рок на траење – Kurir.mk

МНОГУ Е ВАЖНА: Знаете ли што значи оваа ознака на лакот за нокти?

Ивона Петрова — Mon, 09 Jan 2023 10:37:06 +0000

Дали знаете што значат етикетите на задната страна на шишето со лак за нокти? Најчесто го содржат името на производителот, земјата на потекло, состојките, но и некои ознаки кои никој не знае што значат... Она што сите го знаат е дека бројот ја кажува точната нијанса на лакот. Кога повторно сакате да ја купите истата нијанса, доволно е само да кажете кој број ви треба. Но, дали сте забележале дека има и ознаки од 12M, 24M или 36M? Ретко кој знае што значи оваа ознака, но всушност е многу важна. Ако на шишето пишува 12 М, тоа значи дека рокот на траење на тој лак по отворањето е 12 месеци. Ако пишува 18, значи година ипол, 24 две години итн... Патем, овие ознаки не ги има само на лаковите, туку и на други производи за шминка и нега, како и на шампони, гелови за туширање, лосиони за тело итн. Иако повеќето жени не го почитуваат ова, козметолозите предупредуваат дека никогаш не треба да користите лак или шминка надвор од наведените датуми, бидејќи тие можат да предизвикаат сериозни реакции и инфекции на кожата и ноктите.

Имаат рок додека не ги потрошите – за овие производи не грижете се дека ќе се расипат

Ивана Ефремовски — Thu, 27 Oct 2022 20:25:28 +0000

Шеќер Не е важно каков е – бел, кафеав, во прав или во коцки, тој никогаш нема да се расипе, затоа што во него бактериите не можат да опстојуваат. Мора да биде на суво место и во затворен сад. Екстракт од ванила Ако го имате некаде во кујната и подолго време ви стои на едното исто место, нема потреба да го фрлате. Тој едноставно трае вечно. Ориз Само кафеавиот ориз има рок на траење, затоа што содржи поголема количина масло. Белиот ориз не се расипува. Мед Теглата мед трае додека не ја испразните. По одредено време може да се кристализира или да ја промени бојата, но медот и по неколку години е здрав за консумирање. Само потребно е да го чувате на студено место. Жестоки пијалаци Ракија, џин, вотка, текила, рум… Дури и кога ќе ги отворите нема шанса да се расипат. Бојата, вкусот и аромата може да ослабат, но и потоа се пијат без проблем. Сол Нема рок на траење, само е неопходно да се чува на суво и студено место. Оцет Во добро затворено шише, оцетот никогаш нема да се расипе или изветрее.

ИМА РОК НА ТРАЕЊЕ: Еве колку долго може да стои зимницата

Ивона Петрова — Wed, 24 Aug 2022 12:44:04 +0000

Сите сакаме вкусна зимница, но и таа има рок на траење. Совет е да ставите налепници на теглите на кои ќе го напишете датумот кога е направена зимницата или слаткото. Стојат и неколку години, но најдобро е зимницата да се изеде во рок од една година.

И зачините имаат РОК НА ТРАЕЊЕ: Колку долго смеете да користите бибер, цимет, или оригано?

Ристе Здравков — Sat, 05 Mar 2022 12:21:52 +0000

Иако малкумина од нас обрнуваат внимание на тоа, фактите велат дека дури и зачините имаат рок на траење. Експертите советуваат мелените зачини да се користат во рок од една година. Значи, ако имате тегла во куќата со, да речеме, мелен цимет која стои во кујната повеќе од една година, време е да ја фрлите. Целите зачини како стапчиња цимет траат подолго и нивниот рок на траење е околу две години. За да се зачува квалитетот и аромата на зачините, најважно е да ги чувате надвор од фрижидер на темно и суво место. Зачините со поминат рок ги губат своите својства, затоа внимавајте колку долго ќе ги чувате во кујната. Рок на траење на зачините: Цели зачини – зрна бибер, каранфилче, стапче цимет – околу две години. Мелени зачини – лук, цимет, куркума, оригано – годишно. Семето има рок на траење до 4 години, но сусамот и афионот не треба да се користат по две години. Кога станува збор за магдоносот и босилекот, нивниот рок на траење е до три години.

Не ги фрлајте овие намирници: Ако ги чувате како што треба, тие немаат рок на траење

Ивана Ефремовски — Fri, 12 Mar 2021 21:46:09 +0000

Иако на амбалажата на одредени намирници има јасно наведен рок на траење, не значи дека сите треба да се најдат во ѓубре по тој датум. Многу видови храна и пијалоци всушност немаат рок на траење и безбедни се за консумирање, ако биле чувани во соодветни услови до моментот на користењето. Една од овие намирници кои можете да ги јадете без страв е медот, без разлика дали се кристализирал или ја променил бојата. Археолозите во древни египетски гробници имаат најдено мед стар илјадници години што уште може да се јаде. Јаболковиот оцет има многу поволно дејство на организмот, претставува природен лек против болка и е одлично средство за чистење. Исто така и нема рок на траење. Рок на траење нема ни пченичниот скроб, под услов да го чувате во затворен сад на ладно место. Солта исто така не може да се расипе, без разлика колку долго стоела неупотребена, секако ако сте ја чувале на суво место. Водка, рум, виски и други жестоки пијалаци исто така не може да се расипат, ако се чувале неотворени, во спротивно може да оксидираат и да изгубат на структура и вкус. Рок на траење немаат и оризот, екстрактот од ванила и јаворовиот сируп. Сите треба да се чуваат на суво, ладно место, далеку од директна сончева светлина.

Овој детаљ го гледаме секој ден, а малкумина знаат што ни кажува истиот за производите!

Ивана Ефремовски — Thu, 14 Jan 2021 11:09:52 +0000

Овој знак го гледаме на нашите креми, парфеми, пасти за заби во скоро сите пакувања хемикалии за домаќинства и козметика, па дури и сирупи. Овој детаљ е многу важен и еве што всушност ни открива. Оваа ознака ни го кажува не рокот на производот, туку „период по отворањето“. Тоа значи дека ако истече овој рок, производот не треба да го користиме дури и ако има уште рок на траење. Рокот на траење и времето на производство се исто толку важни како и информациите за тоа колку долго, откако ќе го отвориме саканиот производ, можеме да го користиме. Посветете внимание на пакувањето. Обично на овој знак пишува 12, 18 или 36 месеци. Кога станува збор за парфемите, тој број е нешто поголем, бидејќи може да се користат подолго, додека кај некои креми е само број шест, што значи период од 6 месеци. Секој вид на производ има специфичен рок на траење.По тој период, ефикасноста на производот се намалува, а во екстремни случаи, употребата на производи со истечен рок на употреба може да доведе до иритација на кожата или посериозна реакција.

И затвореното кафе има рок на траење: Бидете внимателни како го чувате

Ивана Ефремовски — Sat, 08 Feb 2020 21:41:29 +0000

Како и сите други видови храна, така и кафето има свој рок на траење. Рокот на траење се разликува во зависност од тоа дали кафето е затворено или отворено. Пржените зрна кафе траат еден месец, додека пак меленото кафе што е затворено може да трае од три до шест месеци. Отвореното мелено кафе може да стои најмногу две недели. Затвореното инстант кафе, доколку е на темно место може да стои до 6 месеци, а откако ќе се отвори ова кафе може да стои до година дена. Кафето што се става во кафемат најдобро е да се употреби во рок од три месеци по отворањето. Многу лесно може да препознаете дали на кафето му истекол рокот на траење. Рокот е истечен доколку има промена во миризбата и промена во бојата. Исто така многу е важно да внимавате да не влегува вода или влага во кафето. Ако кафето се навлажни најдобро е да го фрлите.

Овие 3 намирници немаат рок на траење и не се фрлаат никогаш

Катерина Бојаџиева — Mon, 11 Mar 2019 13:31:33 +0000

Во денешно време, кога станува збор за храна, сите сме многу внимателни околу датумот на намирниците. При купување посебно внимание посветуваме на рокот на траење и на амбалажата. Често, рокот на траење на намирниците знае да не збуни. Но, некои артикли не се расипуваат никогаш. Сол Солта не се расипува и засекогаш останува свежа исто како што била оној ден кога сте ја купиле. Шеќер Шеќерот не е проблем да остане свеж, туку главен проблем е да се спречи да не стане тврд како камен. Шеќерот никогаш нема да се расипе бидејќи не развива бактерии. Треба само да биде подалеку од влага и од инсекти. Мед Медот има неограничен рок на траење. Може да ја смени бојата или да кристализира, но и понатаму ќе биде добар за јадење. Ако медот кристализира, ставете ја теглата во топла вода и мешајте додека не се растопат кристалите.

Фирмите за да заштедат го донираат инсулинот со рок кој истекува!

Дарко Андоновски — Mon, 13 Aug 2018 17:42:58 +0000

На граѓаните, поточно на пациентите болни од дијабетес деновиве им беше поделен инсулин чиј рок изминува за петнаесетина дена. Количината која им е поделена треба да им трае околу месец и половина или два месеци. Имено, добро упатени извори информираат дека станува збор за инсулин кој е донација краток рок на важење. Односно наместо да се плати скапа процедура на уништување на инсулинот, фирмите имаат интерес да го донираат. Поедноставно кажано, инсулинот на кој му се приближува рокот на траење, за да не биде уништен според скапа процедура која треба да ја плати компанијата производител или увозник, да биде дониран, односно потрошен преку делење на пациентите. На тој начин компанијата производител и увозник заштедуваат да ја платат процедурата на уништување, односно таа ќе падне на терет на граѓаните односно пациентите. Значи за инсулинот со изминат рок пак има посебна процедура за уништување. Како оди процедурата? За да се уништи инсулин со пројден рок има посебната процедура чие што спроведување опфаќа постапки на собирање, складирање, и разградување на производот а за тоа компанијата производител мора да плати и да направи одредени трошоци. Во дадениов случај, за да не плаќа фирмата производител, односно увозник се прави донација. Инсулинот кој е при крај на истек на рокот се дели по пациенти.... а за делот што ќе остане министерство за здравство ќе го плати уништувањето. Со еден збор некој се богати, заради тоа што наместо компанијата производител, односно увозник инсулинот ќе се уништи на сметка на граѓаните, односно даночните обврзници кои редовно плаќаат кон државата. Имено за ваквиот инсулин со рок кој истекува во септември реагираа граѓаните. На социјалните мрежи имаше и фотографии објавени од револтираните граѓани. Инсулинот им е даден деновиве, а истиот треба да го користат околу месец и половина два, а рокот истекува за две недели или во септември. -Филипче, што правиш, дали си свесен воопшто што правиш??? На сите дијабетичари тип 1 , меѓу кои најголем процент се деца и млади луѓе, ни дадовте инсулини, чиј што рок е до деветти месец!!!! Како можеме да ги употребиме сите тие флакончиња за две недели??? Што е ова, бре? Убиство? После треба со поминат рок ли да земаме инсулини? Па вчера вакви инсулини, кои имаат рок на траење уште две недели и кои се донација, им дадовте на деца, кои чекаа пред мене. БРЕ!!! Овие инсулини мене треба да ми траат месец и половина, а рокот е до 9-ти 2018 !! Значи после тоа со поминат рок ли да земам? А бе, што правите? Ова НИКАДЕ ГО НЕМА, реагираше една пациентка на својот Фејсбук профил.

Им поминал рокот? Слободно јадете ги овие намирници иако се стари

Катерина Бојаџиева — Tue, 23 Jan 2018 20:30:27 +0000

Експертите откриваат кои намирници е безбедно да се јадат некое време откако им помине рокот. Чоколадо На чоколадото на кое ќе му помине рокот може да се појават бели точки, но не грижете се, се работи за кристализиран шеќер. Омиленото благо слободно изедете го, иако веројатно нема да биде толку вкусно како кога е свежо. Чипс Исто така ја губи свежината, но е безбеден за грицкање, и тоа благодарение на огромната количина сол. Сепак, најдобро е да не чекате да поминат повеќе од три недели по истекот на рокот. Сирење Единствено тврдите сирења, како што е пармезан, може да се јаде по истек на рокот, и тоа три до шест недели. Но, меките намази јадете ги во рок. Исто така, кога ги отворите, конзумирајте ги во рок од недела дена. Бисквити Благодарение на конзервансите, бисквитите се безбедни и два месеци по истекување на рокот. Но губат вкус. Крцкавоста може да се обидете да ја вратите така што накратко ќе ги стоплите во рерна. Мед и џем Големата количина на шеќер го чува медот и џем од пропаѓање, па слободно конзумирајте ги, дури и кога згуснат во средина. Тестенини Нивниот рок е неограничен додека ги чувате како што треба. Кога ги отворите шпагетите или макароните, остатокот сместете ги во сад во кој не влегува воздух како би го сочувале производот од влага.