Роналд Араухо – Kurir.mk

По дербито со Реал Мадрид се повреди Роналд Араухо

Бошко Тасиќ — Tue, 21 Mar 2023 05:42:17 +0000

Фудбалерите на Барселона го добија „Ел Класико“ во Примера против Реал Мадрид со 2-1 и направија сериозен исчекор кон титулата. Големата победа против лутиот ривал по која Барса ја стави едната рака на трофејот си зеде данок. Повреда заработи дефанзивецот Роналд Араухо, кој е еден од најдобрите играчи на каталонскиот клуб. Се работи за повреда на мускулите, па засега не е познато колку тој ќе отсуствува. Позитивна вест за Барселона е тоа што сега има репрезентативна пауза, па тоа ќе биде шанса за Араухо да заздраве и да се врати во ритам. Дефанзивецот нема да отпатува да одговори на повикот да игра за Уругвај, па сите се надеваат дека ќе успее да се врати за време на паузата.

Барселона ќе му го продолжи договорот со Араухо до 2026 година

Дарко Андоновски — Tue, 26 Apr 2022 12:29:16 +0000

Барселона се договори со Роналд Араухо за нов договор. Важноста на новиот договор се пресметува до 30 јуни 2026 година. Договорот предвидува клаузула за предвремен раскин во износ од една милијарда евра – како кај Ансу Фати и Педри. Официјалното потпишување на новиот договор ќе се одржи во петок на 29 април на стадионот „Камп Ноу“. Претходниот договор на Уругваецот со клубот беше со важност до летото 2023 година. Дваесет и тригодишниот централен бек оваа сезона забележа 39 настапи за каталонскиот клуб во сите натпреварувања и постигна четири гола.

Чави до Лапорта: Тие двајца не смеат да си заминат од Барселона

Бошко Тасиќ — Sun, 03 Apr 2022 06:34:24 +0000

По големата „Ел Класико“ победа, следеш двенеделна пауза од клупскиот фудбал поради обврските кои ги имаа играчите со своите репрезентации, па така сега Барселона ја чека ново дерби, но во сосема поинакво расположение. Атмосферата во тимот е значително подобра и победата од 0:4 против Реал Мадрид беше само потврда за напредокот на Барса под водство на Чави Ернандес, кој пред натпреварот со Севилја испрати директна порака до Жоан Лапорта околу двајца фудбалери кои се интересни за останатите клубови, а кои се уште водат преговори со Барселона за нови договори. Роналд Араухо и Гави се клучни во ротацијата на Чави, но и на двајцата договорите им завршуваат во 2023-та година, што значи дека најдобро ќе биде да бидат осигурани од клубот пред почетокот на летниот преоден рок. – Роналд и Гави се многу важни за мене. Веќе јасно ставив до знаење колку се тие важни за мене со оглед на минутажата и улогата која ја имаат.Клубот не смее да си дозволи нивно заминување, не смеат да си одат Араухо и Гави. Тие се клучни за проектот и верувам дека е само прашање на време кога ќе се постигне договор, – изјави Чави.

Барса значително ослабена за неделното „Ел Класико“

Ристе Здравков — Thu, 21 Oct 2021 06:28:59 +0000

Барселона ќе биде значително ослабена за првото сезонско „Ел Класико“ овој викенд, кога ќе пречека Реал Мадрид на домашен терен. Каталонците немаат добар старт на новата сезона. Сега ќе мора да играат без Педри и Роналд Араухо на мечот против „кралевите“ на Карло Анчелоти. Младиот талентиран офанзивец е повреден и не работи со соиграчите одреден период. Така е случајот и оваа недела, па од Барса најавуваат дека нема да се случи чудо до крајот на викендот. Централниот дефанзивец, пак, би требало да се врати во тимот наредната недела. Тоа значи дека и одбраната на Роналд Куман нема да биде комплетна за големото дерби. Дуелот меѓу Барселона и Реал Мадрид се игра в недела со почеток од 16:15 часот.