Роберто Фирмино – Kurir.mk

Роберто Фирмино заминува од Ливерпул и се знае каде ќе игра следната сезона

Бошко Тасиќ — Sun, 23 Apr 2023 06:53:54 +0000

Фудбалерот на Ливерпул Роберто Фирмино по осум години ќе игра за друг клуб. Англиските медиуми веќе шпекулираат околу тоа кој ќе биде неговиот нов клуб, а како прво име се споменува Барселона, со која наводно веќе имал усмен договор. Фирмино во Ливерпул пристигна во 2015 година од редовите на Хофенхајм и на 360 натпревари за Ливерпул постигна 109 голови. Иако немаше многу шанси да заигра сезонава, заминувањето на Фирмино за Ливерпул ќе биде голем удар за Јирген Клоп, кој последните месеци се обидуваше да го увери дека треба да остане на Енфилд.

Клоп изненаден од одлуката на Фирмино да замине

Тале Кристо — Sat, 11 Mar 2023 13:40:44 +0000

Тренерот на Ливерпул, Јирген Клоп, изјави денеска дека е изненаден од одлуката на Роберто Фирмино да го напушти клубот по завршување на премиерлигашката сезона, пренесува Би-Би-Си. Бразилскиот фудбалер одлучи да замине од Ливерпул кога во јуни ќе му истече договорот по седум години минати на „Енфилд Роуд“. „Изненаден сум, но ја почитувам одлуката. Тоа е сосема нормално во вака долги врски каква што Боби има со клубот. Во овој момент немаме време за збогување, за тоа ќе имаме доволно време во подоцнежната фаза од сезоната. Тој е целосно посветен на тимот, како што веројатно и знаете, и тоа е сè што треба да знам“, изјави Клоп. Фирмино на „Енфилд Роуд“ дојде во 2015 година и оттогаш за Ливерпул одигра 352 натпревари и постигна 107 голови. ег Ливерпул е петтопласиран на табелата пред денешното гостување кај последно пласираниот Борнмут во рамки на 27 коло во Премиер лигата.

Клоп: Изненаден сум од одлуката на Фирмино

Бошко Тасиќ — Sat, 11 Mar 2023 05:09:28 +0000

Роберто Фирмино долги години беше симбол за нападот на Ливерпул и ја игра осмата сезона на „Енфилд Роуд“, но истата ќе биде последна за фантастичниот бразилски фудбалер. Популарниот Боби реши да не го продолжува договорот со Ливерпул и да си замине како слободен агент претстојново лето, одлука која донесе доста реакциите интерно во тимот, пред се поради тоа што соиграчите навистина имаат неизмерна почит кон напаѓачот. Новите засилувања во нападот беа мала најава дека ќе мора да си замине некој од поискусните, а тоа на крајот е Фирмино кој на 31 година ќе бара нов предизвик во кариерата. – Точно е, Фирмино лично ми кажа дека ќе си оди. Изненаден сум, но не сум повреден од изненадувањето. Ова е нормална работа во фудбалот. Можеше да заврши на два начини, а заврши на овој. Го почитувам неговото мислење.Во вакви долги врски како со Боби секогаш е специјално, многу ми се допадна како беше поздравен против Јунајтед кога влезе во игра. Ми кажа само едно, ми порача дека сака да ја заврши оваа приказна со позитивен крај. Тој е тука до крајот, максимално посветен и тоа е она што е најважно. Ќе има време за збогување, ќе дојде тој момент подоцна во сезоната. Тој добро знае, кога и да се врати во клубот, неговата песна се уште ќе се пее на трибините. Боби е еден од оние играчи кои дури и да дојде со противнички дрес, ќе донесе насмевки меѓу луѓето на Ливерпул, – изјави Клоп.

Фирмино заминува од Ливерпуп по осум години

Бошко Тасиќ — Sat, 04 Mar 2023 05:05:38 +0000

Бразилскиот фудбалски репрезентативец, Роберто Фирмино, оваа лето ќе го напушти клубот од „Енфилд“ и ќе ја заврши својата успешна осумгодиншна кариера во Ливерпул. Фирмино дојде во шесткратниот европски шампион во 2015 година и оттогаш забележа над 250 настапи за „црвените“, кои ги надополни со повеќе од 80 голови. Германските медиуми јавуват дека тој веќе ја донел одлуката и разговарал со менаџерот Јирген Клоп, а веста доаѓа како помалку изненадувачка, затоа што во последно време се шпекулираше околу позитивните преговори со управата за продолжување на неговиот договор. И самиот Клоп неколку пати изјавуваше дека би сакал да го задржи Бразилецот во своите редови, тој е уште во добра форма и сезонава постигна вкупно седум голови и три асистенции од седумнаесет одиграни средби во Премиер лигата.

Медиуми: Ливерпул по завршување на сезоната ги продава Салах, Матип и Фирмино

Ивана Ефремовски — Sun, 05 Feb 2023 15:42:15 +0000

Тренерот на Ливерпул, Јирген Клоп, одлучил по завршување на оваа сезона да се ослободи од услугите на Мохамед Салах, Роберто Фирмино и Жоел Матип со цел да обезбеди пари за засилувања во летниот преоден рок, пишуваат денеска британските медиуми. Истите извори наведуваат дека Клоп веќе разговарал со клупското раководство и добил дозвола за реконструкција на тимот за следната сезона. Ливерпул во јануарскиот преоден рок се засили со Коди Гакпо, ангажирајќи го за сума од 42 милиони евра, а прв на листата потенцијални засилувања за следната сезона е Џад Белингем од Борусија Дортмунд, чија пазарна вредност се проценува на околу 100 милиони евра. „Фирмино и Матип ќе бидат ставени на трансфер листата бидејќи не се стандардни првотимци. Салах, исто така, ќе се најде на трансфер листата, бидејќи веќе наполни 30 години. Ова, можеби, е последната шанса на Ливерпул нешто да заработи од египетскиот фудбалер. Парите кои ќе ги добие од продажбата на Матип, Фирмино и Салах, ќе бидат искористени од Ливерпул да го ангажира Белингем“, наведуваат британските медиуми. (МИА)

Ван Дајк и Фирмино се вратија на тренинзите на Ливерпул

Бошко Тасиќ — Fri, 03 Feb 2023 05:57:12 +0000

Фудбалерите на Ливерпул, Вирџил ван Дaјк и Роберто Фирмино, се вратија на тренинзите по повредите. Тоа се добри вести за менаџерот Јирген Клоп, откако оваа недела дозна дека нема да може да смета на Ибрахима Конате во следните неколку седмици. Ван Дајк се опорави од повредата на тетивата која ја доби против Брентфорд минатиот месец, додека Фирмино беше надвор од теренот по паузата од Светското првенство кога заработи повреда на тренинг кампот во Дубаи. Ливерпул в сабота ќе игра против Вулверхемптон, но тешко дека повратниците веднаш ќе се најдат во составот на Клоп.

Фирмино: Сакам повторно да бидам во репрезентацијата на Бразил

Бошко Тасиќ — Fri, 30 Dec 2022 06:03:23 +0000

Фудбалерот на Ливерпул, Роберто Фирмино изјави дека во следната сезона влегува со голема мотивација бидејќи сака да се врати во бразилската репрезентација. Фирмино (31) не играше за Бразил на Светското првенство, бидејќи тогашниот селектор Тите реши да го остави фудбалерот на Ливерпул надвор од составот за Катар. Фирмино призна дека бил шокиран од одлуката да не игра на Светското првенство, бидејќи во сезоната досега одиграл 21 натпревар и постигнал девет гола. „Секако дека е фрустрирачки кога не добивате покана за Светското првенство, но како што реков претходно, тоа е дел од Божјиот план и јас го следам тој план. Тоа навистина ме мотивира уште повеќе и ќе работам напорно за да се вратам во репрезентацијата“, изјави Фирмино. За Бразил, Робето одигра 55 натпревари и постигна 17 голови.

Клоп демантира трансфер на Фирмино во Јувентус

Ивона Петрова — Fri, 29 Jul 2022 10:39:40 +0000

Тренерот на премиерлигашот Ливерпул, Јирген Клоп, изјави синоќа оти напаѓачот Роберто Фирмино е срцето и душата на англискиот вицешампион и со тоа демантираше евентуален трансфер на Бразилецот во Јувентус. – Боби е клучен играч за нас, тој е срцето и душата на овој тим. Сè изгледа добро и апсолутно сум задоволен од Фирмино. За мене нема никакво сомневање во неговите квалитети, така што точно е дека тој е многу важен за нас, посочи Клоп. Фирмино дојде во Ливерпул од Хофенхајм во 2015 година, а Јувентус за неговите услуги, наводно, бил подготвен да плати 22 милиони евра. Во дресот на бразилската репрезентација Фирмино има одиграно 55 натпревари на кои постигна 17 голови.

Фирмино се врати на тренинзите

Дарко Андоновски — Mon, 20 May 2019 09:43:21 +0000

Напаѓачот на Ливерпул, Роберо Фирмино, продолжи со тренинзи по залечување на повреда на колкот, пренесува „Скај спорт“. Дваесет и седумгодишниот Бразилец беше повреден за време на тренинг сесијата пред натпреварот од 36. коло од првенството на Англија со Хадерсфилд (5:0). Оваа сезона,Фирмино настапи на 47 средби во сите натпреварувања, постигна 16 голови и оствари седум асистенции.

Рекорди за Салах и Фирмино во Премиер Лигата

Даниел Василев — Sun, 15 Apr 2018 07:44:13 +0000

Ѕвездите на Ливерпул, Мохамед Салах и Роберто Фирмино поставија рекорд во Премиер лигата при победата над Борнемут со 3:0 во мечот од 34 коло. Дваесет и пет-годишниот Салах постигна гол во 69-тата минута против „црешите“ и стана првиот Африканец со 30 гола во рамките на една сезона во англиската елита. Досегашниот рекорд беше во сопственост на Дидие Дрогба (Брегот на слоновата коска), кој имаше 29 погодоци во сезоната 2009/10 за Челзи. Фирмино беше прецизен во последната минута од натпреварот и со 15 гола од почетокот на првенството стана Бразилецот со најмногу погодоци во една сезона во Премиер Лигата. 26-годишниот напаѓач на Ливерпул го подобри рекордот на Робињо, кој во 2008/09 постигна 14 гола за Манчестер Сити. МИА