роберто гарсија парондо – Kurir.mk

Парондо веќе не е селектор на Египет

Бошко Тасиќ — Wed, 01 Feb 2023 06:09:32 +0000

Некогашниот тренер на Вардар, Роберто Гарсија Парондо нема повеќе да ја води репрезентацијата на Египет. Шпанецот од 2019 беше предводник на „фараоните“ со кои имаше одлични резултати, освои две титули на првенствата на Африка, потоа четвртото место на ОИ во Токио, а на СП во 2019 и 2021 година ги однесе до седмата позиција. Причината за разделбата е тоа што Парондо не секаше целосно да му се посвети на Египет, односно сакаше да продолжи да работи и на клупско ниво каде ја продолжи соработката соо бундеслигашот Мелзунген. -Сакавме селекторот да се посвети само на репрезентацијата, но тој одлучи да го продолжи договорот до 2025 година со Мелсунген пред почетокот на СП. Решивме да не го продолжиме договорот и поради тоа што целта беше да се игра полуфиналето, -се вели во соопштението на генералниот секретар на федерацијата, Амр Салах.

Парондо го напушти селекторското место во Египет

Ристе Здравков — Wed, 20 Jul 2022 10:19:21 +0000

Поранешниот тренер на Вардар, Роберто Гарсија Парондо го напушти селекторското место во ракометната репрезентација на Египет. Тој пред два дена го освои Африканскиот куп со репрезентацијата на Египет, а веднаш потоа објави дека финалето против Зеленортски острови беше последно за него на клупата на „фараоните“. Тој ќе се посвети на работата во германскиот бундеслигаш Мелзунген кој го презеде во септември минатата година. По финалето на Парондо му бил понуден нов договор со плата пониска за една третина и со клаузула која вели дека ќе треба да плаќа пенали ако сака да си замине од позицијата. Тој не ја прифатил, па во иднина ќе биде дел само од бундеслигашот. Парондо ја освои титулата во Лигата на шампионите со Вардар во 2019 година.

Роберто Гарсија Парондо ќе работи во Бундес-лигата

Бошко Тасиќ — Tue, 28 Sep 2021 20:25:52 +0000

Роберто Гарсија Парондо е подготвен да се врати на клупскиот ракомет откако шпанскиот стратег успешно ги финализираше преговорите со бундеслигашот Мелсунген. Управата на Мелсунген по само три кола му врачи отказ на Гудмундур Гудмундсон, по што ги почна преговорите со Парондо. Главен пробле претставуваше фактот дека Шпанецот се уште има договор како селектор на Египет, но по долги разговори конечно беше договорено тој паралелно да ги извршува двете функции.

Шпанскиот стратег својот прв самостоен тренерски ангажман го имаше во Вардар, каде приреди сензација стигнувајќи до титулата европски првак и покрај оргомните проблеми поради неисплатените плати од управата.

Парондо: Моето семејство не сакаше да си заминеме од Македонија

Дарко Андоновски — Mon, 24 Jun 2019 11:24:58 +0000

По една сезона на клупата на Вардар, Роберто Гарсија Парондо ќе си замине и кариерата ќе ја продолжи како селектор на репрезентацијата на Египет. Заминувањето од Македонија му падна тешко на неговото семејство, кое не сакаше да го прифати моментот кога ќе треба се напушти Скопје. „Ги освоивме титулите во СЕХА лигата и Лигата на шампионите, што е сепак голем успех со оглед на проблемите со кои се соочивме. Тажен сум што заминувам од Скопје и долго време размислував за оваа одлука. Моето семејство не сакаше да ја напуштиме Македонија, тие се чувствуваат одлично таму. Скопје останува во нашите срца. Во Шпанија не се доживува ракометот како во Македонија. Сите се среќни за нас, не само најблиските. Двете недели по освојувањето на титулата во Келн беа неверојатни. Вардар е најдобриот тим во Европа“, изјави 39-годишникот од Мадрид. На местото на Шпанецот пристигна уште еден негов сонародник. Тоа е Давид Писонеро кој доаѓа од екипата на Ваљаолид.

Ова е замената за Раул на селекторската позиција во репрезентацијата!?

Ристе Здравков — Mon, 04 Feb 2019 12:08:33 +0000

Ракометната федерација на Македонија му се заблагодари на Раул Гонзалез за придонесот за македонската репрезентација и двете страни спогодбено го раскинаа договорот, а веќе се наметнува прашањето кој ќе го наследи „Ел Команданте“ на селекторското столче. Како најсериозен кандидат за нов селектор на Македонија е Роберто Гарсија Парондо, „ученикот“ на Раул Гонзалез од шампионската ера во Вардар. Парондо беше „десна рака“ на македонскиот селектор, а голема е веројатноста тој во иднина да го води националниот тим. По Раул Гонзалез, Лино Червар, Ивица Обрван, Звонко Шундовски... опција е вардаровиот стратег, кој би бил нов странски тренер во историјата на нашиот национален тим. Во своето соопштение за раскинот на договорот со Раул, РФМ вели дека „машката А-селекција треба да има стратег кој секојдневно ќе биде посветен и во тек со сите збиднувања поврзани со репрезентацијата“. Така, се наметнува Парондо како прва опција, ако се земе предвид дека е во Македонија, дека го води Вардар, но и дека добро ги познава репрезентативците и климата во националниот тим, затоа што веќе претходно работеше со Гонзалез. Тука секако дека е и Данило Брестовац, кој работи во Металург и е селектор на младинските категории во Македонија. Парондо веќе еднаш го наследи Раул Гонзалез, но во Вардар, кога шпанскиот стратег кој направи чудо и ги направи „црвено-црните“ европски прваци, реши да замине во Франција и да го води ПСЖ. Од РФМ најавија дека нов селектор ќе се назначи во најбрз можен рок. Новиот предводник првиот „испит“ ќе го има во квалификациите за Европското првенство (ЕП), во мечевите против Исланд на 10 и 14 април. Извор: gol.mk

Тренерот на вардарци одржа предавање меѓу осмооделенци во Скопје

Ристе Здравков — Tue, 30 Oct 2018 15:39:59 +0000

На покана на интернационалното училиште Нова, денес предавање на учениците од осмо одделение им одржа тренерот на РК Вардар, Роберто Гарсија Парондо. Вардаровиот тренер беше магнет за осмооддленците, кои исто така имаа и доста прашања. Тема на предавањето беше „Одговорноста" и како истата е дел од ракометната игра. Како се избира играч, зошто токму тој, како се размислува и колку брзо треба да се донесе клучна одлука во важен момент од играта. До 17 години Парондо свирел на гитара, кога добил покана од Ваљадолид. Бил на раскрсница дали да остане дома и да продолжи така или да превземе одговорност и донесе одлука. Потоа продолжил со играње, но постојано се надградувал и на 23 години почнал да размилсува: Што понатаму, дали постојано ќе бидат играч? Така почнува едукацијата и учењето да се биде тренер, да се навлезе подлабоко во самото разбирање на играта и на тактиката. Пред неколку години повторно бил пред нова одлука. Како играч во Унгарија, дали да биде уште неколку години на теренот или да ја прифати понудата на Вардар да дојде и да биде тренер на женската екипа. Учениците со голем интерес го сослушаа она што Парондо имаше да им го каже, за одговорноста, за одлуките што треба да се превземат, не само на теренот туку и во животот, а сѐ со цел да се исполни некоја желба, некој сон. Па и како се реагира кога ќе се загуби натпревар или ќе се победи. Како се зборува на тајм аут, на македонски или англиски? И што кога ќе се згреши во изборот на играч на теренот.

Парондо: Играме добро и победите доаѓаат

Ристе Здравков — Sun, 07 Oct 2018 07:53:15 +0000

Вардар ја задржа лидерската позиција во групата А во Лигата на шампионите, откако во четвртото коло на домашен терен го совлада и Рајн Некар со 29:27. - Одигравме тежок натпревар. Навистина е многу тешко да се игра и да се победи против извонреден тим како што е Рајн Некар во кој играат неверојатни ракометари. Во првиот дел имавме проблеми. Не реализиравме неколку ситуации, но одигравме поквалитетно во вториот дел од средбата. Сепак, најважна е победата на крајот. Тоа е она што го правиме, играме добро и победите доаѓаат, истакна тренерот на Вардар, Роберто Парондо. Тренерот на Рајн Некар, Николај Јакобсен, чиј тим од гостувањето во Скопје повторно заминува без бодови, се пожали на третманот на судиите. - Им честитам на Роберто и на Вардар за победата. Имавме проблеми во второто полувреме. Разочаран сум бидејќи не победивме. Решавачки момент беше почетокот на вториот дел кога имавме проблеми во играта. Судиите не ни дадоа доволно можности да имаме фер шанса за победата. Тоа е што е и одиме понатаму, наведе Јакобсен. Ракометарот на Вардар, Иван Чупиќ, изјави дека е важно да се биде голем спортист и кога се победува, но и кога се губи. - Им се заблагодарувам на Рајн Некар за коректната игра и особено на тренерот кој ми е еден од омилените. Сепак, една работа не можам да ја сфатам. Втор меч по ред се зборува за судиите и за Вардар. Едноставно нема причина за тоа. Веќе 15 години сум во Лигата на шампионите и сум одиграл многу вакви средби и можам да кажам дека мора да се биде голем спортист до крајот. Рајн Некар игра без притисок и има квалитет и затоа игра така силно на секоја средба. Сепак, денеска ние бевме нешто подобри, нагласи Чупиќ. Вардар во следното коло гостува кај Кјелце.

Парондо: Ни доаѓа силен ривал

Ристе Здравков — Thu, 04 Oct 2018 12:15:40 +0000

Тренерот на Вардар, Роберто Парондо, очекува многу тежок натпревар со Рајн Некар Левен в сабота во Скопје во четвртата рунда од ракометната Лига на шампионите. - Знаеме за каков тим станува збор. Играат одлично и шест на шест и седум на шест. Треба да подготвиме добра одбрана и да ја задржиме концентрација во текот на целиот натпревар, изјави Парондо. Шпанскиот стручњак информира дека пивотот Мораеш и бекот Борозан се уште се неизвесни за овој меч но веројатноста да бидат во составот е голема, додека Стојанче Стоилов добро закрепнува од повредата, но нема да се брза со него, иако има голема желба да се врати на теренот. Натпреварот Вардар – Рајн Некар се игра в сабота од 17:30 часот.

Парондо: Не смееме да ја потцениме Војводина

Ристе Здравков — Mon, 01 Oct 2018 13:58:25 +0000

Вардар викендов оствари значајна победа во Унгарија против Веспрем во Лигата на шампионите, но од македонскиот ракометен првак наведуваат дека нема време за еуфорија бидејќи утре го пречекуваат српскиот шампион Војводина во рамките на регионалната СЕХА лига.

- Војводина е најдобриот тим во Србија во последните неколку години и не смееме да го потцениме ривалот. Имаат млади и добри играчи, кои играат агресивно и сакаат да покажат колку можат. Ние сакаме да прикажеме дека имаме квалитет. Сигурно нема да биде тешко како на средбата против Веспрем, но мораме да ја сфатиме нашата задача максимално сериозно, истакна тренерот на Врадар, Роберто Парондо.

Вардар е фаворит на средбата, но поради повреди на дел од играчите Парондо не го соопшти составот со кој ќе се спротивстави. Меѓу играчите кои имаат проблеми со повреди се и Рожерио Мораеш и Вуко Борозан.

Парондо: Голема победа за нас, благодарност до моите ракометари

Ивона Петрова — Sun, 30 Sep 2018 07:32:11 +0000

По победата на екипата на Вардар на гостински терен против силниот Веспрем, тренерот на „црвено-црните“, Роберто Гарсија Парондо на прес-конференција изјави дека е пресреќен од прикажаното и им се заблагодари на своите ракометари што успеаја да го надоместат отсуството на повредените. - Пресреќен сум поради победата. Многу тешко се победува тука, знаеме колку е силен Веспрем. Имаме многу повредени, а и клупата не е така долга како што беше во минатите неколку години. Ова е голема победа за нас и благодарен сум на моите ракометари што денеска одиграа неверојатно. Тие успеаја да го надоместат отсуството на повредените. Тоа што секој ден го работиме на тренинзите, играчите го спроведоа на дело, изјави Шпанецот по мечот. Вардар својот следен меч во ЛШ го играат против Рајн Некар Левен следната сабота во Скопје.