Ромен Грожан – Kurir.mk

Мерцедес е подготвен да организира приватни тестови за Грожан

Ивона Петрова — Sun, 06 Dec 2020 08:15:21 +0000

Извршниот директор на Мерцедес, Тото Волф, рече дека тимот може да му обезбеди болид на возачот на Хас, Ромен Грожан, за неговите проштални тестови во Формула 1, доколку Французинот нема време да закрепне за Гран прито во Абу Даби. Грожан ќе го нема утре на Гран при на Сахир во Бахреин по тешката несреќа минатата недела. Трката во Абу Даби ќе биде последна за него во Ф1, но пилотот не е сигурен дали ќе може да учествува на истата. – Ако се тркам во Абу Даби, тоа ќе биде убава приказна. Ако не, ќе ги повикам сите тимови во Формула 1, можеби некој ќе ми понуди приватни тестови во јануари или нешто слично за да можам да возам 10-15 круга за себе, истакна Грожан. Волф рече дека Мерцедес е подготвен да му обезбеди болид на Ромен: „Ако ни е дозволено, и ако тимовите за кои тој настапуваше не му ја дадат таа можност, тогаш ние ќе го направиме тоа“. Пред Хас, Грожан возеше за Рено и Лотус.

ФИА ќе ја истражува страшната несреќа на Грожан

Магдалена Андонова — Thu, 03 Dec 2020 18:49:42 +0000

Меѓународната федерација за автомобилизам (ФИА) ќе поведе истрага за несреќата на возачот во Формула 1 Ромен Грожан, кој на чудесен начин мина само со полесни повреди, откако неговиот болид удри во заштитната ограда по што се преполови и запали на трката за Големата награда на Бахреин. ФИА соопшти денеска дека ќе спроведе детална анализа на несреќата на возачот на Формула 1 тимот на Хас, укажувајќи оти ќе бидат потребно од шест до осум недели за конечни резултати од истрагата. Директорот на ФИА за безбедност Адам Бејкер рече дека податоците кои во моментов се достапни „овозможуваат прецизно да бидат утврдени сите елементи на тоа што се случи“. Французинот Грожан во страшната несреќа која се случи минатиот викенд мина само со опекотини на дланките, иако удри во заштитната ограда со брзина од 220 км/ч. (МИА)

Судирот на Грожан се случил со брзина од 221 км/ч

Тале Кристо — Mon, 30 Nov 2020 07:25:55 +0000

Формула 1 тимот Хас сподели информации за здравствената состојба на Ромен Грожан, кој вчера имаше сериозна несреќа на почетокот на трката за Големата награда на Бахреин. Шефот на тимот Гинтер Штајнер, кажа дека испитувањето потврди дека Грожан се спасил од фрактурата. Лекарите се занимаваат со закрепнување на Французин од изгореници на неговите раце. Исто така се известува дека судирот се случил со брзина од 221 км/ч. Грожан од болница порача дека се чувствува добро и се заблагодари на поддршката која ја добива од сите страни на светот.

Страшна несреќа на почетокот на трката: Чудо е како Грожан остана жив! (ВИДЕО)

Ивана Ефремовски — Sun, 29 Nov 2020 14:50:52 +0000

Возачот на Формула 1 тимот Хас, Ромен Грожан, остана жив по денешниот голем инцидент на трката за Големата награда на Бахреин. Несреќата се случи веднаш по стартот кога болидот на Грожан по само неколку стотина извозени метри имаше контакт со некој од конкурентите по што изгуби контрола излета од патеката и удри во заштитната ограда. По ударот се случи голема експлозија, болидот на Хас буквално се преполови, а за голема среќа, Грожан успеа жив да излезе и да ја прескокне оградата со помош на неколку од редарите. Сите болиди беа насочени во боксот, а Грожан со медицинско возило е однесен во болница на понатамошни испитувања. Според последните информации, трката која почна во 15:10 часот е прекината најмалку 45 минути. (МИА)