Роналд Куман – Kurir.mk

Куман ќе биде новиот селектор на Холандија

Бошко Тасиќ — Sun, 11 Dec 2022 06:33:49 +0000

Луи Ван Гал се повлекува од селекторската функција на Холандија, од таму следува информацијата дека негов наследник ќе биде Роналд Куман. Искусниот стратег го наследува нешто помладиот колега кого ќе му биде доверена улогата да селектор кој ќе има има задачата да го води проектот ЕУРО 2024 година за репрезентацијата на Холандија.

Куман по СП се враќа на клупата на Холандија

Тале Кристо — Wed, 06 Apr 2022 20:37:47 +0000

Фудбалската федерација на Холандија објави денеска дека селекторската должност по завршувањето на Светското првенство, од 21 ноември до 18 декември во Катар, повторно ќе ја преземе Роналд Куман. Куман, кој ја предводеше Холандија од февруари 2018 до август 2020 година, на селекторската клупа ќе седне на местото на Луј ван Гал, кој претходно оваа недела објави дека ќе се повлече по Мундијалот и ќе се посвети на лекување на ракот на простата од кој боледува. Како селектор, Куман со Холандија обезбеди пласман на ЕУРО2020 и финале во Лигата на нации, но во август 2020 година доби „повик од соништата“ и ја прифати тренерската должност во Барселона, клубот во кој ги мина своите најдобри фудбалски денови. Меѓутоа, епизодата во Каталонија траеше кратко за холандскиот стратег, кој поради лоши резултати доби отказ во октомври лани.

Куман може да го замени Ван Гал како селектор на Холандија

Ивона Петрова — Mon, 21 Mar 2022 08:34:58 +0000

Роналд Куман е во преговори со Фудбалската асоцијација на Холандија за враќање во националниот тим, соопштува „НОС“. Педесет и деветгодишниот тренер веќе ја водеше репрезентацијата од 2018 до 2020 година, по што ја презема Барселона. Од каталонскиот тим Куман беше отпуштен во октомври 2021 година. Договорот на актуелниот селектор на холандската репрезентација Луј ван Гал е до крајот на оваа година, а најверојатно Куман ќе ја води репрезентацијата по Светското првенство во 2022 година, кое од 21 ноември до 18 декември ќе се одржи во Катар. Под водство на Куман, холандската репрезентација се пласираше во финалето на Лигата на нации во летото 2019 година. Во финалниот натпревар „лалињата“ загубија од Португалија со 1:0.

Куман: Лапорта се залагаше да ја напуштам Барселона

Ивона Петрова — Thu, 03 Mar 2022 11:21:46 +0000

Поранешниот тренер на Барселона, Роналд Куман изјави дека претседателот на клубот Жоан Лапорта инсистирал на негово заминување. – Бев тренер кој Лапорта не го сакаше, тоа го разбрав од самиот почеток. Немаше поддршка одозгора. Парите не ми беа главниот фактор. Навистина сакав да успеам како менаџер во Барселона, да дадам сé од себе. Но, подоцна сфатив дека Лапорта сака да се ослободи од мене, бидејќи не бев назначен од него, го цитира Куман „Мундо Депортиво“. Куман е на чело на Барселона од август 2020 година. Во сезоната 2020/21, каталонскиот клуб под негово водство го освои Купот на Шпанија, заземајќи го третото место во шпанското првенство. Холанѓанецот ја напушти функцијата на 28 октомври 2021 година.

Додека бил тренер на Барселона, Куман ги лажел и ги понижувал фудбалерите

Ристе Здравков — Sat, 18 Dec 2021 13:07:43 +0000

Поранешниот фудбалер на Барселона, Жуниор Фирпо кој изминатото лето си замина од „Камп Ноу“, тврди дека екс тренерот Роналд Куман ги лажел и ги понижувал фудбалерите. Фирпо од 2019 до 2021 година настапуваше за Барселона, а сега е играч на Лидс. – Дури ја загубив желбата за фудбал додека Куман ми беше тренер. Имаше работи кои Куман не ги разбираше и често не понижуваше мене и останатите соиграчи. Тој не доаѓаше на тренинзите на резервистите на еден ден пред натпреварите. Како да се докажам на тренерот, кој дури не доаѓаше да ме гледа – изјави Фирпо, кој потоа раскажа и за еден разговор со Холанѓанецот. – Го прашав за мојот статус во екипата, а тој почна да ме лаже. Зборуваше некои работи кои немаа никаква смисла. Ми рече дека тренирам лошо, дека не влијаам позитивно на соиграчите. Како може играч кој штотуку стигнал во екипата, може лоши да влијае на тимот кој освои се? Прашајте ги и останатите фудбалеи дали ова е вистина – додава Фирпо. Роналд Куман во текот на сезонава доби отказ поради слабите резултати и беше заменет со легендарниот капитен на Барселона, Чави Ернандез кого го очекува тешка задача, да ги исправи грешките кои ги направи Холанѓанецот.

Барселона ќе мора да му плати на Куман околу 20 милиони евра

Ивана Ефремовски — Wed, 10 Nov 2021 08:37:45 +0000

Барселона ги продолжува преговорите со поранешниот тренер на тимот Роналд Куман. Според „Sport.es“, каталонскиот клуб ќе треба да му плати на холандскиот стручњак околу 20 милиони евра. Ова се речиси сите пари што требаше да се искористат за купување играчи во јануари. Куман беше тренер на Барселона од 19 август 2020 до 27 октомври 2021 година. Под негово водство, каталонскиот клуб го освои Купот на Шпанија во сезоната 2020/21. (МИА)

Куман не прифаќа помала отпремнина по отказот од Барселона

Ивона Петрова — Tue, 02 Nov 2021 10:45:48 +0000

Холанѓанецот Роналд Куман, кој доби отказ на клупата на Барселона поради слаби резултати, одбива да прифати намалување на отпремнината што му се нуди, јавија денеска шпанските медиуми. Куман ја презеде Барса во август 2020 година, напуштајќи го кормилото на холандската репрезентација пред истекот на договорот, а каталонскиот клуб за тоа плати пет милиони евра отштета. Со Барселона потпиша двегодишен договор, но по 14 месеци беше отпуштен минатата недела. Во договорот со Барселона во случај на предвремен раскин на соработката е предвидена отпремнина од 12 милиони евра. Барселона сега му нуди на Куман седум милиони евра, што за холандскиот тренер е неприфатливо.

Куман отказот го добил во авион

Ристе Здравков — Fri, 29 Oct 2021 07:37:08 +0000

Како изминуваат деновите, така во јавноста излегуваат се повеќе детали околу начинот на кој се разделија Барселона и сега веќе екс нејзиниот тренер Роналд Куман. Холанѓанецот го загуби работното место по дербито Ел КЛасико на кое Барса загуби со 1:2., а сега новинарот Луис Канут инаку одличен пријател со Куман изнезе детали во една емисија синоќа околу тоа како и точно се случил отказот. „Многу нефер и многу некоректно спрема таков човек. На Куман од страна на Лапорта му беше кажано за отказот во авион. Само се свртел и му рекол нема да ја продолжиме соработката. Тоа Куман секако дека го гледа како непочитување, затоа што реално и никогаш не се почувствува како тренер под раководството на Лапорта. Сега, Барселона ќе се обиде да ја намали отштетата која му следува на Куман, а е 12 милиони евра, но не верувам дека по сето ова Куман ќе се согласи. Тој пак беше првиот кој беше заговорник да се скратат платите во Барселона“ – изјави Канут.

Куман е вториот најлош тренер на Барселона во последните 20 години

Ристе Здравков — Thu, 28 Oct 2021 08:44:17 +0000

Роналд Куман ако минатата сезона со Лионел Меси во составот го предводеше тимот од трофеј во Купот на Шпанија и трето место во Ла Лига, оваа сезона тимот беше очаен. Јасно беше дека без Меси во составот работите ќе бидат многу тешки, но никој не очекуваше Каталонците всушност да бидат волку очајни како сега. На гостински терен немаат победа, а последниот пораз од Рајо Валјекано беше кобен за Куман. Според статистиката, Холанѓанецот е вториот најлош тренер на Барселона во последните 20 години. Тој има победено само на 58,3 отсто од натпреварите во Ла Лига, односно 28 победи на 48 натпревар. Полош ефект од него има само Радомир Антиќ од 50 отсто, кој ја водеше Барса до 9 победи од 18 натпревари во Ла Лига во 2003 година.

Поранешен лев бек на Барселона ќе го замени Куман, договорен и официјалниот наследник

Ристе Здравков — Thu, 28 Oct 2021 07:30:21 +0000

Роналд Куман веќе е поранешен тренер на Барселона, а раководството на клубот има јасна визија за тоа кој треба да го наследи и биде долгорочно решение. „Мундо Депортиво“ тврди дека Барса веќе одлучила за привремениот и иден тренер на клубот, а тоа се имиња кои имаат долга историја во каталонскиот великан. Привремена замена за Куман ќе биде поранешниот лев бек, Серхи Бархуан, кој како тренер на Б тимот е на располагање на клубот и најдобр решение за да ја води екипата веќе од денеска. Серхи ќе го замени вториот со првиот тим се додека Барселона не го добие потписот на Чави Ернандес, легендата на овој клуб, кој има целосен договор со своите идни претпоставени, но ќе му треба време за преговорите околу раскинувањето на договорот со катарски Ал Сад. Изминатиов период се споменуваа и други имиња како Роберто Мартинез и Марсело Галјардо, но се чини дека Барселона овој пат ќе инсистира на долгорочно решение во кое има најмногу доверба и кое има голема поддршка од фановите.