рој хоџсон – Kurir.mk

Рој Хоџсон испиша историја: 500 натпревари во Англија

Бошко Тасиќ — Sun, 29 Oct 2023 06:12:31 +0000

Легендарниот англиски тренер Рој Хоџсон и на 76 години го преводи Кристал Палас во Премиер лигата, а натпреварот против Тотенхем за него беше голем јубилеј. Имено, за Хоџсон тоа беше 500-ти натпревар во кариерата во Англија. Покрај Кристал Палас тој ги водеше уште Блекбурн, Фулам, Ливерпул и Вотфорд. Но најмногу натпревари (184) помина на клупата на Палас.

Хоџсон наследник на Раниери во Вотфорд

Ивона Петрова — Wed, 26 Jan 2022 07:19:58 +0000

Поранешниот англиски селектор Рој Хоџсон вчеравечер е назначен за нов тренер на премиерлигашот Вотфорд како замена за Италијанецот Клаудио Раниери, кој беше отпуштен во понеделникот поради слаби резултати. Хоџсон ќе има задача да обезбеди опстанок со Вотфорд, кој во моментов е на претпоследното место во Премиер лигата, со 14 бодови. – На поранешниот англиски селектор ќе му се приклучи неговиот долгогодишен соработник и човек од доверба Левингтон. Хоџсон и Левингтон веднаш започнуваат со подготовките за следниот натпревар во Премиер лигата, на гостувањето кај Барнли на 5 февруари, соопшти Вотфорд.

Хоџсон нов тренер на Вотфорд

Бошко Тасиќ — Tue, 25 Jan 2022 22:12:50 +0000

Англискиот фудбалски клуб Вотфорд го потврди 74-годишниот Рој Хоџсон како нов менаџер, откако во понеделникот го отпуштија Клаудио Раниери по девет натпревари без победа и во ситуација во која им се заканува испаѓање од лигата. Поранешниот англиски селектор Хоџсон си замина од Кристал палас на крајот на минатата сезона, објавувајќи дека се пензионира од фудбалот, меѓутоа сега пристигнува како трет менаџер во Вотфорд оваа сезона, откако Чиско Муњоз ја почна годината на клупата на клубот од предградијата на Лондон.

Кристал Палас не е среќен со одлуките за судиите

Матеја Петровски — Tue, 21 Aug 2018 07:40:58 +0000

Менаџерот на Кристал Палас, Рој Хоџсон, беше задоволен од играта на својот тим, и покрај поразот (0:2) од Ливерпул, но не беше многу расположен да зборува за судењето на синоќешниот дуел. - Мислам дека создадовме многу проблеми за Ливерпул. Моравме да го завршиме првото полувреме со резултат 0:0, по што вториот дел ќе беше уште потежок за противникот. Пеналот? Нема смисла да се разговара за тоа. Не бевме среќни со одлуката на судијата. Повеќе ме интересира фактот дека Кристал Палас одигра многу добро, изјави Хоџсон. Кристал Палас од почетокот на новото првенство во Премиер лигата има една победа и еден пораз. (Миа)