Роберто Мартинез – Kurir.mk

Мартинез: Фактите велат дека Роналдо е уникат

Ристе Здравков — Mon, 27 Mar 2023 10:03:38 +0000

Кристијано Роналдо ја продолжи својата добра голгетерска форма и вчера постигна уште два погодоци во победата на Португалија, селекција која прилично лесно отвори на првите два меча на Роберто Мартинез како предводник на тимот. Португалците немаа никакви проблеми против Лихтанштај и Луксембург и дадоа вкупно 10 гола на двата меча, од кои шест вчера на гостувањето на „Стад де Луксембург“. Два беа дело на искусниот Роналдо, кој својот рекорд како играч со најмногу настапи за една светска репрезентација го прослави на најдобар можен начин. Иднинаната на капитенот во селекцијата беше доведена во прашање по крајот на мундијалот во Катар, но заминувањето на Сантош отвори ново поглавје за Кристијано, кој сега брзо успеа да го воодушеви новиот селектор. – Кристијано има уникатно искуство на интернационално ниво. Тој е пример во соблекувалната, подготвен е да го води тимот и да биде капитен на оваа селекција. Фактите велат дека Роналдо е уникат. – Тој има најголем број на интернационални натпревари за една репрезентација во светот, ни носи искуство и е важен за тимот во соблекувалната. Имаме млади играчи, но и искуство со Роналдо, Руи Патрисио и Бернардо Силва, вели Мартинез.

Мартинез: Роналдо е важен за Португалија

Ивана Ефремовски — Mon, 27 Mar 2023 06:43:18 +0000

Селекторот на Роберто Мартинез верува дека Кристијано Роналдо може да игра со друг напаѓач. - Кристијано е единствениот играч со 198 репрезентативни натпревари. Неговото искуство е многу важно за нас. Гонкало Рамос и Роналдо можат да играат заедно, нема што да се разговара, изјави Мартинез. На натпреварот на Португалија со Лихтенштајн пред пет дена, Рамос влезе во 78. минута на местото на Роналдо, а вчера против Луксембург истата замена се случи во 65. минута. На двата натпревара Роналдо беше двоен стрелец. (МИА)

Новиот португалски селектор не се откажува од Роналдо

Тале Кристо — Sat, 18 Mar 2023 10:30:01 +0000

Новиот селектор на фудбалската репрезентација на Португалија, Роберто Мартинез, го објави списокот со 26 фудбалери за натпреварите против Лихтенштајн и Луксембург на стартот од квалификациите за ЕУРО2024, а меѓу повиканите се најде и фудбалерот на саудиски Ал Наср, Кристијано Роналдо. „Се сретнав со сите 26 фудбалери кои беа (на Мундијалот) во Катар. Важно е да разговараме, да ја видиме нивната посветеност. А, Роналдо е многу посветен фудбалер. Ова е моја одлука. Тој може да ни донесе искуство, а тоа е многу важна особина за тимот“, изјави Мартинез. Роналдо (38) со 118 голови во португалскиот дрес е светски рекордер според постигнати погодоци на репрезентативен план, додека со 196 настапи за репрезентацијата во моментов го дели првото место на вечната листа во таа категорија со Кувајќанецот Бадер Ал – Мутава. „Годините не ме интересираат. Роналдо има победнички карактер и сакам тоа да им го пренесе на другите играчи. Што се однесува до статусот, има ист како и сите други во тимот“, рече Мартинез.

Селекторот на Португалија Мартинез во блиска иднина ќе се сретне со Роналдо

Дарко Андоновски — Thu, 12 Jan 2023 11:33:22 +0000

Новиот селектор на португалската фудбалска репрезентација Роберто Мартинез наскоро ќе се сретне со напаѓачот на Ал-Наср, Кристијано Роналдо. Како што објави „Maisfutebol“, Мартинез веќе одржал неколку состаноци со португалските фудбалери: Тиери Кореја, Андре Алмеида, Руј Силва и Вилијам Карваљо. Во блиска иднина Мартинез ќе се сретне со Роналдо. На 9 јануари, Роберто Мартинез беше назначен на функцијата селектор на португалската репрезентација. На оваа функција тој го замени Фернандо Сантос. Триесет и седумгодишниот Роналдо дебитираше за националниот тим во 2003 година на мечот против Казахстан. Вкупно за португалската репрезентација одигра 196 натпревари, постигна 118 гола и оствари 43 асистенции.

Мартинез нов португалски селектор

Катерина Бојаџиева — Mon, 09 Jan 2023 16:05:31 +0000

Поранешниот белгиски селектор Роберто Мартинез седна на клупата на Португалија, објави денеска португалското фудбалско раководство. „Го ценам ентузијазмот и амбицијата со кои Мартинез го прифати повикот“, изјави претседателот на Фудбалската федерација на Португалија (ФПФ), Фернандо Гомеш, на прес – конференција во Лисабон, во присуство на новиот селектор. „Тоа е важен момент за репрезентацијата“, додаде Гомеш. Мартинез се повлече од местото белгиски селектор, откако Белгија го заврши настапот на Светското првенство во Катар во групната фаза, истакнувајќи дека одлуката ја донел од порано и ќе се повлечел и во случај да ја освоил светската титула. Мартинез на клупата на Португалија доаѓа на местото на Фернандо Сантос, кој, исто така, се повлече од должноста, откако Португалија испадна во четвртфиналето на Мундијалот во Катар.

ОФИЦИЈАЛНО: Роберто Мартинез е нов селектор на Португалија

Ристе Здравков — Mon, 09 Jan 2023 12:34:19 +0000

Како што се најавуваше, Роберто Мартинез е нов селектор на репрезентацијата на Португалија. „Селесао“ го промовира Шпанецот за наследник на Фернандо Сантош, откако и самиот Мартинез го напушти кормилото на Белгија по неуспехот на Мундијалот. Мартинез бргу пронајде нова работа, па ќе ја води селекцијата на Португалија. Оваа информација ја потврди федерацијата на земјата, а и новиот селектор се обрати на нацијата. „Почестен сум што ќе водам репрезентација од овој ранг, една од најталентираните на ссветот. Ќе разговарам со сите играчи кои беа во Катар, а така и со Роналдо. Тој зазлужува такво нешто, јас го почитувам многу“, кажа Мартинез.

Мартинез ќе биде новиот селектор на „црвената фурија“

Ристе Здравков — Wed, 07 Dec 2022 12:44:59 +0000

Шпанските медиуми не можат да се помират со елиминацијата на националниот тим од Светското првенство во Катар. Мароко, во пенал серијата со 3:0, ја доби Шпанија, откако по 120 минути фудбал, натпреварот заврши без голови. Медиумите, јавноста и навивачите најмногу го критикуваат селекторот Луис Енрике и неговата тактика. Енрике по синоќешниот натпревар изјави дека е рано да се зборува за неговиот статус и дека следната недела ќе разговара со челниците на Шпанскиот фудбалски сојуз. Сепак, шпанските медиуми веќе пишуваат дека само чудо ќе го спаси Енрике од отказ по големиот неуспех во Катар. Некои шпански медиуми веќе почнаа да шпекулираат кој би можел да биде нов тренер на „Црвената фурија“. Од претходно се шпекулираше со името на Маселињо Гарсија Торал, поранешниот тренер на Валенсија и Атлетик Билбао, а по Мудијалот во преден план излезе името на Роберто Мартинез, кој ја напушти Белгија. Шпанскиот портал „Онда Серо“, денеска објави дека челниците на Шпанскиот фудбалски сојуз веќе стапиле во контакт со Роберто Мартинез и му ја понудиле селекторската функција. Според овој извор Мартинез ќе ја прифати понудата. Слично како Шпанија со Луис Енрике и Белгија со Мартинез потфрли во Катар. Белгијците во конкуренција на Мароко, Хрватска и Канада не успеаја да ја минат групата. Мартинез шест години ја предводеше Белгија, на СП пред четири години г освои третото место. Претходно беше тренер во Евертон и Виган.

Мартинез замина од клупата на Белгија: Не можам повеќе…

Ристе Здравков — Thu, 01 Dec 2022 18:49:06 +0000

Златната генерација на Белгија не успеа да стигне до нов успех на Светските првенства откако беше елиминирана во групната фаза на Мундијалот во Катар. Поразот од Хрватска ги „спакува“ Белгиците, но и селекторот Роберто Мартинез. По шест години поминати на селекторското место, 49-годишникот заминува од познатата средина, потврди и самиот тој. Одлуката не е ненадејна, истата била донесена и пред натпреварувањeто на Блискиот Исток. „Ова беше мој последен натпревар на клупата на Белгија. Не можам повеќе. Се опростив со играчите и останатиот дел од тимот. Без разлика што и да се случеше заминував. Дури и да станевме светски шампиони. Одлуката ја донесов пред Светското првенство“, изјави Мартинез. Мартинез ја предводеше Белгија до најголемиот успех во нејзината историја освојувајќи во третото место на Светското првенство во Русија, но се чини дека генерацијата на одлични играчи никогаш не го достигна својот зенит.

Мартинез: Ние сме подобар тим кога Азар е во нашата соблекувална

Ристе Здравков — Wed, 16 Nov 2022 16:25:53 +0000

Селекторот на белгиската фудбалска репрезентација Роберто Мартинез изјави дека со тага гледал што се случува во Реал Мадрид со капитенот Еден Азар, истакнувајќи дека тој смета на него без разлика на неговата мала минутажа во „кралскиот“ клуб. „Азар е капитен на репрезентацијата. Тој беше нашиот референтен играч, тој беше еден од највлијателните играчи на Светското првенство во 2018 година. Веруваме дека неговата ситуација во клубот нема навистина да влијае на тоа што го прави во националниот тим. Тој не ја игра истата позиција и го нема континуитетот каков што секогаш го имаше. Еден придонесува многу за нашата репрезентација, не само на теренот. Не мора да игра за да имаме добра динамика во групата, а неговото искуство е клучно. Ние сме подобар тим кога Азар е во нашата соблекувална“, изјави Мартинез. Азар оваа сезона одигра само шест натпревари за европскиот шампион, а на теренот помина вкупно 229 минути. Постигна еден гол и еднаш асистираше. Белгија предводена од Мартинез го освои бронзениот медал на Светското првенство во Русија пред четири години, а Азар го постигна вториот гол во натпреварот за третото место во кој Белгија ја победи Англија со 2-0.

Мартинез: Ние сме подобар тим кога Азар е во нашата соблекувална

Бошко Тасиќ — Tue, 15 Nov 2022 06:03:34 +0000