роби вилијамс – Kurir.mk

Роби Вилијамс призна дека нема с*кс со сопругата, па откри пикантерии од бракот

Ивона Петрова — Thu, 27 Apr 2023 12:27:00 +0000

Пејачот Роби Вилијамс и неговата сопруга Ајда Филд целосно го запоставија сексуалниот живот, но тоа не им пречи. Иако порано пејачот велеше дека другите зависности ги заменил со секс, но дека тоа не го исполнува, сега истакнува дека депресијата е виновна за намалувањето на либидото. Во заедничко интервју парот признал дека имаат ист став во однос на интимноста и дека не им пречи што избегнуваат да водат љубов. -Сите знаат дека нема секс после брак. Едноставно тоа е така. Морав да земам инјекции со тестостерон некое време, бидејќи сум зависник, но тоа мораше да престане. Моите мускули на рамото се развија и почнав да изгледам како голман. Не изгледаше добро. Но, сексот додека сте на тестостерон беше неверојатен. И тој беше таков цело време. Бевме ненаситни. Сепак, тоа покажува колку сме вљубени еден во друг, бидејќи додека земав тестостерон, не можевме да ги тргнеме рацете еден од друг, целосно искрено изјави Роби во интервју за „The Sun“. Вели дека тоа, забавно време, му недостига. - Сега, кога понекогаш седиме заедно на каучот, Ајда знае да се сврти кон мене и да каже: „Треба да имаме секс“. А јас седам таму и јадам мандарина и само ги кревам рамениците. „Па, знаете, понекогаш се обидуваме, рече Вилијамс. И Ајда имаше што да додаде на тоа. - Луѓето го мешаат сексот со интимноста. Секогаш се гушкаме, се бакнуваме, се држиме за раце и се допираме додека гледаме телевизија на софата, или филм, или што и да е. Интимноста е важен, значаен аспект на љубовта. Среќни сме, заклучи таа.

Во Белград се снима филм за пејачот Роби Вилијамс- нема да дозволи сопругата и децата да го гледаат

Катерина Бојаџиева — Tue, 27 Sep 2022 08:02:21 +0000

Филм за британскиот пејач Роби Вилијамс се снима во Белград. Музичката ѕвезда се игра себеси во овој биографски филм, а актерот Јоно Дејвис, кој го толкува во неговите помлади денови, моментално престојува во Србија. Како што пишуваат српските медиуми во студиото во Крњача два дена се снимала сцената од концертот на познатиот пејач кој се одржа во 2003 година, а на сетот имало повеќе од 2.000 статисти. Како што претходно објавија медиумите ширум светот, популарниот пејач имал големи проблеми да најде актер кој ќе ја игра неговата помлада инкарнација. Како што објави „Сан“, Роби Вилијамс на почетокот на годината на концертот по повод снимањето на биографскиот филм на публиката во арената „Род Лејвер“ во Мелбурн и кажал дека не е сигурен во изборот на актер кој ќе го игра помладиот Роби Вилијамс, но потврди дека ќе се игра самиот. Медиумите веќе успеаја да добијат дел од сценариото. Во него ќе има „Секс, дрога и рокенрол“. Роби призна дека нема да дозволи неговите четири деца и сопругата Ајда Филд никогаш да го гледаат овој филм. „Тие нема да знаат ништо за овој проект. Нема да им биде дозволено да го видат, бидејќи во спротивно ќе треба да дадам одговори на многу прашања. Ако дознаат, ќе се правам како ништо од тоа да не се случило, тоа е уметничката слобода на режисерот, не е документарец“, објаснил Вилијамс. Филмот е планиран да излезе во 2023 година.

Роби Вилијамс бил мета на платен убиец

Катерина Бојаџиева — Mon, 17 Jan 2022 10:36:57 +0000

Британскиот музичар Роби Вилијамс во неодамнешно интервју за „Мирор“ ја откри темната страна на славата. Имено, според неговите кажувања, тој бил цел на платен убиец. – Никогаш не сум го кажал ова, но имав платен убиец над мојата глава. Никогаш не зборував за тоа во јавноста. Го нема никаде тоа. Имам пријатели… Тоа се работи за кои не се зборува кога ќе станеш познат, вели пејачот. Роби (47) потоа раскажува дека во животот на големите ѕвезди, најтешко е справувањето со славата. – Во еден миг од мојот живот бев неверојатно познат. Познат, во стилот на Мајкл Џексон. Станав популарен кога имав 17 години. На 16 бев во „момчешки бенд“, а кога имав 21, започнав солокариера. Продадов 80 милиони албуми, го држев рекордот по бројот на продадени билети за еден ден за турнејата, иstakna Роби. Сепак, тој вели дека ѕвездите мора да се помират со фактот дека кога се познати „им се одзема“ приватноста. – Сакам да одам на нормални места каде што не можам да одам затоа што луѓето сакаат да ме убијат. Потребно е некое време за да се помириш со тоа… Јас, на пример, имам анксиозност и не сакам да запознавам туѓинци, а туѓинците сакаат да запознаваат мене и јас сум засрамен поради тоа. Тоа е тоа што всушност ме прави вознемирен!, објасни поп-пејачот.

Славниот пејач заразен со коронавирус- откако фановите дознаа каде заминал со семејството во ек на пандемија го осудија веднаш

Дарко Андоновски — Wed, 20 Jan 2021 08:39:15 +0000

Светски познатиот поп-пејач Роби Вилијамс (46) е во карантин откако се заразил со коронавирусот, објави „Дејли мејл“. Пејачот на крајот на минатата година отиде на Карибите со неговата сопруга Ајда Филд и нивните четири деца, па сега одлучија и да го продолжат престојот на островот Сент Бартелеми, каде што изнајмуваат вила која чини 120.000 евра неделно. Вилијамс ќе остане во карантин 14 дена, а неговите претставници за печатот одбија коментар на оваа тема.

Роби Вилијамс се самоизолирал на планина во Швајцарија

Магдалена Андонова — Fri, 04 Sep 2020 10:06:05 +0000

Поп-пејачот Роби Вилијамс ја минува корона-пандемијата на планина во Швајцарија. Тој тоа го откри во видеоразговор со Стив Рајт за Би-би-си радио 2. – Е па, да, јас сум малку невротичен и си мислев – каде да се сместам, за (коронавирусот) да не „ме фати“? Па, си велам – ќе одам шест месеци на Мон Блан, објасни Роби. Поп-ѕвездата е на Алпите со своето семејство. Минатиот месец, тој и сопругата Аида ја прославија 10-годишнината од бракот. Имаат четири деца: ќерките Теди и Коко (родени 2012 и 2018 година), синот Чарли (2014 година) и Бју, роден годинава од сурогат-мајка, како и Коко. Натаму во кусото интервју, Роби говореше за тоа колку лошо корона-кризата влијае врз светската музичка сцена и за тоа дека неговите деца, или барем Теди можеби ќе тргне по неговите стапки. (MИА)

Вилијамс проговори за своето мрачно минато, откри шокантни детали

Ивана Ефремовски — Thu, 11 Jul 2019 17:01:02 +0000

Британскиот пејач Роби Вилијамс проговори за своето мрачно минато кога животот му бил многу поинаков отколку денес. Во тоа време, како што вели, со девојката живеел во „темната куќа“ и консумирал големи количини кокаин. Признал и дека дури неколкупати размислувал за самоубиство, а причина за тоа биле различините гласови и чекори кои често ги слушал, а кои го наведувале на смрт. „Тогаш навистина консумирав многу кокаин. Бев во куќата и слушав чекори како се качуваат по скалите, а постепено стануваше сè полошо и полошо. Девојката мислеше дека тоа е нејзиниот дедо, рекол пејачот за Дејли мејл. „Влегував во колата и седнував на задното седиште. Два месеци подоцна, веќе не можев да се справувам со тоа. Помислив, ако ова продолжи да се случува, ќе се убијам“, раскажува Вилијамс. „Едно утро се разбудив и видов темна магла на креветот. Бев толку престрашен да отидам до тоалетот и да си ги измијам забите зашто морав да поминам низ маглата. Тогаш ѝ реков на девојката дека заминувам и ѝ реков да дојде со мене. Отидовме во хотел, а подоцна дознав дека таа куќа е изградена над гробишта во која се закопани луѓе кои умреле од чума, се присетува Вилијамс.

ФОТО: Роби Вилијамс стана татко, објавената фотографија шокираше многумина

Ивона Петрова — Fri, 07 Sep 2018 10:48:39 +0000

Роби Вилијамс и неговата сопруга Аида Филд станаа родители по трет пат. Парот утрово објави на Инстаграм фотографија која шокираше многумина, доколку се земе во предвид дека Аида не била бремена. Имено, тие станале родители благодарение на сурогат мајка, а сопругата на Роби објави куса порака. -Чувавме многу посебна тајна. Добредојде Колет (Коко) Жозефин Вилијамс, напиша таа.

Роби Вилијамс објасни зошто го покажа средниот прст

Матеја Петровски — Tue, 19 Jun 2018 13:18:02 +0000

Британскиот пејач Роби Вилијамс објасни што имал на ум кога тој го покажа средниот прст кон камерата на церемонијата на отворањето на Светското првенство 2018 пред почетокот на натпреварот Русија - Саудиска Арабија (5:0). - Во такви случаи, главната работа не е да се предизвика меѓународен конфликт. И јас го направив тоа. Остана уште една минута до крајот на церемонијата. Бев под притисок, бидејќи не знаев што да правам за половина минута. Па покажав дека има уште една минута. Верувај те ми јас не знам што ќе сторам во било која ситуација. Претходно, гестот на Вилијамс беше објаснет како самостоен потег на уметникот насочен кон „Британскиот парламент“ поради огромен притисок за наводни негови врски со Владимир Путин. Светското првенство 2018 се одржува во Русија од 14 јуни до 15 јули. (Миа)

Целиот фудбалски свет во шок: Роби Вилијамс го отвори Светското првенство, па со среден прст ги шокираше фановите (ФОТО+ВИДЕО)

Матеја Петровски — Thu, 14 Jun 2018 15:50:01 +0000

Британскиот пејач Роби Вилијамс го отвори спектаклот. Се започна половина час пред почетокот на натпреварот на Светското првенство меѓу Русија и Саудиска Арабија кој се игра на стадионот Лужники. Познатиот британски пејач Роби Вилијамс го отвори спектаклот во Русија. Тој пред почетокот на првиот натпревар го отпеа својот хит „Angels“ заедно со руската сопранистка Аида Гарифулин.

En una sencilla pero colorida y musical ceremonia, se dio inicio a la edición 21 de la Copa Mundial de la FIFA con @robbiewilliams en el estadio de Moscú. @Citytv pic.twitter.com/z8CgZxJ1se
— Víctor Castro Gómez (@vcastrogomez) June 14, 2018

Во текот на нивниот концерт на тревникот минуваа танчери носејќи знамиња на сите учесници на Светското првенство, а пред самиот крај на нивниот заеднички настап на тревникот дојде и легендарниот Бразилец, Роналдо кој веднаш по доаѓањето на теренот покажа дека е желен за фудбал правејќи и „финтата“ на маскотата на Светското првенство. На самиот крај на настапот британскиот пејач ги шокираше фановите покажувајќи среден прст кон камерата. За Вилијамс ова беше исполнување на детските сништа. -Правев доста работи во кариерата, но да го отвориш Светското првенство пред 80 илјади навивачи на фудбалски стадион и за милиони гледачи во целиот свет е остварување на детските сништа.

Роби Вилијамс ќе го отвори Мундијалот во Русија

Ивона Петрова — Tue, 12 Jun 2018 07:39:19 +0000

Британскиот пејач Роби Вилијамс ќе настапи на церемонијата по повод отворањето на Светското првенство во Русија. Вилијамс најави дека ќе направи незаборавен спектакл. Тој истакна дека е среќен и дека овој настап е исполнување на неговите детски соништа. На свеченоста, која ќе се одржи пред првиот натпревар на Мундијалот меѓу Русија и Саудиска Арабија, ќе го придржуваат руската оперска пејачка Аида Гарифулина и поранешната бразилска фудбалска ѕвезда Роналдо. Поранешниот бразилски фудбалер истакна дека првиот натпревар од Мундијалите е секогаш симболичен.