роднини – Kurir.mk

СЕМЕЈНА ДРАМА: Тетовец пријавил дека му се заканувале роднини на сопругата, таа пријавила дека била нападната од сопругот и сверквата

Ивона Петрова — Fri, 02 Sep 2022 10:26:29 +0000

Триесетгодишна тетовка, вчера во 17 часот и 20 минути во СВР Тетово пријавила дека претходниот ден физички ја нападнале нејзиниот 32-годишен сопруг Е.Х. и неговата мајка, информира портпаролот на СВР Тетово, Марјан Јосифоски. Неколку часа пред тоа Е.Х. пријавил дека нему му се заканувале најблиските на сопругата. Се расчистува и документира случајот.

За овие познати ѕвезди не сте ни помислиле дека имаат контакт со кралското семејство, а тие им се ни помалку ни повеќе – роднини!

Магдалена Андонова — Sat, 21 May 2022 08:49:32 +0000

Многу познати ѕвезди се во директен контакт со кралското семејство Сите тие се всушност роднини, некои далечни, а некои многу светли … Еве кој е: Кралицата Елизабета Втора и Џон Деп Еден од овие двајца е при крај на многу долга кариера, има комплицирани семејни односи, а особено сака пастелни нијанси. Но, доста за Џони Деп (50). Кралицата Елизабета Втора (87) и популарниот актер не личат на ништо, но навистина делат иста крв. Сепак, нивното сродство е многу далеку и датира од Едвард III, кој починал во 1377 година. Тоа сродство е многу комплицирано и долго, но докажува дека Едвард Трети и Едвард Маказоруки се поврзани. Војвотката Камила и Мадона Овие две русокоси потекнуваат од исто семејство, кое било едно од најмоќните во Канада во 17 век. Тие двајца, освен бојата на косата и генот, немаат многу заедничко. Камила (66) ужива во зрелите години и живее мирен живот. Од друга страна, Мадона (55) не може да се помири со тоа колку години има, па секогаш покрај себе има многу помлад маж. Инаку, истражувачите кои ја откриле оваа врска, откриле и дека и пејачката Селин Дион е потомок на ова богато семејство. Кејт Мидлтон и Гај Ричи Војвотката од Кембриџ и познатиот режисер се поврзани преку заеднички братучед од 18 век. Гај (45) присуствуваше на кралската венчавка во 2011 година, но не поради семејните врски, туку поради пријателството со принцот Вилијам. Џејк Гиленхал и кралицата Елизабета Џејк Гиленхал потекнува од Едвард III, кој владеел со Англија од 1327-1377 година. Ова го прави 19-ти братучед на кралицата Елизабета Втора. Лора Дерн и кралицата Елизабета Оскаровката Лора Дерн потекнува од кралот Едвард Трети, што ја прави роднина на кралицата Елизабета.

Роднина на преживеаните раскажува: Од вчера сме тука, докторите ни кажуваат дека се добро но ги немаме видено (ВИДЕО)

Магдалена Андонова — Wed, 24 Nov 2021 09:23:46 +0000

Еден од роднините на четворица од преживеаните, во изјава за медиумите бара од надлежните институции што побрзо да завршат сите процедурални работи во врска со телата, но и трансферот на преживеаните на скопските клиники. Али Селмани, роднината на четворица преживеани додава дека, докторите ги информирале дека се добро, но не им дозволувале да ги видат. - Дојдовме поддршка да им дадеме на преживеаните, од вчера сме тука, но ги нема… Немаме увид, не можеме да ги видиме. Ни кажуваат докторите дека тие се добро, во траума се, но вака не ги имаме видено, вели тој.

РОДНИНИ ОД МАКЕДОНИЈА ПРИСТИГНАА ПРЕД БОЛНИЦАТА: Се уште никој не ми кажал дали моите блиски се во болница или починале во автобусот (ВИДЕО)

Дарко Андоновски — Tue, 23 Nov 2021 13:12:49 +0000

Роднините на патниците од автобусот кој се запалил на автопатот Струма се уште немаат информации дали меѓу загинатите или повредените има нивни роднини. Исмаил Селјами е пред болницата во Пирогов и чека официјални информации од болницата, објавува бугарскиот медиуми Bgonair.bg „Сè уште никој не ми кажа дали моите роднини се во болница или починаа во автобусот. Не снајде голема трагедија. Сакаме бугарските власти да не известат што се случува, кој преживеа“, повика Селјами. Во медицинската установа се сместени 7 лица, пет мажи и две жени. Некои од нив се семејство со 16-годишно девојче. Шест од повредените се со изгореници, а еден е сместен на Клиниката за трауматологија. Друг роднина кој е близок со седум лица кои патувале во автобусот на смртта ги посетил преживеаните и вели дека за останатите нема информации.

ВО ТЕТОВСКАТА БОЛНИЦА МОЖЕЛО ДА СЕ ПОСЕТАТ БОЛНИТЕ ОД КОВИД – Филипче не знае дали меѓу загинатите има и роднини на пациентите

Дарко Андоновски — Thu, 09 Sep 2021 16:42:18 +0000

Министерот за здравство, Венко Филипче на денешната прес конференција рече дека ќе се испитува како функционирале посетите во Ковид центарот во Тетово, кои инаку се забранети. Рече дека засега не се знае дали меѓу загинатите има и роднини на пацинетите. -За тоа како функционирало ова ќе направиме истрага. Според информациите кои ги имаме во моментот на пожарот во болницата имало две лица на посета. Во однос на тоа дали меѓу загинатите има роднини на пациентите, тука има шпекулации и затоа ќе се прави ДНК анализа. Би сакал во овој дел да бидеме многу прецизни. Ние во секој момент обезбедуваме кадар. За тоа дали роднини на пациентите биле таму за да им помагаат на своите блиски, ќе покаже истрагата. А, од мое лично искуство знам дека е тешко да се изменаџираат посетите кога имате некој близок во болница. Посетите во Ковид центрите се апсолутно забранети, а за тоа што се случувало ќе видиме од наодот. Ќе инсистирам на точна проверка на целата ситуација, рече Филипче.

Си седел со роднините во двор, па соседот му дошол со пиштол на врата- потоа настанал хаосот

Дарко Андоновски — Sun, 17 May 2020 12:32:55 +0000

На 16.05.2020 во 23.04 часот во СВР Скопје, Р.О.(31) од Скопје пријавил дека околу 18.50 часот на ул.„Џон Кенеди“, додека бил на улица до неговиот двор со тројца роднини, дошол неговиот сосед Д.Х. и започнале вербална расправија. Според пријавеното, потоа Д.Х. заминал во својот дом и се вратил со пиштол, со кој му се заканувал на Р.О., но бил спречен од неговиот син. Се преземаат мерки за целосно расчистување на случајот.

Приведени најблиските роднини на напаѓачот од Стразбур

Ивона Петрова — Wed, 12 Dec 2018 16:41:59 +0000

Мајката, таткото и двајцата браќа на осомничениот за вчерашниот напад во Стразбур денеска се приведени на распит во полицијата. Француската полиција го идентификуваше осомничениот како Шериф Шекат (29), кој во вчерашниот напад изведен во близина на божикен базар уби три лица, а повреди 14. Тајландското Министерство за надворешни работи денеска информираше дека еден од убиените е нивни државјанин, кој бил во Стразбур со сопругата. Шериф Шекат, кој е француски државјанин и им бил познат на властите како радикален исламист. Францускиот обвинител Реми Хајц информираше дека напаѓачот бил ранет во раката при размена на оган со француски војници во центарот на Стразбур, по што украл такси возило и побегнал. Повеќе од 600 припадници на безбедносните сили учествуваат во потрагата по осомничениот, а им помагаат и германските гранични полицајци. Францускиот претседател Емануел Макрон свика итен состанок во претседателската палата во Париз во врска со вчерашниот напад. На состанокот на Советот за одбрана присуствуваат и високи воени функционери, членови на Влада, меѓу кои и премиерот и министрите за одбрана, надворешни работи и внатрешни работи. Тие разговараат за напредокот на истрагата, но и за други безбедносни мерки откако Владата го крена нивото на травога во целата земја и испрати дополнителни полициски сили во Стразбур во потрага по осомничениот. Германската Влада соопшти дека ја засилила контролата на границата со Франција по синоќешниот напад во Стразбур, но смета дека е променето нивото на закана во Германија. Германското Министерство за правда соопштија дека властите немаат информации за поврзаноста меѓу осомничениот напаѓач, кој бил во германски затвор за грабеж, и исламски екстремисти. Осомничениот бил во затвор во Германија во 2016 и 2017 година поради кражба, а подоцна, истата година бил депортиран во Франција. Портпаролката на германската криминалистичка полиција БКА соопшти дека германските власти тесно соработуваат со француските власти во потрагата по напаѓачот. Мотивите за нападот сè уште не се познати, но Секторот на париското Обвинителство за борба против тероризмот покрена истрага за „убиство и обид за убиство во рамки на терористички акт“ и „злосторничко терористичко здружување“. Поради нападот, француската Влада го подигна нивото на безбедност во земјата на „вонредно во случај на напад“. Генералниот секретар на Советот на Европа искажа сочуство до граѓаните на Стразбур и изрази солидарност со Франција по повод терористичкиот напад. „Дозволете ми да ја изразам мојата целосна поддршка на француските власти, кои продолжуваат да прават сè што можат за да ги заштитат луѓето кои тука живеат, меѓународната заедница и граѓаните ширум Европа кои доаѓаат да го посетат ова историско место“, се наведува во соопштението од Канцеларијата за медиуми на Советот на Европа. – Во моменти кога мислиме дека бројот на терористички напади се намалува, се случува вчерашниот напад, кој претставува болно предупредување дека заканата од тероризам во Европа останува акутна и оти напади можат да се случат кога било, порача Јагланд. МИА

Драма со скопско: Со автоматска пушка пукал кон својот роднина

Ивона Петрова — Wed, 30 May 2018 08:51:52 +0000

Полицијата вчера околу 10 часот добила пријава дека во с.Мојанци-скопско додека И.С (29) излегувал од дворот со своето возило “Опел Вектра“ на патот пред возилото застанал неговиот братучед Е.С (33) со автоматска пушка во рацете, и му рекол на И.С. да го запре возилото вперувајќи ја пушката кон возилото. -И.С. се исплашил и го стартувал возилото во кое што бил и неговиот 17 годишен брат , а веднаш откако го одминал, слушнал како Е.С. испукал неколку куршуми. Од истрелите нема повредени лица и не била забележана материјална штета на возилото. Најверојатно причина за пукањето, според првични сознанија, е тоа што И.С. пријавил дека на 28.05.2018 година, Е.С. физички го нападнал, информираат од МВР. На местото на настанот бил извршен увид и пронајдени и подигнати биле две чаури од автоматска пушка. Се работи на целосно расчистување на случајот.

Пукање во скопско

Ивона Петрова — Mon, 22 Jan 2018 09:47:29 +0000

Триесет и три годишниот Н.С. од Орланци вчера пријавил дека околу 13 часот откако со тракторот пристигнал во неговиот двор од зад грб слушнал еден истрел од огнено оружје. -Откако се симнал од тракторот забележал дека неговиот братучед М.С. држел автоматска пушка во раце, а неговите двајца браќа се обидувале да го спречат, по што М.С. избегал. По кратко време М.С. повторно дошол до пријавителот, кој седел во дворот со неговата мајка, сопруга, како и неговите три деца и од автоматска пушка испукал неколку рафални истрели кон Н.С., по што го напуштил местото на настанот. Од пукањето нема повредени, а причина била меѓусебната нетрпеливост поради нерасчистени имотно правни односи, информираат од МВР. На местото на настанот извршен е увид од страна на увидна екипа од СВР- Скопје и подигнати се три чаури. Полицијата работи на целосно расчистување на случајот. .