ромео тренов – Kurir.mk

ВМРО-ДПМНЕ: Министерот за земјоделство да дојде во Струмица и да го реши проблемот со пролетната зелка

Дарко Андоновски — Fri, 20 Apr 2018 09:21:28 +0000

Го повикуваме министерот за земјоделство да се смилува на маката на земјоделците и да одговори на нивните повици, да најде време да дојде во Струмичкиот регион и да се обиде да го реши проблемот со пласманот на пролетната зелка, рече Ромео Тренов, член на Комисијата за земјоделство на ВМРО-ДПМНЕ на денешната прес-конференција во Струмица. Според Тренов, ВМРО ДПМНЕ во изминатиов период неколку пати предупредувале дека ќе дојде до драстично намалување на откупната цена на пролетната зелка што се покажало како точно. - Наместо од 20 до 25 денари цената на пролетната зелка во овој момент изнесува само осум денари. Што е уште полошо имаме информации од земјоделците дека на некои откупни пунктови зелката се зема без цена, што остава простор да биде исплатена за уште пониска цена од овие мизерни осум денари, потенцира Тренов. Додава дека ветувањата на власта за формирање интервентен фонд, кој ќе изнесува шест милиони евра, останл само мртва буква на хартија и ништо повеќе. Според него, и ветувањата дека ќе се отворат нови пазари за македонските земјоделски производи не се остварени, а актелната влада, како што рече тој, успеала да ги затвори и тие што ги отворила владата предводена од ВМРО-ДПМНЕ.

Тренов: Цената на зелката е драстично ниска, а во одредени региони откупот е целосно запрен

Ивона Петрова — Thu, 12 Apr 2018 11:55:52 +0000

Поминаа 7 дена од нашата реакција, за проблемите кои се јавуваат во врска со откупот со пролетната зелка во струмичкиот регион, истакна Ромео Тренов од ВМРО-ДПМНЕ на денешната прес-конференција. -Освен посетата на одредени претставници на министерството и владата кои во свои портали фалејќи се дека Господ ги црпнал од Скопје и ги пратил во струмичко да го решат проблемот, и како истите експресно го решиле проблемот со откупувачите и производителите, и договориле цената да се движи од 20-25 денари по килограм, на лице место се констатира друга состојба, нагласи Тренов. Тој истакна дека состојбата е следна: Забележано е драстично намалување на количините на откупената зелка, иако откупувачите до вчера декларативно ја држеа цената од 20 денари. Откупните пунктови ги држат повеќе затворени отколку отворени. При тоа во периодот по велигденските празници забележано е драстично намалување на количините на откуп, а во одредени региони откупот е целосно запрен. -Истите откупувачи имаат добиено целосни инструкции да не откупуваат зелка од лицата кои протестираа минатата недела заради ниските цени, така да се случува дискриминација на лице место, и производителите се делат на подобни и неподобни согласно правилата на неспособната влада. Има обиди одредени откупувачи да ја исплаќаат зелката со репроматеријали наместо со пари, со тоа откупувачите сакаат да постигнат одредена корекција на цените. И покрај ветувањата на неспособната влада дека цената ќе се движи од 20-25 денари во моментот на ова обраќање цените на откупот изнесуваат 15 денари по килограм, со тенденција на понатамошен драстичен пад. Во одредени региони на полињата има и до 70% од засеаната зелка, па производителите се соочени истите количини да презреат и да им пропаднат, заради слабиот откуп последниве денови. ВМРО-ДПМНЕ целосно ја следи состојбата согласно сопствените политики и заложби кои со години наназад ги практикува, иако до пред некоја година актуелниве властодршци со индигнација не нарекуваа земјоделска, селска влада. Ја користиме оваа прилика да се обратиме до јавноста со овие конкретни согледувања кои укажуваат дека состојбите со откупот се далеку од нормални, нагласува Тренов. Тој посочува дека ја повикувата владејачката СДСМ и министерот за земјоделство кој во континуитет испраќа црпнати експерти кои како манекени со брендирана гардероба се шетаат по разно разни состаноци при тоа давајќи небулозни изјави, самиот да излезе на лице место меѓу земјоделците за да доколку може реално ја согледа состојбата која воопшто не е розова и во наредните денови може да се радикализира. И да преземе конкретни мерки. -ВМРО-ДПМНЕ уште еднаш апелира да се применат законските мерки за случаи кога има вишок на производи и преку интервентни мерки министерството да го регулира пазарот. Господо од СДСМ оваа е неопходно доколку сакате да се спаси овогодишниот род и сите инволвирани страни да бидат задоволни, додаде Тренов.

Тренов: Земјоделците осиромашуваат, а СДСМ не знае да се справи со ниските откупни цени на нивните производи

Катерина Бојаџиева — Wed, 04 Apr 2018 11:32:32 +0000

СДСМ никогаш не водел сметка за земјоделците и не води политики со кои ќе ги реши нивните проблеми. Земјоделците осиромашуваат, а СДСМ не знае да се справи со ниските откупни цени на земјоделските производи. Тоа го потврдува фактот дека од нивното доаѓање на власт бевме сведоци на незадоволство од ниските цени на голем број од земјоделските производи праски, бостан, јачмен, ориз, јагне и итн, истакна Ромео Тренов на денешната прес-конференција на ВМРО-ДПМНЕ. -Состојбата кулминираше вчера кога со биењето на камбаните во с. Муртино – Струмичко, земјоделците очајно повикуваа на помош, за справување со драстичниот пад на цената и намалувањето откупот на пролетната зелка. Ја повикуваме Владата да престане да се расфрла со пари за срамни збирки, скапи советници кои ништо не работат и да им помогне и да го реши овој проблем, рече Тренов и додаде: „Зоран Заев во предизборието вети мерки со кои ќе го регулира откупот на земјоделските производи. Еве што ги лажеа земјоделците додека им требаа нивните гласови:

Задолжително договарање на цената на земјоделските производи, преку договарање на откупот и цената помеѓу земјоделците и откупувачите, најрано 30 дена пред откупот. Притоа уште и наведуваа дека ќе бидат гарант за откупувачите!

Сведоци сме дека во моментот иако сезоната за откуп на зелката е во полн ек ниту е договорена цената ниту има откуп!

СДСМ вети дека ќе формира ИНТЕРВЕНТЕН ФОНД токму за овие намени, поточно помош во кризни состојби при пласман на земјоделските производи, квантифициран на 6 милиони евра.

Во моментот ниту е формиран фондот ниту ги има средствата, што самото по себе укажува на уште едно лажно ветување!

Ветуваа поддршка за изнаоѓање на нови и алтернативни пазари, но не само што не изнајдоа нови, туку ги затворија и пазарите кои со макотрпна работа ги изнаоѓаше и ги развиваше владата на ВМРО-ДПМНЕ.

Оваа состојба уште еднаш ја докажува неспособноста на Владата предводена од СДСМ да се справува со проблемите на земјоделците“. ВМРО-ДПМНЕ ја повика Владата под итно да ги преземе следниве конкретни мерки кои им се на располагање:

Согласно Законот за земјоделство и рурален развој, да ги примени мерките за стабилизација на пазарите, кои се пропишани за вакви кризни состојби со што ќе дојде до стабилизирање на цената на зелката.
Државниот инспекторат за земјоделство како надлежна институција за контрола при откуп на земјоделските производи, да ги активира контролите на терен, за да елиминира било каква манипулација со производителите на зелка.