романовце – Kurir.mk

Краткотраен застој на патарината Романовце поради технички проблем

Ивана Ефремовски — Mon, 26 Sep 2022 13:34:17 +0000

На Коридорот 10 на автопатот „Пријателство“ на наплатната станица Романовце претпладнето имаше пад на системот за наплата на патарините и краткотраен застој во сообраќајот, соопшти Јавното претрпијатие за државни патишта. -Веднаш беше интервенирано за санирање на техничкиот проблем, а во периодот додека се одвиваа работите за отстранување на проблемот на наплатата станица се премина на наплата на патарините со таканаречени интервентни билети со цел да не се созадава гужва и застој во сообраќајот, се наведува во соопштенито. Од ЈПДП им се извинуваат на граѓаните кои мораа да го забават своето движење во правец од Табановце-Куманово-Миладиновци и обратно заради настанатиот технички проблем. (МИА)

Товарен воз се излизга кај Романовце, нема повредени

Ивона Петрова — Wed, 28 Apr 2021 09:56:30 +0000

Товарен воз се излизга на пругата во село Романовце, Кумановско нема повредени лица, соопштија денеска од ЈП за Железничка инфраструктура, Железници на Република Северна Македонија- Скопје. Несреќата се случила во 9:20 часот кога товарниот воз кој сообраќаел од Трубарево кон Куманово и превезувал толчаник (камен) за потребите на ЈП за Железничка инфраструктура се излизгал и се случила хаварија на 14 вагони од вкупно 20-те вагони. Од претпријатието соопштија дека оштетена е и пругата и ќе има застој на коридорот 10. -Комисијата за вонредни настани која е составена од стручни лица вработени во АД МЖ Транспорт и ЈП МЖ Инфраструктура е излезена на местото за да направи увид и ги открие причините за несреќата, соопштија надлежните. Од Јавното претпријатие велат дека првин ќе се расчисти пругата од излизганите вагони, по што стручни екипи ќе извршат санација на оштетениот дел. -Ќе се работи со засилен интензитет за да може што е можно побргу, повторно да се воспостави сообраќајот на Коридорот 10, кој е од најголемо значење за железничкиот сообраќај во државата,наведуваат претпријатието. Од СВР Куманово велат дека кај нив настанот е пријавен и дека нивна екипа врши увид

Тажна вест: Осма жртва од експлозијата во Романовце, почина 10-годишното дете

Катерина Бојаџиева — Thu, 12 Mar 2020 19:38:22 +0000

Десетгодишното дете кое беше повредено во експлозијата на плинска боца во Романовце, почина денеска во Градската болница „Св.Наум Охридски“ каде што беше хоспитализирано, потврди директорот на болницата Љубен Арсенков. Починатото дете имало 70 проценти изгореници на телото. Тоа е осма жртва од несреќата во Романовце. Минатата недела почина 55-годишен маж, а претходно и две жени, едната на 63-годишна возраст, другата 36-годишна, како и еден маж на 58 годишна возраст. На местото на несреќата што се случи на 23 февруари загинаа три деца на осум, девет и 11 години.

Трагедијата продолжува: Почина уште еден повреден од Романовце, вкупно седум жртви

Ивана Ефремовски — Thu, 05 Mar 2020 08:44:39 +0000

Утринава почина уште еден од повредените во трагедијата со плинската боца што пред две недели се случи во кумановското село Романовце. Со тоа вкупниот број на загинати достигна седум лица. Станува збор за аџи Елјаса Алими, член на семејството каде што се случи експлозијата. Извор: АЛСАТ

Расте бројот на загинати од трагедијата во Романовце- жена е петтата жртва од експлозијата

Дарко Андоновски — Wed, 26 Feb 2020 15:05:03 +0000

Денеска, во 13.20, на раните им подлегна 36 годишната пациентка, која беше во критична состојба. Веста ја потврди и директорот на Ургентен Центар, Илир Хасани. Досега, од експлозијата на плинска боца во Романовце, животот го загубија три деца на возраст, од осум, девет и единаесет години и 58-годишен маж. Во Ургентниот центар се наоѓаат и двајца други лица, кои се во тешка состојба. Двајца други пациенти се Клиниката „Свети Наум Охридски“.

Ден на жалост во Куманово по трагедијата во Романовце

Ивона Петрова — Tue, 25 Feb 2020 06:17:30 +0000

Денес на жалост е денеска во Куманово, откако советниците на Општината вчера едногласно ја донесоа оваа одлука на вонредната седница закажана по повод трагичниот настан во Романовце каде што во семејна куќа по експлозија на плинска боца и пожар на место загинаа три дечиња, подоцна и 58 годишен маж го загуби животот, а вкупно седумина беа повредени. Знамињата ќе бидат истакнати на половина копје, културните, спортските и забавните манифестации ќе бидат одложени. Советниците со едноминутно молчење им одадоа почит на загинатите. Кумановскиот градоначалник, Максим Димитриевски, нагласи дека кумановци сочуствуваат со болката на семејствата Алими и Сакипи. Тој апелираше до надлежните државни институции да ја утврдат фактичката состојба и да изнесат детали. Димитриевски во свое и во име на кумановци изрази сочуство до семејствата на настраданите, и им посака закрепнување на повредените и оние кои се борат за животите. – Најмалку што можеме да направиме е да прогласиме ден на жалост во мултикултурно Куманово кое припаѓа на сите. Сакам да ја искажам намерата на општината и граѓаните, бидејќи во овие моменти сите сме сполетни без разлика на етничката, верската, политичката припадност, заедно со овие семејства. Стоиме на располагање да помогнеме институцинално и вонинституционално, за да колку толку се ублажи болката на членовите на семејството и на сите кумановци, рече Димитриевски. На оваа седница се обратија и координаторите на повеќе советнички групи на СДСМ и коалицијата, Томица Илиќ, на ДУИ, Фатмир Идризи, на ВМРО ДПМНЕ и коалицијата, Драган Петковски, советничката Наиле Османи, Осама Муадини од Алијанса за Албанците, советникот Фериз Дервиши, кои изразија сочуство до семејствата на загинатите и најавија поддршка за семејствата. Координаторите на советничките групи и советниците се заблагодарија на ангажманот на медицинските екипи од Куманово и Скопје, како и на противпожарната единица од Куманово. Тие посакаа закрепнување на повредените. Дел од советниците побараа и поголема инспекциска контрола за производителите, дистрибутерите на плинските боци.

ВО ИСКЛУЧИТЕЛНО ТЕШКА СОСТОЈБА: Лекарите се борат за 6 животи, меѓу нив дете и бремена жена

Ивона Петрова — Mon, 24 Feb 2020 11:17:47 +0000

Шест лица се наоѓаат во тешка состојба по вчерашната експлозија на плинска боца во семејна куќа во Романовце, при што животот го загубија четири лица, меѓу кои три деца. Според денешните изјави од директорите на ТОАРИЛУЦ и ЈЗУ Универзитетска клиника за хирушки болести „Св.Наум Охридски”, најголем дел од хоспитализираните пациенти се во тешка состојба со висок степен на изгореници. Во овие две болници хоспитализирани се едно 10 годишно дете, четири жени од кои едната е бремена и еден маж. Во Старата градска болница се примени две жени, едната бремена, и 10 годишно дете. Жената на возраст од 31 година и детето се во тешка состојба со висок процент на изгореници, приклучени на апарати за вештачко дишење. -Жена (31) има изгореници од 80 проценти и е во крајно тешка состојба. Приклучена е апарати за вештачко дишење и има изгореници на дишните патишта. Втора пациентка има 28 години, таа е со 25 проценти изгореници по телото од втор степен, а потешка околност е тоа што е бремена во седми месец. Десет годишно детенце има 70 проценти изгореници и за жал е во тешка состојба на апарати за дишење, истакна Арсенков. Во тешка и критична состојба се тројцата пациенти кои се хоспитализирани во Клиничкиот центар „Мајка Тереза“ . Директорот на ТОАРИЛУЦ Хасани денеска информираше за состојбата двете жени на возраст од 35 и над 50 години и еден маж на возраст од 65 години. -Двете жени се во тешка и критична состојба. Се бориме со максимални сили да ја стабилизираме нивната состојба. Се работи за тешки изгореници со над 80 проценти, додека мажот е отприлика со изгореници од 45 проценти. Тројцата пациенти се на апарати за вештачко дишење со тешка и критична состојба, истакна Хасани. Синоќа на КАРИЛ на повредите им подлегна 60 годишен маж. Тој е четвртата жртва од експлозијата на плинска боца во семејната куќа во која вчера загинаа деца на возраст од 8, 9 и 11 години.

Во Градска: Дете и жена во тешка состојба по трагедијата во Романовце, бремената жена е со 28% изгореници

Ивона Петрова — Mon, 24 Feb 2020 10:52:09 +0000

Две жени, од кои една бремена, и 10 годишно дете се хоспитализирани во ЈЗУ Универзитетска клиника за хирушки болести „Св.Наум Охридски” по вчерашната експлозија на плинска боца во семејна куќа во Романовце. Директорот на болницата Арсенков за медиумите денес информираше дека жената на возраст од 31 година и детето се во тешка состојба со висок процент на изгореници, приклучени на апарати за вештачко дишење. -Жена (31) има изгореници од 80 проценти и е во крајно тешка состојба. Приклучена е апарати за вештачко дишење и има изгореници на дишните патишта. Втора пациентка има 28 години, таа е со 25 проценти изгореници по телото од втор степен, а потешка околност е тоа што е бремена во седми месец. Десет годишно детенце има 70 проценти изгореници и за жал е во тешка состојба на апарати за дишење, истакна Арсенков.

Повредените во Романовце се уште во критична состојба, две жени со над 80% изгореници

Ивона Петрова — Mon, 24 Feb 2020 10:16:47 +0000

Во тешка и критична состојба се тројцата пациенти кои се хоспитализирани во Клиничкиот центар „Мајка Тереза“ по експлозијата на плинска боца во кумановско Романовце. Директорот на ТОАРИЛУЦ Хасани денеска информираше за состојбата на повредените, хоспитализирани се тројца пациенти, две жени на возраст од 35 и над 50 години и еден маж на возраст од 65 години. -Двете жени се во тешка и критична состојба. Се бориме со максимални сили да ја стабилизираме нивната состојба. Се работи за тешки изгореници со над 80 проценти, додека мажот е отприлика со изгореници од 45 проценти. Тројцата пациенти се на апарати за вештачко дишење со тешка и критична состојба, истакна Хасани. Синоќа на КАРИЛ на повредите им подлегна 60 годишен маж. Тој е четвртата жртва од експлозијата на плинска боца во семејната куќа во која вчера загинаа деца на возраст од 8, 9 и 11 години.

ТРАГЕДИЈАТА ПРОДОЛЖУВА: На КАРИЛ почина уште една жртва од Романовце

Тале Кристо — Sun, 23 Feb 2020 20:34:05 +0000

Шеесетгодишен маж кој беше сместен на КАРИЛ им подлегна на повредите соопштија вечерва за Канал 5 од Ургентниот центар во Скопје. Тој е четвртата жртва од експлозијата на плинска боца во семејната куќа во која што претпладнево загинаа и три деца. Уште шестмина членови на семејството се повредени и се згрижени на скопските клиники.. Уште тројца се во исклучително тешка состојба со голем степен на изгореници.. Двајца од шестмината се сместени на КАРИЛ, двајца на пластична хирургија, а неизвесна е состојбата и на четириесетгодишна жена и десетгодишното дете, кои се хоспитализирани во старата градска болница „Св.Наум Охридски“, каде е примена и 20-годишна бремена жена.. Трагедијата се случи околу 10 часот, кога ексолодирала плинска боца, по што настанал и пожар.. Несреќните деца биле на возраст од 8, 9 и 11 години..