Роџер Шмит – Kurir.mk

Германецот Шмит останува во Бенфика до 2026 година

Бошко Тасиќ — Sun, 02 Apr 2023 06:11:55 +0000

Германецот Роџер Шмит ќе остане тренер на португалскиот фудбалски гигант Бенфика до 30 јуни 2026 година, соопшти клубот од Лисабон.

„Чувствувам дека се наоѓам на вистинското место и многу сум среќен поради тоа што Бенфика има доверба во мене“, изјави германскиот стратег. Португалскиот клуб потпиша договор со Шмит во мај лани.

Шмит стекна реноме како тренер на австриски Салцбург и германски Баер Леверкузен, а од 2020 година го предводеше холандски ПСВ Ајндховен.

Роџер Шмит е новиот тренер на Бенфика

Бошко Тасиќ — Tue, 24 May 2022 14:50:14 +0000

Германскиот фудбалски стратег Роџер Шмит е новиот тренер на најтрофејниот португалски клуб Бенфика. Поранешниот тренер на Баер Леверкузен и ПСВ Ајндховен беше претставен пред португалските новинари. Во друштво на легендарниот Цезар Мануел Руи Коста, Шмит не го криеше задоволството од доаѓањето на „Да Луж“. „Сакам да играме убав фудбал и да бидеме успешни во мојот престој во Лисабон. Потребни ми се некои корекции во тимот и веќе работам на тоа.Оваа екипа има голем квалитет, а со добра стратегија и подготовка ќе бидеме уште подобри“, рече Шмит.

Роџер Шмит пред промоција на клупата на Бенфика

Тале Кристо — Wed, 27 Apr 2022 18:11:53 +0000

Португалскиот фудбалски гигант Бенфика постигна начелна согласност со Германецот Роџер Шмит за негов ангажман на тренерското место од новата сезона. Португалскиот клуб ќе потпише договор со Шмит до јуни 2024 година. Германскиот стратег стекна углед тренирајќи ги австриски Салцбург и германски Баер Леверкузен, а од 2020 година го предводи ПСВ Ајндховен и неговиот договор со холандскиот клуб истекува на крајот на сезоната. На клупата на ПСВ ќе го замени поранешниот голгетер на Манчестер Јунајтед и Реал Мадрид, Руд ван Нистелрој.