роберт просинечки – Kurir.mk

Просинечки типува на Бразил или Аргентина за титулата

Катерина Бојаџиева — Wed, 23 Nov 2022 20:38:51 +0000

Поранешниот легендарен југословенски и хрватски репрезентативец Роберт Просинечки очекува титулата на Светското фудбалско првенство во Катар да ја освои јужноамериканска репрезентација. – Веќе некое време титулата не ја освојуваат јужноамерикански репрезентации, па сега дојде моментот. Бразил има најдобра екипа. Аргентина, исто така, има шанси, тоа е урамнотежена екипа, рече Просинечки, кој пред три месеци беше меѓу кандидатите за селектор на Боливија. Последната јужноамериканска репрезентација која ја освои светската титула е Бразил пред 20 години. Од европските репрезентации, според Просинечки, најголеми шанси за титулата имаат Франција и Белгија.

Просинечки: Не сум разговарал со никој од македонската фудбалска федерација

Ивона Петрова — Tue, 29 Dec 2020 07:44:49 +0000

Роберт Просинечки демантираше дека е во игра за селекторското место во А тимот на Македонија, откако српски Курир најави дека има договор со ФФМ. Ваквите натписи ги демантираше и ФФМ, а Просинечки за Јутарњи.хр објасни дека нема никаков контакт и договор за превземање на селекторската позиција на нашата најсилна фудбалска репрезентација. -Вие сте први кои ми го кажувате ова. Не сум ги читал порталите. Навистина не знам ништо за тоа, ви кажувам, прв пат слушам за такво нешто. Воопшто не сум разговарал со никој од македонската фудбалска федерација. Дома сум во Загреб откако се вратив од Турција, други вести нема, изјави Просинечки.

Македонија нема да има странски селектор, еве што порачува ФФМ

Ивона Петрова — Sun, 27 Dec 2020 16:04:59 +0000

Медиумите од соседството со помош на „македонски кујни“ пласираат лажни вести дека ФФМ е во преговори со тренери од странство за селекторската позиција на А-националниот фудбалски тим, пишува порталот Дриблинг.мк. Дриблинг.мк дознава дека ФФМ не преговара со ниту еден можен кандидат за селекторската позиција на националниот тим, се додека не ги заврши преговорите со Игор Ангеловски на кого договорот му завршува кон крајот на годината. Порталот пишува дека ФФМ нема намера да преговара со никого се додека не ги слушне условите од Ангеловски за продолжување на соработката. -Лажни се вестите за Роберт Просинечки кои ги сервира лоби од домашната сцена за притисок врз федерацијата, пишува Дриблинг.мк. Целиот текст прочитајте го на Дриблинг

Шокантна информација: Хрватската фудбалска легенда ќе ја води Македонија на ЕП?!

Курир — Sun, 27 Dec 2020 15:10:47 +0000

Како што неофицијално дознава српскиот „Курир“, хрватската фудбалска легенда Роберт Просинечки ќе биде новиот селектор на Македонија. Изворот воедно додава дека официјалната промоција се очекува да биде во наредните денови. Како што е веќе познато, на 31.12.2020, за четири дена истекува договорот на Игор Ангеловски како селектор на нашата А репрезентација, по што се очекува да се водат разговори за евентуално продолжување на соработката. Ние го постигнавме најголемиот успех во својата историја со пласманот на Европското првенство, за првпат во сениорска конкуренција. Просинечки е моментно без функција, на крајот од ноември доби отказ во турскиот Денизлиспор после серијата лоши резултати, а сето тоа кулминираше со поразот во националниот куп од третолигашот Тургутлуспор. Пред Денизлиспор ги водеше уште Кајсериспор и Црвена звезда, а беше и селектор на Азербејџан и Босна и Херцеговина.

ДРАМА! За 12 дена, Роберт Просинечки опериран по втор пат

Предраг Кукиќ — Wed, 05 Dec 2018 18:42:18 +0000

На 23 ноември, Роберт Просинечки, еден од најдобрите фудбалери во некогашна СФРЈ, а потоа на Хрватска, сега селектор на репрезентацијата на БиХ, на 23 ноември годинава бил опериран во Сараево. Операцијата била на тенкото црево, но по кратко време било утврдено дека раната не зараснува добро, па морал да биде опериран уште еднаш. „Мораше да биде опериран повторно бидејќи раната бавно му зараснуваше. Сега е добар и закрепнува“, рекле од Клиничкиот центар во Сараево. Првата операција траела три часа, а за сегашната има малку информации бидејќи, како што велат од Центарот, сакале да помине во „мир и тишина“. Ова не прв пат славниот фудбалер да има проблеми со здравјето. Во 2009 година имал проблеми со бактерија во желудникот која му предизвикувала проблем со центарот за рамнотежа.