните. Тие се оние клучни кои ги водат политиките, ги менаџираат состојбите и ги презентираат предлозите на влада“, посочи Роберт Поповски. Запрашан околу транспарентноста за податоците за носење на уредбите и процесот на јавните набавки, Поповски ни одговори: „Заедно со нашите меѓународни подржувачи ја подготвувам алатката за транспарентност која што на едно место ќе ги сублимира сите овие активност на владата. Треба да ги содржи на едно место сите јавни набавки, сите исплати и трансвери, сите донации и субвенции“, додаде Роберт Поповски. Поповски истакна дека по завршувањето на кризата на алатката која ќе биде дел од веб страната на владата, ќе се најдат и сите заштеди кои ќе бидат направени во буџетот за време на кризата.

Редакциски коментар на ЛИДЕР: Министерот Поповски потивок и од ноќта, човекот заборавил да зборува

Тале Кристо — Fri, 20 Mar 2020 13:53:30 +0000

Ако ноќта важи за тивка тогаш Роберт Поповски е потивок од нејзе и човекот да заборави да збори кога стана збор за реалноста во која се наоѓаме, стои во редацискиот на порталот Лидер. Роберт Поповски со неславен прехар “Пушинела” (независно што можеби не му се бендисува, но прехар се дава за нешто што е вистина) наместо против Корона тргна да реди етикети на оние кои ја критикуваат владата за справувањето со пандемијата. Ако на министерот за транспарентност не му се бендисува транспарентната критика тогаш може да се прогласат министрите за свети крави или доживотни м,аршали по примерот на Тито, а може да се изгласа и дектрет во воени услови во секое училиште да се постави слика на другарот Заев, но не ќе да е толку розево, зошто од црнилата кои ги донесоа нема ништо друго. Нели е црно, што по признание на неколку новинари се јавувал министеров пушинела по редакции да нарачува текстови и напади против Александар Николоски кој единствено што кажа, а ние сите го знаеме, но и го чувствуваме на своја кожа: дека Заев и Филипче се неспособни, тотални аматери кои не знаат и не сакаат да учат. Па освен тоа што коронава се шири има ли поголема вистина од тоа што Николоски го кажа?! Но оваа вистина Поповски сака да не се дознае и затоа платените новинарски “курајбери” (ова не е навреда, туку своевиден еуфемизам на менталната хигена на споменатите) се затрчаа да напаѓаат, и да ги оправдаат парите на газдата заедно со се што носи газдата, еден поголем багаж. Човек да не знае што е полошо, дали коронава, или морето лажни вести на Роберт Поповски. А нивната реакција е бурна затоа што и вистината е болна. Среде корона вирус си прогласија вонредна состојба за да може Пендаровски кој редовно како утринско размрдување по два пати на ден го пуштаат низ вода, да ги земе сите надлежности во негови раце, и да одработи две три закончиња меѓу кој и оној за марихуаната на “батето” кој работи по принципот ако се паѓа од власт, барем машки да се издржи со милионите, значи не е проблем што коронава се шири, важно бизнисот да се шири повеќе од короната. И сега еве навистина и да сакаме да го заштитиме Филипче и да го направиме ќејфот на министерот Пушинела не можеме, затоа што го демантираат бројките, а тие говорат дека работите му избегаа од контрола и сега вирусот се шири и на места каде немаше информации дека постои. Вчера Штип, денес Кавадарци, утре Струмица, ама важно и денес, утре и задутре Филипче како Бранка Станковска од наше време ќе излезе да презентира веста. Но народот вели “не сака молитва туку мотика”, и затоа е подобро да се фатат за работа, зошто работава ич не чини. А министерот Пушинела наместо стикери за Филипче треба да брои денови за пакување, зошто и по пакувањето ќе треба да се погледне во огледало, секој пред своето, а некој и пред туѓото. Извор: Лидер

Грозданов: Монструозна лага е дека ВМРО-ДПМНЕ генерира лажни вести

Ивана Ефремовски — Fri, 15 Nov 2019 20:52:18 +0000

Во емисијата „Што не е јасно“ на Алфа телевизија медиумскиот аналитичар Виктор Грозданов изјави дека тие кои што викаат дека се борат против лажни вести всушност тие генерираат лажни вести во Македонија. -Сега имаме една нова структура која што вика ние се бориме против лажни вести кои што наводно испаѓаат од ВМРО-ДПМНЕ, тоа е монструозна лага која што ја промовираат целиот оној пиар тим на господинот премиер Зоран Заев, значи нема да зборам за почитуваниот мој пријател Роберт Поповски од лични причини, меѓутоа за сето она што го прават морам логички да поставувам логички прашања и логички да размислувам дека лажни вести се употребууваат во држави каде што можеш да им нарушиш сериозно концепт на општествено уредување тоа во Македонија не постои, нагласи Грозданов. Според Грозданов, тоа постои само во замислените пи-ар тимови на чело со Забрчанац кој што постојано вика лажни. -Замислете како еден пример, значи цело време вика Владата ќе добиеме датум за преговори, завршена е работата, ние си ја завршивме домашната задача и сега одеднаш излегува дека Франција ни вика едно големо не и вика „господа вие имате проблем со коруупција, со нереформирано судство за кое што вие се залагавте, вашето специјално јавно обвинителство дирекно рекетира бизнисмени и тн и вика не“, додаде Грозданов. Според Грозданов, „лажната вест е дека прв кој што се радуваше на недобивањето датум е Христијан Мицкоски и тој се запрашува дали има поголема лага од тоа, значи тие тоа што го промовираат значи не го промовираат типови од Саше Ивановски или Саше Политико значи го промовираат потпретседателите, значи Радмила Шекеринска, Мухамед Зекири тие го промовираат“.

Како Роберт Поповски ги советува министрите: Подобро да бегаме, отколку да не распнат новинарите

Катерина Бојаџиева — Tue, 25 Jun 2019 13:19:51 +0000

Подобро да ни се лутат затоа што не сме излегле да зборуваме, отколку да не распнат, вака министерот за отчетност и транспарентност, Роберт Поповски, им зборуваше на лицата од кабинетот на министерката за одбрана Радмила Шекеринска додека новинарите и снимателите наместени ги чекаа за прашања на темата, но и актуелностите како двојната функција на премиерот и тазе министер за финансии Зоран Заев и назначувањето на Садула Дураку во новото министерство за политички системи. Бујар Османи прв избега, уште пред да го чуе советот на Поповски, пренесува Истражувачката репортерска лабораторија Македонија (irl.mk). Поповски, заедно со Шекеринска и вицепремиерот за евроинтеграции Бујар Османи утрово во Клубот на пратеници, на новинарите им ја презентираше Стратегијата за развој на концептот за едно општество и интеркултурализмот во Република Северна Македонија. По говорите на министрите, снимателите ги подготвија камерите надвор од просторијата во која што се одржуваше презентацијата и ги чекаа тројцата министри надвор за прашања. -Непосредно пред да излезат, му пристапивме на лице од кабинетот на вицепремиерот за евроинтеграции Бујар Османи бидејќи имавме специфично прашање токму за него. Тој не упати кон холот на Клубот каде камерманите и новинарите веќе беа наместени. Излеговме надвор и го видовме Османи како веќе заминува со службениот автомобил. Со оглед на фактот што не излезе од главната врата, претпоставивме дека скришум се повлекол од задната и незабележлива врата којашто води директно до паркингот со автомобили. Отидовме до излезот од задната врата за да видиме дали ќе излезат другите двајца министри. Тогаш го слушнавме министерот без ресор задолжен за отчетност и транспаретност, Роберт Поповски, како ги советува пиар службите на Шекеринска да им избегаат на новинарите, пренесува irl.mk „Подобро да ни се лутат затоа што не сме излегле да зборуваме, отколку да не распнат“, и рече Поповски на Лидија Јанчовска, портпаролката на министерката за одбрана незабележувајќи дека позади нив стои новинар. Тогаш ИРЛ реагираше и му рече: „Вие сте министер за транспарентност и не може така да кажете“, на што тој рече дека изјавите веќе се дадени (мислејќи на презентацијата на којашто немаше дозволено прашања за новинарите). Тој влезе во дискусија со новинарот на ИРЛ и ни објаснуваше дека и прашањата немале да бидат само на темата на која зборувале министрите. Во опозиционерските денови, Роберет Поповски често ја критикуваше администрацијата на Никола Груевски поради праксата на тематски прашања на прес-конференции.

Пендаровски оствари средба со министерот без ресор задолжен за комуникации, отчетност и транспарентност

Ивана Ефремовски — Thu, 23 May 2019 11:05:27 +0000

Претседателот Стево Пендаровски, денеска го прими министерот без ресор задолжен за комуникации, отчетност и транспарентност, Роберт Поповски. На средбата министерот Поповски го запозна претседателот Пендаровски со заложбите на Владата на Република Македонија за целосна транспарентност и отчетност, презентирајќи му ја Алатката за јавно објавување на службени трошоци на носителите на јавни функции. Претседателот Пендаровски ја потврди неговата определба за транспарентно и отворено работење и ја прифати поканата Претседателот и неговиот Кабинет да ја користат Алатката за отчетност за трошоците на носителите на јавни функции. Претседателот Пендаровски на средбата посочи дека Алатката за отчетност ќе започне да се применува по завршување на неопходните технички подготовки кои се очекува да завршат во последниот квартал на годинава. Претседателот Пендаровски истакна дека користењето на Алатката за отчетност за трошоците на носителите на јавни функции е во насока на поголема транспарентност на институциите пред граѓаните, како и одговорно работење.

Новинарот Хајдарпашиќ до министерот Поповски: За каква слобода на медиуми зборувате, колеги се исплашени и застрашени, не примаат плата

Даниел Василев — Fri, 04 May 2018 08:28:22 +0000

Новинарот на Телевизија 24, Един Хајдарпашиќ на вчерашната дебата посветена на Денот на печатот на министерот за транспаретност, Роберт Поповски и претседателот на ЗНМ, Насер Селмани им порача дека се лицемерни. -Од која страна сте господине Насер Селмани? Вие сте од „наша“ или од „нивна“? Не ве разбирам, праша Хајдарпашиќ. Тој го праша Селмани дали се бори за проекти на Здружението или за правата на новинарите. -Вие сте лицемерни. На 3 мај, Ден на слободен печат да зборуваме ние за правата, за Норвешка. Господинот Поповски мислам дека има и новершко државјанство. Тоа е мојот впечаток. 300 евра плата за дел од луѓето кои што работат во медиумите, посочи Хајдарпашиќ, прашувајќи ги дали им е неудобно заради незгодните прашања кои ги поставил. Вели дека медиумите во Македонија се во дупка. -Колегите новинари се плашат, не примаат плата, исплашени, застрашени, зборуваме за слобода на печат, со која плата, со кои услови?, запраша Хајдарпашиќ. На обвинувањата од Селмани дека „одвратно спинува“, Хајдарпашиќ му одговори: -Ова е сушната вистина која сите ја мислат. На неколку пати организаторите, но и Селмани се обидоа да го прекинат новинарот на Телевизија 24 со изговор дека не поставувал конкретни прашања, туку давал свои констатации.

Новинарите кон Поповски и Селмани: Лицемерни сте, чии права браните вие додека ние сме под закани и со ниски плати?

Ивана Ефремовски — Thu, 03 May 2018 13:20:38 +0000

По повод меѓународниот ден на слободата на печатот, денес се одржа прес-конференција на која се обратија претседателот на Здружението на новинари на Македонија, Насер Селмани и министерот за транспарентност и отчетност, Роберт Поповски. Како што пренесоа дел од медиумите, новинарот Един Хајдерпашиќ го запраша Селмани на која страна е всушност тој, дали ги брани правата на медиумските работници или пак ја поддржува политиката на сите влади досега која според него се коси со правата на новинарите и медиумите во известувањето. -Насер, на која страна си ти, за чии права се бориш? Лицемерни сте, седите тука во машни и костуми, додека новинарите се под закани, уцени и истраги. Велите дека работите на подобрување, но всушност не преземате ништо во врска со тоа, новинарите работат за плата помала од 300 евра, рече Хајдерпашиќ. По ова негово излагање, од Селмани доби кус, ироничен одговор: „Очекувате ли јас да ви дадам плата“? Медиумските работници прашањето за ниските плати го упатија и до министерот од Владата на Заев, Роберт Поповски, чиј одговор беше дека нема магично стапче за зголемување на платите, а и не може да ги натера со сила сопствениците на медиумите да го направат тоа. -Немаме магично стапче, работиме на зголемување на платата на сите граѓани во државата не само на новинарите. Ќе ги повикаме сопствениците на медиумите на дискусија за да изнајдеме заедничко решение, рече Поповски.

Двојно повеќе пари за „госпоѓа министерка“: Богоев одвои 400.000 денари за проект на сопругата на Роберт Поповски

Ивана Ефремовски — Tue, 17 Apr 2018 14:23:51 +0000

Проектот „10-ка за Карпош“ е наменет за сите десет училишта на територијата на oпштината и има за цел да ги актуелизира и поттикне сите креативни активности кои се случуваат во училиштата, при што, во фокусот е ставен ентузијазмот на самите наставници во соработка со учениците и родителите. Креатор и раководител на овој проект е Рената Поповска, сопруга на министерот без ресор во Владата на Република Македонија, задолжен за комуникации, отчетност и транспарентност, Роберт Поповски. Кога проектот започнал во 2012-та година, Поповска земала 200.000 денари за негова реализација од општината. Проектот и денеска го води истата личност, на која актуелниот градоначалник на Карпош, Стефан Богоев од СДСМ, на сопругата на својот сопартиец и додели двојно повеќе, односно „госпоѓа министерка“ доби 400.000 денари за „10-ка за Карпош“. Ист проект, ист број на училишта, иста општина, исти цели на проектот, но двојно повеќе пари за негова реализација. Поповска од џебот на граѓаните на Карпош, за една година ќе земе пари како што досега земала за две години.

Лицемерието на Поповски и Бошњаковски не помага: Асани продолжува со навреди кон претседателот на ЗНМ

Ивана Ефремовски — Tue, 13 Mar 2018 13:46:09 +0000

Беќир Асани, „проблематичниот“ член на огранокот на ДУИ од Чаир кој деновиве е особено актуелен во јавноста, негира дека му се заканувал на претседателот на ЗНМ, Насер Селмани, и вели дека само го навредил. Имено, Беќири неодамна во интервју за „Мактел“ го нарече Селмани „копиле“ и „жена“, по што новинари и граѓани излегоа на протест пред Владата, нарекувајќи се сите „копилиња“ и повикувајќи ја Владата да ги замолчи насилниците. – Јас му реков дека е копиле и пак повторувам дека е копиле, ништо повеќе. А што се однесува до тоа дали добил некаква закана од мојот брат, јас немам такво сознание. Тука не станува збор за ДУИ, ниту пак за Владата, чиј дел е ДУИ. Јас не можам да говорам во име на овие два органи, но уште еднаш ќе повторам дека јас зборувам исклучиво во мое име, вели Асани во изјава за ТВ 21. Претставници на Владата вчера се обидоа да го окупираат протестот на новинарите и да го задушат новинарското незадоволство. Тие лицемерно, јавно ги осудија навредите и заканите кон претседателот на ЗНМ, но тоа воопшто не помогна. Новинарите и натаму се мета на закани и навреди, а никој од Владата не превзема ништо за тоа, грижејќи се само за зачувување на коалицијата СДСМ-ДУИ.

Насер Селмани до министерот на Заев: Врзете си ги кучињата за да не касаат!

Ивана Ефремовски — Mon, 12 Mar 2018 12:27:13 +0000

На денешниот протест на новинарите пред Владата, претседателите на ЗНМ и ССНМ, Насер Селмани и Тамара Чаусидис, разговараа со министерот без ресор во Владата на Зоран Заев, Роберт Поповски. Откако министерот заврши со своето обраќање, претседателката на ССНМ му порача на Поповски дека новинарите не се убедени во постапувањето и неселективноста на институциите. -Имаме чувство дека не се делува доволно. Поради тој факт се собравме ние тука, рече Чаусидис. Претседателот на ЗНМ, пак, кон кого беа упатени заканите од функционерот на ДУИ, што го иницира протестот, му рече на Поповски: -Врзете ги кучињата. Мора да бидат врзани за да не касаат, рече Селмани. Тој потоа рече дека додека не бидат скротени силеџиите, ќе претставуваат закана за слободата на говорот. Фото: РЕПУБЛИКА