Роберто Парондо – Kurir.mk

Парондо: Среќен сум за Македонија, имам прекрасни спомени од таму

Ивона Петрова — Thu, 14 Jan 2021 11:25:06 +0000

Селекторот на земјата домаќин на ракометниот Мундијал, Роберто Парондо со нетрпение го очекува дуелот од второто коло против избраниците на Брестовац. Поранешниот тренер на Вардар, кој воедно му беше и помошник на Раул Гонзалез во македонската репрезентација, по победата на Египет над Чиле на СП се наврати на времето поминато во Скопје. -Сакам да и честитам на Македонија што се приклучи на овој турнир, но во исто време ми е жал што Чешка мораше да откаже. Ситуацијата е проблематична и за нас бидејќи како тренер се подготвуваме за Чешка долго време, а сега имаме кратко време да се подготвуваме за Македонија. Сепак среќен сум за Македонија, имам прекрасни спомени од таму, изјави Парондо. Македонија и Египет ќе играат во 2 коло од групата Г на СП, натпреварот е закажан за в недела од 18 часот.

По победата, се огласи и тренерот на Вардар

Катерина Бојаџиева — Sun, 02 Jun 2019 20:52:18 +0000

Тренерот на Вардар, Роберто Парондо по победата над Веспрем вечерва во финалето на „Фајнал фор“ турнирот во Келн изјави дека ова е неверојатен резултат за клубот и се заблагодари на играчите и раководството. – За секој кој се разбира од ракомет, можам да кажам дека ова беше одличен турнир. Им честитам на Веспрем, играа многу добро и цврсто, но само еден тим можеше да победи. Немам зборови за моите момци и за нивниот подвиг. Им благодарам на играчите, на клубот, се беше неверојатно, изјави Парондо на пресот по мечот. Стојанче Стоилов, капитенот на Вардар, честиташе на фер играта на тимот на Веспрем вечерва и за добриот натпревар. – Не сакам да зборувам многу сега бидејќи сум преполн со емоции од победата, ова беше тешка година со среќен крај. Ова беше одлична недела за нас и мојата земја, Република Македонија, рече Стилов, кој со тоа го корегираше портпаролот на ЕХФ, откако Вардар беше претставен како шампион на Северна Македонија.

Девет месеци играчите не земале плата, а ќе играат на фајнл фор

Дарко Андоновски — Sun, 05 May 2019 20:04:16 +0000

Вардар загуби на гостувањето кај ПИК Сегед со 29-25, но и покрај тоа успеа третпат по ред да обезбеди место на завршниот турнир во Келн! Иако домашниот тим ја имаше предноста која му гарантираше пласман на Ф4, сепак вардарци се изборија за пораз од четири голови. Тренерот Роберто Парондо вели дека е многу горд на неговите играчи. -Како да не бидам горд на момци, кои девет месеци не земале плата, кога цела сезона се редеа повреда врз повреда, загубивме светски лев бек поради финансиски проблеми. Друг лев бек тешко се повреди, едниот голман ни брани повреден, вели Парондо. Турнирот во Келн ќе се игра на 1 и 2 јуни.

Парондо: Го победивме Загреб, иако не одигравме како што знаеме

Дарко Андоновски — Thu, 28 Feb 2019 07:12:12 +0000

По триумфот над Загреб (28:26) во дербито на ракометната регионална СЕХА-лига, тренерот на Вардар, Роберто Парондо на прес-конференцијата рече дека тимот победи иако не се прикажа во најдобро светло. – Среќни сме поради победата над квалитетен тим каков што е Загреб кој одигра квалитетен натпревар. Ние не почнавме добро, но за нас е најважно тоа што победивме. Двата тима имаа обезбедено место во се во „фајнал фор“, а ние сме фокусирани кон сабота кога не очекува многу важен натпревар со Монпеље во Лигата на шампионите, рече Парондо. Свое видување на мечот имаше и десното крило Иван Чупиќ. – Како и секогаш со Загреб нијанси одлучуваат за победникот. Ние настапивме без 4-5 играчи од првата седморка па затоа беше многу тешко. Тие што беа на теренот, а туку би ги издвоил Карачиќ, Мореаш и Кристопанс, дадоа повеќе од тоа што треба. Најважно е тоа што бодовите останаа во Скопје, а сега се насочуваме кон сабота и средбата со Монпеље, изјави Чупиќ.

Парондо: Го принудивме Рајн Некар да прави грешки

Дарко Андоновски — Thu, 07 Feb 2019 06:48:24 +0000

Тренерот на Вардар, Роберто Парондо по победата на „црвено-црните“ со 27:30 против Рајн Некар во Лигата на шампионите, изрази задоволство од прикажаната игра на ракометарите,закои кажа дека го натерале противникот да греши. – Среќен што успеавме да победиме. Никогаш не знаете како ќе изгледате во првиот меч по долга пауза. Затоа ни требаше оваа победа. Одигравме квалитетно. Почнавме добро од првиот напад и едноставно го принудивме тимот на Рајн Некар да прави грешки. Тоа ни даде резултат и ни ја донесе оваа важна победа, прокоментира Парондо по мечот. Вардар ја оствари седмата победа сезонава и се зацврсти на второто место на табелата во групата „А“, кое носи послаб противник во елиминациската фаза. Следниот натпревар во Лигата на шампионите Вардар го игра на 16-ти февруари против Веспрем во СЦ „Јане Сандански“

Парондо: Не одигравме најдобро, но важно е дека победивме

Предраг Кукиќ — Thu, 13 Dec 2018 08:42:45 +0000

Тренерот на Вардар, Роберто Парондо, е задоволен поради тоа што неговиот тим ја задржа лидерската позиција во СЕХА Газпром лигата откако вчеравечер го совлада Татран (23:21). – Ние не одигравме најдобро во текот на првото полувреме. Во овој период од средбата ни недостигаше интензитет и фокус во мечот. Потоа беше поинаку. Вториот дел донесе подобра игра, а морам да им се заблагодарам на моите ракометари за покажаното во тој дел од мечот. Имавме проблеми со играта во одбрана и тоа ни се одрази врз резултатот. Се соочивме и со проблеми бидејќи двајца од ракометарите кои играат во центарот на одбраната се повредија за време на натпреварот. Најважно е дека се изборивме за уште една победа, изјави Парондо. Вардар е лидер во регионалното натпреварување со 30 бода од 12 натпревари.

Пародно: Ни требаа бодовите и победивме

Ивона Петрова — Thu, 06 Dec 2018 07:01:55 +0000

Тренерот на Вардар, Роберто Парондо рече дека и покрај лошиот натпревар најважно е дека се освоени бодовите на дуелот со Металург во СЕХА-лигата. Вардар победи со 27:26 и повторно с еврати на врвот на табелата со 24 бода. – Најважно е дека победивме. Потребни ни беа овие бодови, па затоа сме задоволни. Моје грешка е што одигравме лош натпревар. Ги одмарав играчите по тешкиот дуел со Кјелце, за да немаат притисок. Затоа игравме со поинаков состав, истакна предводникот на „црвено-црните“. На голот на Вардар беше младиот Марко Кизиќ кој со неколку добри одбрани кога се „кршеше“ резултатот има заслуга за победатата. – Секогаш кога се игра со Металург натпреварот е тежок. Ние ја имавме фаворитската улога и постоеше притисок. Се обидовме да прикажеме најдобро и на крај победивме. И јас добро се подготвував за овој натпревар, вели Кизиќ. Металург остана на само една победа и еден нерешен резултат.

Парондо: Барселона е посилна од минатата година

Ивона Петрова — Fri, 09 Nov 2018 13:03:06 +0000

Тренерот на Вардар, Роберто Парондо очекува многу тежок дуел со шпанскиот гигант Барселона која заедно со „црвено-црните“ се на делба на првата позиција на табелата во Лигата на шампионите -Играме со многу тежок противник. Можам да кажам дека Барселона игра подобро од минатат сезона и ќе ни треба многу напор да стигнеме до поволен резултат. А до него можеме да дојдеме и со помош на нашите верни навивачи кои ќе ги исполнат трибините. Барселона има големи амбиции и секогаш се стреми кон завршниот Ф4 турнир. Ние сме подготвени, а како ќе функционираме на теренот ќе видиме в недела, рече Парондо на денешната прес-конференција. Капитенот Стојанче Стоилов ја препушта фаворитската улога на шпанскиот тим. -И пред почетокот на натпреварите тие беа фаворити и во групата за трофејот. Сепак нема предавање. Сме ги победувале порано и се надевам на добар резултат. За тоа колку сме мотивирани не треба да се зборува. Знаат дека ќе биде пеколна атмосферата. Одиме да одиграме храбро и пожртвувано па ќе видиме каков ќе биде резултат, вели Стоилов. Почетокот на неделниот дуел во СЦ „Јане Сандански“ е во 17 часот.

Парондо: Ни доаѓа силен ривал

Ивона Петрова — Thu, 04 Oct 2018 12:12:35 +0000

Тренерот на Вардар, Роберто Парондо, очекува многу тежок натпревар со Рајн Некар Левен в сабота во Скопје во четвртата рунда од ракометната Лига на шампионите. - Знаеме за каков тим станува збор. Играат одлично и шест на шест и седум на шест. Треба да подготвиме добра одбрана и да ја задржиме концентрација во текот на целиот натпревар, изјави Парондо. Шпанскиот стручњак информира дека пивотот Мораеш и бекот Борозан се уште се неизвесни за овој меч но веројатноста да бидат во составот е голема, додека Стојанче Стоилов добро закрепнува од повредата, но нема да се брза со него, иако има голема желба да се врати на теренот. Натпреварот Вардар – Рајн Некар се игра в сабота од 17:30 часот.

Парондо: Сите што играа дадоа максимум

Ивона Петрова — Wed, 03 Oct 2018 05:49:24 +0000

Вардар со комбиниран тим во кој беа вклучени играчи што најчесто добиваат помала минутажа без проблеми ги освои бодовите на средбата од СЕХА лигата против Војводина. Тренерот Роберто Парондо беше задоволен од играта на сите на кои им укажа доверба. „Црвено-црните" триумфираа со 33:26 и ја забележаа петтата победа сезонава во регионалното натпреварување. - Одигравме добар натпревар против Војводина. Задоволен сум од сите кои добија шанса, бидејќи тие завршија многу добра работа, а тоа се играчите кои не играа многу против Веспрем. Среќен сум за нив, бидејќи тоа е она што го сакавме, изјави Парондо. Во сабота Вардар е домаќин на мечот на колото од Лигата на шампионите против Рајн Некар МИА