Рон Џереми – Kurir.mk

Рон Џереми префрлен во душевна болница

Катерина Бојаџиева — Wed, 08 Feb 2023 08:30:44 +0000

Порно ѕвездата 69-годишниот Рон Џереми е префрлен во државна душевна болница откако беше прогласен за неспосопбен да му се суди за силување и други обвиненија, изјави во вторникот портпаролот на окружниот обвинител на Лос Анџелес. Џереми е обвинет за повеќе од 30 точки за сексуален напад, вклучувајќи 12 точки за силување, во областа на Лос Анџелес во период од 23 години. Сепак, Џереми, кој се изјасни за невин, беше прогласен за ментално неспособен да му се суди и беше предаден во државна душевна болница. Може да биде задржан во болница до две години, изјави Грег Рислинг, портпарол на канцеларијата на окружниот обвинител. Сослушувањето за напредокот во третманот кај Џереми е закажано за 8-ми мај. Џереми е меѓу најголемите имиња во индустријата за филмови за возрасни, настапувајќи во над 2.000 филмови.

Рон Џереми, обвинет за 34 сексуални напади е прогласен за ментално неспособен

Катерина Бојаџиева — Wed, 18 Jan 2023 12:49:47 +0000

Порноѕвездата Рон Џереми е прогласен за ментално неспособен на судско рочиште, во процесот по вкупно 34 обвинененија за силување и сексуални злосторства извршени врз 21 жена во период од повеќе од 20 години. Рон Џереми (69) е во затвор од неговото апсење во јуни 2020 година, а според обвинителството, напаѓал жени на возраст од 15 до 51 година, од 1996 до 2019 година. Порноглумецот се изјасни невин во август 2021 година, за повеќе од 30 точки од обвиненијата за сексуален напад, вклучително и 12 точки за силување, во Округот Лос Анџелес. Се соочува со повеќе од 300 години казна затвор. Судијата на Врховниот суд во Лос Анџелес на сослушувањето објави дека утврдил, врз основа на извештаите на обвинителите и одбраната, дека гллумецот боледува од „неизлечиво неврокогнитивно нарушување“. Адвокатот што го застапува Џереми во март 2022 година образложи дека неговиот клиент не можел да го препознае својот застапник при посета во неговата ќелија пред судско рочиште. Сослушувањето за одлуката дали порноглумецот ќе биде сместен во државна болница, ќе се одржи на 7 февруари, соопшти канцеларијата на окружниот обвинител. Рон Џереми е еден од најпознатите порноглумци во историјата и се појавил во повеќе од 1.700 филмови од 1979 година, кога ја почнал својата кариера.

„Легендата“ на по*ноиндустријата се соочи со 20 нови обвиненија, правел ужасни работи!

Ивана Ефремовски — Tue, 01 Sep 2020 08:30:36 +0000

Човекот сметан за „легенда“ на американската порноиндустрија, Рон Џереми се соочува со дополнителни 20 нови обвиненија за сексуален напад, покрај осумте претходни тужби од коишто за шест тој во јуни се изјасни невин. Овојпат се работи за 13 жени и случаи кои вклучуваат и силување, присилен орален секс, содомизирање, содомизирање врз личност без свест и злоупотреба на 15-годишно девојче. Случаите датираат наназад до 2004 година, а последниот се случил на 1 јануари 2020 година. Жртвите биле на возраст од 15 до 54 години. Рон Џереми (67), се соочува со доживотен затвор. Се очекува повторно негово појавување пред судот во Лос Анџелес в понеделник.

Познат п*рно актер заврши на суд, му се заканува затвор од 90 години

Магдалена Андонова — Wed, 24 Jun 2020 08:31:38 +0000

Обвинение против глумецот и директорот на порно филмовите е покренето од страна на јавниот обвинител во Лос Анџелес. Како што стои во соопштението, Џереми е обвинет за три случаеви за насилно силување и насилно пенетрирање со стран предмет во еден случај за присилен орален секс и сексуално насилство, пренесува Си-Ен-Ен. Џереми има глумено во повеќе од 2500 филмови за возрасни во неговите 40 години кариера, цитира Торонто Сун. Неговиот менаџер, Данте Рушиолели изјавил во телефонскиот разговор за Си-Ен-Ен дека Џереми нема да му биде веќе клиент. Магазинот "Варајити" објави дека тој е обвинет за три инциденти кои се случиле во 2017 и 2019 година. Обвинителството навело дека Џереми е обвинет бидејќи во два наврати нападнал 33-годишна и 46-годишна жена, а обвинет е и за силување на 30-годишна жена во јули 2019 година. Сите инциденти се случиле во ист бар во западен Холивуд. Порно ѕвездата е обвинета и за силување на 25-годишни жени во 2014 година, се наведува во соопштението. 67-годишниот, чие правилно име е Роналд Џереми Хајат, прв пат ќе се појави на суд во вторник. Жртвите не се именувани. Ако биде осуден, Џереми би можел да добие казна од 90 години зад решетки.