Роберто Манчини – Kurir.mk

Манчини го прифати богатиот договор и станува селектор на Саудиска Арабија

Ристе Здравков — Fri, 25 Aug 2023 08:43:01 +0000

Роберто Манчини наскоро и официјално ќе биде претставен како нов селектор на Саудиска Арабија. Медиумите во Италија веќе две недели шпекулираа околу неговиот нов ангажман и веќе се чини дека стратегот ги договорил сите услови. „Газета дело спорт“ пишува дека Фудбалската федерација на Саудиска Арабија му понудила сума од 77 милиони евра за четиригодишен ангажман во националниот тим. Манчини имал неколку услови, меѓу кои и можноста со себе да го земе комплетниот стручен штаб со кој работеше досега. Саудијците без проблем прифатиле и му ветиле одлични услови за работа на новиот селектор, од кого ќе се очекуваат солидни резултати во иднина. Целта на тимот ќе биде пласман на Светското првенство во 2026 година, како и минување на групната фаза. Роберто Манчини успеа да ја искачи Италија на европскиот трон после пет ипол децении, но потоа загуби од Македонија во баражот за Мундијалот во Катар. Неговото столче се „нишаше“ подолго време, а пред само две недели ја прекина соработката со италијанскиот национален тим.

Манчини ја прифати понудата и станува селектор на Саудиска Арабија

Бошко Тасиќ — Fri, 25 Aug 2023 03:53:02 +0000

Италијанскиот селектор Манчини поднесе оставка

Дарко Андоновски — Sun, 13 Aug 2023 14:15:20 +0000

Италија ќе гостува на 9 септември во Скопје во рамки на евроквалификациите со нов селектор, откако предводникот на актуелниот европски првак Роберто Манчини поднесе оставка, објави попладнево италијанската фудбалска Федерација (ФИГЦ). „Со ова се заокружува една значајна страница во историјата на Азурите, која почна во мај 2018 и заврши со финалето на годинешното издание на Лигата на нации. Во тој период, дојде освојувањето на ЕУРО2022, триумф остварен од група во која сите индивидуи научија како да станат тим“, соопшти ФИГЦ. Во соопштението се прецизира дека новиот селектор, под чие водство Италија ќе ги продолжи квалификациите за ЕУРО2024, ќе биде објавен „во следните денови“. Италија под водство на Манчини ја освои европската титула во 2020 година, но не успеа да обезбеди пласман на ланскиот Мундијал во Катар, откако во полуфиналето од баражот загуби од македонската репрезентација со 1-0 во Палермо. Двете репрезентации ќе се сретнат на 9 септември на Националната арена „Тодор Проески“ во Скопје во рамки на квалификациската група Ц во која три денови подоцна Италија ќе ја пречека Украина во Милано.

Манчини: Не го спроведовме нашиот план, Шпанија заслужено не победи

Бошко Тасиќ — Fri, 16 Jun 2023 04:23:40 +0000

Фудбалската репрезентација на Италија доживеа пораз од Шпанија во полуфиналето во Лигата на нации и со тоа остана без можност да се бори за трофејот во ова натпреварување. „Црвената фурија“ беа поупорна, поконзинстентна и успеа во самиот финиш преку Хоселу (88 минута) да дојде до победа и со тоа закаже финале со Хрватска. -Шпанија постигна гол веднаш на крајот, но генерално одиграа подобро од нас. Ние се подготвувавме за поинаков тип на игра, но не спорведовме многу од она што го планиравме, -рече селекторот на „аѕурите“, Роберто Манчини кој одговори зошто ја направи замената Имобиле-Киеза. -Мислевме дека Киеза може да даде малку поголема длабочина и помалку референтни точки за одбраната. Момците дадоа се од себе, но има работи за кои треба да жалиме, веројатно што не игравме во нашиот вообичаен стил, -порача Манчини кој сега треба да го смени тимот за соочувањето со Холанција за третото место во Лигата на нации.

Манчини: Манчестер сити на Пеп Гвардиола е најсилниот тим на светот

Ивана Ефремовски — Fri, 09 Jun 2023 16:03:38 +0000

Поранешниот тренер на Манчестер сити, Роберто Манчини не ги смета „граѓаните“ под водство на Хосеп Гвардиола за најсилниот тим на светот. - Не може да има предвидувања пред финалето. Манчестер сити на Гвардиола не е најсилниот тим на светот, но знае да игра најдобро. Добро го познавам Симоне Инзаги, го видов како расте како играч и тренер. Верувам во него. Нели беше на мета на критичарите пред неколку недели? Работата на тренерите не е лесна, изјави Манчини за „La Stampa“. Финалето во Лигата на шампионите помеѓу Манчестер сити и Интер ќе се одигра на 10 јуни со почеток во 21 часот.

Манчини: Не ми се допаѓа новиот мундијалски формат

Тале Кристо — Tue, 04 Apr 2023 18:32:22 +0000

Селекторот на фудбалската репрезентација на Италија, Роберто Манчини, го критикуваше форматот на Светското првенство кое во 2026 година заеднички ќе го организираат САД, Мексико и Канада, јавија денеска италијанските медиуми. На следниот фудбалски Мундијал, за прв пат во историјата, ќе учествуваат 48 репрезентации поделени во 12 групи. Пласман во шеснаесетфиналето ќе изборат по две најдобро пласирани репрезентации во групната фаза, како и осум најдобро третопласирани селекции. „Не ми се допаѓа новиот формат на Светското првенство. Верувам дека требаше да се играат помалку натпревари, а не повеќе. Играчите немаат одмор ј на натпреварите ќе дојдат уморни“, истакна Манчини. На СП2026 ќе бидат одиграни вкупно 104 натпревари.

Манчини: Скапо ги плативме грешките при противничките корнери

Ивона Петрова — Fri, 24 Mar 2023 11:13:22 +0000

Селекторот на италијанската фудбалска репрезентација Роберто Манчини изјави по вчерашниот пораз од Англија (1-2) во воведното коло во групата Ц дека Азурите ги чека долг пат низ квалификациите за ЕУРО 2024.

Англија со триумфот на гостувањето во Неапол ги освои првите три бодови во групата Ц во која се издвои на првото место со Македонија, која во Скопје беше поуспешна од Малта со идентични 2-1.

„Знаевме дека ќе биде тежок натпревар, особено тешко беше првото полувреме, но скапо ги плативме грешките при корнерите и примивме два гола. Во продолжението на натпреварот доминиравме и се обидовме да извлечеме барем нерешен резултат, кој мислам дека ќе беше фер“, изјави Манчини.

Италија во второто коло, в недела, ѝ гостува на Малта, додека во вториот натпревар Англија е домаќин на Украина.

Манчини: Македонија? Сите се сеќаваме што се случи во Палермо

Бошко Тасиќ — Sun, 09 Oct 2022 15:22:21 +0000

Италијанскиот селектор Роберто Манчини не е многу среќен по ждрепката за квалификациите за Европското првенство (ЕП) во 2024 година. Италија за противници ги доби Македонија, Англија, Украина и Малта, но селекторот Манчини добро се сеќава што се случи пред неколку месеци во Палермо. Македонија во март успеа да ги изненади Италијанците со гол во последните минути сред Палермо и така да ги елиминира од плејофот за пласман на Мундијалот во Катар. „Имав некое претчувство дека ќе ги добиеме Англија или Франција. Но, секогаш е предизвик да се игра против Англија на Вембли. Македонија? Тоа е најтешкиот ривал од четвртиот барабан, сите видовте како беше во Палермо, не смееме да се опуштиме“

Манчини ги прогласи фаворитите за освојување на Серија А во сезоната 2022/23

Тале Кристо — Wed, 10 Aug 2022 15:05:22 +0000

Селекторот на Италија, Роберто Манчини зборуваше за неговите очекувања за сезоната 2022/23 во италијанскиот шампионат. Фудбалскиот стручњак верува дека Милан, Интер и Јувентус ќе конкурираат за трофејот во Серија А. – Милан имаше тивко лето, но има простор да расте. Леао може да стане уште подобар. Истото важи и за Тонали. Кога сме кај Интер, Лукаку прави голема разлика во Италија. Алесандро Бастони може да стане одличен дефанзивец, но треба да работи за тоа, го цитира Манчини „La Gazzetta dello Sport“. Италијанскиот шампионат за сезоната 2022/23 започнува на 13 август. Милан победи минатата сезона под водство на тренерот Стефано Пиоли.

Манчини: Штета е вака да се заврши сезоната

Тале Кристо — Wed, 15 Jun 2022 07:02:02 +0000

Селекторот на Италија, Роберто Манчини ги критикуваше своите избраници по синоќешниот поразот од Германија (2:5) во натпреварот од Лигата на нации. – Штета е вака да се заврши сезоната. Германија е силна, но ние ги оставивме да играат како што сакаат. Направивме неколку грешки, лошо се браневме. Кога не можете да бидете во чекор со овие играчи, секогаш преземате голем ризик бидејќи тие имаат одлично темпо и се многу опасни на отворено. Тоа е долг пат. Ќе имаме добри работи и не толку добри работи. И денес имаше некои охрабрувачки знаци како голот на Нионто и други шанси што ги создадовме, но Германија беше многу подобра од нас и заслужи да победи, изјави Манчини. Италија со пет освоени бода е третата на табелата, Германија е втора во групата со шест бода. Води Унгарија со седум, а последна е Англија со само два бода.