Роберто Кавали – Kurir.mk

НА НЕА ПОТРОШИЛ НЕВЕРОЈАТНИ 3 МИЛИОНИ ЕВРА: Роберто Кавали ги исполнува сите желби на неговата 45 години помлада девојка

Ристе Здравков — Fri, 16 Dec 2022 12:44:43 +0000

Велат дека вистинската љубов не познава години, а еден од поекстремните примери е 14-годишната врска на познатиот дизајнер Роберто Кавали и неговата 45 години помлада девојка Сандра Нилсон. Тие влегоа во врска во далечната 2008 година, а и покрај прогнозите дека нема да трае ниту еден месец, нивната љубов и понатаму е силна како и првиот ден. Сепак, тоа не ги спаси од коментари дека тој би можел да ѝ биде дедо, а Сандра ја интересираат само неговите пари. Меѓутоа, кога нејзината манекенска кариера почна да згаснува, тогаш љубовта со Роберто Кавали почна да блеска. Родена на 17 февруари 1985 година во Шведска, Сандра рано започнала да работи во модната индустрија. Кога имала 14 години, скаути од една француска модна агенција ја забележале нејзината специфична убавина – големи сини очи и кафена коса, што е реткост во нордиските земји. Со текот на годините, таа освојувала награди, меѓу другите за Мис на ЕУ, Мис на светот на бикини, Мис на Хаваи и конечно за најубава жена во Шведска, а беше и модел на Плејбој. Дека сега ужива во луксуз, докажува и фактот што модниот дизајнер, кој неодамна го прослави 82-от роденден, решил на својата девојка да ѝ купи остров во Шведска со луксузна вила. Имено, Роберто на Сандра и купил упориште на Викинзите од 11 век во Шведска на приватен остров, кој чини 3 милиони евра. Така Сандра Нилсон стана нова сопственичка на остров во родната земја, недалеку од Стокхолм. На островот има и прекрасна вила со четири спални соби, дел за лов, базен, терен за голф, но и остатоци од викиншка тврдина, пишува Daily Mail. Дополнително, поранешната манекенка може да џогира колку сака по добро одржуваните патеки долги 1,5 километри, а островот има и приватно пристаниште со траект кој може да прими 10 луѓе. Инаку, Кавали и Сандра се запознале кога тој се развел од сопругата, а со неа, како што вели дијазнерот, го нашол својот мир, таа е неговата муза, неговата вистинска љубов и не се грижат за разликата во годините.

Роберто Кавали на својата 47 години помлада девојка и купи ни помалку ни повеќе – ОСТРОВ! Од вртоглавата сума ќе останете подзинети

Магдалена Андонова — Wed, 14 Apr 2021 07:46:08 +0000

Италијанскиот дизајнер Роберто Кавали (80) и подари на својата девојка Лина Нилсон (33) остров во нејзината родна Шведска, за што плати милион евра. Роберто често и дава на својата мила скапи подароци, а на островот кој и го купил се наоѓа вила со четири соби, колиба за лов, базен и терен за голф. Модниот магнат, чие богатство се проценува на 500 милиони долари, е во врска со Лина од 2008 година, кога имала 20 години. Многумина ја нарекуваа спонзоруша затоа што е во врска со познат дизајнер чии креации се повеќе препознатливи по животински обрасци и затоа што тој по возраст може да и биде дедо. Често може да се забележат како уживаат во луксузни одмори на јахти, додека Лина го привлекува вниманието со своите минијатурни бикини и одлична фигура и тивкото страдање на многу мажи ширум светот. Со оглед на неговата возраст, славниот Италијанец е потполно спротивен од неа со опуштена кожа, а се шпекулира дека покрај неговата возраст, неговото чудно лице е резултат на ботокс и некои други процедури. Порано имал проблеми со одење поради повреда на коленото, но неговата Лина секогаш била подготвена да му помогне. Се шпекулираше дека парот ќе изговори судбоносно да, но тоа сè уште не се случило.

Кавали се опуштил покрај 46 години помладата девојка: Ги креира најскапите модни парчиња, а шета по улица во срамно издание

Ивана Ефремовски — Tue, 20 Nov 2018 10:11:04 +0000

Еден од најпознатите модни креатори во светот, Роберто Кавали (78) е фотографиран како излегува од железничката станица во Милано со својата долгогодишна девојка Сандра Нилсон (32). Кавали очигледно е максимално опуштен зашто не забележа дека панталоните му се со отворен шлиц. Расположените Роберто и Сандра привлекуваа внимание во целосно црната облека, која се истакнуваше само со крзнениот капут на Нилсон. Поранешната манекенка и зајачица на Плејбој е во врска со 46-години постариот дизајнер од 2010-та година, кога на Роберто му почина сопругата. Пред три години Кавали и купи на Сандра остров во нејзината родна Шведска за 2,22 милиони фунти. Нилсон, poдена во Сјобе, почнала да се занимава со манекенство на 14-годишна возраст. Освоила неколку национални награди на избор за Мис, а во 2008 е избрана за Плејбој зајачица на месецот .