роман на годината – Kurir.mk

Десет романи во трка за наградата „Роман на годината“

Ивона Петрова — Fri, 03 Mar 2023 07:08:28 +0000

Жири-комисијата за наградата „Роман на годината“ за 2022 година, што ја доделува Фондацијата за унапредување и промоција на културните вреднисти „Славко Јаневски“, во втората селекција избра десет романи што останаа во конкуренција за оваа престижна награда: 1. „Водни тела“, Ана Аврамовска, „Паблишер“ 2. „Папокот на светлината“, Венко Андоновски, „Три“ 3. „Писмо за Глорија“, Живко Грозданоски, „Или Или“ 4. „Анатрос“, Хари Кацановски, „Арс Либрис“ 5. „Времето пред приказната“, Митко Маџунков, „Три“ 6. „Нема шума без волци“, Велко Неделковски, „Пагома Прес“ 7. „Столб што пее“, Томислав Османли, „ВиГ Зеница“ 8. „Синовите на Адам“, Михајло Свидерски, „Восток“ 9. „Вистинита но не многу веројатна историја за семејството Пустополски за куќата покрај Вардар и за четирите прстени“, Влада Урошевиќ, „Арс Либрис“ 10. „Естом“, Николина Андова Шопова, „Или Или“ Во состав на жирито се: Симона Јованоска (минатогодишен лауреатка и претседателка на Комисијата), Гоце Ристовски, Илир Ајдини, Сашо Кокаланов и Катерина Богоева (претставник на Фондацијата „Славко Јаневски“). Како што информира Фондацијата „Славко Јаневски“, на конкурсот годинава пристигнале 35 романи, а во првата селекција жирито избра 19 наслови. Според пропозициите, насловот на наградениот роман и името на авторот ќе бидат соопштени на прес-конференција на 15 март. Наградата „Роман на годината“ годинава ќе биде врачена по 24-ти пат. Наградата, чиј генерален покровител е Комерцијална банка АД Скопје, се состои во паричен износ од 150.000 денари, плакета и оригинална статуетка.

Избрани 19 романи во првата селекција за наградата „Роман на годината“

Тале Кристо — Fri, 17 Feb 2023 07:20:28 +0000

Жири-комисијата за наградата „Роман на годината“ за 2022 година што ја доделува Фондацијата за унапредување и промоција на културните вредности „Славко Јаневски“, а во состав Симона Јованоска (претседател), Гоце Ристовски, Илир Ајдини, Сашо Кокаланов и Катерина Богоева (претставник на Фондацијата) ја направи првата селекција од пристигнатите 35 романи, избирајќи 19 наслови што ја продолжуваат трката за престижната награда. Жири-комисијата констатира дека годинашната продукција се одликува со широка жанровска и тематска разноликост. Добитникот на наградата ќе биде соопштен најдоцна до 15 март. Наградата „Роман на годината“, чиј генерален покровител е „Комерцијална банка“ АД Скопје, се состои од плакета, оригинална статуетка и паричен износ од 150.000 денари. Наградата „Роман на годината“ годинава се доделува по 24-ти пат, соопшти Фондацијата „Славко Јаневски“.

Распишан конкурсот за наградата „Роман на годината“

Ивана Ефремовски — Thu, 15 Dec 2022 06:50:36 +0000

Фондацијата за унапредување и промоција на културните вредности „Славко Јаневски" денес (четврток, 15 декември) го распиша конкурсот за наградата „Роман на годината за 2022 година" кој ќе трае до 15 јануари следната година. Право на учество имаат романите кои за првпат се објавени на македонски јазик во 2022 година. Наградата „Роман на годината", чиј генерален покровител е „Комерцијална банка“ АД Скопје, се состои од паричен износ од 150.000 денари, оригинална статуетка и плакета. Од Фондацијата велат дека кандидатите се обврзани да достават по пет примероци од романот кои не се враќаат, во читалницата „Славко Јаневски" во Скопје (ул. „Димитрие Чуповски" бр. 23/1-1) секој работен ден од 14 до 20 часот или по пошта на адреса на Фондацијата „Славко Јаневски“, бул. „Кузман Јосифовски Питу" 19/6-40, 1000, Скопје. Доколку бидат испратени по препорачана пошта, ќе бидат прифатени оние романи коишто благовремено ќе бидат доставени со дата на печатот заклучно со 15 јануари 2022 година. Пожелно е и доставување на романи во електронска верзија на адресата: [email protected] Одлуката за добитникот на наградата петчлената жири-комисија е обврзана да ја донесе најдоцна до 15 март 2022 година, а следниот работен ден да ја објави на прес-конференција. Наградата „Роман на годината"ќе биде доделена по 24-ти пат.

Доделување на наградата „Роман на годината“ од Фондацијата „Славко Јаневски“

Ивона Петрова — Tue, 30 Aug 2022 05:43:44 +0000

Фондацијата за унапредување и промоција на културните вредности „Славко Јаневски“ вечер во 20 часот, во кафе барот „Филхармонија“ ќе ја додели наградата „Роман на годината“ за 2021 година. -Годинашен лауреат на наградата е Симона Јованоска за романот „Денот на црвот“ („Или-или“, 2021), информираат од Фондацијата. Генерален покровител на наградата е „Комерцијална банка“ АД Скопје, а наградата е поддржана од Министерството за култура на РСМ.

Десет романи во конкуренција за наградата „Роман на годината“

Ивона Петрова — Thu, 03 Mar 2022 07:16:30 +0000

Жири-комисијата за наградата „Роман на годината“ за 2020 година што ја доделува Фондацијата за унапредување и промоција на културните вредности „Славко Јаневски“, во состав Владимир Јанковски (претседател), Катица Гароска Ацевска, Ермис Лафазановски, Лилјана Пандева и Катерина Богоева (претставник на Фондацијата) избра десет романи што ја продолжуваат трката за престижната награда. Се очекува следната недела жири-комисијата да го објави најтесниот избор на романите што конкурираат за наградата „Роман на годината“. Жири-комисијата треба да го соопшти добитникот на наградата најдоцна до 15 март. Наградата „Роман на годината“, чиј генерален покровител е „Комерцијална банка“ АД Скопје, се состои од плакета, оригинална статуетка и паричен износ од 150.000 денари. Наградата „Роман на годината“ годинава се доделува по 23-ти пат.

Во конкуренција 39 романи за наградата „Роман на годината“

Тале Кристо — Thu, 20 Jan 2022 11:51:58 +0000

Жири-комисијата за доделување на наградата „Роман на годината“ што ја доделува Фондацијата за унапредување и промоција на културните вредности „Славко Јаневски“, во состав Владимир Јанковски (претседател), Катица Гароска Ацевска, Ермис Лафазановски, Лилјана Пандева и Катерина Богоева (претставник на Фондацијата), констатираше дека годинава во конкуренција се пријавиле 39 романи. Жири-комисијата е должна да го соопшти добитникот на наградата најдоцна до 15 март оваа година. Наградата „Роман на годината“, чиј генерален покровител е „Комерцијална банка“ АД Скопје, годинава се доделува по 23-ти пат и се состои од плакета, оригинална статуетка и паричен износ од 150.000 денари. 1. „Сантос блуз“, Ненад Алексовски, „Арс Либрис“ 2. „Опасна игра“, Мери Арсова, „Арс Либрис“ 3. „Вистинска илузија во лажен свет“, Ангела Бош, „Ѓурѓа“ 4. „Искра во мракот“, Е.Н.Веровска, „Муза“ 5. „Се викам Лена“, Јагода Глигоровска, „Попули“ 6. „Отпадот од духовните контејнери“, Јован Дамјановски, Тетово: „Напредок“ 7. „Убиствата на пеперутката“, Теодора Ристеска Даскаловски, „Антолог“ 8. „Втората месечина“, Владо Димовски, „Арс Либрис“ 9. „Сигурен ризик“ , Анде Јанков, „Антолог“ 10. „Најосаменото место“, Симеон Јанков, „Или Или“ 11. „Денот на црвот“, Симона Јованоска, „Или Или“ 12. „Атласот на тајните“, Дејан Крстески,-Гостивар: Д.Крстески 13.„Уништување“, Моџо Килингтон, „Арс Либрис“ 14. „Тегли“, Јордан Коцевски, „ПНВ Публикации“ 15. „Афера во музејот на пари“, Сашо Кузмановски, „Арс Либрис“ 16. „Црната круна“, Илија Магденоски, „Антолог“ 17. „Анатомија на бумбарот“, Стефан Марковски, „Паблишер“ 18. „Лулу“, Јана Мишо, „Арс Либрис“ 19. „Ловци на лажни вести од зграда 39“, Огнен Неделковски, Детски културен центар „Карпош“, Скопје 20. „Врисок за избор“, Јадранка Павлек.-Св.Николе:Ј.Димитриева 21. „Велиново“, Димче Парталоски, „Топер“ 22. „Осамата на Мона Н.“, Загорка Поп-Антоска Андова, Центар за образование, култура и уметност „Данаил Станојески“ 23. „Старчето“, Ѓорѓи Прчков, „Графо Пром“ 24. „Патлачето“, Ѓорѓи Прчков, „Графо Пром“ 25. „Сенки во подземјето“, Марија Ралповска, „Арс Либрис“ 26. „Музеј на детството“, Алма Растодер, „Арс Либрис“ 27. „Албино трип“, Александар Русјаков, „Арс Либрис“ 28.„Трамонтана“, Наташа Сарџоска, „Три“ 29. „Брезите што шумеа крај Темза“, Катерина Серафимовска, „Арс Либрис“ 30. „Плетачката на тантели“, Билјана Станковска, „Феникс“ 31. „Баба“, Луан Старова, „Паблишер“ 32. „Теорија за кучешката година“, Милован Стефановски, „Матица Македонска“ 33. „Лебед“, Ана Стојаноска, „Полица“ 34. „Ноќите кога заспивавме во Помпеја“, Давор Стојановски, „Или Или“ 35. „Храмот на натписите“, Петар Стојановски, „Арс Либрис“ 36. „Деса“, Ивана Трајаноска, „Арс Либрис“ 37. „Еден сив мартовски ден“, Тања Урошевиќ, „Или Или“ 38. „Веќе не сум истиот“, Војо Цветановски, „Арс Либрис“ 39. „Ден за одмазда“, Ивица Челиковиќ, „Паблишер“

Прогласување на Роман на годината, во потесниот избор пет романи

Ивона Петрова — Mon, 15 Mar 2021 06:19:16 +0000

Фондацијата „Славко Јаневски“ денеска на прес-конференција ќе го соопшти името на годинашниот добитник на наградата „Роман на годината“. На годинашниот конкурс беа пристигнати 40 романи, а лауреатот ќе добие статуетка, плакета и паричен износ од 150 илјади денари. Во најтесниот избор за наградата влегоа пет романи – „Лето во кое те нема“ од Петар Андоновски („Или – или“), „Суво мастило“ од Владимир Илиевски („Македоника литера“), „Скриени желби, немирни патувања“ од Владимир Јанковски („Антолог“), „Сфинга на гневот“ од Жарко Кујунџиски („Антолог“) и „Куќа над брановите“ од Билјана С. Црвенковска („Чудна шума“). Во состав на жири комисијата беа Оливера Николова, која беше лауреат за 2019 година, Зоран Анчевски, Калина Малеска, Живко Гроздановски и Катерина Богоева. Наградата „Роман на годината“ се доделува по 22 пат, а во 2019 година наградата и беше врачена на Оливера Николова за „Песот со тажен поглед“.

Пет романи во најтесен избор за наградата „Роман на годината“

Ивона Петрова — Mon, 08 Mar 2021 08:53:12 +0000

„Лето во кое те нема“ од Петар Андоновски („Или – или“), „Суво мастило“ од Владимир Илиевски („Македоника литера“), „Скриени желби, немирни патувања“ од Владимир Јанковски („Антолог“), „Сфинга на гневот“ од Жарко Кујунџиски („Антолог“) и „Куќа над брановите“ од Билјана С. Црвенковска („Чудна шума“) се петте романи што влегоа во најтесниот избор за наградата „Роман на годината“ што ја доделува Фондацијата за унапредување и промоција на културните вредности. Жири-комисијата во состав: Оливера Николова (претседателка), Зоран Анчевски, Калина Малеска, Живко Гроздановски и Катерина Богоева (претставник на Фондацијата) ќе го соопшти лауреатот на годинашната награда „Роман на годината“, која се доделува под генерално покровителство на „Комерцијална банка“ АД; Скопје, следниот понеделник, на 15 март, на прес-конференцијата во кафе-книжарницата „Буква“ во Скопје, информираат од Фондацијата „Славко Јаневски“. Наградата „Роман на годината“ годинава се доделува по 22-ри пат и таа се состои од плакета, оригинална статуетка и паричен износ од 150 илјади денари.

Девет романи во конкуренција за наградата „Роман на годината“

Ивона Петрова — Fri, 26 Feb 2021 07:03:37 +0000

Жири-комисијата за наградата „Роман на годината“ за 2020 година во втората селекција одбра девет романи кои останаа во конкуренција за добивање на оваа престижна награда. На годинашниот конкурс пристигнаа 41 роман, а жири комисијата во првата селекција одбра 18 наслови. Според пропозициите, насловот на наградениот роман и името на авторот ќе бидат соопштени на прес-конференција на 15 март, петок. Во жири комисијата, која одлучува при изборот на романите, се Оливера Николова (минатогодишна лауреатка и претседателка на Комисијата), Зоран Анчевски, Калина Малеска, Живко Грозданоски и Катерина Богоева (претставник на Фондацијата „Славко Јаневски“). Наградата „Роман на годината“, што ја доделува Фондацијата за унапредување и промоција на културните вредности „Славко Јаневски“, годинава ќе биде врачена по 22 пат. Наградата, чиј генерален покровител е „Комерцијална банка“ АД Скопје, се состои во паричен износ од 150.000 денари, плакета и оригинална статуетка.

На конкурсот за наградата „Роман на годината“ пријавени 40 романи

Ивона Петрова — Thu, 21 Jan 2021 06:45:02 +0000

Во средата, на 20 јануари се конституираше жири-комисијата за доделување на наградата „Роман на годината“, што ја доделува Фондацијата за унапредување и промоција на културни вредности „Славко Јаневски“. Жири-комисијата е во состав: Оливера Николова (минатогодишна лауреатка и претседателка на Комисијата), Зоран Анчевски, Калина Малеска, Живко Гроздановски и Катерина Богоева (претставник на Фондацијата). Жири-комисијата ќе направи неколку селекции од романите во конкуренција, а конечната одлука за добитникот мора да ја донесе најдоцна до 15 март годинава. Инаку, годинава на конкурсот пристигнаа дури 40 наслови, а наградениот роман ќе се закити со статуетка, плакета и награда во паричен износ од 150.000 денари. Наградата „Роман на годината“ чиј генерален покровител е „Комерцијална банка“ АД, Скопје, годинава се доделува по 22 пат. „Песот со тажен поглед“ на писателката Оливера Николова е лауреатот на „Роман на годината“ за 2019 година, а Николова е и првата од досегашните добитници која оваа награда ја доби по вторпат, по наградата за романот „Куклите на Росица“ објавен во 2004 година.