Роланд Гарос – Kurir.mk

Швјонтек против Мухова во финалето на Ролан Гарос во женска конкуренција

Бошко Тасиќ — Thu, 08 Jun 2023 20:32:43 +0000

Светската тенисерка број 1,Ига Швјонтек се пласираше во ново финале на Ролан Гарос, победувајќи ја Беатриз Хадад Маја со 6:2 и 7:6(7). Швјонтек ќе се обиде да ја одбрани титулата во Париз против Чехинката Каролина Мухова, која претходно во три сета ја совлада Белорусинката Арина Сабаленка. Мухова, 43 тенисерка во светот, по три часа и 13 минути на големо изненадување ја победи Сабаленка, па во финалето влегува како аутсајдер.

Ролан Гарос без Беретини и Чилиќ

Дарко Андоновски — Sun, 21 May 2023 15:42:46 +0000

Италијанецот Матео Беретини и Хрватот Марин Чилиќ ги откажаа настапите на претстојниот Ролан Гарос, откако и двајцата тенисери сè уште се во процес на рехабилитација од повредите. Беретини, 20 рангиран на АТП листата, нема настап од турнирот на земја во Монте Карло, кога го повреди стомачниот мускул. Италијанецот претходно најави дека ќе биде подготвен за грен – слем турнирот во Париз, но мораше да го пролонгира враќањето на теренот за јуни. Настапот на Ролан Гарос го откажа и Чилиќ, кој сè уште не е подготвен да се врати на теренот по операцијата на десното колено на почетокот на оваа година. Хрватот лани дојде до полуфиналето на Роланд Гарос во кое загуби од Норвежанецот Каспер Руд. Грен – слем турнирот во Париз почнува на 28 мај.

Рафаел Надал неизвесен за настап на Ролан Гарос

Бошко Тасиќ — Mon, 15 May 2023 04:49:44 +0000

Рафаел Надал ја одби вајлд-картата за настап на челенџ-турнирот во Бордо следната недела, потврди директорот на турнирот, зголемувајќи ги шпекулациите дека 22-кратниот гренд слем шампион нема да настапи на Ролан Гарос. Надал се мачи со повреда на колкот која ја доби на Австралија опен во јануари и нема настап на ниту еден турнир на земја оваа сезона.

„Му понудив на агентот на Надал една од вајлд-картите, но добив љубезен одговор дека ќе продолжи да се подготвува ддома во Манакор и дека не е подготвен за игра“, изјави претседателот на турнирот, Жан-Баптист Перлан.

36-годишниот Шпанц има рекордни 14 победи на Ролан Гарос, вклучувајќи ја и титулата од минатата сезона. Ролан Гарос стартува на 28 мај.

Руд ќе го предизвика Надал во големото финале на Ролан Гарос

Бошко Тасиќ — Fri, 03 Jun 2022 20:59:47 +0000

Каспер Руд победа против Марин Чилиќ и оствари победа од 3:1, успех со кој си обезбеди најголем успех во својата кратка, но перспективна кариера. Норвежанецот се пласираше во своето прво грен слем финале и ќе го има најтешкиот предизвик во овој спорт, бидејќи в недела на централниот терен ќе истрча за да игра против 13-кратниот шампион на Френч Опен. Руд си закажа финална пресметка против Рафаел Надал, односно ќе се обиде да го сопре во походот да стигне до 14-та титула на Ролан Гарос, а воедно да стигне до својата прва титула на турнирите од големата четворка. Чилиќ подобро го отвори денешното полуфинале и поведе со 6:3, но потоа се беше во знакот на Руд кој откако израмни на 1:1, беше исклучително доминантен. Каспер го доби вториот сет со 6:4, а потоа правеше двојни брејкови и третиот и четвртиот сет ги доби со идентични 6:2 за пласман во големото финале.

Надал: Ова беше многу емотивна вечер

Ивона Петрова — Wed, 01 Jun 2022 06:30:26 +0000

Шпанскиот тенисер Рафаел Надал се пласираше во полуфиналето на турнирот Ролан Гарос. Тој по голема борба ноќеска го совлада Србинот Новак Ѓоковиќ со 3:1, по сетови 6:2, 4:6, 6:2 и 7:6 (7:4). – На крајот, ова беше многу емотивна вечер за мене. Но, ова е само четвртфинален натпревар. Значи сè уште не сум освоил ништо. Само си дадов шанса да се вратам на теренот за два дена. Многу ми значи играњето уште едно полуфинале на Ролан Гарос, изјави Надал по победата над првиот светски рекет. Мечот траеше 4 часа и 14 минути. Следен противник на Надал ќе биде Германецот Александар Зверев. Грен слемот во Париз се игра за награден фонд 43,6 милиони евра.

Потенцијален меч во четвртфиналето на „Ролан Гарос“ помеѓу Надал и Ѓоковиќ

Бошко Тасиќ — Thu, 19 May 2022 18:14:37 +0000

Вториот грен слем турнир во сезоната ќе започне в недела на 22 мај и ќе трае до 5 јуни во Париз, Франција. Најдобриот светски тенисер Новак Ѓоковиќ дозна за својот ривал во првото коло на „Ролан Гарос“ каде ја брани и титулата, а тоа ќе биде Јапонецот Јошихито Нишиока. Српскиот ас во потенцијалното полуфинале може да се сретне со Александар Зверев, а во четвртфиналето со Рафаел Надал. Во неговиот костур е и Карлос Алкараз со кој не може пред полуфиналето. Во долниот дел од жрепката се Данил Медведев, Стефанос Циципас, Андреј Рубљов и Каспер Руд. Новак доаѓа во Париз не само како најдобар играч во светот, туку и како актуелен шампион на вториот Грен слем сезонава, откако минатата година направи пресврт во финалето 0:2 против Стефанос Циципас, кого исто така го победи во финалето на Мастерсот во Рим.

Кирјос нема да настапи на Ролан Гарос

Бошко Тасиќ — Sun, 08 May 2022 06:42:24 +0000

Австралискиот тенисер Ник Кирјос нема да игра на овогодинешниот Ролан Гарос.Тој годинава беше елиминиран во сингл во второто коло на Австралија опен, додека титулата ја освои во двојки. Кирјос беше поразен во четвртфиналето во Индијан Велс, потоа беше елиминиран во четвртото коло во Мајами. На на почетокот на април играше само на турнирот во Хјустон, каде стигна до полуфиналето и ја забележа првата победа на земјена подлога од 2019 година. Ова ќе биде петта година по ред контроверзниот Австралиец да го нема на Ролан Гарос, тој најави дека има шанси да игра во Париз во 2023 година.

Ѓоковиќ: Сакам трофеј во Белград, но најголемата цел ми е Ролан Гарос

Бошко Тасиќ — Mon, 18 Apr 2022 18:16:50 +0000

На ред е тенискиот турнир на кој е домаќин во Белград. Српскиот ас најави дека ја посакува титулата, а ја посочи и главната цел за оваа пролет. „Го користам времето за тренинзи, за да бидам подготвен за продолжението на сезоната. Се надевам ќе играм повеќе натпревари во Белград. Натпреварувањето на земја е специфично, мора многу тренинг. Сакам да го освојам трофејот тука, со поддршка од трибините и фановите кои ќе бидат ветер во грб. Мојата најголема цел овој период, сепак е освојувањето на титулат ана Ролан Гарос“, изјави Новак.

Новак Ѓоковиќ го освои Роланд Гарос и бутна уште еден рекорд

Бошко Тасиќ — Sun, 13 Jun 2021 18:19:03 +0000

Српскиот тенисер Новак Ѓоковиќ го освои Ролан Гарос по вторпат во кариерата, откако во финалето го победи Гркот Стефанос Циципас со 6:7, 2:6, 6:3, 6:2, 6:4. До 19. гренд слем титула, светскиот рекет број еден дојде по победата над Рафаел Надал во полуфиналето и со пресврт против Циципас, кој ги доби првите два сета. Сега, Ѓоковиќ има само една гренд слем титула помалку од рекордерите Надал и Роџер Федерер. Победата на Ѓоковиќ во Париз е историски момент во тенисот, бидејќи стана првиот тенисер кој ги освоил сите четири гренд слема по најмалку двапати.

Крејчикова ја освои титулата на Роланд Гарос

Бошко Тасиќ — Sat, 12 Jun 2021 18:50:20 +0000

Барбора Крејчикова е победничка на овогодинешното издание на Роланд Гарос и тоа откако во завршниот меч на турнирот беше подобра од Анастасија Пављученкова од Русија. Средбата во Париз траеше скоро два часа, се играа три сета во кои Барбора беше подобра од Пављученкова и со 6:1, 2:6, 6:4 изводјува победа која ќе ја памети до крајот на животот. Инаку Чехиката во досегашната кариера најголемите успеси и беа во дубл и тоа со пехарите на Ролан Гарос и Вимблдон.