рома – Kurir.mk

Ромелу Лукаку доби заштита од властите

Бошко Тасиќ — Sat, 28 Oct 2023 04:00:03 +0000

Ромелу Лукаку се враќа на „Џузепе Меаца“ како предавник во очите на навивачите на Интер, па поради тоа, јасно е дека ќе добие пеколен пречек од страна на гледалиштето во Милано. Изминатите неколку дена пристигнаа различни најави за „добредојдето“ кое го подготвуваат најверните навивачи на Интер, па иако конечна одлука беше да нема банери и навредливи пораки, нивниот организиран план сега пропаѓа во вода. Планот беше навивачите на Интер да го исвиркаат Лукаку со 30 илјади свирчиња кои требаше да бидат доделени пред влезот на стадионот, но ваквите најави сега се стопирани откако фудбалските власти во Италија застанаа во одбрана на напаѓачот. Со цел да се заштити Белгиецот, Федерацијата објави дека ќе биде забрането внесување на свирчиња и било какви предмети што предизвикуваат звук, а ова секако наиде на огромен револт меѓу навивачите на Интер кои се јавија и со официјално соопштение. – Продолжува злоупотребата. Свирчињата се забранети!!! 10 илјади свирчиња во Фиренца беа во ред пред две години. Правото не е исто за сите, – се пожалија од Курва Норд. Примерот кој го посочуваат навивачите на Интер е оној од 2022-ра година, кога навивачите на Фиорентина со 10 илјади свирчиња го пречекаа Душан Влаховиќ кој направи трансфер во Јувентус.

Мурињо суспендиран, нема да биде на клупата против Интер

Бошко Тасиќ — Wed, 25 Oct 2023 04:12:33 +0000

Еден од најконтроверзните тренери на денешницата, Жозе Мурињо, често поради „краткиот фитиљ“ се наоѓа на мета на судиите. Така беше и во дуелот на Рома со Монца, во кој португалскиот стратег доби црвен картон. Мурињо со непримерни гестикулации кон клупата на Монца си заработи исклучување од натпреварот, а сега дојде и одлуката на дисциплинската комисија. Португалецот е суспендиран на еден натпревар, што може да биде голем удар за „волчицата“ В недела Рома му гостува на Интер, поранешниот клуб на Мурињо кој е меѓу главните фаворити за скудетото. Покрај него, суспензија поради задоцнето враќање на клупата од соблекувална на полувремето доби и Нуно Сантош, првиот асистент на Мурињо. Поради тоа, непознато е кој ќе ја води Рома од клупата на „Џузепе Меаца“ в недела од 18:00 часот.

Рома со поддршка за Залевски и Ел Шарави по аферата обложување

Ивона Петрова — Fri, 20 Oct 2023 09:54:04 +0000

Фудбалскиот клуб Рома во соопштение за јавноста застана во одбрана на своите играчи Никола Залевски и Стефан Ел Шарави, за кои кружат гласини за можна вмешаност во аферата спортско обложување која го тресе италијанскиот фудбал. „Во однос на индискрециите емитувани последните денови во врска со наводната вмешаност на некои наши играчи во аферата спортско обложување, АС Рома им дава целосна поддршка на Никола Залевски и Стефан Ел Шарави“, соопшти италијанскиот прволигаш. Според Рома, двајцата фудбалери се „жртви на константни гласини која неправедно негативно влијаат на нивниот углед“. „Клубот има целосна доверба во Никола и Стефан кога обајцата тврдат дека немаат каква и да е врска со овој случај“, се додава во соопштението на римскиот клуб. Италијанското правосудство неколку недели истражуваше тајни платформи за спортско обложување и откри дека, наводно, повеќе од 40 фудбалери илегално се обложувале.

Жозе Мурињо на крајот од сезоната заминува од Рома

Бошко Тасиќ — Mon, 16 Oct 2023 17:05:00 +0000

Жозе Мурињо на клупата на Рома одигра два финални натпревари во Европа настапувајќи во Конференциската лига и Лига Европа во само две сезони што е прв пат во историјата на клубот. Италијанските медиуми веќе некое време шпекулираат со негов отказ, но според италијанскиот новинар Џанлука ди Марсио до истиот нема да дојде во текот на сезоната, туку по самото завршување на истата кога договорот на Португалецот нема да биде продолжен. Според Ди Марсио не се започнати преговори за продолжување на соработката, а нема ни да започнат. Мурињо ќе замине во јули, а најверојатно следната дестинација ќе биде Саудиска Арабија за која и самиот Мурињо изјави дека еден ден ќе предводи клуб од саудиското првенство.

Паоло Дибала го напушти теренот со солзи во очите

Бошко Тасиќ — Mon, 09 Oct 2023 03:59:41 +0000

Португалскиот стратег Жозе Мурињо ги замолкна шпекулациите за негово заминување од Рома по победата која ја оствари неговиот тим на гостувањето во Калјари, кое сепак не беше целосно добро за клубот од италијанската престолнина. Пауло имаше еден жесток судир со противнички фудбалер и веднаш алармираше со своите болни гримаси, а загрижувачка изјава по натпреварот даде и искусниот Мурињо. Дибала го напушти теренот со солзи во очите, па бидејќи се работи за повреда на коленото, првите импресии не се воопшто оптимистички. – Јас ги слушам моите играчи. Пауло не е оптимист за повредата и затоа и јас не сум оптимист. Мора да почекаме неколку дена додека да бидат направени резултати, но јас верувам на искуството кое го имаат моите фудбалери. Тој добро си го познава телото, Пауло не е оптимист, па не можам да бидам и јас. Медицинските лица се огласуваат само откако ќе бидат направени сите тестови, – изјави Мурињо.

Рома веќе започна да го бара наследникот на Мурињо

Бошко Тасиќ — Tue, 03 Oct 2023 04:01:15 +0000

Договорот на Жозе Мурињо со Рома истекува на крајот од оваа сезона, а менаџментот на римскиот клуб веќе почнал потрага по негов наследник. Како што известуваат италијанските медиуми, прв фаворит за позицијата е Антонио Конте кој е без ангажман од март оваа година кога спогодбено ја прекина соработката со Тотенхем. Наводно, Конте е подготвен да прифати плата од 7-8 милиони евра по сезона, но ќе бара и сериозни инвестиции во играчкиот кадар за да може да се бори за шампионската титула во Серија А.

и.

Мурињо сака во Рома да го доведе Санчо

Бошко Тасиќ — Wed, 27 Sep 2023 04:02:09 +0000

Тренерот на Рома, Жозе Мурињо сака неговиот тим да го ангажира играчот на Манчестер Јунајтед, Џејдон Санчо. Рома сака да го искористи моментот кога Санчо е суспендиран и тргнат од првиот тим на „Црвените ѓаволи“ и да го донесе на „Олимпико“. Санчо го загуби местото во тимот поради несогласувања со Ерик тен Хаг. Сепак, шансите на Рома да го купи крилниот играч се мали, со оглед на неговата цена која ја бара Јунајтед. Тимот од „Олд Трафорд“ за него сака 60 милиони евра, или 30 милиони помалку од оние кои ги даде за негово доведување. Засега Манчестер не се согласува на позајмица, туку само продажба. За Санчо е заинтересирана и Борусија Дортмунд, која сака да го врати играчот, меѓутоа челниците на „милионерите“ не се задоволни од однесувањето на англискиот фудбалер кој неколку пати задоцнил на тренинзите на својот тим, а е наклонет и на видео игри.

Легендата на Рома е нов селектор на репрезентацијата на Турција

Бошко Тасиќ — Thu, 21 Sep 2023 04:12:25 +0000

Винченцо Монтела, и официјално е нов селектор на репрезентацијата на Турција. Тој денес потпиша тригодишен договор, што значи дека ќе ја води селекцијата на Турција до Светското првенство во 2026-тата година. Неговата прва цел е да ги подобри резултатите и да се пласира на Европското првенство следната година, а потоа и пласман на Светското првенство во САД, Канада и Мексико. Монтела доаѓа на местото на Штефан Кунц кој доби отказ после ремито против Ерменија на домашен терен .

Рома победи 7:0, Мурињо незадоволен од настапот на неговите избраници

Ивана Ефремовски — Mon, 18 Sep 2023 06:12:04 +0000

Тренерот на Рома, Жозе Мурињо не е задоволен од играта на неговите фудбалери на синоќешниот дуел со Емполи во четвртото коло од Серија А и покрај убедливата победа со 7:0. -Добар настап, но не за 7:0. Сакавме да победиме, да победиме со комфорен резултат. Имаше подеми и падови, вклучително и во однос на кондицијата, па сите не беа подготвени да играат 90 минути со висок интензитет. Жал ми е за Емполи, но таков е фудбалот. Понекогаш тоа се случува. Мене некои работи во играта на мојот тим не ми се допаднаа. Заедно со моите помошници ќе анализираме сè подетално подоцна, изјави Мурињо за „Football Italia“. Португалецот додаде дека Рома не е истиот тимот каков што се покажа во последните недели. -Мислам дека не бев толку страшен тренер како што рекоа минатата недела. И сега веднаш не станавме извонреден тим. Ние сме тим кој има потенцијал и нашата цел е да одиме натпревар по натпревар и да победуваме. Не ми беше важно дали Лукаку ќе даде гол. Можеби ова е важно за него, знам дека напаѓачите живеат за голови. По трансферот тој целосно се посвети на тимот, па не е важно дали ќе постигне гол или не. Секако, по голот се чувствува посреќен, тоа е идеална ситуација за него, додаде Мурињо. По овој натпревар, Рома се искачи на 12. место во поредокот на италијанското првенство, освојувајќи 4 бода. Ова е прва победа за тимот на Жозе Мурињо во сезоната. Емполи е на последното место (0 бодови). (МИА)

Рома го претстави своето големо засилување, Ромелу Лукаку

Ристе Здравков — Thu, 31 Aug 2023 10:59:57 +0000

Во финишот од преодниот рок Рома успеа да донесе големо засилување, Ромелу Лукаку по третпат ќе работи со Жозе Мурињо. „Рома со задоволство може да го соопштеи потпишувањето со белгискиот напаѓач Ромелу Лукаку од Челси. Тој доаѓа на позајмица до 30 јуни 2024“, стои во соопштението на римскиот клуб. Лукаку вели дека приемот кој го добил од фановите и од клубот му дава дополнителна мотивација да даде се од себе за тимот. „Приемот кој го добив од овој клуб и од фановите ме возбуди и ми даде уште поголема мотивација да дадам се од себе за мојот нов тим. Како противник ја имам почувствувано атмосферата на Олимпико и ја почувствував топлината на романистите. Сега е убаво да се знае дека сум дел од тоа. Неодамна зборував со сопствениците на клубот и бев импресиониран од нивните амбиции. Сега морам да работам, да бидам скромен и да напредувам од меч во меч. Не можам да дочекам да се ставам на располагање на моите соиграчи и на теренот и надвор од него“, вели Лукаку.