романтика – Kurir.mk

Само за романтични души: Стари љубовни филмови за гледање во двојка

Ивана Ефремовски — Mon, 19 Sep 2022 11:50:33 +0000

Доаѓа есен, а со неа и подолгите, дождливи вечери кои најдобро се минуваат со филмови во топла, пријатна атмосфера. Сместени под ќебе, во прегратките на саканата личност, ова се некои од најдобрите, најсоодветни љубовни филмови што можете да ги погледнете во двојка: „Титаник“ (Titanic, 1997) „Титаник“ е американска епска оскаровска романтична трагедија од 1997 година, во режија и по сценарио на Џејмс Камерон, и Леонардо ди Каприо и Кејт Винслет во главните улоги. Тие се фатални љубовници, засекогаш врежани во филмската историја. Иако главните ликови и љубовната приказна се целосно измислени, во филмот се појавуваат и вистински историски личности. Оценка на ИМДБ: 7,9 / 10. Оценка на „Ротен томатос“: 69 отсто од гледачите-оценувачи го препорачуваат. „Убава жена“ (Pretty Woman, 1990) Филмов ја лансираше Џулија Робертс на филмското ѕвездено небо. Се работи за приказна за проститутка и бизнисмен – луѓе од сосема различни светови кои наоѓаат нешто што ги насочи во иста насока. Ричард Гир е Едвард Луис, бескомпромисен бизнисмен кој патува во Лос Анџелес како дел од својата последна задача и решава да се опушти во друштво на проститутка. На неговиот повик одговара младата и убава Вивијан Вард (Џулија Робертс), која многу брзо му се допаднува и ја кани да ја минат цела недела заедно. На крајот, нивната врска се развива во сосема поинаква насока од планираната. Оценка на ИМДБ: 7,1 / 10. Оценка на „Ротен томатос“: 68 отсто. „Бележникот“ (The Notebook, 2004) Николас Спаркс е автор на романот што ја раскажува љубовната приказна за војник, повратник од Втората светска војна, кој не можејќи да ја пронајде својата голема љубов од минатото, мора да минува низ едно исто сеќавање што го има со неа… Според многу критичари и читатели, книгата е добра, но филмот е оној што целосно ја заведе публиката. Рајан Гослинг и Рејчел Мекадамс глумат во филмот под режисерската палка на Ник Касаветес. Оценка на ИМДБ: 7,8 / 10. Оценка на „Ротен томатос“: 85 отсто. Имаш пошта (You’ve Got Mail, 1998) Главните улоги во овој филм ги толкуваат Том Хенкс и Мег Рајан, кои се деловни ривали и всушност се натпреваруваат во целиот дел од филмот за, на крајот, се разбира, да ја реализираат својата љубовна приказна во идиличен пресврт. Оценка на ИМДБ: 6,7 / 10. Оценка на „Ротен томатос“: 73 отсто. „Запознајте го Џо Блек“ (Meet Joe Black, 1998) Филмот е исклучително успешна фантастична приказна за љубовта којашто успева да ја победи и смртта. Дело е на американскиот продуцент и режисер Мартин Брест, авторот и на филмот „Мирисот на жената“. Приказната е за Вилијам Периш (А. Хопкинс), богат и моќен бизнисмен, сопственик на медиумска империја, кој по смртта на неговата сакана сопруга, го посветува својот живот на својата работа и на неговите ќерки Алисон (Марша Геј Харден) и Сузан (Клер Форлани). По преживеан срцев удар, старецот е посетен од мистериозен странец со очигледно измислено име – Џо Блек (Бред Пит) – ангел што почнува да чувствува нешто што ниеден бессмртник не би требало да го почувствува – љубовта кон прекрасната ќерка на Периш, Сузан… Оценка на ИМДБ: 7,2 / 10. Оценка на „Ротен томатос“: 81 отсто. (МИА)

БИДЕТЕ ПОРОМАНТИЧНИ Десет совети за поголемо емотивно зближување со партнерот

Ристе Здравков — Sun, 26 Jun 2022 14:00:51 +0000

Без разлика дали сте на почеток на врската или 30 години брак, сентименталноста е секогаш во прашање Понекогаш сакате секс што го надминува физичкиот: секс што е полн со силни емоции, интензивен и нежен во исто време. Оној во кој се испреплетуваат не само две тела туку и две души. Еве неколку начини како да го направите поромантичен … Откријте што е романтично Запознајте се навистина Направете романтична средина Гледајте се во очи Бакнувајте се – насекаде Држете се за раце Бидете романтични секој ден Милувајте се повеќе Бидете нежни потоа Кажете како се чувствувате

Мажите родени во овие 3 хороскопски знаци се најромантични

Ивана Ефремовски — Wed, 20 Apr 2022 18:58:18 +0000

Мислите дека е невозможно да се најде идеален човек - меѓутоа, можеби ѕвездите можат да помогнат? Иако се карактерно различни - тие се духовити, нежни и сјајни љубовници.. 1. Бик Мажи родени во Бик се далеку најромантични на сите. Биковите претпочитаат да даваат наместо да земаат - тоа само ги прави среќни. Човекот роден во знакот на Бик ќе ве мази и негува- ќе ја исполни секоја ваша желба. 2. Риби Второто место е за Рибите. Мажите родени во Риби се природно слатки и со нив би сакале засекогаш да се мазите. Тие зрачат со романтичност. Рибите ќе ги надминат сите мали работи од секојдневниот живот со леснотија, без да се расправаат и без раскош - и со неверојатно романтични гестови. 3. Лав Не е на прво место, но е во топ три- Лав. Тој ќе се обиде да ве изненади. Лавот не се задоволува со ситници, сака да блесне. Ова исто така важи и за романтични гестови. Ако не останете без зборови, нешто не е во ред.

Денес е најромантичниот ден оваа година

Катерина Бојаџиева — Wed, 16 Feb 2022 07:58:25 +0000

Календарите ни кажуваат дека најромантичен ден во годината беше 14 февруари, но астролозите велат дека не е и дека еден друг датум оваа година е многу поважен за љубовниот живот. Според нив, најромантичниот ден во годината исто така е во февруари, но неколку дена по Денот на вљубените, поточно денес- 16 февруари. Денес ќе биде најромантичниот ден со оглед на тоа како се поставени планетите, пишува „My Imperfect Life“. Велат дека тогаш Марс е во врска со Венера во Јарец. Апсолутно немаме идеа што значи тоа, но тоа е наводно рецептот за романтика според астролозите. Денес е денот кога романтиката ќе биде на врвот, па не е лошо да го забележите во календарот и да го тестирате. За некои можеби ќе биде ден кога ќе им се појави некоја нова љубов во животот, кога ќе запознаат некој, кога нивната врска ќе оди едно скалило погоре или кога едноставно ќе се случи нешто убаво за нивниот љубовен живот. Доколку планираш да направиш некој голем љубовен ризик, можеби ова е денот кога ќе можеш да се обидеш тоа да го реализираш, ѕвездите ќе ти бидат наклонети, а кој би му пречела дополнителна среќа.

НЕ Е ДЕНЕСКА: Овој датум се смета за најромантичен оваа година, убаво запомнете го за да го прославите

Катерина Бојаџиева — Mon, 14 Feb 2022 10:21:09 +0000

Календарите ни кажуваат дека најромантичен ден во годината е 14 февруари, но астролозите велат дека не е и дека еден друг датум оваа година е многу поважен за љубовниот живот. Според нив, најромантичниот ден во годината исто така е во февруари, но неколку дена по Денот на вљубените, поточно 16 февруари. Тоа ќе биде најромантичниот ден со оглед на тоа како се поставени планетите, пишува „My Imperfect Life“. Велат дека тогаш Марс е во врска со Венера во Јарец. Апсолутно немаме идеа што значи тоа, но тоа е наводно рецептот за романтика според астролозите. Тоа е денот кога романтиката ќе биде на врвот, па не е лошо да го забележите во календарот и да го тестирате. За некои можеби ќе биде ден кога ќе им се појави некоја нова љубов во животот, кога ќе запознаат некој, кога нивната врска ќе оди едно скалило погоре или кога едноставно ќе се случи нешто убаво за нивниот љубовен живот. Доколку планираш да направиш некој голем љубовен ризик, можеби ова е денот кога ќе можеш да се обидеш тоа да го реализираш, ѕвездите ќе ти бидат наклонети, а кој би му пречела дополнителна среќа.

Што значи кога жената бара од својот партнер да биде романтичен: 10 работи на кои всушност мисли

Ристе Здравков — Tue, 05 Oct 2021 17:44:06 +0000

Жените сакаат да ги изненадите со романтичен гест, а понекогаш е доволно само една реченица. Ако мислите дека романтиката е изумрена, грешите. Женитетајно се надеваат дека мажите не ги заборавиле најважните работи – внимание, убави гестови и романтика. Честопати, малите гестови, кои доаѓаат од срце, се доволни за да ја направат жената среќна и да ја насмеат. На жените најмногу им се допаѓа кога ќе ги изненадите туку така, а не поради некој важен датум, бидејќи токму така покажувате дека секогаш мислите на неа. Романтиката е она што ја прави љубовта помеѓу две личности посебна и она што ја прави разликата помеѓу вашата врска и другите. Кога жената бара од вас да бидете поромантични, таа не бара од вас да потрошите повеќе пари, да направите нешто спектакуларно или да се претворите во нешто што не сте. За повеќето жени, да се биде романтичен значи да се обидува да се изрази нежност, но и овие 10 работи: 1) Бакнете ја во челото – тоа е одраз на обожавање и апсолутна посветеност 2) Кажете дека ќе останете на работа подолго, а потоа изненадете ја и дојдете порано 3) Пуштете ја вашата песна и поканете ја на танц 4) Донесете ѝ кафе и појадок во кревет 5) Оставете парчиња хартија со убави љубовни пораки насекаде во станот 6) Нарачајте преку достава нејзината омилена храна и десерт за да ја изненадите 7) Испланирајте викенд на планина 8) Купете ги нејзините омилени цвеќиња 9) Организирајте вечер само за двајцата, со шише омилено вино 10) Подгответе храна, пуштете филм што долго време сака да го гледа и стуткајте се еден до друг

Да дефинираме: Што за мажите претставува романтика, а што патетика?

Ивана Ефремовски — Tue, 02 Feb 2021 14:30:50 +0000

Идејата за совршено поминато време во паркот, во главата на мажите се разликува во голема мера за разлика од кај жените. Иако жените често им се лутат на своите момчиња поради недостаток на внимание, ги забораваат важните датуми или никогаш не им донеле букет со ружи, сепак мажите и не се толку лоши. Не станува збор за недостаток на емоции и чувства, туку сосема различна перцепција за она што претставува за нив романтично. Многу работи кои жените ги сметаат за голем знак на внимание, за мажите тоа претставува чиста патетика. Можеби е тешко да се поверува, но фраерите се романтични исто колку и жените, но само на малку поразличен начин. Пред Денот на вљубените, добро е да дефинираме: Што претставува за мажите патетично? - Прославата за годишница - Убава вечер па потоа гледање на филм - Романтични ноќи - Заеднички курс по танц - Љубовни писма - Смирување со секс - Скапоцени парфеми - Цвеќе за денот на вљубените Што претставува за мажите романтично? - Мали знакови внимание и подароци без никаков повод - Заедничко готвење и гледање филм - Романтични денови - Заеднички спортски активности - Секси пораки - Ден без караница - Мирисот на женската коса - Трчање на сонце - Подарување цвеќе на обичен ден

5 романтични филмови кои ја прикажуваат љубовта каква што е навистина

Ристе Здравков — Wed, 19 Aug 2020 08:09:27 +0000

Љубовните врски понекогаш се комплицирани. Сите парови наидуваат на различни пречки и не постојат врски без проблеми. Доколку сакате вистински љубовни приказни што ги прикажуваат љубовните врски со сите компликации и тешкотии, погледнете ги следниве 5 филмови. 1. „Како луд“ („Like Crazy“) Се прашувате со какви проблеми се соочуваат паровите што имаат врска на далечина? Овој филм ќе ви одговори на тоа прашање. Приказната започнува со романтично вљубување на прв поглед, кое многу брзо се претвора во страдање и исчекување што нема крај. Што се случува кога Англичанка и Американец ќе се вљубат лудо еден во друг и одлучуваат да ги прекршат барањата за виза? Различни временски зони, пропуштени повици, оддалеченост и одвоени животи кои е многу тешко да се поврзат. 2. „Сината е најтопла боја“ („Blue is the Warmest Color“) Дали некогаш ви се случило да се оддалечите од блиска личност затоа што едноставно започнавте да се развивате со различно темпо и во различни насоки? Иако тоа е сосема нормална животна појава, разделбата е ужасно болна кога се случува помеѓу луѓе што се сакаат. Овој филм е приказна за првата љубов, за истражувањето на сексуалноста, за хомофобијата, за стравот од осуда, за разликите и за созревањето. 3. „Вечното сонце на беспрекорен ум“ („Eternal Sunshine of the Spotless Mind“) Не постои личност која не сакала да ги избрише спомените што ја потсетуваат на поранешната љубов за време на болното раскинување. Во овој филм е можно тоа и ќе откриете што се случува кога некој ќе одлучи да го избрише споменот на големата љубов. Оваа надреалистична бајка на многу реален начин го покажува страдањето низ коешто секој поминал по раскинувањето. 4. „Само ти“ („Only You“) Приказната започнува идилично, маж и жена се обидуваат да влезат во истото такси и одеднаш се вљубуваат. Наскоро одлучуваат да живеат под ист покрив и да го прошират семејството, а потоа почнуваат да се појавуваат проблемите. Овој филм совршено покажува колку тешките периоди од животот може да влијаат и да предизвикаат сомнеж дури и врз најголемата љубов. 5. „Тажна врска“ („Blue Valentine“) Овој филм е еден од најтешките и најтажните филмови што некогаш ќе ги гледате. Преплетувањата на сцени од среќни денови со сцени од тешки периоди ќе ви го скршат срцето. Оваа љубовна приказна ќе ве потсети колку се кревки врски ако не се трудите доволно.

3 хороскопски знаци за кои никогаш не би рекле дека се толку романтични, а тие уживаат во тоа

Ристе Здравков — Thu, 06 Aug 2020 19:38:28 +0000

Кои хороскопски знаци се најголемите експерти кога станува збор за романтика? На пример, Вага или Бик. Во нив доминира Венера, планета која честопати се поврзува со љубов и романтика, па затоа не им е тешко да изразат љубов овие знаци. Овен Овенот пристапува кон љубовта како и сè друго во животот: со испади на страст и апсолутна посветеност. Партнерите со знак Овен не се секогаш добри во сеќавање на годишнини, но тие се тип на луѓе кои ќе ве изненадат организирајќи викенд патување, толку едноставно и без причина. Овенот живее во моментот и постојано брза. Тоа значи дека тој не е еден од оние што прават планови. Кога сметаат дека е време за романтика, тие ќе продолжат со своите слатки гестови. Девица Ова веројатно не е знак што ви доаѓа на ум кога размислувате за романтика. Овој земјен знак е најпознат по својата практичност, анализа и критички став. Помалку е познато дека носителите на овој знак сакаат да се грижат и да ги охрабрат своите најблиски. Ако вашиот партнер е Девица, веројатно знаете дека тој не е тип што купува цвеќиња и пишува љубовни песни, но тој никогаш не заборава на родендени и ви обрнува внимание на вас секој ден. Секој мал празник, како роденден или годишнина, е повод за него да го слави. Јарец Ако се чувствувате безвредно поради претходниот партнер, бидејќи ги заборави родендените и другите важни детали, веднаш пронајдете претставник на овој знак. Јарецот можеби не сака да зборува за чувствителни теми, но тој никогаш нема да заборави да ви даде многу љубов тој ден. Тој е организиран, дисциплиниран, лојален и таен романтичар. Можеби тој не прави спонтани романтични гестови секој ден, но кога ќе нацрта одреден план во главата, тој ќе го спроведе совршено, прецизно и со целосна посветеност.

(Видео) Планирано беше да биде романтично, а потоа се појави неканет гостин

Ристе Здравков — Wed, 01 Jul 2020 13:14:02 +0000

Запросувањето е важен момент во животот на секој маж и жена. Во повеќето ситуации, постапката е иста – момчето клекнува, предалага брак на девојката и таа е воодушевена. Освен ако немате случаен минувач кој го менува текот на ситуацијата, како што беше случајот во ова запросување. Оваа девојка имаше непоканет гостин во важен момент. Брендан од Вермонт, САД, ја запроси Кајли и таа полуде од среќа. Сепак, нејзиниот љубопитен внук Тристан, имал други намери – да ѕирка во кутијата. Така, наместо видеово да биде романтично, стана смешно.