роднина – Kurir.mk

Прилепчанец нападнат од негов роднина

Ивана Ефремовски — Tue, 17 Jan 2023 17:10:09 +0000

На 16.01.2023 во ОВР Прилеп Н.А.(65) од Прилеп пријави дека на ул.„Мирче Ацев“ во Прилеп бил физички нападнат од неговиот роднина А.Ј., кој употребил и тврд предмет. Се преземаат мерки за расчистување на случајот.

Пукал кон роднина откако се скарале, ранет е скопјанец

Ивана Ефремовски — Tue, 27 Dec 2022 15:12:45 +0000

На 26.12.2022 во СВР Скопје било пријавено дека во 20:10 часот на ул.„20“, поради меѓусебно нетрпение, З.Р.(42) од Скопје со пиштол испукал куршум и го повредил во ногата неговиот роднина А.Н.(28) од Скопје. А.Н. бил пренесен во Градската општа болница „Св.Наум Охридски“ за укажување лекарска помош. Увид на местото извршила екипа од СВР Скопје и се преземаат мерки за расчистување на случајот.

Кумановец „олеснил“ свој роднина за 11.500 евра

Тале Кристо — Tue, 29 Mar 2022 11:05:06 +0000

Кумановец бил измамен од член на семејството за 11.500 евра, информираше денеска полицијата. Оштетениот пријавил во полицијата дека ги очекувал парите од продажба на автомобилот на роднината, но, не ги добил, бидејќи возилото, како што наведуваат од полицијата, веќе било продадено. –Лицето О.Х. од Куманово пријавило во полицијата дека бил измамен од член на неговото семејство за сума од 11.500 евра. Според пријавеното, неговиот роднина му понудил да му го продаде возилото, меѓутоа откако поминал подолг временски период, тој разбрал дека возилото било продадено, а тој не добил паричните средства, соопшти СВР Куманово. Полицијата презема мерки за расчистување на случајот.

Стоилковски: Артан Груби вработи негов роднина во министерството, тоа е директен непотизам, институциите мора да реагираат и да се поништи одлуката

Магдалена Андонова — Tue, 29 Mar 2022 10:09:16 +0000

Според објавената одлука за вработување за Сезар Груби како самостоен референт, Артан Груби очигледно го приватизира министерството, со тоа што вработува негов роднина и ова е директен непоитизам, а соодветните институции треба да реагираат, изјави Наум Стоилковски, портпарол на ВМРО-ДПМНЕ, одговарајќи на новинарско прашање на денешната прес конференција во врска со партизацијата на министерството за политички систем на Артан Груби. Стоилковски потенцираше дека Артан Груби избра да вработи свој роднина на работно место „самостоен референт за стратешко планирање, креирање на политики и следење, во Одделение за стратешко планирање, креирање на политики и следење“. - Ова е директен непотизам и е во спротивност со Законот за спречување на корупција. Не само реакција на Груби и на владата, очекуваме реакција и на ДКСК и на сите други соодветни институции, веднаш да го испитаат случајот и да се поништи одлуката за вработување на роднината на Артан груби, истакна Стоилковски. Тој нагласи дека во спротивно наместо во заштита на законот и институциите, ќе работат во полза на партизација и зголемување на администрацијата спротивно на интересите на народот, со што ќе бидат соучесници во делото.

Близок роднина на кралицата Елизабета во центар на СКАНДАЛ: Принцот му го „продава“ пристапот на Путин?

Магдалена Андонова — Sun, 09 May 2021 11:46:14 +0000

Роднина на кралицата Елизабета Втора, принцот Мајкл (78) од Кент е обвинет дека е подготвен да го искористи својот статус и да обезбеди пристап до тимот на рускиот претседател Владимир Путин за пари, пренесува Гардијан. Принцот, наводно, им рекол на новинарите кои лажно се претставувале како инвеститори од Јужна Кореја, дека може да работи за нив за 10.000 фунти (16.000 долари) на ден, со цел да им се овозможи „доверлив“ контакт со рускиот претседателски тим. На снимката, наводно, се гледа како Мајкл ги нуди своите услуги, а за возврат добива 200 000 американски долари за време на состанок преку Интернет, а тој бил подготвен да ја користи својата куќа во палатата Кенсингтон како основа за говор во кој ќе промовира лажна јужнокорејска компанија. Неговиот пријател, Симон Ајзак, подоцна го опиша Мајкл како „неофицијален амбасадор на кралицата во Русија“. Принцот Мајкл ги негираше обвинувањата, направени во документарниот филм „Испраќања“ на Канал 4, направен во соработка со „Сандеј тајмс“. Репортерите се претставија како вработени во измислената компанија „Хаедонг Хаус“ и со истата понуда им пристапија на пет члена на кралското семејство. „Тој и Путин веќе долго време не биле во контакт“ Кабинетот на Мајкл инсистираше на тоа дека тој „немал посебна врска со Путин“ и дека немал контакт со него или неговиот тим од 2003 година, кога последен пат се сретнале. Блискиот роднина на кралицата не добил пари од државата и заработува како директор на приватна консултантска компанија. Тајно му приоѓале и со понуда да работи во измислена руска компанија која работи со злато. Во програмата се наведува дека Ајзак го искористил приемот во палатата Кенсингтон во 2013 година, каде гостувал Мајкл, за да му „продаде“ пристапот на Путин. На настанот на кој беше промовиран рускиот спортски самбо во борење, се зборуваше и за можноста подоцна лично да се сретнеме со Путин, тврди документарецот. Во тајно снимен разговор, Ајзак рече дека „ако принцот Мајкл го претставува Домот на Хадонг, тоа може да му го спомене на Путин и Путин ќе биде вистинската личност заинтересирана за Јужна Кореја или злато. "Знаете, тоа само ја отвора вратата, многу е корисно. Ние разговараме тајно овде, бидејќи не би сакале светот да знае дека Мајкл го гледа Путин единствено од деловни причини, ако ме разбирате", рече Исак принцот како „неофицијален амбасадор на кралицата во Русија“. Од канцеларијата на принцот Мајкл изјавија дека тој не добил никакви државни пари, дека заработува 40 години од неговата компанија и дека немал посебни односи со Путин, односно дека последен пат се сретнале во 2003 година, па затоа „тој не е во контакт со него или канцеларијата. „Путин“.

Убиен братучед на пејачот Фарел Вилијам

Ивона Петрова — Tue, 30 Mar 2021 07:30:37 +0000

Донован Линч (25), братучед на познатиот афроамерикански пејач Фарел Вилијамс, е еден од убиените две лица во одделни престрелки во Вирџинија Бич, Вирџинија, САД, во петокот. Поп-пејачот синоќа ја потврди веста и повика на транспарентност, чесност и правда. „Загубата на овие животи е трагедија што не може да се мери. Мојот братучед Доновон беше убиен за време на пукањето. Сега е важно моето семејство и семејствата на другите жртви да ја добијат заслужената транспарентност, чесност и правда. Вирџинија Бич е олицетворение на надеж и издржливост и, како заедница ќе го минеме и ова и ќе излеземе уште посилни“, напиша Фарел Вилијамс споделувајќи фотографија од Линч, во траорот.

View this post on Instagram

A post shared by Pharrell Williams (@pharrell)

На полицаецот кој пукал во Линч, како што соопштија и властите, во тој миг не му била вклучена камерата на телото. Службеното лице одговарало на повиците околу пукањата во областа. Обвинителството одговорно за градот Вирџинија Бич вети независна и брза истрага за случајот.

Хорор во Скопје: Мајка го пријавила тетинот, се обидел да ги обљуби нејзините две ќерки

Ивона Петрова — Sat, 27 Feb 2021 15:21:05 +0000

Четириесет и две годишна скопјанка вчера попладне во полициска станица го пријавила тетинот, Б.Н. Според пријавата на жената тој се обидел да изврши обљуба врз нејзините две ќерки. Од полицијата информираат дека се преземаат мерки за расчистување на случајот.

Малолетна кавадарчанка обљубена од малолетен роднина

Дарко Андоновски — Wed, 24 Apr 2019 11:31:26 +0000

Малолетна кавадарчанка била обљубена од малолетен роднина, информацијата ја потврди Верољуб Додевски, портпарол на СВР Велес. – На 22-ри овој месец во 21:00 часот во Полициската станица во Кавадарци лицето О.К. пријави дека нејзината малолетна ќерка била обљубена од нивен малолетен роднина од Кавадарци, соопшти Додевски. Се преземаат мерки за расчистување на случајот.

Роднина на починат пациент претепал сестра на КАРИЛ

Ивона Петрова — Thu, 08 Nov 2018 10:58:24 +0000

Роднина на починат пациент претепал медицинска сестра на КАРИЛ, дознава Плусинфо неофицијално од извори на Клиниката за анестезија, реанимација и интензивно лекување во Скопје. За оваа немила случка итна прес-конференција најави и министерот за здравство Венко Филипче, на која ќе бидат обелоденети повеќе детали.

Малолетник нападнат од роднина во катна гаража во Аеродром

Ивона Петрова — Thu, 05 Jul 2018 10:06:19 +0000

Петнаесет годишно момче со повреди вчера вечерта било донесено во Комплекс клиники „Мајка Тереза" – Скопје. Од МВР информираат дека таткото на повреденото лице, во разговор со полициски службеници, изјавил дека момчето било повредено во катна гаража на бул. „Јане Сандански" од страна на роднина. Се преземаат мерки за расчистување на случајот.