родители – Kurir.mk

НИКОГАШ НЕМА ДА ПОВЕРУВАТЕ ДЕКА ТИЕ И СЕ РОДИТЕЛИ – еве како изгледаат мајката и таткото на Јелена Розга, со децении ги криеше од јавноста (ФОТО)

Дарко Андоновски — Wed, 01 Nov 2023 11:07:48 +0000

Јелена Розга има кариера на која многумина можат да и позавидат. Првиот професионален успех го постигна во групата „Магазин“, а потоа успеа да оствари завидна соло кариера. Јелена Розга е една од ретките јавни личности која не е предмет на скандали, а многу малку се знае за нејзиниот приватен живот. Сепак, нејзиниот љубовен живот е многу интересен. Ја поврзуваа со многу мажи, а јавно проговори само за врската со Стјепан Хаузер, која, за жал, заврши. Таа, исто така, ретко зборува за нејзините родители, кои ѝ биле ветер во грбот во текот на целиот живот.

View this post on Instagram

A post shared by Jelena Rozga (@rozgajelenaofficial)

Сепак, таа призна дека тие се одговорни за тоа што никогаш не „кренала нос“. – Сето тоа доаѓа од дома, имам прекрасни родители кои секогаш ме учеа да останам фин, никогаш да не го кревам носот високо. Конечно, имам прекрасна работа, среќенa сум што го работам тоа што го сакам. Имав среќа да дојдам во „Магазин“ како дете.

View this post on Instagram

A post shared by Jelena Rozga (@rozgajelenaofficial)

Останатото не е среќа, туку многу труд, дисциплина и труд што ги вложив во последните дваесет години од мојата кариера – изјави Розга, која неодамна за прв пат покажа како изгледаат нејзините родители.

View this post on Instagram

A post shared by Jelena Rozga (@rozgajelenaofficial)

„Една минута од моето срце“, рекла Јелена во описот на заедничката фотографија.

View this post on Instagram

A post shared by Jelena Rozga (@rozgajelenaofficial)

Прво огласување на семејството на Метју Пери, неговата мајка ја имала најтешката задача

Ивона Петрова — Sun, 29 Oct 2023 19:46:12 +0000

Семејството на Метју Пери се огласи по веста дека актерот починал. Познатиот Чендлер од „Пријатели“ беше пронајден мртов вчера на својот имот во Лос Анџелес. - Нашите срца се скршени поради трагичната загуба на нашиот сакан син и брат. Метју донесе толку многу радост на светот, и како актер и како пријател. Сите вие му значевте толку многу и го цениме огромниот излив на љубов – се наведува во изјавата на семејството на Метју Пери. Неговото семејство го сочинувале неговата мајка, татко, две маќеи, очув, пет полубраќа и сестри. Набргу откако беше објавена трагичната вест во домот на актерот пристигнаа неговите родители. На лицата можеше да им се види огромна тага и очај, а мајката Сузан морала да го идентификува телото на синот. Според првичните информации актерот се удавил во џакузи, но истрагата е во тек, се чекаат резултатите од обдукцијата.

Истражување: Сексизмот создава невнимателни и престроги родители

Катерина Бојаџиева — Wed, 18 Oct 2023 07:40:33 +0000

Истражувачи од Универзитетот на Оукленд во Нов Зеланд откриваат дека татковците и мајките кои се склони кон непријателски сексизам и веруваат дека мажите треба да имаат моќ во семејството и општеството, се одликуваат и со понесоодветно внимание кон своите деца и престрог, авторитарен стил на воспитување. Научниот труд објавен вчера во Научното списание за социјална психологија и личноста (Social Psychological and Personality Science), е прв од ваков вид. - Сексизмот со десетлетија е познат како особина којашто предвидува негативно однесување кон жените - од дискриминација до насилство, изјави главниот и одговорен научник, Никола Оверол. Родовата нееднаквост останува светски проблем што се манифестира во многу различни сфери на меѓучовечките односи. Непријателскиот сексизам, велат, се однесува пред сѐ на уверувањето дека жените се закана за општествената моќ на мажите. Тоа води до дискриминација на работното место, опредметување и сексуално вознемирување, како и насилство врз жените. Покрај сѐ тоа, може да влијае и на воспитувањето на децата. За целите на испитувањата, научниците го набљудувале семејството како групи, проценувајќи го степенот на родителска реакција, вклучувајќи љубов, топлина, посветеност, одговор на барањата на децата и почитување на нивната независност. Според ова проучување, помалку одговорните родители - и мајките и татковците се одликувале со „повисоки нивоа на непријателски сексизам“. Тоа потврди дека штетното влијание од сексистичките ставови на мажите може да укажуваат и на полошо родителство воопшто. - Сепак, откритието дека мајките кои го прифаќаат непријателскиот сексизам (кон жените, з.п.) се склони да бидат помалку обѕирни и поневнимателни родители - е неочекувано. Можеби овие мајки го следат водството на таткото во семејните односи, што резултира со помала вклученост во родителството (за мајката), вели Оверол. Истражувачите забележуваат дека одговорното родителство е клучно за здравиот развој на децата, а недостатокот од соодветно внимание може да доведе до проблеми во однесувањето, емоционални тешкотии и пониски академски достигнувања. Следно, научниците сакаат да откријат зошто жените продолжуваат да прифаќаат сексистички ставови и покрај штетата што ја предизвикуваат и врз самите себе и врз децата.

Никогаш не го присилувајте вашето дете да ги прави ОВИЕ РАБОТИ, овој текст ќе ви објасни нешто важно

Ивана Ефремовски — Mon, 16 Oct 2023 18:58:55 +0000

За да си ја олесните улогата на родител, проверете ја оваа листа на работи на кои не треба да ги присилувате вашите деца. 1. Да јаде ако каже дека не е гладно Лекарите препорачуваат три обилни оброци дневно или пет помали, сепак, треба да се запомни дека секое дете е различно. На крајот на краиштата, нашите тела предупредуваат кога треба да јадеме и пиеме. Размислете дали некогаш сте виделе дете кое нема да ве извести гласно дека е гладно. 2. Да биде нешто што не е Ако вашето дете е срамежливо, прифатете ја таа особина и не се обидувајте да ја промените. Не го присилувајте да се дружи со деца ако сака да си игра само со еден најдобар пријател. Истото важи и за гласните деца. Не ги терајте да бидат тивки, така нема да бидат свои. 3. Да се извини ако не знае што не е во ред со неговото однесување Често ќе слушнете како родителите на игралиштето им наредуваат на своите деца да се извинат за различни ситуации. Децата ќе се извинат, но не знаат зошто го направиле тоа. Затоа, првото нешто што треба да го направите е да им објасните зошто е важно да се извинат и што точно згрешиле. 4. Да го поздрави секој кој ќе му се обрати на улица Правилото „не зборувај со странци“ секогаш треба да важи за да се заштитат децата од оние кои немаат добри намери. 5. Да спие во свој, посебен кревет ако не сака Овде секој родител има веќе оформено мислење, но оние што се малку полиберални ќе се сложат дека децата не треба да се принудуваат на чекори на кои не се подготвени. Оставете го детето само да одлучи кога е подготвено да се раздели и да спие во својот кревет и соба. 6. Да оди на диета, во случај да се поправило Иако има деца кои би требало да ги изгубат вишокот килограми, тоа не значи дека треба да ги воведете во ригорозна диета. Донесувајте подобри одлуки со купување поздрава храна наместо сокови и слатки. Во тој случај нема да им треба диета. 7. Да го натерате да направи нешто во што не е добро Не ве охрабруваме да воспитувате дете кое лесно ќе се откаже, но ако, на пример, по неколку месеци фудбалски тренинзи вашето дете не ги совладало основните вештини на спортот, крајно време е да го префрлите на друга активност, што тоа ќе избере. Кога прават нешто во што се добри, тоа е најдобриот начин да се изгради самодоверба.

ГО НАУЧИЛ МАЛОЛЕТНИОТ СИН ДА ПУКА, А ОРУЖЈЕТО ГО ЧУВАЛ НЕОБЕЗБЕДЕНО: Обвинети родителите на момчето-убиец што изврши масакр во училиште во Белград

Тале Кристо — Tue, 10 Oct 2023 15:50:25 +0000

Вишото јавно обвинителство во Белград денеска поднесе обвинителен акт против Владимир Кецмановиќ, таткото на момчето К. К., кој на 3 мај во ОУ „Владислав Рибникар“ уби 10 лица. Кецмановиќ е осомничен дека го научил својот син да пука една година пред злосторството, а оружјето го чувал необезбедено. Говорејќи во Палатата на правдата, високиот јавен обвинител Ненад Стефановиќ објави дека е напишано обвинение од повеќе од 260 страници против Владимир К. Главниот обвинител на Вишото јавно обвинителство во Белград, Ненад Стефановиќ денеска изјави дека е поднесено обвинение против Владимир К., татко на малолетиот К.К., потоа против мајката на К.К., Миљана К., како и против претседателот на стрелачкиот клуб „Партизан практично гаѓање“ Ратко И. и инструкторот во тој клуб, Немања М. Стефановиќ во своето обраќање до јавноста рече дека Обвинителството му препорача на судот да го потврди обвинението и по главниот претрес да ги прогласи за виновни обвинетите и да ги осуди на максимални казни: Владимир на 12 години затвор, Милјан К. на две години и шест месеци, а претседателот на стрелачкиот клуб и инструкторот во тој клуб на затворски казни од по три години. Стефановиќ наведе дека Вишото јавно обвинителство веднаш ја гони мајката на момчето, Миљана К., за кривично дело недозволено изработување, држење и држење оружје и распрскувачки материи. Таа е обвинета за неовластено поседување муниција, со оглед на тоа што во истрагата на еден од куршумите за чешкиот пиштол „Збројовка“ била пронајдена нејзината ДНК. Поточно, нејзината неоспорна ДНК е пронајдена на чаура која била пронајдена во кабинетот по историја кај вратата“, изјавил Стефановиќ. За кривичното дело давање лажна изјава, како што рече, директно обвинети се претседателот на Стрелачкиот клуб „Партизан практично стрелање“ Ратко И. и инструкторот во тој клуб Немања М.

Родителите од Гази Баба до Шакири: Ќе го блокираме автопатот, регионалниот пат, а ќе поставиме и шатори пред МОН!

Ивана Ефремовски — Wed, 04 Oct 2023 09:17:52 +0000

Родителите од Гази Баба испратија писмо до министерот за образование и наука Јетон Шакири. Тие му порачаа дека ако не им помогне во решавање на проблемот ќе го блокираат автопатот, регионалниот пат, а ќе постават и шатори пред МОН! Нивното писмо го пренесуваме во продолжение: Почитуван Министер, Се одлучивме преку јавноста да го испратиме ова писмо до Вас со цел да ги истакнеме нашите гледишта, наспроти Вашата примена на сила, закани и ултиматум кон нас како родители и кон општината. Ние жителите од Јурумлери, Колонија, Идризово, Дрма, Гоце Делчев, Трубарево и цела Гази Баба живееме сложно со нашите сограѓани албанци, роми, срби, турци, власи и сите останати. Помеѓу нас пред се како соседи, а дел од нас се и роднински поврзани како кумови, старосвати владее соживот и на различностите поради нашата вероисповест гледаме како на предизвик за запознавање на нешто туѓо, а не како пречка за заеднички комшиски живот. Учењето во ООУ Његош е овозможено за сите дечиња од нашиот крај. Наставата во одделенската настава се врши на македонски и албански јазик како што е опишано и со Статутот на нашето училиште, а додека за предметната настава учењето на македонски јазик се одвива во ООУ Његош, додека учењето на албански јазик се врши во соседното училиште во Огњанци за што општина Гази Баба обезбедува бесплатен превоз за дечињата кој организирано ги зема од своите домови до училиштето и назад од училиштето до својот дом со што тезите дека се врши дискриминација за настава на својот мајчин јазик не држат вода. Почитуван Министер, Жалиме што Вие како Министер во Владата наместо да бидете медијатор и да делувате во насока на надминување на ситуацијата, Вие одбравте од Ваши партски интереси да завземете страна и јавно на социјалните мрежи да се сликате и објавувате слики со лицата кои вештачки создаваат етнички проблем во нашето населено место. Последната слика е објавена и направена пред само еден ден, кога кризата завзема досега најголеми размери. Жалиме што наместо преставник на народот, ние имаме Министер кој се слика со луѓето кои јавно со зборување и коментирање на социјалните мрежи се закануваат, а откако сите ние ги видовме сликите станува јасно кој и од каде им дава моќ да се однесуваат така. Почитуван Министер, 305 ученици посетуваат настава на македонски јазик во ООУ Његош и во одделенска и во предметна настава, Вие дозволивте да се создаде ваков проблем со целосен бојкот на наставата повеќе од 10 дена за 10 ученици албанци во шесто одделение кои повеќе не сакале да користат бесплатен превоз и да посетуваат настава во Огњанци. Ја користиме и оваа јавна можност да го повикаме претседателот на Владата г-дин Димитар Ковачевски да посвети внимание на нашиот проблем и се надеваме дека тој нема по стапките на неговиот Министер да завземе страна туку ќе биде над целата состојба со цел изнаоѓање на решение. Денес во 17:30 часот излегуваме на голем протест пред зградата на училиштето Његош и ова е нашиот последен протест тука. По завршување на протестот ќе оддржиме состанок на кој ќе ги утврдиме следните активности кои ќе одат во насока на наша радикализација со блокирање на автопатот, регионалниот пат и клучни раскрсници низ Скопје, а не ја исклучуваме и можноста за поставување на шатори пред зградата на Министерството за образование и наука. Господине Јетон Шакири, нема да дозволиме нашите деца да бидат експрименти во Вашите раце. Господине Јетон Шакири, Вие си поигравте со нас како родители, ја злоупотребивте наша доверба и не излажавте дека не ги познавате луѓето кои ги подгреваат тензиите за потоа да се објавуваат фотографии од неформални средби по рестораните низ Скопје. Господине Јетон Шакири немојте поради Вашите партиски интереси да ја воведувате цела Гази Баба во бојкот. Не си поигрувајте со нашите чувства, кога во прашање се нашите деца. Зад ова писмо стојат родители на ученици од: ООУ Његош, населено место Јурумлери ООУ Крум Тошев, населено место Трубарево ООУ Крсте Мисирков, населено место Ченто ООУ Дане Крапчев, населено место Ченто ООУ Кирил и Методиј, населено место Стајковци ООУ Наум Охридски, населено место Булачани ООУ Стив Наумов, населба Автокоманда ООУ Григор Прличев, населба Железара ООУ Вера Јоциќ, населба Хиподром ООУ Наум Наумовски Борче, населба Маџари

Родителите до Министерот: Одземањето на ингеренциите на општината ќе донесе бојкот на наставата во сите основни училишта на територија на Гази Баба

Тале Кристо — Tue, 03 Oct 2023 10:37:17 +0000

Ние родителите на учениците од ООУ Његош организирани преку иницијативен одбор, сакаме да ја информираме јавноста за неколку работи: 1. Повеќе од 10 дена по нашата одлука како иницијативен одбор на сила е целосен бојкот на наставата во ООУ Његош. 2. На повик на градоначалникот на општина Гази Баба Бобан Стефковски изминатата недела во просториите на општина Гази Баба имавме средба со Министерот за образование и наука Јетон Шакири на која ги соопштивме нашите барања директно и лично на министерот. За жал минуваат деновите но нема никаков слух и реакција од страна на Министерот Шакири. 3. Наместо реализација на нашите барања Министерот Шакири преку медиумите се заканува со ултиматуим и одземање на ингеренциите на општината. Имајќи ја предвид ваквата состојба, како иницијативен одбор по оддржан состанок ја информираме јавноста: Закажуваме голем протест за утре (среда) 04.10.2023 година со почеток во 17:30 часот пред зградата на ООУ Његош во Јурумлери. Ги повикуваме на протестот сите родители да ни се приклучат. Дополнително ја информираме јавноста дека по заканите од Министерот за одземање на ингеренции на нашите иницијативен одбор се приклучија родители на ученици од сите останати основни општински училишта во Гази Баба кој даваат поддршка на нашите барања. Нашата порака до Министерот е: Одземањето на ингеренциите на општината ќе донесе бојкот на наставата во сите основни училишта на територија на Гази Баба.

Родителите може да го отежнат развојот на говорот кај детето

Ивона Петрова — Fri, 29 Sep 2023 07:31:45 +0000

Родителите преку одредени постапки можат да го унапредат, но и значително да го попречат развојот на говорот на детето. За тоа говори хрватскиот логопед Ана Челиќ. - Намалената комуникација со најблиското опкружување, најчесто со родителите, заедно со прекумерната изложеност на медиумски содржини со што детето е изолирано од искуствата од околината, го попречува развојот на јазичното разбирање, а со тоа и јазичната продукција, т.е. говорот. Таквиот неприроден сооднос ги прави децата подложни на јазични и говорни тешкотии, објаснува д-р Челиќ. Родителите, според неа, особено во раното детство, можат многу да го отежнат развојот на говорот на малечкото, ако на пр. немаат доволно време, но и трпение за разговор со детето... Или пак, ако пречесто го коригираат говорењето наместо да слушнат што се обидува да им каже. Барајќи од детето точно да повтори, родителот може да предизвика повлекување на детето и поретка комуникација. - Правилниот начин на охрабрување би бил да му се покаже на детето подобар изговор, т.е. побавно а со поголема јасност да го повтори погрешно изговорениот збор, за детето полесно да го сфати правилниот изговор, советува логопедот. Децата често се потпираат на движења со рацете. - И возрасните користат гестови кога зборуваат. Кај децата, гестикулациите може само да помогнат во зајакнувањето на развојот на јазикот и говорот. Основните гестови како „дај“, „уште“, „јади“, „пиј“, „готово“ заедно со класичните „чао“, „бакнеж“ и покажувањето во голема мера ја олеснуваат комуникацијата. Улогата на гестовите не е да го прекинат говорот, туку да ја олеснат комуникацијата додека детето не биде подготвено да изговори одредени зборови, додава Челиќ. Гестикулациите всушност го тераат детето да повторува одредено дејствие и го мотивираат да комуницира со луѓето околу него.

ОВА Е МАЌЕАТА НА АЛЕКСАНДРА ПРИЈОВИЌ: Татко ѝ ја оженил во 2018 година, а кога ќе ја видите веднаш ќе ви стане јасно во каков однос се со пејачката (ФОТО)

Дарко Андоновски — Thu, 28 Sep 2023 08:59:44 +0000

Родителите на Александра Пријовиќ се разведени со години наназад, а среќата потоа ја пронашле во други партнери. Така мајката на пејачката Борка која исто така е пејачка била во врска со музичарот Фахдруд, додека нејзиниот татко Недељко ја засакал Лена која во 2018 година ја оженил. Парот често на социјалните мрежи објавува колку се среќни и како уживаат во заедничкиот живот, а нив често ги гледа и пејачката Александра чиј татко најмногу ужива во друштво на малиот Александар кој му е негов внук од ќерката. Времето парот го поминува и со двете деца на Лена кои ги има од претходниот брак. Пејачката и Филип присуствувале и на венчавката на нејзиниот татко со маќеата Лена во 2018 година, а засега очигледно одлично се сложуваат.

Родителите донесоа одлука: Од утре бојкот на наставата во ООУ „Његош“ во Колонија, Гази Баба

Ивана Ефремовски — Mon, 25 Sep 2023 15:59:49 +0000

Попладнево од страна на родителите на учениците од ООУ „Његош“ во Колонија, општина Гази Баба е оддржан состанок на кој е формиран иницијативен одбор кој во следниот период ќе ги изнесува барањата во името на сите родители. На денешниот состанок на кој присуствуваа повеќе од 300 родители на ученици во ООУ „Његош“, донесена е едногласна одлука од утре 26.09.2023 година, ДА СЕ БОЈКОТИРА наставата во ООУ „Његош“. Во продолжение следува интегрален текст од нивното соопштение: „Оваа одлука на родителите доаѓа по големиот притисок кој министерот за образование и наука Јетон Шакири го врши со цел отворање на нови паралелки во рамките на училиштето. Нашите деца поради недосток на просторни услови настава посетуваат до 17:00 часот попладне, а со воведување на нови паралелки наставата ќе трае до 21:00 часот. Нема да дозволиме нашите деца да се вратат во 19 век и да посетуваат настава во вечерни училишта. Ги повикуваме сите родители на ученици кои посетуваат настава во ООУ „Његош“ без разлика на верска, етничка или било каква друга припадност да ни се приклучат на бојкотот. Вооедно ја известуваме јавноста дека и утре 26.09.2023 година од 07:00 до 08:00 часот наутро ќе протестираме пред влезот на училиштето ООУ „Његош“ во Колонија. За нашите деца се работи и нема да отстапиме! Министерот да се откаже од притисоците или настава во ООУ „Његош“ НЕМА ДА ИМА“!