Мицкоски со дел од потесното раководнство на партијата на традиционалниот ромски бал

Тале Кристо — Fri, 13 Jan 2023 21:31:48 +0000

Лидерот на ВМРО-ДПМНЕ, Христијан Мицкоски заедно со дел од потесното раководство на партијата вечерва е гостин на традиционалниот ромски бал. -Во организација на политичката партија РОМ и на покана на мојот драг пријател Ерџан, претседател на политичката партија РОМ, денес со потпретседателите Тимчо Муцунски и Гордана Димитриеска-Кочоска, меѓународниот секретар Стефан Андоновски и членот на ИК Андоновска Марија сме дел од традиционалниот ромски бал, објави на социјалната мрежа на Фејсбук Мицкоски.

Граѓани на Шуто Оризари со реакции по најавата за Ромскиот Бал: Дудуш си организира балови со народни пари, а општината нема елементарни услови за живот

Катерина Бојаџиева — Thu, 13 Dec 2018 11:04:04 +0000

По најавата за Ромскиот Бал во организација на општина Шуто Оризари, граѓани на оваа општина со бурни реакции. Велат, додека градоначалникот Курто Дудуш си организира балови со народни пари, општината се уште нема пристојна инфраструктура, улици, патишта, економски развој и слично. -Сакаме да го искажеме нашето незадоволство од актуелниот градоначалник Курто Дудуш- Куцо. За време на изборите доаѓаше тука секој ден и ветуваше дека ќе ни изгради улица, ќе имаме асфалт, нема да газиме по кал, ќе имаме канализација. Не знаеме дали има друг градоначалник на кој приоритет му е организирање на балови кога неговите сограѓани живеат во мрак, кал, студ и немаат елементарни услови за пристоен живот, велат револтирани граѓани на општина Шуто Оризари во реакцијата кои ја испратија до КУРИР. Инаку, на официјалната интернет страница на општина Шуто Оризари стои известување дека на 12 јануари 2019 година со почеток од 19:оо часот, во ВИП Арена на СЦ „Борис Трајковски”, ќе организира традиционалната манифестација „Ромски Бал”. -Ромскиот Бал е манифестација за одбележување на Ромскиот Василичарски Празник преку дружење, ромска музика, песни и ора. Оваа година, општина Ш. Оризари „Ромскиот Бал” го посветува на младите бидејќи во нив лежи потенцијалот за развој и просперитет на оваа општина, се вели во најавата. Жители на општината Шуто Оризари го повикуваат градоначалникот, наместо балот, тие и нивните проблеми да му бидат приоритет.

ромски бал – Kurir.mk

Мицкоски со дел од потесното раководнство на партијата на традиционалниот ромски бал

Граѓани на Шуто Оризари со реакции по најавата за Ромскиот Бал: Дудуш си организира балови со народни пари, а општината нема елементарни услови за живот