роман абрамовиќ – Kurir.mk

Во најновата песна Карлеуша пее за Роман Абрамовиќ – пејачката „му фрли око“ на рускиот тајкун, од зборовите нема да му биде добро на Душко Тошиќ! (ВИДЕО)

Дарко Андоновски — Mon, 21 Aug 2023 12:16:52 +0000

Пејачката Јелена Карлеуша ја изненади публиката откако вчера го издаде новиот албум кој се вика „Омега“ и е продолжение на нејзиниот претходен албум „Алфа“ кој излезе пред само неколку дена. Песната која веднаш им бодеше очи на сите и стана голем хит во првите 24 часа, е именувана како „Романе“. Во неа Карлеуша пее за рускиот олигарх Роман Абрамовиќ и го моли да не потпише пред брачен договор и пее дека ќе биде негова љубов и да го сака. -Песната е посветена на рускиот тајкун Роман Абрамовиќ и тој е супер тип. Паметен, убав и богат со добар изглед, вели текстописецот. Таа додава дека од сите олигарси Роман се одвојувал и дека и бил инспирација за песната. Инаку песната настанала пред војната во Украина, а напишана е пред две години.

ИЗГРАДЕНА Е ВО КАРПА И СЕ ГЛЕДА ОД СЕКОЕ МЕСТО – ова е луксузната вила со приватна плажа на Роман Абрамович во Црна Гора (ФОТО)

Дарко Андоновски — Thu, 20 Jul 2023 12:50:13 +0000

Роман Абрамович е еден од највлијателните руски богаташи. Милијардерот и поранешен сопственик на европскиот клупски фудбалски шампион Челзи често сака да доаѓа во Црна Гора, а за тоа има голема причина. Секое лето со својата јахта богатиот Абрамович посетува разни мориња и има едно задолжително застанување. Градот Круче. Скриената убавина на Црна Гора, во близина на Улцињ. Огромната резиденција има неколку ката, или нивоа. Тој е многу впечатлив затоа што има бела боја и има милион стаклени прозорци и врати кои, кога ги рефлектираат сончевите зраци, прават да блесне со неверојатна светлина. Веднаш под неа се наоѓа мала плажа, која, според приказната на мештаните, настанала со детонирање на карпа. На оваа голема вила инаку може да се пријде само по воден пат или мала патека што води низ шумата.

Велика Британија го замрзна имотот на соработници на Роман Абрамович

Магдалена Андонова — Thu, 14 Apr 2022 20:07:52 +0000

Велика Британија го замрзнува имотот вреден 10 милијарди фунти (12 милијарди евра) на двајца руски олигарси кои се опишани како долгогодишни деловни соработници на рускиот милијардер и сопственик на Челзи, Роман Абрамович, соопшти денеска британското Министерство за надворешни работи. Замрзнат е имотот на директорот на фудбалскиот клуб Челзи, Јуџин Тененбаум, кој ја презеде контролата врз компанијата Еврингтон Инвестментс поврзана со Абрамович, по почетокот на руската инвазија на Украина. Другиот санкциониран Русин е Давид Давидович, чии средства се замрзнати и му е забрането патување. Британската влада соопшти дека мерките „ги намалуваат клучните извори на приход за воената машина на Путин“ поради руската инвазија на Украина. Британската влада го замрзна имотот на Абрамович во март како дел од санкциите против богатите Руси тесно поврзани со Кремљ.

Абрамович присуствува на преговорите меѓу Русија и Украина во Истанбул

Дарко Андоновски — Tue, 29 Mar 2022 08:28:50 +0000

Рускиот бизнисмен и милијардер Роман Абрамович, кој беше санкциониран од Западот поради инвазијата на Москва врз Украина, присуствува на мировните преговори меѓу руската и украинската делегација во Истанбул, објави Би Би Си. На снимките што ги објавија турските медиуми, Абрамович не се наоѓа на главната маса за преговори, но се гледа како седи покрај Ибрахим Калин, портпаролот на турскиот претседател Реџеп Тајип Ердоган, и носи слушалки за превод. Медиумите наведуваат дека Абрамович накратко разговарал со Ердоган пред почетокот на преговорите во Истанбул. Во разговорот учествувал и турскиот министер за надворешни работи Мевлут Чавушоглу. „Волстрит журнал“ вчера објави дека Абрамович, кој го прифатил барањето на Украина да помогне во преговорите за ставање крај на руската инвазија, и украинските мировни преговарачи неодамна имале симптоми на труење по состанокот во Киев. Неименуван американски функционер подоцна изјави дека разузнавачките податоци сугерираат дека симптомите на лошата здравствена состојба на рускиот милијардер Роман Абрамович и украинските мировни преговарачи биле резултат на фактори на околината, а не на труење. Нова рунда преговори меѓу руската и украинската делегација почна денеска во Истанбул, истакна советникот на украинскиот претседател Михаил Подољак. Во меѓувреме, една украинска телевизија објави дека членовите на двете делегации не се ракувале пред почетокот на разговорите.

Абрамович им обезбеди бесплатен престој на лондонските лекари во хотелот на стадионот на Челзи

Дарко Андоновски — Wed, 18 Mar 2020 12:51:13 +0000

Сопственикот на Челси, Роман Абрамович, им обезбедил на лондонските лекари бесплатно сместување во хотелот „Милениум“ на стадионот „Стемфорд Бриџ“, се вели на официјалната веб-страница на клубот од Лондон. Сите трошоци ги презеде рускиот бизнисмен. Хотелот може да го користат лекари кои треба да работат до доцна заради епидемијата на коронавирус. За да можат да избегнат долги патувања дома низ градот. Забележано е дека хотелот е подготвен да им ги обезбеди на лекарите сите потребни простории. Светската здравствена организација (СЗО) официјално објави пандемија, во карантин се голем број земји, а најголемиот број спортски настани се откажани или одложени.

Абрамовиќ нема намера да го продава Челзи

Дарко Андоновски — Fri, 26 Oct 2018 11:31:10 +0000

Сопственикот на Челзи, Роман Абрамовиќ нема намера да го продава клубот и покрај интересот на најбогатиот чешки бизнисмен, Петр Келнер, соопштува „Скај Спортс“. Според чешкиот весник „Тајден“, Келнер има желба да започне преговори со Абрамовиќ за евентуалното купување на дел од акциите на Челзи. Меѓутоа, според „Скај“, таквите разговори се уште не се случиле и најверојатно нема да се одржат. Роман Абрамовиќ го купи Челзи во 2003-та година, но во последните месеци се зборуваше многу за тоа дека рускиот милијардер има желба да го продаде клубот. Во јуни, Русинот одбил понуда од 2 милијарди фунти од најбогатиот Британец, Сер Џим Ратклиф.

Абрамовиќ го сака Зидан во Челзи

Даниел Василев — Fri, 01 Jun 2018 15:27:53 +0000

Само што го напушти Реал Мадрид, Зинедин Зидан бил контактиран од претседателот на лондонски Челзи, Роман Абрамовиќ за да ја преземе клупата тој клуб. Британските медиуми пишуваат дека Абрамовиќ ги стопирал преговорите со Италијанецот Маурицио Сари поади изненадната оставка на Французинот по третата по ред титула во Европа. Челзи моментно го има менаџерот Антонио Конте, но нему најверојатно ќе му следува отказ поради променливите резултати во минатата сезона. Абрамовиќ сака негов наследник да биде легендарниот Зидан, иако тој се договори со Сари, кој сега е негова втора опција. Меѓутоа, големо е прашањето дали Зидан е подготвен да оди во турбулентниот Челзи, особено зашто сака одмор по Реал Мадрид.

Абрамович ја запре изградбата на новиот стадион на Челзи

Даниел Василев — Thu, 31 May 2018 13:54:31 +0000

Проектирањето и планирањето на новиот стадион на Челзи беше изненадувачки запрено. Ова стана јасно од кратка порака која беше објавена на официјалната веб страница на „сините“. Од „Стемфорд бриџ“ објавија дека сите активности поврзани со изградбата на новиот клубски стадион, кој се очекуваше да го чини Роман Абрамович над милијарда фунти, сега се прекинати. Одлуката беше донесена поради „неповолната инвестициска клима“, пишуваат од Челзи. Неодамна, сопственикот на тимот од Лондон беше одбиен за обновување на својата виза во Англија, а неколку дена подоцна стана јасно дека добил израелско државјанство. Голем број медиуми објавија дека не е исклучено Абрамович да се пресели во Тел Авив. МИА